Sub-Parish Commission on Youth - San Roque Loob

25/12/2025

PASKO PARA SA MGA BATA 205

BIDA ANG SAYA NGAYONG KAPASKUHAN

Ikalimang taon ng pagbibigay saya sa mga bata. Ang Kabataan ni San Roque ay nagkaroon ng palaro na may kasamang libreng Jollibee at pa premyo para sa mga kabataan ng ating baranggay upang magbigay ng simpleng kasiyahan ngayong kapaskuhan.Tunay na ang pasko ay para sa mga bata dahil mas sumasaya ang lahat kapag ang mga bata ay may ngiti sa kanilang mga labi.

Ang makita silang masaya ay hindi maipagkakailang nagdudulot ng kaluwagan sa kanilang mga magulang at bawat isa. Ito ang hiling namin ngayong pasko, ang maging parte ng pagngiti, pagtawa, at paghalakhak ninyo.

Pasasalamat po sa mga taong laging nakasuporta at nakagabay sa bawat naming proyekto. Diyos na po ang bahala na magbalik sa inyo ng siksik liglig at umaapaw na biyaya.

MALIGAYANG PASKO PO SA ATING LAHAT!

14/12/2025

𝐔𝐍𝐀𝐍𝐆 𝐀𝐑𝐀𝐖 𝐍𝐆 𝐒𝐈𝐌𝐁𝐀𝐍𝐆 𝐆𝐀𝐁𝐈 | 𝐃𝐈𝐒𝐘𝐄𝐌𝐁𝐑𝐄 𝟏𝟓

Panginoong Hesus, ang pagsisimula po ng mga simbang gabi ay isang hudyat sa nalalapit na pagdiriwang ng iyong unang pagparito. Turuan Mo po kami na maging karapat-dapat sa pagdiriwang na ito. Alisin Mo po ang galit at pagmamataas sa aming mga puso at ituro Mo po sa amin kung paano umibig ng wagas.gawin Mo pong sabsaban Mo ang aming mga puso. Amen.

Halina’t sabay sabay nating salubungin ang pagsilang ni Hesus sa munting sabsaban. Ang atin pong Banal na Misa ay pangungunahan ni Rdo. P. Dennis Estrella.

𝐇𝐀𝐋𝐈𝐍𝐀 𝐇𝐄𝐒𝐔𝐒, 𝐇𝐀𝐋𝐈𝐍𝐀!

13/12/2025

𝐒𝐈𝐌𝐁𝐀𝐍𝐆 𝐆𝐀𝐁𝐈 𝟐𝟎𝟐𝟓

Bilang isang sambayanan ng Diyos, sama-sama po tayong maghanda at ipagdiwang ang kapanganakan ng ating Manunubos—ang Panginoong Hesukristo!

Narito po ang talatakdaan ng oras, kulay at alay sa darating na Simbang Gabi. Ang atin pong Banal na Misa ay pangungunahan ng ating panauhing Pari Rdo. P. Dennis Estrella sa ganap na ika-7:00 ng gabi.

Maaari na po kayong magpamisa para sa mga araw na ito. Maraming Salamat po.

𝐇𝐀𝐋𝐈𝐍𝐀 𝐇𝐄𝐒𝐔𝐒, 𝐇𝐀𝐋𝐈𝐍𝐀!

09/11/2025

𝐎𝐑𝐀𝐓𝐈𝐎 𝐈𝐌𝐏𝐄𝐑𝐀𝐓𝐀 𝐏𝐀𝐑𝐀 𝐒𝐀 𝐁𝐀𝐆𝐘𝐎

Amang Makapangyarihan nilikha Mo at nilagyan ng kaayusan ang mundong walang hugis sa simula. Nang ang mga alagad ng lyong Anak ay naharap sa malakas na unos sa dagat sa Galilea, Inutusan niyang huminto ito. Ang unos ay tumalima at ang mga alagad ay napanatag. Ngayong kami'y nahaharap sa bagyong Uwan dasal namiy ipagsanggalang kami sa hagupit ng unos at pinsalang dulot ng bagyo, bigyan ng kapanatagan ang aming kalooban at sa iyong kapangyarihan, iballk ang kaayusan at kapayapaan Sa pamamagitan ni Hesukristo kasama ng Espiritu Santo magpasawalang hanggan. Amen.

N. Panginoon naming Diyos, ipakita Mo na ang iyong pag-ibig ay wagas.
B. Kami ay lingapin at sa kahirapan at lyong iligtas.

Maria, Ina ng Simbahan, ipanalangin mo kami.
San Miguel Arkanghel, iipanalangin mo kami.
San Lorenzo Ruiz, panalangin mo kami.
San Pedro Calungsod, ipanalangin mo kami.
San Roque, aming patron, ipanalangin mo kami!

04/11/2025

PARADE OF SAINTS 2025

Tingnan ang mga kuhang larawan ng piling kabataan na gumanap at nagbigay buhay sa mga santo at santa.

• Parokya ng Sagrada Familia
Santo Carlo Acutis
Santa Cecilia ng Roma
Santa Lucia ng Siracusa

• Pandoyosesis na Dambana at Parokya ni San Agustin
Santa Cecilia ng Roma
Santa Ines ng Roma

23/10/2025

SANTA CECILIA NG ROMA
SPCY SR LOOB

P**i heart po ang mismong picture!

23/10/2025

SANTA LUCIA NG SIRACUSA
SPCY SR LOOB

P**i heart po ang mismong picture!

23/10/2025

SANTO CARLO ACUTIS
SPCY SAN ROQUE LOOB

P**i heart po ang mismong picture!

23/09/2025

Maligayang Kaarawan Bro. Jeff!

Mula sa Spcy San Roque Loob kami ay bumabati ng Maligayang Kaarawan! Wala kaming ibang hiling kundi bigyan ka ng Panginoon ng lakas ng katawan at kaligtasan ng sa ganon ay patuloy tayong makapaglingkod bilang iisang pamilya. Salamat sa walang sawang suporta at pag gabay mo sa amin.

Nawa ang pagpapala ng ating Panginoong Hesukristo at Pintakasing si San Roque ay sumaiyo sa tuwina.

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧 𝐁𝐫𝐨. 𝐉𝐞𝐟𝐟 𝐃𝐢𝐚𝐦𝐬𝐞 !
𝚂𝙴𝙿𝚃𝙴𝙼𝙱𝙴𝚁 𝟸𝟹, 𝟸𝟶𝟸𝟻

Mula sa iyong mga kasama sa paglilingkod aming ipinapaabot ang isang taos pusong pagbati sa iyong kaarawan.

Maraming salamat sa patuloy na paglilingkod sa ating Bahay Dalanginan ng may pagmamahal, malasakit, kababaang loob at bukal sa iyong puso Sa oras, kakayahan at talino na iyong ibinubuhos at inilalaan upang magampanan ng buong-husay ang iyong obligasyon at gampanin, Maraming Salamat.

Nawa’y ipagkaloob sa’yo ng Panginoon at ng ating Patron at Pintakasing si San Roque ang masaganang biyaya ng buhay, kalakasan ng katawan at kagalakan sa bawat araw ng iyong buhay.

Nawa’y maging masaya at makulay ang espesyal na araw na ito, at sana ito ay mapuno ng pagmamahal mula sa iyong pamilya at mga kaibigan.

Muli maligayang kaarawan Bro. Jeff Grace Diamse!🎉

29/08/2025

𝓛𝓪 𝓝𝓲ñ𝓪 𝓜𝓪𝓻𝓲𝓪 𝓭𝓮 𝓢𝓪𝓷 𝓡𝓸𝓺𝓾𝓮 𝓛𝓸𝓸𝓫

Kapistahan : Setyembre 8
Nobena at Rosaryo : Agosto 30 - Setyembre 7
Ang imahe ay sa pangangalaga ni G. Obet De Leon

PANALANGIN SA LA NIÑA MARIA

Kalinis-linisang Niña Maria at mapagkandiling Ina;
Buhat sa aming abang kalagayan at pagkakasadlak sa kasalanan
Ay ipinagmamakaamo namin sa iyo
Na pagdalitaang dinggin ang aming mga karaingan
At tapunan kami ng sulyap ng mga mata mong maawain.
O batis ng Awa, marapatin mo pong dinggin
Ang pagsisiyam naming ito upang maging daan ng ipagtatamo namin
Ng iyong masaganang biyaya,
Hindi lamang para sa aming katawan,
Kundi lalung-lalo na para sa aming kaluluwa,
Para sa ikapagbabalik-loob ng mga makasalanan
At ikapapanuto ng aming bayan,
Alang-alang sa walang hanggang kaluwalhatian ng Diyos.

Amen.

O Batang Maria, ikinasisiya ni Santa Ana at ikinararangal ni San Joaquin, ipanalangin mo kami.

23/08/2025

𝐏𝐈𝐒𝐓𝐀𝐍𝐆 𝐏𝐀𝐓𝐑𝐎𝐍 𝟐𝟎𝟐𝟓
𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐑𝐎𝐐𝐔𝐄

Narito ang mga kuhang larawan mula sa Maringal na Prisisyon sa Kapistahan ni San Roque.

Ang aming taos pusong pasasalamat sa lahat ng mga nakiisa at sumama sa Maringal na Prusisyon sa mga panauhin, Hagonoy Folkloric, Banda Cruz at Pang Clara, at higit sa lahat sa bawat komisyon at mananampalataya na patuloy na namimintuho sa ating Mahal na Patron at Pintakasing si San Roque.

Ito ay alay namin sa iyo Mahal na Pintakasing San Roque. Nawa patuloy mo kaming gabayan ilayo sa sakit at salot at ilapit kay Kristo.

𝓢𝓪𝓷 𝓡𝓸𝓺𝓾𝓮, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!

21/08/2025

𝐏𝐈𝐒𝐓𝐀𝐍𝐆 𝐏𝐀𝐓𝐑𝐎𝐍 𝟐𝟎𝟐𝟓
𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐑𝐎𝐐𝐔𝐄

Narito ang mga kuhang larawan mula unang araw hanggang ikasiyam na araw ng nobernayo para sa Kapistahan ng Mahal na Patrong San Roque.

Ang aming taos pusong pasasalamat sa lahat ng mga naging tagapagtaguyod ng bawat banal na misa, sa mga naglingkod sa banal na misa, sa mga mananampalataya at lalo’t higit sa mga naging Tagapagdiwang ng bawat Banal na Misa, Maraming Salamat po sa inyong pagpapaunlak sa aming paanyaya na kayo ay makapagdaos ng isang Banal na Pagdiriwang sa aming munting bisita.

Ito ay alay namin sa iyo Mahal na Pintakasing San Roque. Nawa patuloy mo kaming gabayan ilayo sa sakit at salot at ilapit kay Kristo.

𝓢𝓪𝓷 𝓡𝓸𝓺𝓾𝓮, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!