Amantes del Niño Jesus - Baras, Rizal

22/01/2025

Viva Pit Señor!

Ilan sa mga larawang kuha sa nagdaang Sto. Niño Exhibit na may temang: Sto. Niño, mukha ng pag-asa, kaalinsabay ng pagdiriwang ng Taon ng Hubileyo ngayong taon.

Patuloy tayo na manalig sa Panginoon, at kumapit sa kanya bilang ating pag-asa sa lahat ng hamon ng buhay.

20/01/2025

Sto. Niño: Mukha ng Pag-asa
Isang pagtatanghal ng iba't-ibang imahen at titulo ng ating Panginoong Hesus, ang Banal na Sanggol.

Ating tingnan ang mga imaheng naging bahagi ng taunang pagtatampok sa mga imahen ng Sto. Niño Hesus sa Pandiyosesis na Dambana at Parokya ni San Jose - Baras, Rizal sa pangunguna at pangangasiwa ng Amantes del Niño Jesus na sinimulan noong ika-4 hanggang ika-19 ng Enero, 2025

Sa bawat hakbang ng ating paglalakbay, nawa'y manatili ang ating masidhing pagmamahal at debosyon sa Sto. Niño, ang Mukha ng Pag-asa.

Ang imahen ng Sto. Niño nawa ang maging ating inspirasyon at lakas sa gitna ng mga pagsubok at hamon ng buhay. Magtiwala at magdasal, sapagkat sa Kanya natin matatagpuan ang tunay na pag-asa at kaligayahan.

Viva Sto. Niño!
Viva pit Señor!

19/01/2025

Viva Pit Señor!

Sa pagwawakas ng araw na ito, idalangin natin sa Panginoong Hesus, na kamtan natin ang pagtitiwala ng isang bata, na lubos na umaasa at nagtitiwala sa Diyos.

Panginoong Hesus, ang banal na sanggol,
Maawa Ka sa amin.

05/01/2025

Kahapon, Enero 4, 2025, ay matagumpay na isinagawa ng Amantes del Niño Jesús ang ilang mga gawain bilang hudyat ng pagbubukas ng Pistang Santo Niño sa taong 2025.

Sinimulan ng samahan ang gawain sa pamamagitan ng pagdiriwang ng Banal na Misa sa ganap na ika-anim ng gabi. Ang mga miyembro ay nag-alay ng kanilang mga sarili at makakayanan bilang pasasalamat sa mga biyaya mula sa ating Poong Maykapal.

Kasabay ng banal na misa ay ginawa rin ang makabuluhang pagsasariwa ng panunumpa sa tungkulin ng mga miyembro ng samahan, isang simbolo ng patuloy nilang pagtatalaga ng sarili sa paglilingkod at pagpapalaganap ng debosyon sa Mahal na Sto. Niño.

Pormal ding binuksan ang Sto. Niño Exhibit 2025 sa pamumuno ni Reb. Pr. Rommel Felizardo. Ang exhibit na ito ay nagtatampok ng imahen ng Sto. Niño sa iba’t ibang titulo na pagpapahayag ng pananampalataya ng mga deboto. Ang exhibit ay naglalayong magbigay-inspirasyon at paigtingin ang debosyon ng bawat isa sa Banal na Batang Hesus, na siyang mukha ng pag-asa at liwanag sa ating buhay.

Nawa’y patuloy tayong gabayan ng liwanag ni Kristo, tulad ng bituin na naghatid sa mga Pantas sa Kanyang kinaroroonan. Sa ating pananampalataya at paglilingkod, maging daluyan nawa tayo ng pag-asa at liwanag para sa iba.

Viva Señor Sto. Niño!!!

03/01/2025