Obreros de San Jose de Baras

08/09/2026

Today we celebrate the Feast of the Nativity of the Blessed Virgin Mary.

We honor our Blessed Mother, she who is the dawn of salvation. Through her humble fiat, the redemption of mankind from sin began. Her life and virtues stand as a radiant model of holiness and complete surrender to God’s will.

Her maternal care and intercession remain our consolation on earth and our guide toward the glory of heaven.

Let us call upon her holy name and place ourselves under the mantle of her protection, so that as we journey through life, we may be delivered from all harm and evil, and be led ever closer to her Son, our Lord Jesus Christ.

Happy Birthday, Mama Mary!

18/08/2026

Ngayong Agosto 19, buong-puso tayong nagtitipon upang gunitain at ipagdiwang ang dakilang araw na ito ng ating mahal na Patron, San Jose. Sa gitna ng mga pagsubok, mabibigat na hamon, at maging ng mga sakuna tulad ng mga nararanasang pagbaha sa ating komunidad, nawa ay patuloy nating tularan ang kanyang matibay na pananampalataya, dakilang kababaang-loob, at ang kanyang tahimik ngunit walang kapantay na paglilingkod.

Tulungan mo kaming maging matatag, gabayan mo ang aming mga hakbang sa kaligtasan, at iakyat mo nawa ang aming mga daing sa Maykapal. Manatili kang tanglaw at kalasag ng aming pamilya at komunidad sa gitna ng panganib.

Viva San Jose!

09/08/2026

“Ipag-adya mo kami sa lahat ng sakuna at anumang uri ng kapahamakan, tulad ng iyong pag-iingat sa iyong banal na mag-anak sa Nazaret.”

Sama-sama tayong dumulog sa Panginoong Diyos, at hilingin na tayo'y panatilihing ligtas mula sa banta ng matinding pagbuhos ng ulan, sa pamamagitan ng tulong at panalangin ng ating mahal na Patrong San Jose.

PANALANGIN PARA IPAG-ADYA SA MGA KALAMIDAD

Amang Makapangyarihan, Itinataas namin sa Iyo ang aming mga pusong nagpapasalamat sa kagandahan ng Iyong nilikha kung saan kami ay bahagi sa pagkalinga Mong nagtataguyod sa aming mga pangangailangan at sa karunungan Mong gumagabay sa takbo ng daigdig.

Kinikilala namin ang aming mga pagkakasala sa Iyo at sa sangnilikha. Hindi kami naging mabuting katiwala ng kalikasan.

Pinagkamali namin ang iyong utos na pangasiwaan ang daigdig. Ang kapaligiran ay nagdurusa sa aming kamalian at ngayon ay aming inaani ang aming pagmamalabis at kawalang pakialam. Ang "global warming" ay laganap na.

Ang mga bagyo, pagbaha, pagputok ng bulkan at iba pang kalamidad ay patuloy na tumitindi sa pananalanta. Lumalapit kami sa Iyo, Mapagmahal na Ama at humihingi ng kapatawaran sa aming mga kasalanan.

Hinihiling namin na kami, kasama ng aming mga mahal sa buhay at pinagpagurang ari- a***n ay ipag-adya sa banta ng mga kalamidad, likas man o kagagawan ng tao.
Iniluluhog namin gawin kaming mapanagutang katiwala ng Iyong nilikha at maging bukas-palad na kapwa sa mga nangangailangan. Sa Pangalan ni Hesus. Amen.

San Jose, aming Patron,
Ipanalangin at ingatan mo kami.

03/08/2026

20/06/2026

Ngayong araw ay binibigyang-pagkilala natin ang mga haligi ng tahanan na patuloy na nagtataguyod sa bawat pamilya.

Sa pagkakatawang-tao ng Anak ng Diyos, kay San Jose ipinagkatiwala ang tungkulin upang magsilbing ama sa lupa ng Batang Hesus. Ang kanyang buhay ay puspos ng kabanalan at ganap na pagtalima sa kalooban ng Diyos, kaya’t siya ay kinikilala bilang dakilang huwaran ng lahat ng ama.

Sa araw na ito, idulog natin sa Diyos ang ating mga panalangin at hilingin ang tulong ng mabisang pamamagitan ng ating mahal na patron, si San Jose, upang ipagkaloob ang paglingap at pagpapala sa lahat ng ama ng bawat pamilya.

PANALANGIN PARA SA MGA AMA

Ama naming Makapangyarihan, Maylikha ng langit at lupa, noong lyong ipinagkaloob sa amin ang lyong Bugtong na Anak na si Hesukristo upang maging aming Manunubos, niloob Mong ipagkatiwala Siya sa ilalim ng pangangalaga ni San Jose bilang Kanyang ama dito sa lupa.

Hinihiling namin Inyo pong basbasan ang lahat ng mga ama. Pagkalooban mo po sila ng lakas buhat sa lyong Banal na Espiritu; upang kanilang mahalin ng may katapatan at pagmamahal ang kanilang asawa; upang kanilang maitaguyod ng may pagtitiyaga ang kanilang mga pamilya; at upang sila ay maging huwaran ng mabuting pamumuhay bilang mga Kristiyano.

Aming ding inaala-ala ang lahat ng mga amang naghahanap-buhay upang kanilang matustusan ang mga pang-araw-araw na pangangailangan ng kanilang pamilya. Manatili nawa silang tapat sa lyong mga kautusan, Manatili nawa silang tapat sa kanilang mga sinumpaang pananagutan sa sakramento ng kasal; at iadya mo po sila sa anumang uri ng sakuna at karamdaman sa pangangatawan.

Ito'y aming hinihiling sa pamamagitan ni Hesukristo, kasama ng Espiritu Santo magpasawalang hanggan. Amen.

San Jose, Dakilang huwaran ng mga Ama,
Ipanalangin mo kami.

18/05/2026

“Mapalad na Jose, patron naming mahal. Pinipintuho lagi ang iyong pangalan...”

Bukas, ika-19 ng Mayo ay muli tayong magtitipon upang mamintuho sa ating minamahal na patron at pintakasi, ang Maluwalhating Patriarka Señor San Jose de Baras.

Kasabay nag pagdiriwang natin ng Flores de Mayo, sa araw na ito ay dudulog din tayo kay San Jose upang ialay ang ating mga panalangin. Hilingin natin sa Diyos na tayo nawa ay pagpalain sa araw-araw at akayin na matularan ang magagandang halimbawang ipinamalas ni Maria at Jose.

Narito po ang talaan ng mga gawain para sa ating buwanang pamimintuho:

5:00 PM - Pagdarasal ng Rosaryo ni San Jose
6:00 PM - Banal na Misa at Pag-aalay ng bigas o tinapay
7:00 PM - Prusisyon palibot sa bayan kasama ang imahen ni San Jose at ng Inmaculada Concepcion.

Ite ad Ioseph!
Magtungo kay San Jose!

10/05/2026

Sa araw na ito, ating ginugunita ang Araw ng mga Ina—ang tunay na ilaw ng tahanan at haligi ng bawat pamilya.
Ang kanilang walang kapantay na pagmamahal, sakripisyo, at paglingap ang nagsisilbing gabay at tanglaw sa ating paglalakbay sa buhay.

Nawa’y patuloy tayong manalangin upang ang ating mga minamahal na ina ay pagpalain at gabayan ng Panginoon. Tulad ni Maria, Ina ng Diyos, nawa’y maging huwaran sila ng pananampalataya at kabutihan, upang ang kanilang mga anak ay lumaking matiwasay, marangal, at lumago sa kabanalan.

Sa bawat yakap, sa bawat pag-aalaga, at sa bawat panalangin ng isang ina, naroroon ang biyaya ng Diyos na patuloy na nagbibigay ng liwanag at pag-asa sa ating lahat.

Maligayang Araw ng mga Ina!