Bisita ng Kamahal-Mahalang Puso ni Jesus - Tarcan, Baliuag, Bulacan

05/08/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆𝐓𝐀𝐓𝐀𝐋𝐀𝐆𝐀 𝐒𝐀 𝐏𝐀𝐋𝐀𝐒𝐘𝐎𝐍𝐆 𝐒𝐈𝐌𝐁𝐀𝐇𝐀𝐍 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀 𝐒𝐀 𝐑𝐎𝐌𝐀
𝕭𝖆𝖘𝖎𝖑𝖎𝖈𝖆 𝕻𝖆𝖕𝖆𝖑𝖊 𝖉𝖎 𝕾𝖆𝖓𝖙𝖆 𝕸𝖆𝖗𝖎𝖆 𝕸𝖆𝖌𝖌𝖎𝖔𝖗𝖊
[05 Agosto]

Tuwing ika-5 ng Agosto ay ipinagdiriwang ng Simbahang Katolika ang Kapistahan ng Pagtatalaga sa Basilica Papale di Santa Maria Maggiore, ang pinakamatanda at pangunahing simbahang inialay sa karangalan ng Mahal na Birheng Maria sa Kanluran at isa sa apat na pangunahing Basilika Papal sa Roma.

Nag-ugat ang pagdiriwang na ito sa Miracolo della Neve o Himala ng Niyebe. Ayon sa tradisyon, noong ika-5 ng Agosto taong 358, sa gitna ng tag-init sa Roma, himalang nabalutan ng niyebe ang Burol Esquilino bilang tanda ng kalooban ng Mahal na Birheng Maria na doon itayo ang isang simbahan para sa kanyang karangalan.

Ang kasalukuyang basilika ay itinayo noong ika-5 siglo matapos ideklara ng Konseho ng Efeso si Maria bilang Theotokos o Ina ng Diyos. Dito rin matatagpuan ang bantog na banal na larawan ng Salus Populi Romani, isa sa pinakamatandang at pinakiginagalang na imahe ng Mahal na Birhen sa Roma.

Hanggang ngayon, ipinagdiriwang ang kapistahang ito sa pamamagitan ng Banal na Misa at ng tradisyunal na pag-ulan ng puting talulot ng bulaklak sa loob ng basilika bilang paggunita sa Himala ng Niyebe at sa patuloy na pagkalinga ng Mahal na Birheng Maria sa Simbahan.

PANALANGIN:
Ama naming makapangyarihan,
patawarin mo ang aming mga utang
sapagka’t kami’y hindi makababayad nang lubusan
kaya’t makaligtas nawa kaming tanan
pakundangan sa pagdalangin ng Mahal na Birheng Ina ng Diyos
para sa aming kabutihan
sa pamamagitan ni Hesukristo
kasama ng Espiritu Santo
magpasawalang hanggan.
Amen.

29/07/2026

REQUIESCAT IN PACE

+ REBENDO PADRE HAMILTON F. CRUZ, M.S.P.

𝐑𝐄𝐐𝐔𝐈𝐄𝐒𝐂𝐀𝐓 𝐈𝐍 𝐏𝐀𝐂𝐄, 𝐏𝐀𝐃𝐑𝐄 𝐇𝐀𝐌

Sa diwa ng pagtitiwala sa pag-asa ng Muling Pagkabuhay ng Panginoong Hesukristo, malungkot po naming ipinababatid ang pagpanaw ni 𝗥𝗲𝗯. 𝗣. 𝗛𝗮𝗺𝗶𝗹𝘁𝗼𝗻 𝗙. 𝗖𝗿𝘂𝘇, 𝗠.𝗦.𝗣., isa sa mga Panauhing Pari ng ating Parokya at naging Tagapagdiwang ng Banal na Eukaristiya sa ating Parokya, ngayong ika-29 ng Hulyo, 2026, Paggunita kina Santa Marta, Santa Maria, at San Lazaro ng Betania.

Sa kanyang ministeryo bilang pari, buong katapatan niyang ipinahayag ang Salita ng Diyos, ipinagdiwang ang mga Banal na Sakramento, at inialay ang kanyang buhay sa paglilingkod sa Simbahan at sa sambayanan ng Diyos. Ang kanyang tapat na paglilingkod ay mananatiling inspirasyon at buhay na saksi ng kanyang ganap na pagtatalaga sa Panginoon.

Sa gitna ng ating pagdadalamhati, ipanalangin natin ang kaluluwa ni +𝗣𝗮𝗱𝗿𝗲 𝗛𝗮𝗺, na tinawag na ng Panginoon sa Kanyang walang hanggang tahanan. Dalangin natin na gantimpalaan siya ng Diyos sa kanyang tapat na paglilingkod bilang pari at pastol ng Kanyang sambayanan.

Kapayapaan kailanman ang igawad ng Maykapal sa yumaong si +𝗣𝗔𝗗𝗥𝗘 𝗛𝗔𝗠.
Siya nawa'y silayan ng Ilaw na walang hanggan.
Nawa'y mamahinga siya sa kapayapaan.
Amen.

19/07/2026

17/07/2026

𝐇𝐮𝐥𝐲𝐨 𝟏𝟏 | 𝐈𝐤𝐚-𝟏𝟓 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

“Mapalad kayo, sapagkat nakakikita ang inyong mga mata at nakaririnig ang inyong mga tainga!.” (Mateo 13:17)

Sa pagdiriwang ng Banal na Misa ng Ika-15 Linggo sa Karaniwang Panahon, mapalad ang mga taong nakakakita at nakakarinig sapagkat maraming tao ang gustong makakita at makarinig ngunit hindi nabiyayaan, kaya't gamitin natin ang mga ito sa mabuti, tingnan natin at pakinggang mabuti ang bawat salita at tinig ng Mabuting Balita upang tayo'y mamuhay sa paraang kalugod-lugod sa Diyos.

07/07/2026

𝐇𝐮𝐥𝐲𝐨 𝟎𝟒 | 𝐈𝐤𝐚-𝟏𝟒 𝐧𝐚 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

“Lumapit kayo sa akin, kayong lahat na napapagal at nabibigatan sa inyong pasanin, at kayo’y pagpapahingahin ko.” (Mateo 11:28)

Sa pagdiriwang ng Banal na Misa ng Ika-14 Linggo sa Karaniwang Panahon, tayo ay hinihikayat ng Panginoon na lumapit sakanya lalo na ang may mabibigat na problema at tayo'y kanyang pagpapahingahin; sinasabi sa Mabuting Balita na Huwag tayong mag-alala dahil may Diyos tayo na handa tayong tulungan, samahan at tanggapin kahit na tayo'y nakagagawa ng kasalanan.

05/07/2026

𝐇𝐮𝐧𝐲𝐨 𝟐𝟕 | 𝐈𝐤𝐚-𝟏𝟑 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧

“Ang tumatanggap sa inyo ay tumatanggap sa akin, at ang tumatanggap sa akin ay tumatanggap sa nagsugo sa akin.” (Mateo 10:40)

Sa pagdiriwang ng Banal na Misa ng Ika-13 Linggo sa Karaniwang Panahon, pinaalalahanan tayo ng Panginoon na atin siyang tanggapin at mahalin ng higit pa sa kahit kanino dahil ang tumatanggap sa akin ay tumatanggap din sa Diyos Ama sa langit.

29/06/2026

𝐌𝐄𝐒 𝐃𝐄 𝐉𝐔𝐍𝐈𝐎 | 𝐁𝐮𝐰𝐚𝐧 𝐧𝐠 𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬

Panalangin sa Ikatatlumpung Araw

Panginoon namin at hukom, itulot Mo pong kami'y mapabilang sa mga tupa sa Iyong kanan. Hindi namin nais mapasama sa mga kambing sa Iyong kaliwa. Sa buo naming buhay, alang-alang sa Iyo, ipakikilala namin sa Amang Diyos ang aming pag-ibig sa pamamagitan ng pagmamalasakit sa mga maliliit at kapuspalad. Matapos ang Mes de Junio, isasabuhay namin ang Iyong buhay at gagawin namin ang lahat upang ipagtanggol ang mga inaapi at pinagsasamantalahan.

Sa tulong ng Iyong biyaya, tutulong kami sa pagpapaunlad ng aming bayan nang naaayon sa Iyong kalooban. Patnubayan mo po kami na manatili sa kabanalan hanggang kamatayan. Naging makasalanan man kami sa simula ng aming buhay, sa pamimintuho sa puso mo, Hesus, pakabanalin Mo kami ngayon sa bawat sandali. Sa paggabay ng Banal na Espiritu, loobin Mong manatili kaming kalugod-lugod sa Iyo hanggang sa pagpikit ng aming mga mata at sa pagharap sa Iyo, makatarungan naming hukom. Nagsusumamo kami sa ngalan Mo, kaisa ng Ama at ng Espiritu Santo. Amen.

𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬, 𝐦𝐚𝐚𝐰𝐚 𝐤𝐚 𝐩𝐨 𝐬𝐚 𝐚𝐦𝐢𝐧.

28/06/2026

𝐌𝐄𝐒 𝐃𝐄 𝐉𝐔𝐍𝐈𝐎 | 𝐁𝐮𝐰𝐚𝐧 𝐧𝐠 𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬

Panalangin sa Ikadalawampu't siyam na Araw

Hesus, Maria at Jose, ibinibigay namin sa Inyo ang aming puso at kaluluwa; saklolohan ninyo kami sa sandali ng aming paghihingalo. Patnubayan ninyo kami, upang kung kami'y malagutan ng hininga ay taglay ang kapayapaan ng aming kaluluwa. Huwag po sanang ipahintulot na kami'y yumao nang wala sa grasya. Katamis-tamisang Puso ni Hesus, umaasa kami sa Iyong Dakilang Pangako na pagkakalooban Mo kami ng huling pagsisisi at kaligtasan sa impiyerno, kung kami'y magdedebosyon sa Iyo tuwing Unang Biyernes.

Mahal na Birhen del Carmen, kumakapit kami sa iyong Eskapularyo at sa iyong pangako na hahanguin mo ang aming kaluluwa sa Purgatoryo kung kami'y deboto Mo. San Jose, huwag mo kaming pabayaan. Ipanalangin mo ang aming maligayang pag-uwi sa bahay ng ating Ama sa langit. Kabanal-banalang Mag-anak, ipag-adya ninyo kami. Amen.

𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬, 𝐦𝐚𝐚𝐰𝐚 𝐤𝐚 𝐩𝐨 𝐬𝐚 𝐚𝐦𝐢𝐧.

27/06/2026

𝐌𝐄𝐒 𝐃𝐄 𝐉𝐔𝐍𝐈𝐎 | 𝐁𝐮𝐰𝐚𝐧 𝐧𝐠 𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬

Panalangin sa Ikadalawampu't walong Araw

Panginoon naming Diyos, ang imahen ng Iyong mga Santo ay nakatutulong sa amin upang Ikaw ay aming sambahin at papurihan. Sila'y mga gabay namin upang maglakas loob na gayahin ang kanilang marubdob na pag-ibig sa Iyo at sa kapwa. Kapag kami ay dumudulog sa kanila, Ikaw po, Ama naming makapangyarihan, ang aming iniibig at pinapupurihan.

Pagtingin sa larawan ng Iyong mga Santo, ang aming puso at loob ay inaakay nila patungo sa Iyo. At ang parangal namin sa kanila'y natutungo sa pagbubunyi sa Iyo na kanilang pinaglingkuran nang buong pagmamahal at buong katapatan. Sila'y nagsisilbing tanglaw namin sa buhay at katulong na tagasubaybay naming lalong naglalapit sa amin sa Iyo. Tulungan Mo po kaming maging mga Santo rin, sa ngalan ni Kristo. Amen.

𝐊𝐚𝐦𝐚𝐡𝐚𝐥-𝐌𝐚𝐡𝐚𝐥𝐚𝐧𝐠 𝐏𝐮𝐬𝐨 𝐧𝐢 𝐉𝐞𝐬𝐮𝐬, 𝐦𝐚𝐚𝐰𝐚 𝐤𝐚 𝐩𝐨 𝐬𝐚 𝐚𝐦𝐢𝐧.