17/05/2024
Ngayong darating na LINGGO, MAYO 19, 2024 ay ipagdiriwang ang LINGGO NG PENTEKOSTES, o ang ikalimampung (50) araw pagkatapos umakyat ni Hesus sa langit. Dito inaalaala ang pagbaba ng Espiritu Santo sa mga Alagad at tagasunod ni Hesus. Ito rin ang itinuturing na araw ng pagsilang ng ating simbahan. Kaugnay nito, ang ating Parokya ni San Jose sa Baras, Rizal ay magkakaroon ng pagpruprusisyon sa ganap na ika-7pm ng gabi pagkatapos ng banal na misa na lalahukan ng mga imahen ng LABINDALAWANG APOSTOLES at ang MAHAL NA BIRHENG MARIA:
1) San Pedro Apostol
2) San Andres Apostol
3) San Santiago Zebedeo (Mayor) Apostol
4) San Felipe Apostol
5) San Bartolome Apostol
6) Santo Tomas (Didymo) Apostol
7) San Mateo Apostol at Ebanghelista
8) San Santiago Alfeo (Menor) Apostol
9) San Hudas Tadeo Apostol
10) San Simon Makabayan Apostol
11) San Matias Apostol
12) San Juan Apostol Pinakamamahal
13) Maria, Ina ni Hesus (Madre de Dios)
Ipinapaalala sa mga Camarero ng mga nabanggit na imahen sa itaas ang kanilang lubos na PAKIKIISA AT PAGLAHOK sa pagdiriwang ng importanteng araw na ito.