Treasuring Christ PH

Treasuring Christ PH Gospel-centered Taglish books, sermons, and other disciplemaking resources for the Filipino Church.
(1)

Providing gospel-centered sermons, articles and disciplemaking resources for the Filipino Church.

Day 1 of Healthy Church Seminar — Pinamalayan, Oriental Mindoro
25/08/2026

Day 1 of Healthy Church Seminar — Pinamalayan, Oriental Mindoro

Sino ba talaga si Jesus?Marami sa atin ang pamilyar sa pangalan niya — pero paano kung hindi pa natin talaga siya kilala...
24/08/2026

Sino ba talaga si Jesus?

Marami sa atin ang pamilyar sa pangalan niya — pero paano kung hindi pa natin talaga siya kilala?

Sa librong “Sino si Jesus?” ni Greg Gilbert, dadalhin ka sa simple ngunit malalim na paglalarawan kay Cristo — kung sino siya, bakit siya naparito, at paano niya binabago ang buhay ng sinumang sumampalataya sa kanya.

📖 Available na ngayon nang LIBRE ang eBook at Study Guide — tamang-tama para sa personal na pagbabasa o pwede ring gamitin sa inyong small group study.

👉 I-download na: treasuringchristph.org/resource/sino-si-jesus

Paano natin matatanggap ang pagpapala ng Diyos? Sino ang babaligtad sa sumpa na dulot ng kasalanan? Sino ang magtatagump...
22/08/2026

Paano natin matatanggap ang pagpapala ng Diyos? Sino ang babaligtad sa sumpa na dulot ng kasalanan? Sino ang magtatagumpay laban sa kamatayan?

Ang sagot ng kabuuan ng kuwento ng Bibliya: si Cristo. Ang solusyon ay nakay Cristo. Ang katuparan ng pangako ng Diyos na buhay na walang hanggan ay hindi nakasalalay sa atin—hindi sa salita at gawa natin—kundi sa Diyos, sa salita at gawa ng Diyos, sa katapatan ng Diyos, sa katuwiran ni Cristo, at sa ginawa ni Cristo sa krus.

Katatapos lang namin tonight sa small group book study ng Credo sa church namin. We are thankful na merong ganitong Tagl...
21/08/2026

Katatapos lang namin tonight sa small group book study ng Credo sa church namin. We are thankful na merong ganitong Taglish resources na magagamit para mas maunawaan ang hiwaga at yaman ng pananampalatayang Kristiyano na nakapaloob sa The Apostles’ Creed.

You can get your copies sa aming online bookstore. [link sa comment]

𝗔𝘁𝘁𝗲𝗻𝗱𝗲𝗿𝘀 𝗹𝗮𝗻𝗴 𝗯𝗮 𝘀𝗶𝗹𝗮, 𝗼 𝗺𝗲𝗺𝗯𝗲𝗿𝘀 𝗻𝗮? 👀Sa culture natin, madali para sa maraming Filipino ang makisama pero madalas ay n...
21/08/2026

𝗔𝘁𝘁𝗲𝗻𝗱𝗲𝗿𝘀 𝗹𝗮𝗻𝗴 𝗯𝗮 𝘀𝗶𝗹𝗮, 𝗼 𝗺𝗲𝗺𝗯𝗲𝗿𝘀 𝗻𝗮? 👀

Sa culture natin, madali para sa maraming Filipino ang makisama pero madalas ay nagiging mababaw naman ang commitment. Kaya naman importante na maunawaan natin—at maituro sa iba—na ang membership ay hindi lang basta attendance. Ito ay pagsasama-sama sa pananagutan, paglago, at ministeryo bilang bahagi ng katawan ni Cristo.

Sa article na ito ni Thabiti Anyabwile, may anim (6) na praktikal na suggestions para dito. I-swipe para makita ang bawat isa 👉

Basahin ang buong artikulo (link in comments): “Paano Hikayatin ang mga Attenders na Maging Members”

—

Hanggang kailan ba effective ang covenant ng Diyos kay Noah? “I will see it and remember the everlasting covenant…” (Gen...
21/08/2026

Hanggang kailan ba effective ang covenant ng Diyos kay Noah? “I will see it and remember the everlasting covenant…” (Gen 9:16). Walang hanggan, walang katapusan. Again, hindi ito nakadepende sa human response. Hindi ito magiging “null and void” dahil sa kakulangan ng tao. Ito ay nakadepende sa pasya ng Diyos, sa di-nagbabagong karakter ng Diyos, sa katotohanan ng Diyos, sa katapatan ng Diyos. Ito ang palagi nating tatandaan kapag nakikita natin ang rainbow. “At sinabi ng Diyos kay Noe, ‘Ito ang tanda ng aking pangako sa lahat ng nabubuhay sa lupa’” (Gen 9:17). Hindi ito “tanda” ng LGBT movement. Ito ay tanda ng pangako ng Diyos sa lahat ng tao.

Pakinggan o basahin ang buong sermon ni Pastor Derick sa Genesis 9: https://treasuringchristph.org/sermon/ang-pagpapala-at-sumpa/

“Ginagawang totoo ng Espiritu ang puso ni Cristo sa atin—hindi lang narinig, kundi nakita; hindi lang nakita, kundi nada...
20/08/2026

“Ginagawang totoo ng Espiritu ang puso ni Cristo sa atin—hindi lang narinig, kundi nakita; hindi lang nakita, kundi nadama; hindi lang naramdaman, kundi na-enjoy. Kinukuha ng Espiritu ang nabasa natin sa Bibliya at pinaniwalaan sa papel tungkol sa puso ni Jesus at inililipat ito mula sa teorya patungo sa realidad, mula sa doktrina patungo sa karanasan.”

— Dane Ortlund

20/08/2026

“Small, faithful steps can do a lot. We’ve seen that in our own churches already. I’m sure you’ve seen that in yours. We’re going to think about that together even more, looking at the pattern God gives us in his Bible for the local church. Come and join us in October.” — an invitation from Mark Dever

Join him and other speakers at the Healthy Church Conference, October 29–30, 2026 at Greenhills Christian Fellowship, Pasig City, as we explore The Gospel Made Visible: How the Church Displays the Beauty of Christ.

Early registration (₱1,250) until Sept 15!

Register now → treasuringchristph.org/healthy-church-conference

“Bumaba siya para itaas ako, isinilang gaya ko upang maging katulad niya.”Ito ang hiwaga ng mga hiwaga — na ang Diyos mi...
19/08/2026

“Bumaba siya para itaas ako, isinilang gaya ko upang maging katulad niya.”

Ito ang hiwaga ng mga hiwaga — na ang Diyos mismo ay nagpakumbaba, isinilang tulad natin, upang tayo naman ay maging tulad niya. Isang panalanging ipinagdiriwang ang kaganapang naganap sa sabsaban.
————-———
“Ang Pinakadakilang Kaloob”

O pinagmumulan ng lahat ng mabuti, anong marapat ialay sa ‘yo, para sa handog ng mga handog, ang iyong minamahal na Anak, isinilang at hindi nilikha, ang aking manunubos, kinatawan, katiyakan, kahalili, kanyang pagpapakababa’y di-maarok, wagas na pag-ibig, lampas sa wari ng puso.

Narito ang hiwaga ng mga hiwaga; bumaba siya para itaas ako, isinilang gaya ko upang maging katulad niya.

Narito ang pag-ibig; sa tuwing hindi ako makaabot ay siya’ng lumalapit sa bagwis ng kanyang biyaya patungo sa kanyang sarili.

Narito ang kapangyarihan; na habang ang Diyos at sangkatauha’y walang hanggang magkawalay, pinagkaisa niya ito sa di-masirang pagkakaisa ng nilikha at di-nilikha.

Narito ang karunungan; na noong ako’y wasak, at walang pagnanais na bumalik sa kanya, at walang kaalaman upang gumaling, siya’y dumating, Diyos na nagkatawang-tao, upang iligtas ako mula sa pinakasukdulan, bilang tao upang maranasan ang aking kamatayan, para magbubo ng sapat na dugo para sa aking kapakanan, para igawad ang ganap na katuwiran para sa akin.

O Diyos, akayin mo ang aking espiritu sa mapagmasid na mga pastol, at palawakin ang isipan ko; hayaang makarinig ako ng mabuting balita nang may lubos na galak, at makinig, maniwala, magalak, magpuri, sumamba, ang konsenya ko’y bumabad sa karagatan ng kapahingahan, mga mata’y nakatingala sa Amang nakipagkasundo; ilagay ako, kasama ng baka, a**o, kamelyo’t kambing, at tumingin sa mukha ng aking manunubos, at ibilang ang sarili ko na iniligtas mula sa kasalanan; hayaang kasama ni Simeon ay yapusin ang bagong silang na bata sa ‘king puso, yakapin siya ng pananampalatayang di-namamatay, at itampok na siya ay akin at ako’y sa kanya.

Sa kanya, ay labis na ang iyong ibinigay at ang langit ay wala nang maibibigay pa.

Amen.

📖 Mula sa The Valley of Vision

Ang mga churches na yumayakap sa prosperity gospel ay lumalapastangan kay Cristo at pinabababaw ang pag-asa ng isang Kri...
19/08/2026

Ang mga churches na yumayakap sa prosperity gospel ay lumalapastangan kay Cristo at pinabababaw ang pag-asa ng isang Kristiyano.

Lumalapastangan kay Cristo at nakamamatay ang maling pang-unawang ito sa maraming paraan. Sa halip na dakilain kung sino si Jesus at ang ginawa niya, itinuturing ng mga tagapagtaguyod ng maling katuruang ito si Jesus at ang pagtitiwala sa kanya bilang paraan lamang para sa makamundong layunin.

Nililinaw ng kuwento ng Kasulatan na ang pinakamalaking problema na kinakaharap ng mga makasalanan sa buhay na ito ay hindi kawalan ng trabaho, panghihina ng loob, o cancer; ito ay ang walang hanggang p**t ng isang banal at mabuting Diyos. “Ang sumasampalataya sa Anak ay may buhay na walang hanggan. Ngunit ang hindi sumusunod sa Anak ay hindi magkakaroon ng buhay. Sa halip, mananatili sa kanya ang p**t ng Diyos” (Juan 3:36).

Ipinadala ng Diyos Ama ang kanyang minamahal na Anak sa mundo hindi para gawin tayong mayaman sa buhay na ito kundi upang ipagkasundo tayo sa kanyang sarili magpakailanman. “Si Cristo Jesus ay dumating sa sanlibutan upang iligtas ang mga makasalanan” (1 Tim. 1:15).

Sa halip na magalak kay Jesus—sa kanya na matatagpuan ang lahat ng kayamanan ng karunungan, kaalaman, at bawat espirituwal na pagpapala sa kalangitan (Efe. 1:3; Col. 2:3)—inaalok ng mga mangangaral ng prosperity gospel ang walang kabuluhang mga pangako ng kalusugan, kayamanan, at kasiyahan. Sinasabi nila na mararanasan ng mga tagasunod ni Jesus ang masaganang mga pagpapalang ito dito sa mundo.

Address

116 Vergel De Dios Street , Concepcion
Baliuag
3006

Opening Hours

Tuesday 9am - 6pm
Wednesday 9am - 6pm
Thursday 9am - 6pm
Friday 9am - 6pm
Saturday 9am - 6pm

Website

Alerts

Be the first to know and let us send you an email when Treasuring Christ PH posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Treasuring Christ PH:

Shortcuts

Share

Category