07/10/2025
Panalangin sa Mahal na Birhen ng Santo Rosaryo de Tibag.
O Birheng Maria, ipagkaloob mo na sa panalangin ng Santo Rosaryo bawat araw, sa kabila ng maraming gawain, ito'y maging gabay sa lahat ng aming gagawin, makadagdag sa amin bilang karugtong ng iyong kabutihan at lakas sa patuloy na paglalakbay.
Loobin mo po higit sa lahat, O Birheng Maria na sa patuloy na pagninilay ng mga misteryo ng Santo Rosaryo, mahubog ang aming kaluluwa dahan-dahan, magliwanag, dumalisay, mapanatag, at humalimuyak; na manuot sa aming pang-unawa, sa aming determinasyon sa aming puso, sa aming alaala, sa aming gunita, at sa aming buong pagkatao.
Nawa'y ugaliin naming manalangin, hindi sa paraang kinasanayan, kundi sa palagiang pagpaparangal at patuloy na paghahangad ng pag-ibig.
(Sa katahimikan ay idulog ang mga panalangin.)
Ito'y aming hinihiling, O reyna ng Santo Rosaryo, sa pamamagitan ng pagdalangin ni Santo Domingo, ang tagapagturo ng mga misteryo at tapat na tagasunod ng mga katangian nito. Amen.
O Maria, Reyna ng Santo Rosaryo, Ipanalangin mo kami.
Viva la Virgen! Viva!
