20/07/2026
Ang pinakamataas na pagpupuri, pagluluwalhati at pagsamba ay tanging sa ating Pinakamamahal na Panginoong Hesus po lamang. At patuloy po nating sinasariwa at inaalala ang mga ginintuang turo't aral ng ating dearly and beloved parents in the Lord.
Nais lamang po naming ihayag ang kabutihan ng ating Mahal na Panginoon at kung paano Siya muling nagpakita ng Kaniyang dakilang himala. Ito po ay nangyari sa isang tatlong taong gulang na batang babae na nasa video. Noon pong June 21, 2026, sa kanilang pag uwi galing sa banal na gawain sila po'y nakasakay sa motor. Madilim na nang makarating sila sa kanilang tahanan, at hindi namalayan ng kaniyang beloved father na yung pinarkingan nila ng motor ay may malaking bato pala sa gilid. Unang bumaba ang kaniyang beloved mother at siya ay kaniyang binitawan sa pag-aakalang gising pa ang bata, yun pala ay nakatulog na ito. At sa di inaasahang pangyayari ito po ay nahulog sa motor. Sa pagkahulog ng bata tumama ang kaniyang ulo sa bato, at nung kinuha siya ng kaniyang beloved parents ay naalimpungatan siya at grabe yung kaniyang pag-iyak. Ipinasok siya sa kanilang bahay at nilagyan ng hot compress at nilayhands nila. Nung kinapa ng kaniyang beloved mother ang kaniyang ulo nagulat na lang siya dahil lumambot ang ulo ng bata. Bilang magulang at bilang tao kinabahan sila dahil napakasensitibo ang ulo ng bata at may posibilidad na ito'y magsuka o di kaya ay magkaroon ng damage yung kaniyang ulo. Halos lahat ng tao sa kanilang lugar na nakakaalam ng nangyari ay sinabihan sila na dalhin sa hospital ang bata dahil sigurado na may masamang mangyayari sa kaniya. Sa madaling sabi kinabukasan, nagdecide ang kaniyang beloved parents na imbes sa hospital siya dalhin, dito sila pumunta sa pastoral house, dahil alam nila na walang ibang makakatulong sa kanila kundi ang ating Pinakamamahal na Panginoong Hesus po lamang. Pinalayhands nila yung bata at sinabihan sila na mag-alay ng ayuno, at ito naman po ay kanilang sinunod. Ilang araw pagkatapos mag-ayuno ng kaniyang beloved mother, ito ay sinabihan ng nangangasiwa dito na isa sa pinagpalang makakasama sa 2nd Church Anniversary ng JMCIM Sara, Iloilo dahil ang kaniyang beloved mother ay isang Jesus Finest Generation Choir member. Sa ganung sitwasyon ng bata, hindi nagdalawang isip ang kaniyang beloved mother na gampanan ang kaniyang tungkulin at siya ay sumama. Linggo ng madaling araw bago umalis patungong Sara, Iloilo ay muling kinapa ng kaniyang beloved mother ang ulo ng bata at talagang malambot pa rin ito. Habang nasa bayahe nandun sa kaniyang beloved mother yung pag-aalala dahil sa kaniyang sitwasyon, ngunit nandun rin ang pag-asa at pagtitiwala na ang ating Dakilang Diyos lang ang magpapagaling sa kaniya. Sa pagpapala at kahabagan ng Mahal na Panginoon, pagkatapos ng banal na gawain nakalapit ang kaniyang beloved mother sa ating Beloved Minister Wilde James ''Pogs'' Almeda Jr. at nagpacouncel tungkol sa kaniyang kalagayan at pinayuhan ang kaniyang beloved mother na manalig lang sila dahil walang imposible sa ating Pinakamamahal na Panginoong Hesus. Prinay-over ang bata ng ating beloved minister, kasama ng beloved ordained preacher, grabing kagalakan ang naramdaman ng kaniyang beloved mother at nagkaroon siya ng kaginhawahan. Nang umuwi na ang beloved mother ng bata kasama ang mga beloved workers at beloved choir members galing sa pagdiriwang ng Church Anniversay, dali-dali nitong pinuntahan ang bata at kinapa ang kaniyang ulo. Sa dakilang himala at kahabagan ng Mahal na Panginoon yung dating malambot na ulo ay muling tumigas, bumalik sa normal. ''Hallelujah, Glory to God''. Ito ay bunga lamang ng mga panalangin at pag-ayuno ng ating minamahal at iginagalang na mga magulang sa Mahal na Panginoon. Tunay po ang mga pangako ng Mahal na Panginoon na basta't sa Kaniya tayo umaasa at magtiwala, hindi Niya tayo ipapahiya at hindi Niya tayo pababayaan. Sa ngayon, sa kapurihan lamang ng Mahal na Panginoon, napakasigla na at napakalikot ng bata ''Hallelujah''. Yang video po ay kuha kahapon habang sila ay nag-aawit sa Mahal na Panginoon.
Ang lahat ng kapurihan, pagluluwalhati, pagdadakila at pagsamba ay tanging sa ating Pinakamamahal na Panginoong Hesus po lamang.
