Samahang Anak Ng Nazareno - SJP Baras

22/06/2026

“Ang iyong kaluwalhatian at karangalan, maliban kay Maria, wala nang uuna."

Noong ika-19 ng Hunyo, buong galak at pananampalataya ang pag-ahon ng mga Barasenio sa Katedral ng Antipolo upang magpasalamat sa Diyos, magbigay-parangal sa Mahal na Ina ng Kapayapaan at Mabuting Paglalakbay, at upang magpanata sa ating mahal na patrong si San Jose.

Bilang bahagi ng programa, ginanap ang motorcade ng imahen ng Maluwalhating Patriarka Señor San Jose de Baras kasama ang mga deboto at mananampalatayang Barasenio patungong Ynares Center. Sinundan ito ng isang prusisyon patungo sa Katedral ng Antipolo. Ang delegasyon ng ating parokya ay malugod na tinanggap ng ating mahal na obispo, Lubhang Kagalang-galang Ruperto C. Santos, kasama ang mga kinatawan ng pamahalaan ng Lungsod ng Antipolo.

Matapos ang pormal na pagtanggap, idinaos ang pagluluklok sa imahen ni San Jose de Baras na agad na sinundan ng pagdiriwang ng Misa sa karangalan ng Mahal na Birheng Maria.

Ang araw na ito ay isang biyaya at paalala na sa ating paglalakbay sa landasin ng buhay, kasama natin si Maria, at si San Jose na ating pintakasi na umaakay sa atin patungo kay Kristo.

Viva Nuestra Señora de la Paz y Buen Viaje!
Mabuhay ang Birhen ng Antipolo!

Viva San Jose de Baras!

09/04/2026

09/04/2026

26/03/2026

“Walang may higit na dakilang pag-ibig kaysa rito: ang mag-alay ng kanyang buhay para sa kanyang mga kaibigan.” -Juan 15:13

Sa pagdiriwang ng Semana Santa ngayong taon, inaanyayahan ang lahat ng mananampalataya na taimtim na makiisa sa mga banal na gawain ng mga Mahal na Araw. Ito ang sagradong panahon ng paggunita sa pagpapakasakit, pagkamatay, at muling pagkabuhay ng ating Panginoong Hesukristo.

Simula Linggo ng Palaspas hanggang sa Dakilang Araw ng Muling Pagkabuhay, sama-sama nating tunghayan at damhin ang mga mahahalagang yugto ng kaligtasan. Ating gunitain ang mga banal na araw na ito nang may pananampalataya, debosyon, at pusong bukas sa biyaya ng muling pagkabuhay.

26/02/2026

12/01/2026

VIVA NUESTRO PADRE JESUS NAZARENO. 🙏

VIVA SENIOR DE BARAS. 🙏

“Sa bawat pagtingala naroon ang panalangin ng isang bayang patuloy na umaasa.
Ang krus na Kanyang pasan ay hindi lamang bigat ng kahoy, kundi bigat ng ating mga pagsubok, panata, at pananampalataya.
Lumapit ka sapagkat sa likod ng paghihirap, may biyayang naghihintay.” ✝️🙏

゚viralシfypシ゚ ゚viralシ

11/01/2026

Maraming salamat sa mga kapwa namin Deboto na mga tumulong upang maibaba ang aming Senior de Baras. Nawa na maging siksik, liglig at umaapaw na pagpapala ng Poong Jesus Nazareno at aming Patrong San Jose ay sumainyo. 💚💛

VIVA Nuestro Padre Jesus Nazareno.