What are the opening hours?

Tuesday 8am - 12pm 1pm - 5pm Wednesday 8am - 12pm 1pm - 5pm Thursday 8am - 12pm 1pm - 5pm Friday 8am - 12pm 1pm - 5pm Saturday 8am - 12pm 1pm - 5pm Sunday 8am - 12pm 1pm - 5pm

https://www.facebook.com/1687611658157173/

Ang Layag - Our Lady of the Most Holy Rosary Parish

Home
Philippines
Baliuag
Ang Layag - Our Lady of the Most Holy Rosary Parish

Welcome to the 𝗢𝗳𝗳𝗶𝗰𝗶𝗮𝗹 𝗙𝗮𝗰𝗲𝗯𝗼𝗼𝗸 𝗣𝗮𝗴𝗲 of Our Lady of the Most Holy Rosary Parish - Makinabang! Viva La Virgen de Maquinabang!

This Page is officially managed by Ang Layag - Commission on Social Communications of Our Lady of the Most Holy Rosary Parish, Makinabang, Baliwag City, Bulacan.

————————————

𝗥𝗘𝗩. 𝗙𝗥. 𝗡𝗜𝗖𝗔𝗡𝗢𝗥 𝗝. 𝗖𝗔𝗦𝗧𝗥𝗢, 𝗩.𝗙. Parish Priest

𝗠𝗔𝗦𝗦 𝗦𝗖𝗛𝗘𝗗𝗨𝗟𝗘𝗦:
Monday - Saturday : 6:30am
Wednesday : 5:30pm
Sunday : 6:00am, 7:30am & 5:30pm

𝗗𝗘𝗩𝗢𝗧𝗜𝗢𝗡𝗦:
Wednesday : Our Lady of Perpetual Help (Novena and Mass)
First Frida

y : Most Sacred Heart of Jesus (Holy Hour and Mass)
First Saturday : Our Lady of the Most Holy Rosary of Makinabang (Novena, Mass & Procession)

𝗦𝗔𝗖𝗥𝗔𝗠𝗘𝗡𝗧𝗦 𝗔𝗡𝗗 𝗦𝗔𝗖𝗥𝗔𝗠𝗘𝗡𝗧𝗔𝗟𝗦:
Baptism : Every Sunday, 11:00am
Confession : After Mass / First Friday
Vehicle Blessing : After Mass
Annointing of the Sick : By Appointment
Matrimony / Wedding : By Appointment
Misa sa Patay : By Appointment
House Blessing : By Appointment

𝗣𝗔𝗥𝗜𝗦𝗛 𝗢𝗙𝗙𝗜𝗖𝗘 𝗛𝗢𝗨𝗥𝗦:
Monday - Sunday:
8:00am - 12:00pm
2:00pm - 5:00pm

————————————

For 𝗣𝗜𝗟𝗚𝗥𝗜𝗠𝗔𝗚𝗘𝗦, please contact us at:
[email protected]

————————————

𝗣𝗶𝘀𝘁𝗮𝗻𝗴 𝗣𝗮𝘀𝗮𝘀𝗮𝗹𝗮𝗺𝗮𝘁 : Every last Sunday of April
𝗣𝗶𝘀𝘁𝗮𝗻𝗴 𝗣𝗮𝘁𝗿𝗼𝗻 : October 7th

————————————

𝐕𝐢𝐯𝐚, 𝐍𝐮𝐞𝐬𝐭𝐫𝐚 𝐒𝐞ñ𝐨𝐫𝐚 𝐝𝐞𝐥 𝐒𝐚𝐧𝐭𝐢𝐬𝐢𝐦𝐨 𝐑𝐨𝐬𝐚𝐫𝐢𝐨 𝐝𝐞 𝐌𝐚𝐪𝐮𝐢𝐧𝐚𝐛𝐚𝐧𝐠!
𝐕𝐢𝐯𝐚, 𝐋𝐚 𝐕𝐢𝐫𝐠𝐞𝐧 𝐝𝐞 𝐌𝐚𝐪𝐮𝐢𝐧𝐚𝐛𝐚𝐧𝐠!

27/05/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐌𝐀𝐇𝐀𝐋 𝐍𝐀 𝐈𝐍𝐀 𝐍𝐆 𝐋𝐀𝐆𝐈𝐍𝐆 𝐒𝐀𝐊𝐋𝐎𝐋𝐎

Mahal na Ina ng Laging Saklolo, aming Gabay at Kanlungan, lumalapit kami sa Iyo nang may pusong puno ng pag-asa at tiwala. Ialay Mo kami sa Iyong Anak na si Hesus upang madama namin ang Kanyang pag-ibig, kapayapaan, at biyaya sa bawat sandali ng aming buhay.

Ina ng Awa, ipanalangin Mo kaming maging matatag sa pananalig, matibay sa pagsubok, at mapagmalasakit sa aming kapwa. Amen

26/05/2026

𝐁𝐔𝐇𝐀𝐘 𝐒𝐀 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
27 Mayo 2026
Marcos 10, 32–45

Ang Mabuting Balita ng Panginoon ayon kay San Marcos

Noong panahong iyon, nasa daan ang mga alagad patungong Jerusalem. Nauuna sa kanila si Hesus; nangangamba ang mga alagad at natatakot naman ang mga taong sumusunod sa kanya. Ibinukod ni Hesus ang Labindalawa at sinabi ang mangyayari sa kanya. Wika niya, “Ngayo’y paahon tayo sa Jerusalem. Ang Anak ng Tao’y ipagkakanulo sa mga punong saserdote at sa mga eskriba. Kanilang hahatulan siya ng kamatayan, at ibibigay sa mga Hentil. Siya’y tutuyain nila, luluran, hahagupitin, at papatayin. Ngunit muli siyang mabubuhay pagkaraan ng tatlong araw.”

Lumapit kay Hesus sina Santiago at Juan na mga anak ni Zebedro, at ang sabi, “G**o, may hihilingin po sana kami sa inyo.” “Ano yon?” tanong ni Hesus. Sumagot sila, “Sana’y makaupo kami katabi ninyo sa inyong kaharian – isa sa kanan at isa sa kaliwa.” “Hindi ninyo nalalaman ang inyong hinihingi,” sabi ni Hesus sa kanila. “Mababata ba ninyo ang hirap na babatahin ko? Pabibinyag ba kayo sa sa binyag na daranasin ko?” “Opo,” tugon nila. Sinabi ni Hesus, “Ang hirap na babatahin ko’y babatahin nga ninyo, at kayo’y bibinyagan sa binyag na daranasin ko. Ngunit wala sa akin ang pagpapasiya kung sino ang mauupo sa aking kanan at sa aking kaliwa. Ang mga luklukang sinasabi ninyo’y para sa mga pinaghandaan.”

Nang marinig ito ng sampung alagad, nagalit sila sa magkapatid. Kaya’t pinalapit sila ni Hesus at sinabi, “Alam ninyo na ang mga itinuturing na pinuno ng mga Hentil ay siyang pinapanginoon, at ang mga dinadakila ay siyang nasusunod. Ngunit hindi ganyan ang dapat umiral sa inyo. Sa halip, ang sinuman sa inyo ang ibig maging dakila ay dapat maging lingkod. At sinumang ibig maging pinuno ay dapat maging alipin ng lahat. Sapagkat ang Anak ng Tao ay naparito, hindi upang paglingkuran kundi upang maglingkod at ibigay ang kanyang buhay sa ikatutubos ng marami.”

Ang Mabuting Balita ng Panginoon.

⸻

1. Ang Tunay na Kadakilaan ay Nasa Paglilingkod

• Itinuro ni Hesus na ang tunay na dakila ay hindi naghahari kundi naglilingkod sa kapwa.
• Pagnilayan: Paano ako nagiging lingkod sa aking pamilya, simbahan, at pamayanan?

2. Ang Pagsunod kay Kristo ay May Kasamang Sakripisyo

• Ang pagiging alagad ni Hesus ay nangangailangan ng pagtitiis, pagpapakumbaba, at katapatan.
• Pagnilayan: Handa ba akong magsakripisyo alang-alang sa aking pananampalataya?

3. Si Hesus ang Perpektong Halimbawa ng Pagmamahal

• Ibinigay ni Hesus ang Kanyang buhay para sa kaligtasan ng marami bilang sukdulang tanda ng pag-ibig.
• Pagnilayan: Paano ko maisasabuhay ang mapagbigay at mapaglingkod na pag-ibig ni Kristo?

⸻

PAGNINILAY:

Madalas ay iniisip ng tao na ang kadakilaan ay nasusukat sa kapangyarihan, katanyagan, o mataas na posisyon. Ngunit kabaligtaran nito ang itinuro ni Hesus. Para sa Kanya, ang tunay na dakila ay yaong marunong maglingkod nang may kababaang-loob at pagmamahal. Si Hesus mismo ang naging huwaran nito nang ialay Niya ang Kanyang buhay para sa kaligtasan ng sangkatauhan. Bilang Kanyang mga alagad, tinatawag din tayong maglingkod hindi para sa papuri kundi para sa ikabubuti ng kapwa at kaluwalhatian ng Diyos. Nawa’y matutuhan nating maging mapagkumbaba at handang magmahal tulad ni Kristo.

⸻

MANALANGIN TAYO:

Panginoong Hesus, turuan Mo akong maging mapagpakumbaba at handang maglingkod sa aking kapwa. Alisin Mo sa aking puso ang pagmamataas at pansariling hangarin. Nawa’y matularan ko ang Iyong pagmamahal at kababaang-loob sa aking araw-araw na buhay. Amen.

⸻

26/05/2026

𝐒𝐈𝐌𝐁𝐀-𝐀𝐑𝐀𝐋𝐀𝐍 𝐒𝐀 𝐎𝐋𝐌𝐇𝐑𝐏 - 𝐌𝐀𝐊𝐈𝐍𝐀𝐁𝐀𝐍𝐆
𝗪𝗲𝗲𝗸 𝟯: May 18-22, 2026

Masdan ang mga Larawan kaugnay ng Ikatlong Linggo ng Programang Simba-Aralan ng Diyosesis ng Malolos dito sa Parokya ng Mahal na Birhen ng Sto. Rosario, at sa mga nasasakupang Sub-Parishes ng ating Parokya.

Lubos na Pasasalamat sa lahat ng mga Katekista at G**o na nagtataguyod ng Programang ito ng ating Diyosesis at lalung-lalo na para sa mga batang naglaan ng oras, upang matuto sa katekismo ng ating Inang Simbahan.

Simba-Aralan, Ano Tara?

26/05/2026

𝐀𝐧𝐠 𝐋𝐚𝐲𝐚𝐠 𝐒𝐩𝐞𝐜𝐢𝐚𝐥𝐬:
𝕱𝐋𝐎𝐑𝐄𝐒 𝐃𝐄 𝕸𝐀𝐑𝐈𝐀 𝐒𝐀 𝕸𝐀𝐊𝐈𝐍𝐀𝐁𝐀𝐍𝐆 𝐌𝐌𝐗𝐗𝐕𝐈

𝗜𝗞𝗔𝗧𝗟𝗢𝗡𝗚 𝗔𝗥𝗔𝗪 𝗡𝗚 𝗠𝗜𝗦𝗔 𝗡𝗢𝗩𝗘𝗡𝗔𝗥𝗜𝗢
[Linggo ng Pentekostes]
24 MAYO 2026 | LINGGO | 5:30 N.H.

Muling nagkatipon ang mga Mananampalataya para sa Ikatlong Araw ng Misa Novenario kaugnay ng Pamparokyang Pagdiriwang ng Flores de Maria MMXXVI. Ito ay pinangunahan ng ating Kura Paroko, Reb. P. Nicanor J. Castro, V.F.

Sa Linggo ding ito, ating ipinagdiriwang ang Dakilang Kapistahan ng Pentekostes, kung saan ang Espiritu Santo ay pumanaog sa mga Apostol at sa Mahal na Birheng Maria sa anyo ng dilang apoy. Ang araw ding ito ang ikalimampung araw ng Pasko ng Pagkabuhay.

Matapos ang Panalangin Pagkapakinabang, muling nagpahayag ng pagmamahal at debosyon ang mga mananampalataya sa Mahal na Birheng Maria sa pamamagitan ng pag-aalay ng mga bulaklak, Rosario, at pagpuputong ng korona sa Mahal na Ina. Pagkatapos, nagpahayag ng pasasalamat ang Parish Commission on Family and Life, na siyang tagapagtaguyod ng Ikatlong Araw ng Misa Novenario.

Matapos ang Banal na Misa, pinatay ang ningas ng Kandilang Pampaskuwa, hudyat ng pagtatapos ng Panahon ng Pasko ng Muling Pagkabuhay ng Panginoon.

Sa patuloy na pagdiriwang ng Misa Novenario, nawa’y higit pang mag-alab sa ating mga puso ang pananampalataya at debosyon sa Mahal na Birheng Maria, kasabay ng patuloy na paggabay at pagkilos ng Espiritu Santo sa bawat mananampalataya.

Viva, Virgen De Las Flores!

—————

Written by: HWR, Ang Layag SocCom
Photos by: DNS, Ang Layag SocCom

25/05/2026

𝐁𝐔𝐇𝐀𝐘 𝐒𝐀 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
26 Mayo 2026
Marcos 10, 28–31

Ang Mabuting Balita ng Panginoon ayon kay San Marcos

Noong panahong iyon, nagsalita si Pedro kay Hesus, “Tingnan po ninyo, iniwan namin ang lahat at kami’y sumunod sa inyo.” Sinabi ni Hesus, “Tandaan ninyo ito: ang sinumang mag-iwan ng bahay, o mga kapatid, ina, ama, mga anak, mga lupa, dahil sa akin at sa Mabuting Balita, ay tatanggap ng makasandaang ibayo sa buhay na ito – mga bahay, mga kapatid, mga ina, mga anak, at mga lupa – ngunit may kalakip na pag-uusig. At sa kabilang buhay ay magkakaroon ng buhay na walang hanggan. Ngunit maraming nauuna na magiging huli, at maraming nahuhuli na magiging una.”

Ang Mabuting Balita ng Panginoon.

⸻

1. Ang Pagsunod kay Kristo ay May Sakripisyo

• Ang pagiging alagad ni Hesus ay nangangailangan ng pagtitiwala at pagtalikod sa mga bagay na humahadlang sa pagsunod sa Kanya.
• Pagnilayan: Ano ang mga bagay na kailangan kong isuko upang masunod ko nang lubos si Hesus?

2. Hindi Nagpapahuli ang Diyos sa Pagpapala

• Anumang sakripisyo para sa Panginoon ay may kaakibat na gantimpala at biyaya.
• Pagnilayan: Paano ko nakikita ang kabutihan ng Diyos sa aking mga pagsasakripisyo?

3. Ang Tunay na Kadakilaan ay Nasa Kababaang-loob

• Ipinapaalala ni Hesus na ang mga nahuhuli sa paningin ng mundo ay maaaring mauna sa kaharian ng Diyos.
• Pagnilayan: Marunong ba akong maglingkod nang may kababaang-loob at hindi naghahangad ng papuri?

⸻

PAGNINILAY:

Hindi madali ang pagsunod kay Kristo sapagkat may mga pagkakataong kailangan nating magsakripisyo at iwan ang ating kaginhawaan. Ngunit ipinapangako ni Hesus na walang anumang inialay para sa Kanya ang mawawalan ng gantimpala. Maaaring may kasamang pagsubok at pag-uusig ang pagiging Kristiyano, ngunit higit na dakila ang biyayang inihahanda ng Diyos para sa mga nananatiling tapat. Sa mata ng mundo, ang kadakilaan ay madalas nasusukat sa yaman at kapangyarihan, ngunit sa Diyos, ang tunay na dakila ay yaong marunong magpakumbaba at maglingkod. Nawa’y manatili tayong matatag at masaya sa ating pagsunod kay Kristo.

⸻

MANALANGIN TAYO:

Panginoong Hesus, bigyan Mo ako ng lakas ng loob upang tapat Kang masunod kahit may kasamang sakripisyo at pagsubok. Tulungan Mo akong magtiwala sa Iyong mga pangako at manatiling mapagkumbaba sa paglilingkod. Nawa’y ang aking buhay ay maging patunay ng aking pagmamahal at katapatan sa Iyo. Amen.

⸻

25/05/2026

𝐀𝐧𝐠 𝐋𝐚𝐲𝐚𝐠 𝐒𝐩𝐞𝐜𝐢𝐚𝐥𝐬:
𝕱𝐋𝐎𝐑𝐄𝐒 𝐃𝐄 𝕸𝐀𝐑𝐈𝐀 𝐒𝐀 𝕸𝐀𝐊𝐈𝐍𝐀𝐁𝐀𝐍𝐆 𝐌𝐌𝐗𝐗𝐕𝐈

𝗜𝗞𝗔𝗟𝗔𝗪𝗔𝗡𝗚 𝗔𝗥𝗔𝗪 𝗡𝗚 𝗠𝗜𝗦𝗔 𝗡𝗢𝗩𝗘𝗡𝗔𝗥𝗜𝗢
[Linggo ng Pentekostes: Pagmimisa sa Sabado ng Hapon]
23 MAYO 2026 | SABADO | 6:00 N.G.

Patuloy na ipinagdiwang ng sambayanang Rosaryano ang Misa Novenario para sa Pamparokyang Pagdiriwang ng Flores de Maria sa ikalawang araw nito noong ika-23 ng Mayo sa ganap na ika-6:00 ng gabi.

Pinangunahan ang Banal na Misa ni Reb. P. Ricardo Moraga. Sa pagdiriwang na ito, muling nagtipon ang mga deboto ng Mahal na Birhen upang ipagkaloob ang kanilang panalangin at pasasalamat sa pamamagitan ng Banal na Misa at mga debosyon para sa Mahal na Ina.

Matapos ang Panalangin Pagkapakinabang, pinarangalan ang Nuestra Señora de las Flores sa pamamagitan ng pag-aalay ng mga bulaklak at pagpuputong ng korona bilang tanda ng pagmamahal at debosyon ng mga mananampalataya sa Mahal na Birhen.

Nagpahayag rin ng pasasalamat ang Parish Commission on Social Action bilang tagapagtaguyod ng ikalawang araw ng Misa Novenario.

Sa pagpapatuloy ng pagdiriwang ng Flores de Maria, nawa’y lalo pang lumalim ang ating pananampalataya at pagmamahal sa Mahal na Ina na patuloy na umaakay sa atin patungo kay Hesus.

Viva, Virgen De Las Flores!

—————

Written by: MAL, Ang Layag SocCom
Photos by: MES, Ang Layag SocCom

24/05/2026

𝐁𝐔𝐇𝐀𝐘 𝐒𝐀 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
24 Mayo 2026
Juan 19, 25–34

Ang Mabuting Balita ng Panginoon ayon kay San Juan

Noong panahong iyon: Nakatayo sa tabi ng krus ni Hesus ang kanyang ina at ang kapatid na babae nitong si Maria, na asawa ni Cleopas. Naroon din si Maria Magdalena. Nang makita ni Hesus ang kanyang ina, at ang minamahal niyang alagad sa tabi nito, kanyang sinabi, “Ginang, narito ang iyong anak!” At sinabi sa alagad, “Narito ang iyong ina!” Mula noon, siya’y pinatira ng alagad na ito sa kanyang bahay.

Alam ni Hesus na naganap na ang lahat ng bagay; at bilang katuparan ng Kasulatan ay sinabi niya, “Nauuhaw ako!” May isang mangkok doon na puno ng maasim na alak. Itinubog nila rito ang isang espongha, ikinabit sa sanga ng isopo at idiniit sa kanyang bibig. Nang masipsip ni Hesus ang alak ay kanyang sinabi, “Naganap na!” Iniyukayok niya ang kanyang ulo at nalagot ang kanyang hininga.

Noo’y Araw ng Paghahanda, at ayaw ng mga Judio na manatili sa krus ang mga bangkay sa Araw ng Pamamahinga sapagkat dakila raw ang araw ng Pamamahingang ito. Kaya’t hiniling nila kay Pilato na ipabali nito ang mga binti ng mga ipinako sa krus, at alisin doon ang mga bangkay. Naparoon nga ang mga kawal at binali ang mga binti ng dalawang ipinakong kasabay ni Hesus. Ngunit pagdating nila kay Hesus at makitang patay na siya, hindi na nila binali ang kanyang binti. Subalit inulos ng sibat ng isa sa mga kawal ang tagiliran ni Hesus, at biglang dumaloy ang dugo at tubig.

Ang Mabuting Balita ng Panginoon.

⸻

1. Si Maria ay Ina ng mga Mananampalataya

• Sa paanan ng krus, ibinigay ni Hesus si Maria bilang ina ng Kanyang mga alagad.
• Pagnilayan: Paano ko pinapahalagahan ang pagmamahal at paggabay ni Maria sa aking buhay pananampalataya?

2. Ang Pag-ibig ni Hesus ay Ganap Hanggang sa Huli

• Sa Kanyang kamatayan sa krus, tinupad ni Hesus ang dakilang misyon ng pagliligtas sa sangkatauhan.
• Pagnilayan: Paano ko tinutugon ang dakilang pag-ibig at sakripisyo ni Hesus para sa akin?

3. Mula sa Tagiliran ni Kristo ay Dumaloy ang Buhay

• Ang dugo at tubig na dumaloy mula sa Kanyang tagiliran ay tanda ng biyaya, awa, at bagong buhay.
• Pagnilayan: Paano ako nababago ng biyaya ng Diyos sa aking araw-araw na pamumuhay?

⸻

PAGNINILAY:

Sa paanan ng krus, makikita natin ang sukdulang pag-ibig ni Hesus para sa atin. Sa gitna ng Kanyang pagdurusa, inisip pa rin Niya ang Kanyang ina at ang Kanyang mga alagad, ipinapakita na ang tunay na pag-ibig ay mapagkalinga at mapagbigay. Ang Kanyang mga salitang “Naganap na!” ay tanda ng katuparan ng plano ng Diyos para sa kaligtasan ng tao. Mula sa Kanyang sugatang tagiliran ay dumaloy ang dugo at tubig—simbolo ng buhay, awa, at biyayang nagbibigay-buhay sa Simbahan. Nawa’y manatili tayong tapat kay Kristo at mapalalim ang ating pagmamahal sa Kanya at kay Maria na ating ina sa pananampalataya.

⸻

MANALANGIN TAYO:

Panginoong Hesus, salamat sa Iyong dakilang pag-ibig na ipinakita Mo sa krus para sa aking kaligtasan. Tulungan Mo akong manatiling tapat at mapagmahal sa Iyo sa gitna ng aking mga pagsubok. Sa paggabay ni Maria, nawa’y mas mapalapit ako sa Iyo araw-araw. Amen.

⸻

24/05/2026

BANAL NA MISA | 5:30 N.H. | 24 MAYO 2026
Parokya ng Mahal na Birhen ng Sto. Rosario

[𝗟𝗜𝗩𝗘] 𝗟𝗜𝗡𝗚𝗚𝗢 𝗡𝗚 𝗣𝗘𝗡𝗧𝗘𝗞𝗢𝗦𝗧𝗘𝗦
𝘈𝘯𝘨 𝘐𝘬𝘢𝘭𝘪𝘮𝘢𝘮𝘱𝘶𝘯𝘨 𝘈𝘳𝘢𝘸 𝘯𝘨 𝘗𝘢𝘴𝘬𝘰 𝘯𝘨 𝘗𝘢𝘨𝘬𝘢𝘣𝘶𝘩𝘢𝘺

Ikatlong Araw ng Misa Novenario kaugnay ng Pamparokyang Pagdiriwang ng Flores de Maria MMXXVI

"Tanggapin ninyo ang Espiritu Santo."
— San Juan 20:22

Compose
Write to Ang Layag - Commission on Social Communications
BANAL NA MISA | 5:30 N.H. | 24 MAYO 2026
Parokya ng Mahal na Birhen ng Sto. Rosario

[𝗟𝗜𝗩𝗘] 𝗟𝗜𝗡𝗚𝗚𝗢 𝗡𝗚 𝗣𝗘𝗡𝗧𝗘𝗞𝗢𝗦𝗧𝗘𝗦
𝘈𝘯𝘨 𝘐𝘬𝘢𝘭𝘪𝘮𝘢𝘮𝘱𝘶𝘯𝘨 𝘈𝘳𝘢𝘸 𝘯𝘨 𝘗𝘢𝘴𝘬𝘰 𝘯𝘨 𝘗𝘢𝘨𝘬𝘢𝘣𝘶𝘩𝘢𝘺

Ikatlong Araw ng Misa Novenario kaugnay ng Pamparokyang Pagdiriwang ng Flores de Maria MMXXVI

"Tanggapin ninyo ang Espiritu Santo."
— San Juan 20:22

24/05/2026

𝗠𝗔𝗟𝗜𝗚𝗔𝗬𝗔𝗡𝗚 𝗜𝗞𝗔-𝟭𝟵𝟵𝟯 𝗧𝗔𝗢𝗡𝗚 𝗞𝗔𝗔𝗥𝗔𝗪𝗔𝗡, 𝗦𝗜𝗠𝗕𝗔𝗛𝗔𝗡𝗚 𝗞𝗔𝗧𝗢𝗟𝗜𝗞𝗔!

Sa araw na ito ng Pentekostes, ginugunita natin ang pagsilang ng ating Mahal na Simbahan sa pagbaba ng Espiritu Santo sa mga Apostol. Sa loob ng 1993 taon, patuloy na naging tanglaw ng pananampalataya, pag-asa, at pag-ibig ang Simbahang itinatag ni Kristo para sa Kanyang bayan.

Bilang bahagi ng One, Holy, Catholic, and Apostolic Church, nawa’y manatili tayong matatag sa pananampalataya, nagkakaisa sa pagmamahal sa Diyos at kapwa, at patuloy na maging saksi ng Mabuting Balita sa mundo.

Maligayang kaarawan, Inang Simbahan!

24/05/2026

𝐁𝐔𝐇𝐀𝐘 𝐒𝐀 𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
24 Mayo 2026
Juan 20, 19–23

Ang Mabuting Balita ng Panginoon ayon kay San Juan

Kinagabihan ng Linggo ding iyon, ang mga alagad ay nagkakatipon. Nakapinid ang mga pinto ng bahay na kanilang pinagtitipunan dahil sa takot nila sa mga Judio. Dumating si Hesus at tumayo sa gitna nila. “Sumainyo ang kapayapaan!” sabi niya. Pagkasabi nito, ipinakita niya ang kanyang mga kamay at ang kanyang tagiliran. Tuwang-tuwa ang mga alagad nang makita ang Panginoon. Sinabi na naman ni Hesus, “Sumainyo ang kapayapaan! Kung paanong sinugo ako ng Ama, gayun din naman, sinusugo ko kayo.” Pagkatapos, sila’y hiningahan niya at sinabi, “Tanggapin ninyo ang Espiritu Santo. Ang patawarin ninyo sa kanilang mga kasalanan ay pinatawag na nga; ang hindi ninyo patawarin ay hindi nga pinatawad.”

Ang Mabuting Balita ng Panginoon.

⸻

1. Si Hesus ang Nagdadala ng Tunay na Kapayapaan

• Sa gitna ng takot at pangamba ng mga alagad, dumating si Hesus upang magbigay ng kapayapaan.
• Pagnilayan: Kay Kristo ko ba hinahanap ang kapayapaan sa gitna ng aking mga problema?

2. Tayo ay Sinusugo ng Panginoon

• Tulad ng pagsusugo ng Ama kay Hesus, tayo rin ay tinatawag upang ipahayag ang Kanyang pag-ibig at katotohanan.
• Pagnilayan: Paano ko naisasabuhay ang aking misyon bilang Kristiyano?

3. Ang Espiritu Santo ay Ating Gabay at Lakas

• Ipinagkaloob ni Hesus ang Espiritu Santo upang gabayan at palakasin tayo sa pananampalataya.
• Pagnilayan: Paano ako nagiging bukas sa paggabay ng Espiritu Santo sa aking buhay?

⸻

PAGNINILAY:

Sa gitna ng takot at pagkalito ng mga alagad, dumating si Hesus upang ipaalala na ang Kanyang presensya ay nagdadala ng kapayapaan at pag-asa. Hindi Niya sila iniwan kundi binigyan pa ng misyon at ng Espiritu Santo upang magpatuloy sa pagpapahayag ng Mabuting Balita. Ganito rin sa ating buhay—kapag tayo’y pinanghihinaan o natatakot, lumalapit si Kristo upang palakasin tayo at gabayan. Tinatawag din tayong maging instrumento ng kapayapaan, pagpapatawad, at pag-ibig sa ating kapwa. Nawa’y manatili tayong bukas sa pagkilos ng Espiritu Santo sa ating araw-araw na pamumuhay.

⸻

MANALANGIN TAYO:

Panginoong Hesus, salamat sa Iyong kapayapaang nagbibigay-lakas at pag-asa sa aking puso. Ipadala Mo ang Iyong Espiritu Santo upang gabayan ako sa aking misyon bilang Iyong alagad. Turuan Mo akong maging mapagpatawad at maging daluyan ng Iyong pag-ibig at kapayapaan sa iba. Amen.

⸻

24/05/2026

𝐀𝐧𝐠 𝐋𝐚𝐲𝐚𝐠 𝐒𝐩𝐞𝐜𝐢𝐚𝐥𝐬:
𝕱𝐋𝐎𝐑𝐄𝐒 𝐃𝐄 𝕸𝐀𝐑𝐈𝐀 𝐒𝐀 𝕸𝐀𝐊𝐈𝐍𝐀𝐁𝐀𝐍𝐆 𝐌𝐌𝐗𝐗𝐕𝐈

𝗨𝗡𝗔𝗡𝗚 𝗔𝗥𝗔𝗪 𝗡𝗚 𝗠𝗜𝗦𝗔 𝗡𝗢𝗩𝗘𝗡𝗔𝗥𝗜𝗢
[Paggunita kay Santa Rita de Cascia, namanata sa Diyos]
22 MAYO 2026 | BIYERNES | 6:00 N.G.

Sa unti-unting paglubog ng araw noong Biyernes, ika-22 ng Mayo, ipinagdiwang ang isang makabuluhang Banal na Misa, na pinangunahan ng ating Kura Paroko, Reb. P. Nicanor Castro, V.F., bilang pasimula ng Misa Novenario para sa Pamparokyang Pagdiriwang ng Flores de Maria MMXXVI.

Sa homiliya ni Padre Nick, binigyang-diin niya ang kahalagahan ng ating pagtugon sa mga tanong at paanyaya ng Panginoon, at kung tunay nga ba nating iniibig Siya. Katulad ng tatlong ulit na pagtatanong ng Panginoon kay Pedro, tayo rin ay patuloy na tinatanong ng Diyos: handa nga ba tayong tumugon sa Kanyang panawagan, at nananatili nga ba tayong tapat sa ating pagmamahal at paglilingkod sa Kanya?

Matapos ang Panalangin Pagkapakinabang, pinarangalan ang Nuestra Señora de las Flores sa pamamagitan ng pag-aalay ng mga Bulaklak, Rosario, at ng pagpuputong ng Korona sa Mahal na Ina. Matapos nito, nagpahayag ng pasasalamat si Bro. Alvin Romano, ang Chairman ng Parish Commission on Youth, na siyang tagapagtaguyod ng Unang Araw ng Misa Novenario.

Sa pasimula ng ating Misa Novenario, nawa'y patuloy na mag-alab ang ating debosyon at pagmamahal sa Mahal na Ina, sa pamamagitan ng pag-aalay ng mga bulaklak at pag-aalay ng mga Panalangin sa Kanya.

Viva, Virgen De Las Flores!

—————

Written by: HWR, Ang Layag SocCom
Photos by: HWR, Ang Layag SocCom

Address

Baliuag
3006

Opening Hours

Tuesday	8am - 12pm
	1pm - 5pm
Wednesday	8am - 12pm
	1pm - 5pm
Thursday	8am - 12pm
	1pm - 5pm
Friday	8am - 12pm
	1pm - 5pm
Saturday	8am - 12pm
	1pm - 5pm
Sunday	8am - 12pm
	1pm - 5pm

Website

facebook.com

Alerts

Be the first to know and let us send you an email when Ang Layag - Our Lady of the Most Holy Rosary Parish posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Ang Layag - Our Lady of the Most Holy Rosary Parish:

Shortcuts

Address
Opening Hours
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Baliuag?

Ang Layag - Our Lady of the Most Holy Rosary Parish

27/05/2026

26/05/2026

26/05/2026

26/05/2026

25/05/2026

25/05/2026

24/05/2026

24/05/2026

24/05/2026

24/05/2026

24/05/2026

Address

Opening Hours

Website

Alerts

Contact The Place Of Worship

Shortcuts

Share

Category