Samuwri801

14/08/2020

FAITH AND GOOD WORKS DISCUSSION – CESAR AND RICKY PART 2

Usa ka adlaw, ga-meeting ang tanang bahin sa lawas – si mata, ilong, dunggan, kamot, ug uban pa. Ga-bagotbot sila, suko sila tanan ni lubot kay ila nakita nga walay nahimo, mao pa gyuy hugaw ug baho sa tanan. Si lubot intawon pagkahibawo sa mga estorya, pwerteng guola, nang-luod, wala na mo-cooperate sa lawas.

Wala na kalibang ang lawas sulod sa lima ka-adlaw, nangaluya na sila tanan kay na-poison sa hugaw sa lawas. Ug dinhi nila na-realized ang ka importante diay sa role ni lubot. Ila gihangyo si lubot, “bot, sorry kaayo! karon lang mi kahibalo nga importante man diay ka namong tanan. Balik na tawn sa imo trabaho bot kay tigbak mi tanan kung wala ka.”

Acknowledgement to Ricky
Nindot ang mga punto ni Ricky – very eye opening nato tanan!
Naa lang koy duha ka comparison i-pakita dire:
Si person1 ug person2.

Si person 1: Sige lag samba, dayeg sa Ginoo isa ang kamot, ampo, basa Bibliya, discuss bahin’s Ginoo. Ang nawong naa ras simbahan. Pero walay nahimo pagtabang sa ubang tawo. Igo ra mulingiw maka-kita sa mga nanginahanglan.

Si person 2: Mo-simba panagsa, mo-ampo panagsa, pero matinabangon kaayo sa isig-kaingon.

Kinsa may mas maayong tawo nilang duha?
Ang ato assumption, mas maayo si person 2 kay ni person 1.
Nganong makahimo man ta ana nga assumption? Ang tubag, tungod kay nakita nato si person 2 nga mas matinabangon sa uban, kumpara ni person 1. Maka-conclude pa gani tingali ta nga mas maluwas pa si person 2 kay ni person 1; kini kung ibase nato sa pulong ni Kristo – whatever you do to the least of your brethren, you do it unto me.”(Matthew 25:40)

Ato lang i-tago ang ngalan ni person1 as Cesar. Hehe, joke!

Duha lang ka butang gusto nako ma-realize ani nga sitwasyon kay kita tanan possible mahimutang ta ani nga sitwasyon.

First, wala ta kakita sa kinatibuk-ang kahimtang ni person 1. Sa mata sa kalibutan, wa siyay nahimo, pero sa mata sa Dios, daghang butang nakita nga wala nato nakita. Dili ta ka-judge nga walay nabuhat si person 1.

Ari ta ni person 2. Dalaygon kaayo iya nabuhat sa pagtabang sa mga nanginahanglan. Pero kinahanglan gyud gihapon niya ang espirituhanon nga connection sa Dios. Kay delikado ma-sulod siyas lit-ag sa “kaaway” (Satan in Hebrew). Satan was the first philantrohist. Iya gani gi-offeran ug apple si Adan ug Eba for free. Hehe. Bitaw sa tinuod we can be a tool of evil if we rely on our own.

Kung maghisgut ta ug buhat sa kalooy o gugma sa isig-kaingon mas maayo nga ato kini tan-awon sa lapad nga panlantaw (makro-view).
Ang simbahan nagtudlo nga adunay duha ka kategoriya nga ato mapadayag ang atong paghigugma sa isig-kaingon.Kini gitawag ug Temporal and Spiritual works of mercy. Catechism of the Catholic Church:https://fwdioc.org/works-of-mercy.pdf

Ang Temporal works of mercy mao ang pagtabang sa physical nga panginahanglanon sa uban sama sa pagpakaon sa mga gigutom, pag-atiman sa mga masakiton, pagdu-aw sa mga binilanggo, paghatag dignidad sa namatay diha sa paglubong ug uban pa. While ang Spiritual works of mercy mao ang pagtudlo kabahin sa mga espirituhanong butang (apil na ning atong discussion dire), pagpamata sa mga makasasala, pag-pasabot sa mga nagduda, pag-ampo para sa ubang tawo ug sa mga kalag sa purgatory, pag-antus sa atong mga kalisdanan, ug uban pa.

Dinhi nato makita nga lain-lain tag role sa mystical Body of Christ nga mao ang Simbahan. Dinhi pod nato malikayan ang panghuna-huna nga mag-saway unsay gamit sa pag-simba, pag-ampo, ug pagbuhat ug sakripisyo sama sa pagpuasa o ubang sakripisyo. Si San Pablo nag-pahayag mahitungod sa lawas ni Kristo, nga dili pwede nga tanan pulos ulo, o baba, o kamot. Tanang kabahin sa lawas ni Kristo pulos importante. Mao nga sa ato estorya sa sinugdan, dili makapanghambug si kamot nga mas importante siya kay ni lubot, or walay maka-pasangil ni bisan kinsa nga way gamit si lubot kay tanan importante sa lawas ni Kristo.

Niingon pa gani si San Pablo, “As a matter of fact, in practice it works the other way—the “lower” the part, the more basic, and therefore necessary. You can live without an eye, for instance, but not without a stomach.” (1 Corinthians 12:22). Naa diay mga butang nga way bili sa mata sa kalibutan pero indispensable (dili pwede pulihan) sa panlantaw nga espirituhanon.

Kung nitoo ta nga behind ining tanang problema sa kalibutan (moral and physical evil) ang atong bugno is against dark principalities of this world (Ephesians 6:12) then dili igo ang ato mga lakang sa pag-tabang sa uban. Kinahanglan isandig nato sa Dios ang tanan. In fact, maka-ingon ta nga behind sa mga charitable works nga makita nato sa kalibutan nahitabo ni tungod kay naay mga tawo nga nag-ampo. So pasalamat tang Jechris Potot ug ang mga tawo nga susama niya nga ni-offer sa ila kinabuhi to a life of prayer para sa kalibutan. They are the powerhouse behind the good things that happened in this world!

Naay mga pangutana si Ricky nga ni-tidlom kinahiladman sa akong kalag. Ako lang ni tagsa-tagsaon.

1. When we pray to God and ask him "God how can i love you more? With all honesty, what will be the possible answer we can get from him?

Very powerful kaayo nga pangutana kay dili gikan nato ang tubag, kundili usay possible nga tubag sa Dios?

Sa akong kabahin, walay laing mosulod sa ako huna-huna isip tubag, kong dili ang pulong ni Kristo nga nag-ingon: “If any man will come after me, let him deny himself, and take up his cross, and follow me”(Matthew 16:24). Three things to do: 1. Self-denial 2. Take up one’s cross 3. Follow Jesus to Crucifixion. Ako ni gi-tagsa tagsa sa niagi nako nga post: https://sapientiacom448875329.wordpress.com/2020/08/09/nganong-adunay-mga-problema/

2. When we said to God in our prayer that we love him with all our heart, is it possible for God to tell us to love him more?

Ang tubag, Oo. Ang atong paghigugma sa Dios is growing endlessly, bisan pag naa nata sa langit (St. Thomas Aquinas said so) love keeps on growing eternally. Walay stagnant sa gugma. It keeps growing each day, each moment in our life.

3. In our daily prayers and reflections, can we hear God telling us to pray more or love him more?

Answer: Ambot sa ubang tawo. Pero nako wala ko kadungog or bisan intuitive command lang from God telling me to pray more or love him more. Pero, it makes sense to love God more and grow more in his love each day. It is in prayer and little sacrifices I can grow in my love for God.

4. Unsaon ug unsa kahay pina ka yanu nga pasabut ani (intimacy with God) part? Mas mag mainampuon? Mas magmahigugmaon? Mas mainantuson? Mas faithful? Mas loving? Arun ma intimate tas Ginoo.of so, how?

Sakto ning upat ka birtud imo gi-mention part – prayerful(mainampuon), loving(mahigugmaon), enduring patience(mainantuson) and faithfulness. Pero, para nako ang pinaka-yano nga pulong ato magamit is the word “surrender” or “abandonment” to God. Dili ni siya one event act, but a moment-to-moment abandonment to God. Ang ni-popularized ani nga word “abandonment” mao si St. Therese of the Child Jesus, sa iya explanation nga the word abandonment means you don’t have to worry anything since you abandoned yourself to God. More of this, please click: https://sapientiacom448875329.wordpress.com/2020/08/13/the-paradox-of-greatness-part-1-why-st-therese-of-lisieux-is-the-greatest-saint-in-our-times/

I always emphasize intimacy paglikay sa technical routinary prayer nga maoy akong na-experienced for many years as a catholic. Diha na ko nakasabot unsa nang intimacy sa nag-edad na kog 33 years old niadtong 2012, sa dihang nagsugod na kog pamalandong sa iya Pulong ug paggahin ug panahon para niya matag-adlaw.

5. When man ta maka balu o mo consider nga more faithful,more loving and more intimate nata ni God?

To be honest lang, maglisod kog tubag ani part, tungod sa word nga “more.” Sa nagkadugay kog ampo ug paningkamot maduol sa Ginoo, mura man kog nianam na hinuog ka-layo niya - gi-anam-anam man pod niyag tang-tang iya presensya sa ako kinabuhi. Nagkadaghan napod ako mabuhat nga mga sipyat (moral and practical lapses) sa kinabuhi. Mura kog naningkamot ug saka sa escalator nga padung naug. The more ko mo-paspas padung saka, the more pud mo-paspas ang dagan sa escalator panaug. It’s a very humbling experience.

Naa man gani ni-grow nako, ang ako rang magnifying glass nga makakita sa mga sala ako nabuhat matag-adlaw, nga sa una bale wala ra nako pero karon mag-guol nako makabuhat - sama sa pag-panglibak, pagpasakit estorya, paghuna-huna ug ngil-ad sa uban (bisan sa huna-huna lang), ug uban pang mga butang.

Laing butang ni-grow nako mao ang paghigugma sa krus ni Kristo (meaning the willingness to accept humiliations and any forms of suffering for Christ’s sake). Dakog influence sa ako kinabuhi ang biography ni St. Therese of the Child Jesus. Next to the Bible, I highly recommend her autobiography “The Story of a Soul.” http://www.gutenberg.org/ebooks/16772

6. And lastly, when we are able to determine that we are more faithful,more loving,and more intimate with him, mao naba ni ang greenlight or the right time to start caring,giving or do charitable or do goodworks?

Green light ni all the time ang pagtabang part. Actually, mao ni hinungdan gilansang sa krus atong Ginoo kay gibutangan ug red light (prohibition) sa mga Hudeyo – sa pagdili sa pagpanambal ug ubang buhat sa kalooy panahon sa Adlaw’ng igpapahulay. Pero ang kalooy sa Dios nga maoy iyang gisugo nato, walay giila nga red light or day off. It’s 24/7 gyud, year round and up to the grave.

Dili pod excuse ang pag-ingon, “dili lang ko sa corporal work of mercy, kutob lang sa pag-ampo ako tabang sa uban.” Dili na pwede! Sa panahon naay manoktok sa imong balay mangayog tabang unya naa kay ikatabang, tabangi gyud kay paninglan gyud ta sa Dios sa panahon sa paghukom, “What you did to the least of your brethren, you did it unto me.” .”(Matthew 25:40)

Salamat kaayo sa imong mga ideas dire part, ilabi na sa imo mga pangutana nga maka-pahinuktok.

God bless us all and our families!

12/08/2020

Faith And Good Works Discussion by Ricky and Cesar

Rationale:
Kini nga post, wala ni gihimo para pagpakita sa sayop ni bisan kinsa. Kung dili, para malikayan ang possible nga lahi nga pag-interpret sa mubasa, ug paghatag pod ug katin-awan sa mga butang nga may kalabutan sa atong kaluwasan.

Ako lang ni siya gihimoan ug format nga mura mi ga-estorya ni Ricky. Ang mga pulong ni Ricky ako gi-base sa iya last post gahapon.

Ricky:
Kabantay ko part nga if mag hisgut na gani ug Salvations murag ma sidepocket jud ning goodworks permi.
Ang naka pait pajud kay ma associate ang gooodworks in to a negative aspect and ma dikit dayun sa evil deeds.

Cesar:
Wala man nato gi-associate ang good works to evil deeds. Ang punto lang is – good works by themselves (kung good work ra gyud wa nay lain) gi-kondena (condemned) na ni San Pablo mismo: “

If I speak in the tongues[a] of men or of angels (THAT’S GOOD WORK)
but do not have love, I am only a resounding gong or a clanging cymbal. 2

If I have the gift of prophecy and can fathom all mysteries and all knowledge, and if I have a faith that can move mountains, (THAT’S SUPERNATURAL GOOD WORK!)
but do not have love, I am nothing. 3

If I give all I possess to the poor and give over my body to hardship (THAT’S PLAIN GOOD WORK!)
but do not have love, I gain nothing.

But Paul condemned these works apart from love. Laktud pagkasulti, ari gyud ta manukad sa love for God, and good works flow from Him and made visible through us.

Ricky:
Lets say that we can be save Through Faith and not by goodworks,
Or simply we can be save by goodworks.
Para naku, wala pud ni sila nag sumpaki.

Naa lay mga assumptions nga angay nato malikayan dire – wala ko moingon nga mao ni assumption ni Ricky. Ako lang ni i-discuss dire to avoid the possible error sa magbasa. If we put it into syllogistic form, maingon ani ang statement:

Good work is caused by faith
Salvation is caused by faith
Therefore, salvation is caused by good work

Sa rules of syllogism gitawag ni siya ug fallacy of undistributed middle.

Para mas masabtan ang buslot sa katarungan ato ihatag ang mas simple nga example from Wikipedia: https://en.wikipedia.org/wiki/Fallacy_of_the_undistributed_middle #:~:text=Everyone%20who%20carries%20a%20backpack%20is%20a%20student.&text=The%20middle%20term%20is%20the,applies%20to%20all%20backpack%20carriers.&text=students%20carry%20backpacks.-,My%20grandfather%20is%20a%20student.,my%20grandfather%20carries%20a%20backpack.

All students carry backpack
My grandfather carries backpack
Therefore, my grandfather is a student

For more clarification, please click the link from Wikipedia above. Makatabang ni nato pag-check sa ato katarungan kay the rules of logic is a tool nga gitawag ug science of correct thinking.

Ricky:
"I Faith God" ( im sure bakikaw kaau paminawn)
I emphasized goodworks because i want to use the word "Faith" from a noun to a verb. Kay sa dictionary, ang Faith kay noun man..but in our discussion kaganiha part..nagka uyon ta nga ang faith and goodworks are inseprable diba?
So one way of doing it is to use the noun word faith in to a verb.

Cesar:
Kini nga argumento pareha ra ni sa Petros ug Petra nga ato na-discuss dire. Dili nato magamit ang word petra to Simon (who is Peter) kay kini bina-baye (feminine), the same ra pod sa word nga “faith” (noun) dili nato mahimong verb (I faith you) for a simple reason nga kini noun, the only way to change it into a verb is to use the verb word – “believe”- to avoid the grammatical error.

Pero ang problema ani sa ako pagtan-aw is not grammar. Ang kina-uyokan sa panlantaw ako nakita dire is how we differentiate genuine faith from merely intellectual faith. Another assumption is when we consider good works as synonymous with faith.

Ato lang ni tagsa-tagsaon:
1. Faith in biblical sense is full of good works – fruits of the Spirits, sanctifying grace, etc). But there is another faith nga gi-hisgutan ni St. James, mao ni gitawag ug intellectual faith (James 2:24). Although wala ang word sa Bible nga “genuine” (faith) and “intellectual” (faith), but based on healthy assumption that James and Paul cannot contradict each other, Catholic Bible Scholars saw two kinds of faith that are implicit in the letters of Paul and James. https://www.catholic.com/magazine/print-edition/faith-and-works-0
2. Another assumption is when we consider faith and good works as synonymous. Lahi ni si faith, lahi pod ni si good works. Ari gyud ta manukad ni Faith to produce good work; pero dili pwede baliktarun nga ari ta manukad ni good work to produce faith.

Ricky:
So, ang ako jud main point kay in doing goodworks, you are not departing from the "faith" but actually you give power and substance of your faith or the word Faith. Infact you just confirmed What really God wants us to do..and pls take note, "God is an Action Being"
when your faith becomes a verb, it is morethan just a faith.

Cesar:
Naay punto si Ricky dire. Iya lang gi-butang into grammatical perspective iya argumento. Ato nahisgutan ang two kinds of faith – intellectual faith and genuine faith. Sa kang Ricky nga version “verb faith” is what we call genuine faith, while noun faith (sa kang Ricky is) is just merely intellectual faith nga ato nahisgutan.

Ricky:
And if i do this way, did i focus on goodworks?
No..
I am very aware of what really to focus on..kabalu kay ko kinsay dapat i focus..it is our Faith to Him and only to Him.
we all know about the truth of God by Faith, by accepting the word truth himself.

Cesar:
Naa lay ambiguous choice of word dire nga gusto nako maklaro. Ang words gud dire “dapat i-focus …it is our FAITH to him”. Ngano dili naman lang i-deretso – “we focus on HIM?” kay kung butangan pa natog word “faith” in between mahadlok ko kay ang focus naa na nya nato (OUR faith on him) wala na niya (instead of focusing on Him).

Ricky:
How do we know God? By love,by Charity, tingali ma attain lang natu ang pag ila sa God pinaagi sa buhat sa love and Charity.

Cesar:
Honestly, mahadlok gyud ko ani malain ug sabot sa magbasa. Kay ma-baliktad nya – we have to do charitable work in order to know God – DANGEROUS IDEA! We have to know God first in order to love him. Dili baliktad, love him in order to know him. We cannot love a person whom we do not know. Love is the product of our intimacy (knowledge of) with him. Second, we have to know God first, so that we can love our neighbor the way God loves them.

Laing duha ka assumptions ako mahadlokan ani:
First, basta magbuhat lang kag pagtabang sa ubang tawo and other good works, we will know God in that way.

Kung tan-awon nimo ang kinabuhi sa mga santos, they’ve done a lot of good works pero – naa man naka-anchor ang ila good works in their life of prayer and sacraments. Wala sila maghimo ug good works by their own strengths – they owed everything from God as the source of good works.

Second, ang word nga love or charity. Kung gusto ta mahibawo unsa ning love, mabasa ni nato in the letter of Paul to the Corinthians (1 Corinthians 13).

Kung ato sabton ang concept of love from the Bible – walay makahigugma nato by that standard. Sa laktud pagkasulti - we need God to love God fully. We cannot love him or follow the second command to love our neighbor by our own effort. Another thing we need to know is that God does not accept any love lower than God’s love to love to him. Dili man tungod kay garboso siya. Kundili tungod sa iyang dakong gugma nato, iya gihatag iya kaugalingon nato isip gasa (the Holy Spirit - God) in order to let God love God through us and in us. Mao ra ni siyang paagiha nga maayo ta sa ato mga kahiwi-an (concupiscence, the taint of original sin in us). Mao ra pod ning paagiha nga makab-ot nato ang tinuod nga kalipay aning kalibutana. True happiness can be experienced here on earth as shown in the lives of saints.

Ricky:
And unsaon man natu pag kab.ut sa Beauty of salvitaion? By hope.
So mao ni atu gihisgutan ganiha. 3 theological virtues. Faith, Hope charity.
When doing goodworks, or charity, posible ba nga ang tao nga nag buhat ani nga paagi kay ang iya reason mas nakita niya sa mga dagway sa mga nanginahanglan ang presence ni Jesus?
Diba we are save by the Grace through faith?
And again, when you change the noun of faith to verb, ma incorporate na nimu ang 3 virtues into one?
Naa koy lain example:
when the noun Faith becomes a verb, it will give us a new perspective on the word Faith and its opposite, doudt.which can be use as an abstract noun or an action verb.
Kun ang Doudts noun, mura lang ni siya ug Idea..
They may exist, but there presence gives us choice to trust and to believe in God. Peru kun ang Doudt mahimu nang verb, medyu diha nata magka problema.

Cesar:
Again, ako sublion, ang problema is not grammar, si noun “faith” nga dapat himoong verb “faith”. Bisan usaon pa nato ug change ini tanang grammatical technicalities, it cannot remove even an inch of the problem. Kung wala tay intimate relationship with God – everything will just turn out to be plain rhetoric – and therefore ma-apil sa gi-kondena ni San Pablo as “noise of a clinging cymbals.”

Ricky:
Lain nga sitwasyun:

Sa Matthew 14:29-31 pag ka kita ni Pedro kang Jesus nga nag lakaw sa tubig, ni hangyu pud siya nga mo lakaw sa tubig..so Peter trusted , believed and naka lakaw siya sa tubig.(by the way, Peter is the only human being sa tibuok kalibutan nga naka lakw sa tubig)

Faith was an Action; doudt was a concept.
Apan pagka batyag na niya sa haguros sa hangin, doudt changed to a deed, Faith became a notion and diha na siya na unlod. Gi luwas siya ni Jesus ug giingnan nga " you of a little faith.
Why did you doudt?
We can relate all relate to Peter.
We can take a step of faith only to have winds Churn doudts to life, transforming them from abstractions to actions, unya ang nag hatag natu ug strenght to move becomes an abstraction to us instead of the sovereign God of action he is.
Lets consider our doudts, lets them remain a noun, dont let them become verbs.
Even though its Arhaic, let faith be a verb.

I believe God
I trust God

I FAITH GOD.



Conclusion:

Sa tinud-anay lang, makadayeg gyud ko sa efforts ni Ricky dinhi sa ato chat group. He questions everything and is not satisfied with cliché notion or ready-made answers nga kinoykoyan sa libro. Nindot siya nga ehemplo sa atong tinud-anay nga pagpangita sa kamatuoran.

Many of the great saints were also great doubters. Si Thomas the apostle, ang nagduda sa pagkabanhaw ni Kristo. Apan wala siya isalikway ni Kristo tungod sa iya mga pagduda. Ang iya gani hinoong pagduda maoy naka pahatud kaniya sa dakong confession nga ni-padayag sa tinuod nga pagka-Diyos ni Kristo: “My Lord and my God!”

Makita usab nato sa kinabuhi ni San Agustin, San Justin Martyr, ug bisan gani sa mga Christian thinkers sama ni Blaise Pascal (mathematician), C.S Lewis (author of Narnia) ug uban pa. Ang ilang kauhaw sa kamatuoran maoy nakapahatud kanila paduol sa Dios.

Mao nga sa panahon mag-discuss mi dinhi mahitungod ug mga espirituhanong butang nga usahay mohatud sa pagka-initay, ayaw ninyo sabta nga nag-away mi. Tinuod naay panahon nga magka-sinikhanay gyud mi, pero dili pod siya rason nga dili nalang mi mopadayon sa amo katuyoan sa pagpadayag sa kamatuoran. Dili sayop ang pag-debate. Makita nato sa Acts of Apostles nga si San Pablo ug San Bernabe nga mainitong nakig-debate sa mga hudeyo mahitungod sa ebanghelyo (Acts 15:2).

Kaming tulo ni Reynel, Ricky ug ako – nanginahanglan sa inyo mga suporta through prayers ug bisan ang inyo pagbasa sa amo mga discussions igo na nga maka encourage namo sa pagpadayon.

Nalipay pod mi’g dako sa discussion ni Marivic ug Leah niadtong Dominggo, sa ila pagpaambit sa ila mga kasinatian mahitungod sa atong panahon karon. Usa kato sa mga lakang nga ang uban ma-encourage pod sa pagpadan-ag sa ilang kahayag dinhi sa atong ycm chat group.

Salamat sa tanan!

God bless us all!

The fallacy of the undistributed middle (Lat. non distributio medii) is a formal fallacy that is committed when the middle term in a categorical syllogism is not distributed in either the minor premise or the major premise. It is thus a syllogistic fallacy.

06/08/2020

Unsa ba kining Rapture?

Unsa ba kining rapure? Kung ikaw wala kahibalo sa tubag ani, ayaw kaguol kay kadaghanan natong mga katoliko wala gayud kahibalo ani – gisabwag kini nga pagtulon-an sa mga protestante lang. Hinoon karong panahona ni-takod pod ni nga doktrina sa daghang mga katoliko nga nakabasa ani nga pagtulon-an.

Ang rapture nagatumong sa ikaduhang pagbalik ni Kristo o katapusang mga adlaw (end times). Unahon usa nato ang pagtuki ang lain-laing nagkadaiyang teyoriya (theories) mahitungod sa ikaduhang pagbalik ni Kristo.

The Millennium
Ang Millennium gi-base kini sa Revelation 20:1–3, 7–8, “Then I saw an angel coming down from heaven, holding in his hand the key of the bottomless pit and a great chain. And he seized the dragon, that ancient serpent, who is the Devil and Satan, and bound him for a thousand years, and threw him into the pit, and shut it and sealed it over him, that he should deceive the nations no more, till the thousand years were ended. After that he must be loosed for a little while. . . . And when the thousand years are ended, Satan will be loosed from his prison and will come out to deceive the nations which are at the four corners of the earth.”

Adunay 1000 years nga paghari ni Kristo, mao kini gitawag ug millennium.

Adunay tulo ka nagkadaiyang tyoriya sa millennium: ang postmillennialism, amillennialism, ug premillennialism – kining mga tyoriya nagabase sa maong texto sa Bibliya ang Revelation 20.

Postmillennialism
Ang postmillennialism usa ka pagtulon-an nga nagtumbok nga ang paghari ni Kristo molukop una sa tibook kalibutan (golden thousand years reign of peace and righteousness) sa dili pa ang katapusang mga adlaw sa tinghukom (Judgment Day) nga mahitabo lamang inig kahuman sa golden millennium o thousand years of peace and righteousness.
Kini nga pagtulon-an gisabwag sa mga protestante sa ika 19th ug 20th century, sila gitawag ug reconstructionalists (https://en.wikipedia.org/wiki/Christian_reconstructionism) mga grupo nga nisalingsing gikan sa Presbytarian movement.

Ang doktrina sa postmillennialism bisan tuod gi-base sa Revelation 20 pero ang iyang interpretasyon nga thousand years nga kalinaw mo-bangga sa daghang mga bahin sa ebanghelyo, ilabi na sa pagtulon-an ni Kristo mahitungod sa sambingay sa sagbot ug sa maayong trigo (wheat and the weeds) Matteo 13:24–30, 36–43, nga ang maayo ug dautan magdungan ug tubo, apan sa katapusan hukman ang tanan.

Amillennialism
Ang amillennial nga tinan-awan - nagsalikway sa literal nga pagsabot sa Revelation 20 – para nila ang texto nagtumbok sa paghari ni Kristo sa langit ug sa mga kasing-kasing sa mga Kristiyano nga anaa pa sa yuta apan nagtuman sa mga sugo sa Diyos. Daghang mga Kristiyano – Katoliko o protestante nagdawat niini nga pagtulon-an.
Ang mga amillennialists nagatoo usab sa dungan nga presensya sa maayo ug dautan niining kalibutana sa dili pa sa ikaduhang pagbalik ni Kristo. Ang Revelation 20:3 (1,000 years or millennium) gi-interpret sa mga amillennialist isip pagpukan sa dautan para mapadayon ang pagpadayag sa ebanghelyo sa tibook kalibutan pero dili kini garantiya nga tanang tawo ma-buotan o mahimong kristiyano o adunay golden years of peace.

Premillennialism
Ang premillennialists susama sa postmillennialists nga nagtoo sa literal nga thousand years nga paghari ni Kristo. Apan para sa mga premillennialists ang paghari ni Kristo mahitabo sa dili pa (before) ang golden Millennium (thousand years of peace) samtang ang mga postmillennialists nagtoo nga ang paghukom mahitabo sa human na (after) sa golden Millennium thousand years of peace.

Ang premillennialists nagtoo nga si Kristo maghari una sa kalibutan for thousand years sa dili pa ang katapusang adlaw.
Ug dinhi gimugna ang pulong nga RAPTURE diin ila gi-base sa mga texto sa Bibliya nga makapa-tingkag sa dalunggan sa mga protestante nga makadungog sa maong pulong. Ang texto nga kadaghanan ila kutloon mao ang letter to 1 Thessalonians 4:16–17, nga nag-ingon, “For the Lord himself will descend from heaven…..then we who are alive, who are left, shall be caught up (RAPTURE) together with them in the clouds to meet the Lord in the air; and so we shall always be with the Lord.”

Kini nga doktrina nagtudlo nga sa pagbalik ni Kristo aswaton ta padung sa ibabaw (rapture) para pagsugat niya. Literal gyud nga “aswat” dili metaphorical. Ang pag-aswat mahitabo sa panahon sa millennial or 1,000 years nga mao karon nga panahon.
Mao nga kong imo basahon ang theory sa rapture ila ipagawas nga sa panahon nga adunay tawo nga “aswaton” (based on mini-raptures), ang mga anti-christ magpalakaw dayon niini as alien abduction.

Kini nga doktrina sa rapture nakapatingkag sa mga protestante base sa mga series of apocalyptic series mga libro ni Hal Lindsey sama sa Late Great Planet Earth ug The Rapture.

Ang naka-kingkoy (ridiculous) lang kay ila gi-salikway ang mga sinulat sa mga Early Church Fathers about endtimes kay Bible Alone ra gyud sila – pero mitoo sila sa doktrina sa end times base sa 1970s novels ni Lindsey.

Kita tanang mga Kristiyano mitoo ta nga sa dili pa ang ikaduhang pagbalik ni Kristo (End times) aduna usay grabeng pagpanglutos o tribulations. Ang mga premillennialists naglalis na pod kung kanus-a mahitabo ang rapture, before ba o after sa panglutos. Adunay mitoo nga kini mahitabo before sa panglutos (pre-tribulation rapture), samtang ang uban mitoo nga ang rapture mahitabo inig kahuman sa pagpanglutos (post tribulation rapture). Ug mihangdos na pod ang ikatulo nga tyoreya, nga ang rapture mahitabo tunga-tunga sa tribulations (mid-tribulation). Ug karon ang ikaupat ug pinaka-hinog nila nga evolution of the theory of rapture – nga adunay series of mini-raptures nga mahitabo before, during ug after sa pagpanglutos o tribulations.

So ni-mutate ang ila rapture theory nga sa madugay kag subay makutaw gyud imo libog – kay ila gi-split ang ikaduhang pagbalik ni Kristo into pre-millennium, post-millennium o pre-tribulations, mid-tribulations or post-tribulations.

What’s the Catholic Position?
Unsa bay gitudlo sa Simbahan mahitongod sa ikaduhang pagbalik ni Kristo? Ang Katolikong Simbahan nagtudlo nga ang ikaduhang pagbalik sa atong Ginoo mao ang paghukom sa mga buhi ug mga minatay o ikaduhang panghukom (second and General Judgment).

Ang mga Church Fathers wala mugamit sa pulong nga “amillennial” pero ania ta niini nga bahig.

Ang ebanghelyo tataw: “For the Son of man is to come with his angels in the glory of his Father, and then he will repay every man for what he has done” (Matt. 16:27), and “[w]hen the Son of man comes in his glory, and all the angels with him, then he will sit on his glorious throne. Before him will be gathered all the nations, and he will separate them one from another as a shepherd separates the sheep from the goats. . . . And they [the goats] will go away into eternal punishment, but the righteous into eternal life” (Matt. 25:31–32, 46).

So dili tinuod ning ka-dramahan nga aswaton ka padulong sa langit ug ma-missing ka (based on mini-tribulation theory). For more explanation about this, please click: https://www.catholic.com/magazine/online-edition/answering-the-rapture-challenge

Ang Simbahan nag-kondena (condemned) ani nga pagtulon-an ”(see the Catechism of the Catholic Church 676).

Sa tinuod lang wala gyuy nasayod natong tanan kung kanus-a mubalik si Kristo (Mat 24:36), pero ang mga timailhan (signs) nga gi-libkas ni Kristo anaa na karon tanan.

Unsa bay awhag sa simbahan mahitungod aning mga end times nga mensahe karong panahona?

Ang Simbahan nag-awhag base sa sambingay ni Kristo mahitungod sa ten virgins (Matthew 15:1-13) nga magbinantayon sa makanunay kay wala gyuy nahibawo nato kanus-a si Kristo mubalik. Si San Pedro ni-pahimangno usab kanato sa iya sulat: “But do not ignore this one fact, beloved, that with the Lord one day is as a thousand years, and a thousand years as one day. . . . But according to his promise we wait for new heavens and a new earth in which righteousness dwells. Therefore, beloved, since you wait for these, be zealous to be found by him without spot or blemish, and at peace” (2 Pet. 3:8–14).

Sa laktod nga pagkasulti kong ikaw dili andam paghangup sa imong kamatayon karong gabhiona inig katulog nimo – ayaw pagdahom nga andam ka sa ikaduhang pagbalik ni Kristo.

Ang matag gabiing paghinulsol sa atong mga sala nga nabuhat sukad pagbuntag maoy pirmeng gibuhat sa mga santos – ang ilang matag-adlaw nga pakig-estorya sa Dios sama sa gamayng bata nga nakig-estorya sa iyang mahigugmaong Amahan.

Christian reconstructionism is a fundamentalist[1] Reformed theonomic movement that developed under the ideas of Rousas Rushdoony, Greg Bahnsen and Gary North;[2] it has had an important influence on the Christian Right in the United States.[3][4] In keeping with the cultural mandate, reconstruction...