PCY Makinabang - Our Lady of the Most Holy Rosary Parish

PCY Makinabang - Our Lady of the Most Holy Rosary Parish THE OFFICIAL FACEBOOK PAGE OF PCY MAKINABANG - OUR LADY OF THE MOST HOLY ROSARY PARISH

HULYO 16, 2026 || KAPISTAHAN NG NUESTRA SEÑORA DEL CARMENPANALANGINMahal na Nuestra Señora del Carmen, mapagmahal na Ina...
15/07/2026

HULYO 16, 2026 || KAPISTAHAN NG NUESTRA SEÑORA DEL CARMEN

PANALANGIN

Mahal na Nuestra Señora del Carmen, mapagmahal na Ina at mapagkalingang Tagapagtanggol ng mga lumalapit sa Iyong piling, sa araw na ito ng Iyong dakilang kapistahan ay buong kababaang-loob kaming nagpupugay at nagpapasalamat sa Iyong walang sawang paggabay at pamamagitan.

Tulungan Mo kaming manatiling tapat kay Kristo, ang Iyong Anak, at maging matatag sa pananampalataya sa gitna ng mga pagsubok at pagbabago ng buhay. Nawa’y ang banal na Eskapularyo ay maging paalala sa amin ng Iyong pag-aaruga at ng aming panata na mamuhay nang may kabanalan, pag-ibig, at pagtitiwala sa Diyos.

Amen.


💙🤍

HULYO 12, 2026 || KAPISTAHAN NI SANTA VERONICAPANALANGINMapagmahal na Diyos,sa pagdiriwang ng kapistahan ni Santa Veroni...
11/07/2026

HULYO 12, 2026 || KAPISTAHAN NI SANTA VERONICA

PANALANGIN

Mapagmahal na Diyos,
sa pagdiriwang ng kapistahan ni Santa Veronica, kami ay nagpapasalamat sa halimbawa ng Kaniyang matapang at mahabaging puso.

Sa gitna ng pagdurusa ni Hesus, hindi Siya natakot na lumapit upang punasan ang Kaniyang banal na mukha at ipakita ang tunay na habag at pagmamahal. Sa pamamagitan ng Kaniyang pamamagitan, turuan Mo kaming maging bukas-palad sa pagtulong sa mga nangangailangan, maging matatag sa paggawa ng mabuti, at huwag matakot na ipahayag ang aming pananampalataya sa gitna ng mga pagsubok.

Amen.


💙🤍

05/07/2026

𝐓𝐡𝐞 𝐒𝐨𝐥𝐞𝐦𝐧 𝐃𝐞𝐜𝐥𝐚𝐫𝐚𝐭𝐢𝐨𝐧 𝐨𝐟 𝐭𝐡𝐞
𝐒𝐏𝐄𝐂𝐈𝐀𝐋 𝐁𝐎𝐍𝐃 𝐎𝐅 𝐒𝐏𝐈𝐑𝐈𝐔𝐀𝐋 𝐀𝐅𝐅𝐈𝐍𝐈𝐓𝐘
𝒃𝒆𝒕𝒘𝒆𝒆𝒏 𝑶𝒖𝒓 𝑳𝒂𝒅𝒚 𝒐𝒇 𝒕𝒉𝒆 𝑴𝒐𝒔𝒕 𝑯𝒐𝒍𝒚 𝑹𝒐𝒔𝒂𝒓𝒚 𝑷𝒂𝒓𝒊𝒔𝒉
𝘔𝘢𝘬𝘪𝘯𝘢𝘣𝘢𝘯𝘨, 𝘉𝘢𝘭𝘪𝘸𝘢𝘨 𝘊𝘪𝘵𝘺, 𝘉𝘶𝘭𝘢𝘤𝘢𝘯, 𝘗𝘩𝘪𝘭𝘪𝘱𝘱𝘪𝘯𝘦𝘴
𝒂𝒏𝒅 𝒕𝒉𝒆 𝑷𝒂𝒑𝒂𝒍 𝑩𝒂𝒔𝒊𝒍𝒊𝒄𝒂 𝒐𝒇 𝑺𝒂𝒊𝒏𝒕 𝑴𝒂𝒓𝒚 𝑴𝒂𝒋𝒐𝒓
𝘙𝘰𝘮𝘦, 𝘐𝘵𝘢𝘭𝘺

Mga kapatid, halina't makiisa sa Pagdiriwang ng Banal na Eukaristiya at ang Solemneng Deklarasyon ng Special Bond of Spiritual Affinity sa pagitan ng ating Parokya at ng Papal Basilica of Santa Maria Maggiore sa Roma, Italya.

Ang natatangi at makasaysayang pagdiriwang na ito ay gaganapin sa ika-5 ng Agosto 2026, sa ganap na ika-5:30 ng hapon, sa ating Parokya. Pangungunahan ito ng Apostolic Nuncio to the Philippines, Lub. Kgg. Charles John Brown, D.D., kasama ang ating Kura Paroko, Reb. P. Nicanor J. Castro, V.F., at ang mga kaparian ng Diyosesis ng Malolos.

Ang espirituwal na ugnayang ito ay isang dakilang biyaya para sa ating Parokya, na higit pang magpapatibay ng ating pakikiisa sa Simbahang Pandaigdig at magpapalalim ng ating debosyon sa Mahal na Birheng Maria, Ina ng Diyos. Kalakip nito ang mga natatanging biyayang espirituwal na ipinagkakaloob ng Simbahan sa mga mananampalatayang taimtim na makikibahagi sa mga pagdiriwang na kaugnay ng banal na ugnayang ito.

Sama-sama nating ipagdiwang ang makasaysayang sandaling ito at nawa'y lalo tayong magkaisa sa pananampalataya, mag-alab sa pag-ibig kay Kristo, at manatiling tapat sa mapagmahal na pagkalinga ng Mahal na Birheng Maria.





HULYO 04, 2026 || FIRST SATURDAY DEVOTIONSa muling pagdiriwang ng Unang Sabado ng Buwan, inaanyayahan po namin ang lahat...
03/07/2026

HULYO 04, 2026 || FIRST SATURDAY DEVOTION

Sa muling pagdiriwang ng Unang Sabado ng Buwan, inaanyayahan po namin ang lahat ng mananampalataya at kabataang rosaryano na makiisa sa ating First Saturday Devotion, isang natatanging pag-aalay ng pagmamahal, panalangin, at pananampalataya sa Mahal na Birheng Maria.

Halina at muling makiisa sa banal na pagdiriwang na ito. Dalhin natin ang ating mga intensiyon, pasasalamat, at mga kahilingan sa ating Mahal na Ina, na siyang laging umaakay sa atin patungo sa Kaniyang Anak na si Hesus.


💙🤍

HULYO 05, 2026 || YOUTH MASSPAANYAYASa gitna ng ating mga pangarap, pagsubok, at mga hamon sa buhay, nawa'y maglaan pa r...
03/07/2026

HULYO 05, 2026 || YOUTH MASS

PAANYAYA

Sa gitna ng ating mga pangarap, pagsubok, at mga hamon sa buhay, nawa'y maglaan pa rin tayo ng oras upang makatagpo ang Panginoon sa pamamagitan ng pagdalo sa Banal na Misa. Hayaan nating patatagin Niya ang ating pananampalataya, pag-asa, at pagmamahal.

Inaanyayahan din po namin kayong isama ang inyong mga kaibigan at kapwa kabataan upang sama-sama nating marinig at madama ang kagalakan ng pagiging isang parokyang nakasentro kay Kristo at sa Kaniyang Mahal na Inang si Maria.

Magkita-kita po tayong lahat sa Youth Mass. Sama-sama nating ialay ang ating panahon, puso, at buhay sa Panginoon.


💙🤍

HULYO 03, 2026 || KAPISTAHAN NI APOSTOL SANTO TOMASPANALANGINPanginoong Hesukristo,Ikaw na nagpakita ng Iyong mga sugat ...
02/07/2026

HULYO 03, 2026 || KAPISTAHAN NI APOSTOL SANTO TOMAS

PANALANGIN

Panginoong Hesukristo,
Ikaw na nagpakita ng Iyong mga sugat kay Santo Tomas upang siya ay maniwala, lingapin Mo rin kami sa aming mga kahinaan. Kapag ang aming puso ay nababalot ng takot at pagdududa, akayin Mo kami tungo sa liwanag ng Iyong katotohanan.

Sa pamamagitan ng Kaniyang halimbawa,
nawa’y maging masigasig kaming tagapagpahayag ng Iyong Salita. Pag-alabin Mo ang aming puso upang sa aming mga salita at gawa ay maipakita namin ang Iyong pag-ibig sa aming kapwa.

Amen.


💙🤍

HULYO 02, 2026 || KAPISTAHAN NG NUESTRA SEÑORA DE PIATPANALANGINAmang mapagmahal, sa pagdiriwang namin ng kapistahan ng ...
01/07/2026

HULYO 02, 2026 || KAPISTAHAN NG NUESTRA SEÑORA DE PIAT

PANALANGIN

Amang mapagmahal, sa pagdiriwang namin ng kapistahan ng Nuestra Señora de Piat, buong puso kaming nagpapasalamat sa Iyong walang hanggang pag-ibig na ipinadama Mo sa amin sa pamamagitan ng Mahal na Birheng Maria. Pinili Mo siyang maging Ina ng Iyong Bugtong na Anak at mapagmahal na Ina ng Simbahan. Sa Kaniyang mapagkalingang pamamagitan, maraming puso ang napapanibago, napapalapit sa Iyo, at napupuspos ng pag-asa.

Nawa’y tularan namin ang Kaniyang kababaang-loob, ganap na pagsunod sa Iyong banal na kalooban, at matatag na pananampalataya sa bawat yugto ng aming buhay. Mahal na Nuestra Señora de Piat, aming mapagmahal na Ina, ipanalangin mo kami sa iyong Anak na si Hesukristo.

Amen.


💙🤍

HUNYO 29, 2026 || KAPISTAHAN NI SANTA MARIA, INA NI JUAN MARCOSPANALANGINMapagmahal na Diyos,sa paggunita namin sa kapis...
29/06/2026

HUNYO 29, 2026 || KAPISTAHAN NI SANTA MARIA, INA NI JUAN MARCOS

PANALANGIN

Mapagmahal na Diyos,
sa paggunita namin sa kapistahan ni Santa Maria, ina ni San Juan Marcos, buong pusong nagpapasalamat kami sa Kaniyang halimbawa ng pananampalataya, kababaang-loob, at bukas-palad na paglilingkod.

Ginawa Niyang tahanan ang Kaniyang bahay para sa panalangin at pagtitipon ng mga unang Kristiyano, kaya’t naging saksi siya sa paglago ng Iyong Simbahan. Nawa’y tularan namin ang Kaniyang kahandaang maglingkod at ang Kaniyang matatag na pagtitiwala sa Iyong kalooban. Sa pamamagitan ng Kaniyang panalangin at halimbawa, pagkalooban Mo kami ng pusong mapagpatuloy, mapagmahal, at handang maglingkod sa aming kapwa.

Amen.


💙🤍

HUNYO 29, 2026 || KAPISTAHAN NI APOSTOL SAN PEDROPANALANGINAma naming mapagmahal, nagpapasalamat kami sa Iyo sa biyaya n...
28/06/2026

HUNYO 29, 2026 || KAPISTAHAN NI APOSTOL SAN PEDRO

PANALANGIN

Ama naming mapagmahal, nagpapasalamat kami sa Iyo sa biyaya ng buhay at pananampalataya. Sa araw na ito, aming ginugunita ang kapistahan ni San Pedro Apostol, ang tapat na alagad na Iyong pinili upang maging matatag na haligi ng Iyong Simbahan.

Tulungan Mo kaming tularan ang Kaniyang pananampalataya, katapatan, at kababaang-loob. Tulad ni San Pedro, nawa’y magkaroon kami ng lakas ng loob na sumunod sa Iyo sa kabila ng aming mga kahinaan at pagkukulang. Kapag kami’y natitisod, bigyan Mo kami ng pusong nagsisisi at handang magbalik-loob sa Iyong pagmamahal.

Amen.


💙🤍

HUNYO 27, 2026 || KAPISTAHAN NG MAHAL NA INA NG LAGING SAKLOLOSa araw na ito, buong galak at pananampalatayang ipinagdiw...
27/06/2026

HUNYO 27, 2026 || KAPISTAHAN NG MAHAL NA INA NG LAGING SAKLOLO

Sa araw na ito, buong galak at pananampalatayang ipinagdiwang ng ating parokya ang Kapistahan ng Mahal na Ina ng Laging Saklolo. Nagpapasalamat tayo sa Diyos sa biyaya ng banal na pagdiriwang, sa sama-samang pananalangin, at sa matibay na debosyong ipinamalas ng bawat isa sa atin.

Nawa’y patuloy tayong gabayan at ipanalangin ng ating Mahal na Ina sa bawat hakbang ng ating buhay. Dalangin nating manatili ang Kaniyang mapagmahal na pagkalinga sa ating mga pamilya at sa buong sambayanan. Maraming salamat sa lahat ng nakiisa at tumulong upang maging matagumpay at makabuluhan ang pagdiriwang na ito.

Mahal na Ina ng Laging Saklolo,
Ipanalangin Mo Kami.


💙🤍

Address

Makinabang, Baliwag City
Baliuag
3003

Opening Hours

9am - 5pm

Website

Alerts

Be the first to know and let us send you an email when PCY Makinabang - Our Lady of the Most Holy Rosary Parish posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to PCY Makinabang - Our Lady of the Most Holy Rosary Parish:

Shortcuts

Share

Category