OLMC Riders & Procession Assistance - Est. 2019

20/01/2026

12/01/2026

04/01/2026

𝐄𝐏𝐈𝐏𝐀𝐍𝐈𝐀 𝟐𝟎𝟐𝟔

Sa pagdiriwang ng Epipanya o Dakilang Kapistahan ng Pagpapakita ng Panginoon, ating buksan ang ating mga tahanan at puso upang tanggapin si Kristo sa ating buhay.

Gamit ang binasbasang tisa (chalk), isusulat sa hamba o pintuan ang 𝟐𝟎 + 𝐂 + 𝐌 + 𝐁 + 𝟐𝟔, na sumasagisag sa kasalukuyang taon at sa pangalan ng Tatlong Pantas Caspar (o Gaspar), Melchor, at Baltazar. kasama ang panalanging “Christus Mansionem Benedicat” na nangangahulugang “Nawa’y pagpalain ni Kristo ang tahanang ito.” Isang simpleng tanda ng pananampalataya at panalangin para sa pagpapala ng bawat tahanan.

Mamamahagi ng mga binasbasang tisa (chalk) sa bawat Misa ngayong Sabado at Linggo. Maaaring makuha ang mga ito sa Main Entrance ng simbahan.

13/12/2025

𝐏𝐀𝐒𝐊𝐎 𝐍𝐀 𝐒𝐀 𝐂𝐀𝐑𝐌𝐄𝐋! 🤎

13/12/2025

"Sa Kanyang pagdating, pag-ibig Niya’y ating kamtan;
Kaligtasa’y naghihintay, pag-asang walang hanggan.
Pusong nagagalak, taimtim na naghihintay
Si Kristo’y darating, Liwanag na walang kapantay.”

Panahon ng Adbiyento panahon ng pag-asa at paghahanda.
Our Lady of Mt. Carmel Parish, Sabang, Baliuag City, Bulacan

07/12/2025

𝘈𝘥 𝘮𝘶𝘭𝘵𝘰𝘴 𝘈𝘯𝘯𝘰𝘴, Mons. Flint!

Happy 48th Sacerdotal Anniversary, Rev. Msgr. Filemon M. Capiral H.P.

Ang aming taos-pusong pagbati Mons. Flint, mula sa OLMC Riders & Procession Assistance - Est. 2019

𝐆𝐀𝐔𝐃𝐄𝐓𝐄 𝐈𝐍 𝐃𝐎𝐌𝐈𝐍𝐎 𝐒𝐄𝐌𝐏𝐄𝐑: 𝐈𝐊𝐀-𝟒𝟖 𝐓𝐀𝐎𝐍𝐆 𝐏𝐀𝐆𝐊𝐀𝐏𝐀𝐑𝐈 𝐍𝐈 𝐌𝐎𝐍𝐒𝐈𝐆𝐍𝐎𝐑 𝐅𝐈𝐋𝐄𝐌𝐎𝐍 𝐌. 𝐂𝐀𝐏𝐈𝐑𝐀𝐋, 𝐇.𝐏.

Sa pag-ikot ng apatnapu’t walong taon ng kanyang banal na paglalakbay, ang buhay ni Monsignor Flint ay naging matatag na haligi ng pananampalataya. Ang kanyang buhay bilang pastol ay patotoo ng pag-ibig ni Kristo at isang matibay na huwaran ng karunungan, malasakit, at kabanalan. Sa araw na ito ng pasasalamat, atin siyang ipinagkakatiwala sa mapagkalingang bisig ng Mahal na Birhen ng Bundok ng Carmelo, ang Ina na nagtatakip-silong sa mga lingkod ng Diyos sa lilim ng Kanyang kabanal-banalang balabal.

Nawa’y ihatid niya si Monsignor sa panibagong lakas, panibagong alab, panibagong sigla sa patuloy na pag-aalay ng sarili sa lalong ikadadakila ng Diyos. Sa pagdiriwang ng kanyang ika–48 taon, sumasabay ang ating puso sa panalangin at pagpupuri: Nawa ang Diyos ang maging Kanyang kalakasan, ang Birheng Ina ang maging Kanyang gabay, at ang Sambayanan ang maging Kanyang katuwang sa paglalakbay.

Ad multos annos, Monsignor Flint!
Nawa’y magpatuloy ang iyong paglilingkod bilang awit ng pag-ibig ng Diyos sa Kanyang bayan.

04/12/2025

𝐆𝐀𝐔𝐃𝐄𝐓𝐄 𝐈𝐍 𝐃𝐎𝐌𝐈𝐍𝐎 𝐒𝐄𝐌𝐏𝐄𝐑: 𝐌𝐈𝐒𝐀 𝐏𝐀𝐒𝐀𝐒𝐀𝐋𝐀𝐌𝐀𝐓 𝐒𝐀 𝐈𝐊𝐀-𝟒𝟖 𝐓𝐀𝐎𝐍𝐆 𝐏𝐀𝐆𝐊𝐀𝐏𝐀𝐑𝐈 𝐍𝐈 𝐌𝐎𝐍𝐒𝐈𝐆𝐍𝐎𝐑 𝐅𝐈𝐋𝐄𝐌𝐎𝐍 𝐌. 𝐂𝐀𝐏𝐈𝐑𝐀𝐋, 𝐇.𝐏.

Sa ilalim ng paggabay ng Mahal na Birhen ng Bundok ng Carmelo, ay inaanyayahan namin ang buong sambayanang mananampalataya sa pagdiriwang ng 𝐈𝐊𝐀-𝟒𝟖 𝐓𝐀𝐎𝐍𝐆 𝐏𝐀𝐆𝐊𝐀𝐏𝐀𝐑𝐈 ng ating minamahal na Kura Paroko, 𝐑𝐄𝐁𝐄𝐑𝐄𝐍𝐃𝐎 𝐌𝐎𝐍𝐒𝐈𝐆𝐍𝐎𝐑 𝐅𝐈𝐋𝐄𝐌𝐎𝐍 𝐌. 𝐂𝐀𝐏𝐈𝐑𝐀𝐋, 𝐇.𝐏.

Sa darating na Linggo, Ika–7 ng Disyembre. 8:00 N.U. Ikalawang Linggo sa Panahon ng Pagdating ng Panginoon. Sa diwa ng pag-ibig ng Diyos, tayo ay magtipon upang magpasalamat para sa biyayang bokasyong kanyang ipinagkaloob.

28/11/2025

𝘈𝘥 𝘮𝘶𝘭𝘵𝘰𝘴 𝘈𝘯𝘯𝘰𝘴, 𝘗𝘢𝘥𝘳𝘦 𝘒𝘢𝘬𝘢!

Happy 22nd Sacerdotal Anniversary, Rev. Fr. Francis Protacio S. Cortez, III, OSA.

Ang aming taos-pusong pagbati Padre Kaka, mula sa OLMC Riders & Procession Assistance - Est. 2019 🤎

28/11/2025

𝐓𝐔 𝐄𝐒 𝐒𝐀𝐂𝐄𝐑𝐃𝐎𝐒 𝐈𝐍 𝐀𝐄𝐓𝐄𝐑𝐍𝐔𝐌

Sa araw na ito, buong kagalakan nating ginugunita ang Ika-22 Anibersaryo ng Pagkapari ni Rdo. P. Francis Protacio S. Cortez, III, O.S.A., isang pastol na patuloy na nagbibigay ng inspirasyon sa pamamagitan ng kanyang malasakit, pananampalataya, at tapat na paglilingkod sa Simbahan.

Kaisa ang sambayanan ng Diyos sa Parokya ng Mahal na Ina ng Bundok ng Carmelo, at sa pangunguna ni Monsignor Flint Capiral, ipinahahayag natin ang taos-pusong pasasalamat sa biyayang hatid ng kanyang bokasyon. Ang kanyang presensya ay naging katuwang sa pagpapatibay ng ating pananampalataya at paghubog sa ating buhay-Kristiyano.

Nawa’y pagpalain pa siya ng Panginoon at patuloy na gabayan ng Mahal na Birheng Maria sa lahat ng yugto ng kanyang paglilingkod. Dasal namin ang higit pang lakas, karunungan, at pag-ibig sa kanyang patuloy na paglalakbay bilang alagad at lingkod ni Kristo.