Divine Savior Parish - Bansud

Divine Savior Parish - Bansud Contact information, map and directions, contact form, opening hours, services, ratings, photos, videos and announcements from Divine Savior Parish - Bansud, Religious organisation, Poblacion, Bansud.

PAN DE NILAYMARTES SA IKAWALONG LINGGO SA KARANIWANG PANAHONIka-26 ng Mayo 2026MGA PAGBASAUNANG PAGBASA1 Pedro 1, 10-16P...
25/05/2026

PAN DE NILAY
MARTES SA IKAWALONG LINGGO SA KARANIWANG PANAHON
Ika-26 ng Mayo 2026

MGA PAGBASA

UNANG PAGBASA
1 Pedro 1, 10-16

Pagbasa mula sa unang sulat ni Apostol San Pedro

Mga pinakamamahal, tungkol sa kaligtasang ito, masusing nagsiyasat at nagsuri ang mga propetang humula sa kaloob na itong nakalaan sa inyo. Sinuri nila kung kailan at paano ito mangyayari. Ang panahong ito ang tinutukoy ng Espiritu ni Kristo na sumasakanila nang paunang ipahayag sa kanila ang hirap na titiisin ni Kristo at ang parangal na tatamuhin niya. Nang kanilang ipahayag ang mga katotohanang ito, ipinaunawa sa kanila ng Diyos na ang ginagawa nila’y sa kapakinabangan ninyo – at hindi sa kanila. Ang mga katotohanang ito’y narinig ninyo ngayon sa mga tagapangaral ng Mabuting Balita ng Diyos. Nagsalita sila sa inyo sa kapangyarihan ng Espiritu Santong sinugo sa kanila buhat sa langit. Ang mga katotohanang ito’y pinanabikang maunawaan ng mga anghel sa langit.

Kaya nga ihanda ninyo ang inyong mga isipan. Magpakatatag kayo at lubos na umasa sa pagpapalang tatamuhin ninyo kapag nahayag na si Hesukristo. Bilang mga anak, sundin ninyo ang Diyos at huwag ang masasamang hilig tulad ng ginagawa ninyo noong kayo’y wala pang tunay na pagkaunawa. Yamang ang Diyos na humirang sa inyo ay banal, dapat kayong magpakabanal anuman ang inyong ginagawa, ayon sa nasusulat: “Magpakabanal kayo, sapagkat ako’y banal.”

MABUTING BALITA
Marcos 10, 28-31

Ang Mabuting Balita ng Panginoong ayon kay San Marcos

Noong panahong iyon, nagsalita si Pedro kay Hesus, “Tingnan po ninyo, iniwan namin ang lahat at kami’y sumunod sa inyo.” Sinabi ni Hesus, “Tandaan ninyo ito: ang sinumang mag-iwan ng bahay, o mga kapatid, ina, ama, mga anak, mga lupa, dahil sa akin at sa Mabuting Balita, ay tatanggap ng makasandaang ibayo sa buhay na ito – mga bahay, mga kapatid, mga ina, mga anak, at mga lupa – ngunit may kalakip na pag-uusig. At sa kabilang buhay ay magkakaroon ng buhay na walang hanggan. Ngunit maraming nauuna na magiging huli, at maraming nahuhuli na magiging una.”

Mula sa www.awitatpapuri.com

Viva La Virgen! 🌸 💐 5/25/26Taos-pusong pasasalamat sa lahat ng nakiisa at nag-alay sa ating Flores de Maria. Nawa'y an...
25/05/2026

Viva La Virgen! 🌸 💐
5/25/26

Taos-pusong pasasalamat sa lahat ng nakiisa at nag-alay sa ating Flores de Maria. Nawa'y ang bawat bulaklak na ating iniaalay ay maging tanda ng ating pagmamahal at pananampalataya sa ating Ina.

Maraming salamat po sa sponsors ngayong araw ang Pamayanan ng Magtanggol.

Patuloy nating idulog kay Maria ang ating mga panalangin.

Makiisa sa ating araw-araw na Flores de Maria sa ating Parokya, narito po ang schedule:

📌Sunday - Friday : 5:00 PM
📌Saturday: 3:00 PM



CLUSTER VISITSa Municipal Cluster ng Poblacion5/25/26Matapos ang Dalaw Pamilya sa mga Pamayanan, ngayong araw, ang mga m...
25/05/2026

CLUSTER VISIT
Sa Municipal Cluster ng Poblacion
5/25/26

Matapos ang Dalaw Pamilya sa mga Pamayanan, ngayong araw, ang mga may sakit naman sa Municipal Cluster ang dinalaw.

Kasama ang mga Lider ng parokya, ipinagdasal at pinahiran ng banal na langis ng ating Kura Paroko, Reberendo Padre, Raymond H. Ruga ang mga may karamdaman sa Cluster na ito.



VIVA MAHAL NA INA NA MAPAGKALINGA SA MGA KRISTIYANO! HAPPY FIESTA PAMAYANAN SIMBAHAN NG HAPAG NG APLAYA NORTH! 5/24/26Ka...
24/05/2026

VIVA MAHAL NA INA NA MAPAGKALINGA SA MGA KRISTIYANO!
HAPPY FIESTA PAMAYANAN SIMBAHAN NG HAPAG NG APLAYA NORTH!
5/24/26

Kasunod ng pagdiriwang ng Banal na Misa sa Kapistahan ng Mahal na Patron ng Ina na Mapagkalinga sa mga Kristiyano, isinagawa ang panunumpa at pagbabasbas ng mga Bagong Halal na opisyal ng PSH ng Aplaya North

CLUSTER VISITSa Market Cluster ng Poblacion5/24/26Matapos ang Dalaw Pamilya sa mga Pamayanan, ngayong araw, ang mga may ...
24/05/2026

CLUSTER VISIT
Sa Market Cluster ng Poblacion
5/24/26

Matapos ang Dalaw Pamilya sa mga Pamayanan, ngayong araw, ang mga may sakit naman sa Market Cluster ang dinalaw.

Kasama ang mga Lider ng parokya, ipinagdasal at pinahiran ng banal na langis ng ating Kura Paroko, Reberendo Padre, Raymond H. Ruga ang mga may karamdaman sa Cluster na ito.



Viva La Virgen! 🌸 💐 5/24/26Taos-pusong pasasalamat sa lahat ng nakiisa at nag-alay sa ating Flores de Maria. Nawa'y an...
24/05/2026

Viva La Virgen! 🌸 💐
5/24/26

Taos-pusong pasasalamat sa lahat ng nakiisa at nag-alay sa ating Flores de Maria. Nawa'y ang bawat bulaklak na ating iniaalay ay maging tanda ng ating pagmamahal at pananampalataya sa ating Ina.

Maraming salamat po sa sponsors ngayong araw ang Municipal Cluster ng Poblacion.

Patuloy nating idulog kay Maria ang ating mga panalangin.

Makiisa sa ating araw-araw na Flores de Maria sa ating Parokya, narito po ang schedule:

📌Sunday - Friday : 5:00 PM
📌Saturday: 3:00 PM



PAN DE NILAYLINGGO NG PENTEKOSTESIka-24 ng Mayo 2026MGA PAGBASAUNANG PAGBASAMga Gawa 2, 1-11Pagbasa mula sa Mga Gawa ng ...
23/05/2026

PAN DE NILAY
LINGGO NG PENTEKOSTES
Ika-24 ng Mayo 2026

MGA PAGBASA

UNANG PAGBASA
Mga Gawa 2, 1-11

Pagbasa mula sa Mga Gawa ng Mga Apostol

Nang sumapit ang araw ng Pentekostes, nagkatipon silang lahat sa isang lugar. At biglang narinig ang isang ugong mula sa langit, animo’y hagunot ng malakas na hangin, at napuno nito ang bahay na kinaroroonan nila. May nakita silang wari’y mga dilang apoy na lumapag sa bawat isa sa kanila. At silang lahat ay napuspos ng Espiritu Santo at nagsalita ng iba’t ibang wika, ayon sa ipinagkaloob sa kanila ng Espiritu.

May mga Judiong buhat sa iba’t-ibang bansa, na naninirahan noon sa Jerusalem, mga taong palasamba sa Diyos. Nang marinig ang ugong na ito, nagdatingan ang maraming tao. Namangha sila sapagkat sinasalita ng mga alagad ang mga wika nila. Sa kanilang pagtataka ay kanilang nasabi, “Hindi ba Galileo silang lahat? Bakit ang atin-ating katutubong wika ang naririnig natin sa kanila? Tayo’y mga taga-Partia, mga taga-Media, mga taga-Elam; mga naninirahan sa Mesopotamia, sa Judea at sa Capadocia sa Ponto, at sa Asia. Mayroon pa sa ating taga-Frigia at Panfilia, Egipto at sa mga saklaw ng Libia na sakop ng Cirene, at mga nakikipanirahan mula sa Roma, maging mga Judio at mga naakit sa Judaismo. May mga taga-Creta at Arabia pa rito. Paano sila nakapagsasalita sa ating-ating wika tungkol sa mga kahanga-hangang gawa ng Diyos.”

IKALAWANG PAGBASA
1 Corinto 12, 3b-7. 12-13

Pagbasa mula sa unang sulat ni Apostol San Pablo sa mga taga-Corinto

Mga kapatid:
Hindi masasabi ninuman, “Panginoon si Hesus,” kung hindi siya pinapatnubayan ng Espiritu Santo.

Iba’t iba ang kaloob, ngunit iisa lamang ang Espiritung nagkakaloob ng mga ito. Iba’t iba ang paraan ng paglilingkod, ngunit iisa lamang ang Panginoong pinaglilingkuran. Iba’t iba ang mga gawain ngunit iisa lamang ang Diyos na sumasalahat ng taong gumagawa ng mga iyon. Ang bawat isa’y binigyan ng kaloob na naghahayag na sumasakanya ang Espiritu, para sa ikabubuti ng lahat.

Sapagkat si Kristo’y tulad ng isang katawan na may maraming bahagi; bagamat binubuo ng iba’t ibang bahagi, iisa pa ring katawan. Tayong lahat, maging Judio o Griego, alipin man o malaya, ay bininyagan sa iisang Espiritu upang maging isang katawan. Tayong lahat ay pinainom sa isang Espiritu.

MABUTING BALITA
Juan 20, 19-23

Ang Mabuting Balita ng Panginoon ayon kay San Juan

Kinagabihan ng Linggo ding iyon, ang mga alagad ay nagkakatipon. Nakapinid ang mga pinto ng bahay na kanilang pinagtitipunan dahil sa takot nila sa mga Judio. Dumating si Hesus at tumayo sa gitna nila. “Sumainyo ang kapayapaan!” sabi niya. Pagkasabi nito, ipinakita niya ang kanyang mga kamay at ang kanyang tagiliran. Tuwang-tuwa ang mga alagad nang makita ang Panginoon. Sinabi na naman ni Hesus, “Sumainyo ang kapayapaan! Kung paanong sinugo ako ng Ama, gayun din naman, sinusugo ko kayo.” Pagkatapos, sila’y hiningahan niya at sinabi, “Tanggapin ninyo ang Espiritu Santo. Ang patawarin ninyo sa kanilang mga kasalanan ay pinatawag na nga; ang hindi ninyo patawarin ay hindi nga pinatawad.”

Mula sa www.awitatpapuri.com

Viva La Virgen! 🌸 💐 5/23/26Taos-pusong pasasalamat sa lahat ng nakiisa at nag-alay sa ating Flores de Maria. Nawa'y an...
23/05/2026

Viva La Virgen! 🌸 💐
5/23/26

Taos-pusong pasasalamat sa lahat ng nakiisa at nag-alay sa ating Flores de Maria. Nawa'y ang bawat bulaklak na ating iniaalay ay maging tanda ng ating pagmamahal at pananampalataya sa ating Ina.

Maraming salamat po sa sponsors ngayong araw ang Municipal Cluster ng Poblacion.

Patuloy nating idulog kay Maria ang ating mga panalangin.

Makiisa sa ating araw-araw na Flores de Maria sa ating Parokya, narito po ang schedule:

📌Sunday - Friday : 5:00 PM
📌Saturday: 3:00 PM



“Together in faith, we walk as one in serving the Lord.” ⛪🤍The parade officially began as members of Adjutores Dei Minis...
23/05/2026

“Together in faith, we walk as one in serving the Lord.” ⛪🤍

The parade officially began as members of Adjutores Dei Ministry gathered with joy, faith, and unity for the 35th Founding Anniversary celebration.

With every step, we celebrated not only our journey as a ministry, but also the goodness and faithfulness of God throughout the years. ✨



PAN DE NILAYSABADO SA IKAPITONG LINGGO NG PASKO NG MULING PAGKABUHAYIka-23 ng Mayo 2026MGA PAGBASAUNANG PAGBASAMga Gawa ...
22/05/2026

PAN DE NILAY
SABADO SA IKAPITONG LINGGO NG PASKO NG MULING PAGKABUHAY
Ika-23 ng Mayo 2026

MGA PAGBASA

UNANG PAGBASA
Mga Gawa 28, 16-20. 30-31

Pagbasa mula sa Mga Gawa ng Mga Apostol

Pagdating namin sa Roma, si Pablo’y pinahintulutang umupa ng sariling tirahan kasama ang isang kawal na pinakatanod niya.

Makaraan ang tatlong araw, inanyayahan ni Pablo sa isang pulong ng mga pangunahing Judio sa lungsod. Nang magkatipon na sila, sinabi niya, “Mga kapatid, bagamat wala akong ginawa laban sa ating bansa o sa mga kaugalian ng ating mga ninuno, hinuli ako sa Jerusalem at isinakdal sa kinatawan ng pamahalaang Romano. Matapos akong litisin, ako sana’y palalayain na sapagkat wala naman akong ginawa na dapat parusahan ng kamatayan. Ngunit tumutol ang mga Judio, kaya’t napilitan akong dumulog sa Emperador, bagamat wala akong sakdal laban sa ating mga kababayan. Nagagapos ako ng tanikalang ito dahil kay Hesus, ang pag-asa ng Israel. Iyan ang dahilan kung bakit hiniling kong makausap kayo.”

Humigit-kumulang sa dalawang taong nanirahan si Pablo sa Roma, sa bahay na kanyang inuupahan, at tinanggap niya ang lahat ng nagsadya sa kanya. Hayagan at walang sagabal na nangangaral siya tungkol sa paghahari ng Diyos at sa Panginoong Hesukristo.

MABUTING BALITA
Juan 21, 20-25

Ang Mabuting Balita ng Panginoon ayon kay San Juan

Noong panahong iyon, lumingon si Pedro at nakita niyang sumusunod ang alagad na minamahal ni Hesus – yaong humilig sa dibdib ni Hesus nang sila’y naghahapunan at nagtanong, “Panginoon, sino po ang magkakanulo sa inyo?” Nang makita siya ni Pedro, tinanong nito si Hesus, “Panginoon, ano po naman ang mangyayari sa taong ito?” Sumagot si Hesus, Kung ibig kong mabuhay siya hanggang sa pagbabalik ko, ano sa iyo? Sumunod ka sa akin!” Kumalat sa mga kapatid ang balitang hindi mamamatay ang alagad na ito, bagamat hindi sinabi ni Hesus na hindi siya mamamatay, kundi, “Kung ibig kong mabuhay siya hanggang sa pagbabalik ko, ano sa iyo?”

Ito nga ang alagad na nagpapatotoo tungkol sa mga bagay na ito; siya rin ang sumulat ng mga ito, at alam naming tunay ang kanyang patotoo.

At marami pang ginawa si Hesus na kung susulating lahat, inaakala kong hindi magkakasya kahit sa buong daigdig ang mga aklat na masusulat.

Mula sa www.awitatpapuri.com

Address

Poblacion
Bansud
5210

Opening Hours

Tuesday 8am - 12pm
1pm - 5pm
Wednesday 8am - 12pm
1pm - 5pm
Thursday 8am - 12pm
1pm - 5pm
Friday 8am - 12pm
1pm - 5pm
Saturday 8am - 12pm
1pm - 5pm
Sunday 8am - 12pm

Website

Alerts

Be the first to know and let us send you an email when Divine Savior Parish - Bansud posts news and promotions. Your email address will not be used for any other purpose, and you can unsubscribe at any time.

Shortcuts

Share

Category