Egf-NL Balingoan

25/05/2026

23/05/2026

🔥 1 DAY TO GO! 🔥

Tomorrow is the day! We are just 24 hours away from Fire Conference 2026. The prayers have gone up, the excitement is building, and we are standing in faith for a powerful, life-changing encounter with the Holy Spirit for every family.

Are you ready to be Filled, Empowered, and Sent? 🙌

📅 Pentecost Sunday | May 24, 2026
🕐 1:00 PM
📍 FSUU Gymnasium, Butuan City

Get some rest, prepare your hearts, and make sure your family and friends are ready. We will see you all tomorrow afternoon! ✨

23/05/2026

Excited na ba mga ka EGFs? See you tomorrow!

Don’t miss it!

18/05/2026

Good morning everyone!!!🔥🔥🔥
Gospel - MAY 18, 2026
GIDAOG NI JESUS ANG KALIBOTAN - JUAN (Jn. 16:29-33)


Unya ang iyang mga tinun-an miingon kang Jesus, “Karon yano na gayod ang imong sulti ug dili na pinaagig mga sambingay. (Jn. 16:29)

Nahibalo na kami karon nga nasayod ka sa tanang butang, ug wala ka magkinahanglan nga aduna pay mangutana kanimo. Busa mituo kami nga ikaw gikan gayod sa Dios.” (Jn. 16:30)

Si Jesus mitubag kanila, “Mituo naba kamo karon? (Jn. 16:31)

Ang panahon moabot ug karon mao na, nga magkatibulaag kamong tanan; manguli kamo sa inyo ug inyo akong biyaan. Apan dili ako mag-inusara kay ang Amahan nag-uban man kanako. (Jn. 16:32)

Gisulti ko kini kaninyo aron makabaton kamog kalinaw pinaagi sa inyong pagkahiusa kanako. Paan-tuson kamo sa kalibutan, apan ayaw kahadlok, kay gidaog ko na ang kalibutan!” (Jn. 16:33)

Ang ebanghelyo sa Ginoo.
==========================
SI PABLO DIDTO SA EFESO- MGA BUHAT (Acts 19:1-8)

Samtang didto si Apolos sa Corinto, mitadlas si Pablo sa lalawigan hangtod miabot siya sa Efeso. Didto gikahibalag niya ang pipila ka mga tinun-an, (Acts 19:1)

ug sila gipangutana niya, “Nakadawat ba kamo sa Espiritu Santo sa dihang mituo kamo?” Sila mitubag, “Wala gani kami mahibalo kon aduna bay Espiritu Santo. (Acts 19:2)

Unya si Pablo nangutana kanila “Unsa man diayng matanga sa bunyag ang inyong nadawat?” “Ang bunyag ni Juan,” mitubag sila. (Acts 19:3)

Unya si Pablo miingon, “Ang bunyag ni Juan alang lamang niadtong naghinulsol; ug iyang gitudloan ang katawhan sa Israel nga kinahanglan motuo sila niadtong moanhi sunod kaniya nga mao si Jesus.” (Acts 19:4)

Sa pagkadungog nila niini, gibunyagan sila sa ngalan sa Ginoong Jesus. (Acts 19:5)

Sa dihang gipandongan sila ni Pablo sa iyang kamut, mikunsad kanila ang Espiritu Santo; unya nagsulti silag lainlaing pinulongan ug nagwali usab sila sa pulong sa Dios. (Acts 19:6)

Mga napulog duha sila ka tawo. (Acts 19:7)

Unya miadto si Pablo sa sinagoga, ug sulod sa tulo ka bulan giwalihan niya ang katawhan sa walay kukahadlok, nakiglantugi ug naninguha pagpasabot kanila mahitungod sa gingharian sa Dios. (Acts 19:8)

Ang pulong sa Diyos.

17/05/2026

Good morning everyone!!!🔥🔥🔥
Gospel- MAY 17, 2026
MIPAKITA SI JESUS SA IYANG MGA TINUN-AN - MATEO (Mt. 28:16-20)

Ang napulog-usa ka tinun-an miadto sa Galilea, didto sa bungtod nga paadtoan kanila ni Jesus. (Mt. 28:16)

Ug sa ilang pagkakita kaniya, gisimba nila siya, bisan tuod may pipila kanila nga nagduhaduha. (Mt. 28:17)

Miduol si Jesus ug miingon kanila, “Gihatag kanako ang tanang gahum sa Iangit ug sa yuta. (Mt. 28:18)

Busa panlakaw kamo ngadto sa tanang katawhan sa tibuok kalibutan ug himoa sila nga akong mga tinun-an, ug bunyagi sila sa ngalan sa Amahan, sa Anak ug sa Espiritu Santo, (Mt. 28:19)

ug tudloi sila pagtuman sa tanan nga akong gisugo kaninyo. Ug hinumdomi! Ako mag-uban kaninyo sa kanunay hangtud sa katapusan sa kalibutan.” (Mt. 28:20)

Ang ebanghelyo sa Ginoo.
================================
GIBAYAW SI JESUS NGADTO SA LANGIT -MGA BUHAT (Acts 1:1-11)

Minahal kong Teofilo: Sa una kong sulat gihisgotan ko ang tanang butang nga gibuhat ug gitudlo ni Jesus, sukad sa pagsugod niya sa iyang buluhaton (Acts 1:1)

hangtud sa adlaw nga gibayaw siya ngadto sa langit. Sa wala pa siya bayawa, gipahimangnoan niya pinaagi sa Espiritu Santo ang mga tawo nga iyang gipili nga mga apostoles. (Acts 1:2)

Sulod sa kap-atan ka adlaw human siya mamatay, nagpakita siya kanila sa makadaghan, sa mga paagi nga nagmatuod nga buhi gayod siya. Nakita siya nila ug nakigsulti kanila mahitungod sa paghari sa Dios. (Acts 1:3)

Ug samtang si Jesus uban pa kanila gitugon niya sila, “Ayaw una kamo pagbiya sa Jerusalem; hulata ninyo ang gasa nga gisaad sa akong Amahan, sumala sa gisulti ko kaninyo. (Acts 1:4)

Kay si Juan namunyag pinaagi sa tubig, apan pipila na lamang ka adlaw gikan karon bunyagan kamo pinaagi sa Espiritu Santo.” (Acts 1:5)

Sa pagkatigum nila, gipangutana nila si Jesus, “Ginoo, tukoron mo ba pag-usab niining panahona ang gingharian sa Israel?” (Acts 1:6)

Si Jesus mitubag kanila, “Ang mga panahon ug mga adlaw gilatid nang daan sa pagbuot sa akong Amahan; dili kamo angay magpakisayod kon kanus-a kini mahitabo. (Acts 1:7)

Apan kon mokunsad na kaninyo ang Espiritu Santo, makadawat kamo’g gahum ug mahimo kamong akong mga saksi sa Jerusalem, sa tibuok Judea ug Samaria, ug sa tibuok kalibutan.” (Acts 1:8)

Human niya isulti kini, gibayaw siya ngadto sa langit samtang nagtan-aw sila kaniya, ug siya wala na nila makita kay gisalipdan man siya’g panganod. (Acts 1:9)

Samtang nagtutok sila sa langit sa pagkayab ni Jesus, may duha ka tawo nga nagbisti’g puti nga mitungha pagkalit ug mibarog tupad kanila. (Acts 1:10)

Miingon sila, “Mga taga-Galilea, nganong nagbarog man kamo dinhi ug nagsigig hangad sa langit? Si Jesus nga gibayaw ngadto sa langit mobalik sa samang paagi sa iyang pagkayab ngadto sa langit.” (Acts 1:11)

Ang pulong sa Diyos.
=========================
PAG-AMPO NI PABLO- EFESO (Eph. 1:17-23)

Ug naghangyo ako sa Dios sa atong Ginoong JesuCristo, ang gamhanang Amahan, nga hatagan unta kamo sa Espiritu nga maghimo kaninyong maalamon ug magpadayag sa Dios kaninyo aron makaila kamo kaniya. (Eph. 1:17)

Naghangyo usab ako nga malamdagan unta ang inyong salabutan aron masayod kamo unsa ang paglaum nga alang niini gitawag kamo. Ug hinaut usab unta nga masayod kamo sa kahupong sa mga panalangin nga gisaad niya sa Iyang katawhan. (Eph. 1:18)

Dugang pa niini, gipanghinaut ko nga masayran ninyo ang kadaku sa Iyang gahum nga ania kanato nga nagtuo kaniya. Kining gahuma nga ania kanato mao ang (Eph. 1:19)

gigamit niya pagbanhaw kang Cristo, ug pagpalingkod kaniya sa Iyang tuo didto sa langit. (Eph. 1:20)

Didto naghari si Cristo labaw sa tanang mga hari, ug sa mga anaa sa gahum ug sa mga punoan ingon man sa mga kaginoohan; labaw siya sa tanan bisan unsa pa ang ilang katungdanan niining kalibutana ug sa sunod. (Eph. 1:21)

Gibutang sa Dios ang tanan ubos sa pagmando ni Cristo, ug alang sa simbahan gihimo siyang pangulo nga labaw sa tanan. (Eph. 1:22)

Ang simbahan mao ang lawas ni Cristo, ang kahingpitan niya nga mao ang naghingpit sa tanang butang. (Eph. 1:23)

Ang pulong sa Diyos.

12/05/2026

Good morning everyone!!!🔥🔥🔥
Gospel- MAY 12, 2026
ANG BUHAT SA ESPIRITU SANTO- JUAN (Jn. 16:5-11)


Si Jesus miingon sa iyang mga tinun-an, “Ug karon moadto ako sa nagpadala kanako, apan walay usa kaninyo nga nangutana kanako kon asa ako paingon. (Jn. 16:5)

Ug karon nga gisultihan ko na kamo, nasubo kamo. (Jn. 16:6)

Apan sultihan ko kamo: mas makaayo kaninyo nga biyaan ko kamo, kay kondili, dili moanhi kaninyo ang Manlalaban. Apan kon mobiya ako, ipadala ko siya kaninyo. (Jn. 16:7)

Ug inig-abot niya, iyang pailhon ang mga tawo sa kalibutan mahitungod sa ilang sala, ug sa pagkamatarong, ug sa silot sa Dios. (Jn. 16:8)

Pailhon sila sa ilang sala kay wala man sila motuo kanako; (Jn. 16:9)

ug pailhon sila unsay matarong kay moadto man ako sa Amahan ug dili na kamo makakita kanako; (Jn. 16:10)

ug pailhon sa silot, kay ang nagmando niining kalibutana gisilotan na man.” (Jn. 16:5-11)

Ang ebanghelyo sa Ginoo.
===========================
ANG PAGKA PRESO NI PABLO UG NI SILAS – MGA BUHAT (Acts 16:22-34)


Miapil ang mga tawo sa pagdagmal kanila, ug gigisi sa mga opisyal ang mga bisti ni Pablo ug ni Silas ug misugo nga latigohon sila. (Acts 16:22)

Human sila bunali pag-ayo, gibalhog sila sa karsel ug gisugo ang guwardiya nga kandadohan pag-ayo ang bilanggoan. (Acts 16:23)

Busa gibalhog sila sa guwardiya ngadto sa kinasuokang lawak ug gilugpitan sa giakob nga kahoy ang ilang mga tiil. (Acts 16:24)

Sa hapit na ang tungang gabii, si Pablo ug si Silas nag-ampo ug nag-awit ug mga pagdayeg ngadto sa Dios, ug namati kanila ang ubang mga binilanggo. (Acts 16:25)

Unya sa kalit milinog og kusog nga nakatay-og pag-ayo bisan sa sukaranan sa karsel, ug nangaabli ang tanang pultahan ug nangatangtang ang mga kadena sa tanang binilanggo. (Acts 16:26)

Nahigmata ang tinugyanan sa karsel, ug sa pagkakita niya nga nangaabli na ang mga pultahan, gipakaingon niyang nanglayas ang tanang preso; busa gilanit niya ang iyang espada aron maghikog. (Acts 16:27)

Apan misinggit si Pablo, “Ayaw paghikog! Ania ra kaming tanan!” (Acts 16:28)
Ang tinugyanan sa karsel nangayo’g suga, unya misulod siya nga nagdagan ug miluhod nga nagkurog sa tiilan ni Pablo ug ni Silas. (Acts 16:29)

Unya sila gipagawas niya ug gipangutana, “Sir, unsa may akong buhaton aron ako maluwas?” (Acts 16:30)

Sila mitubag, “Tuo sa Ginoong Jesus, ug maluwas ka lakip ang imong panimalay.” (Acts 16:31)

Unya siya ug ang tanang sakop sa iyang panimalay giwalihan nila sa pulong sa Dios. (Acts 16:32)

Niadtong taknaa sa kagabhion gihunaran sa tinugyanan sa karsel ang ilang mga samad; ug gibunyagan dayon siya ug ang iyang panimalay. (Acts 16:33)

Unya gidala niya si Pablo ug si Silas sa iyang balay ug gipakaon. Nalipay siya ug ang iyang panimalay, kay siya mituo na man sa Dios. (Acts 16:34)

Ang pulong sa Diyos.

11/05/2026

Sunday Mass at EGF Butuan powerhouse with our Spiritual Adviser Father Ong.

11/05/2026

Good morning everyone!!!🔥🔥🔥
Gospel - MAY 11, 2026
MOABOT ANG ESPIRITU - JUAN (Jn.15: 26-16:4)


Si Jesus miingon sa iyang mga tinun-an, “Moanhi ang Manlalaban—ang Espiritu sa kamatuoran, nga gikan sa Amahan. Ipadala ko siya gikan sa Amahan ug magsaksi siya mahitungod kanako. (Jn.15: 26)

Ug magsaksi usab kamo mahitungod kanako, kay kamo uban man kanako sukad pa sa sinugdan.” (Jn.15: 27)

“Gisulti ko kini kaninyo aron dili kamo maluya sa inyong pagtuo. (Jn.16:1)

Hinginlan kamo nila gikan sa ilang mga sinagoga, ug moabot ang panahon nga ang magpatay kaninyo magtuo nga nagbuhat siya sa kabubut-on sa Dios. (Jn.16:2)

Kini ilang buhaton kaninyo kay wala man sila makaila sa Amahan ni makaila kanako. (Jn.16:3)

Apan gisultihan ko kamo niini aron nga inigbuhat nila niini, inyong hinumdoman ang gisulti ko kaninyo.” (Jn.16:4)

Ang ebanghelyo sa Ginoo.

==========================

ANG PAGKAKABIG NI LYDIA DIDTO SA FILIPOS – MGA BUHAT (Acts 16:11-15)


Busa mibiya kami sa Troas sakay sa sakayan ug midiritso sa Samotrasia, ug sa pagkasunod adlaw ngadto sa Neapolis. BUHAT (Acts 16:11)

Gikan didto miadto kami sa Filipos, ang kinadak-ang siyudad sa unang distrito sa Macedonia; kolonya usab kini sa Roma. Nagpabilin kami’g pipila ka adlaw niadtong siyudara. (Acts 16:12)

Sa Adlaw’ng Igpapahulay migawas kami sa siyudad ug miadto sa daplin sa suba, kay naghunahuna man kami nga didto may tigomanan sa mga Judio alang sa pag-ampo. Nanglingkod kami ug nakigsulti sa mga babaye nga nagtigum didto. (Acts 16:13)

Usa niadtong namati kanamo mao si Lydia nga taga-Tiatira, nga namaligyag panapton nga dagtom-pula. Mahadlokon siya sa Dios ug ang Ginoo nag-abli sa iyang kasingkasing aron pagdawat sa mensahe ni Pablo. (Acts 16:14)

Gibunyagan siya ug ang tibuok niyang panimalay. Unya iya kaming gidapit, “Diri kamo abot sa akong balay kon giisip ninyo ako nga tinuod nga magtutuo sa Ginoo.” Ug wala gayod siya pabalibad. (Acts 16:15)

Ang pulong sa Diyos .

05/05/2026

Good morning everyone!!!🔥🔥🔥
Gospel- MAY 5, 2026
GISAAD ANG ESPIRITU SANTO - JUAN (Jn. 14:27-31)

Si Jesus miingon sa iyang mga tinun-an, “Ang kalinaw ibilin ko kaninyo; ang akong kalinaw ihatag ko kaninyo, kalinaw nga dili ingon sa ikahatag sa kalibutan. Ayaw kamo’g kabalaka ug ayaw kahadlok. (Jn. 14:27)

Gisultihan ko na kamo nga mobiya ako, apan mobalik ako. Kon gihigugma ninyo ako, malipay kamo nga moadto ako sa Amahan, kay siya labaw man kanako. (Jn. 14:28)

Gisultihan ko kamo niini karon sa wala pa kini mahitabo aron inigkahitabo niini, motuo kamo. (Jn. 14:29)

Dili na ako makigsulti kaninyo’g dugay, kay taliabot ang nagmando niining kalibutana. (Jn. 14:30)

Wala siyay gahum kanako, apan kinahanglan mahibalo ang kalibutan nga nahigugma ako sa Amahan; busa gibuhat ko ang tanan nga iyang gisugo kanako. “Tana manglakaw na kita.” (Jn. 14:31)

Ang ebanghelyo sa Ginoo.

===============================
ANG PAGBALIK NGADTO SA ANTIOQUIA SA SIRIA - MGA BUHAT (Acts 14:19-28)

Pipila ka mga Judio nangabot gikan sa Antioquia sa Pisidia, ug gikan sa Iconio; nadani nila ang mga tawo ug gibato nila si Pablo ug giguyod ngadto sa gawas sa lungsod; nagdahom sila nga patay na siya. (Acts 14:19)
Apan sa dihang gialirongan siya sa mga magtutuo, mibangon siya ug mibalik sa lungsod. Pagkasunod adlaw siya ug si Bernabe nangadto sa Derbe. (Acts 14:20)

Nagwali sa Maayong Balita si Pablo ug si Bernabe didto sa Derbe, ug nakakabig sila og daghang mga tinun-an. Unya namalik sila sa Listra, unya sa Iconio, ug dayon sa Antioquia sa Pisidia. (Acts 14:21)

llang gilig-on ang mga magtutuo ug gidasig nga magpadayon sa pagtuo. Nanudlo sila sa pag-ingon, “Kinahanglan moagi kita sa daghang mga kalisdanan aron makasulod sa gingharian sa Dios.” (Acts 14:22)

Sa matag simbahan nagtudlo sila og mga pangulo; ug uban sa mga pag-ampo ug pagpuasa ilang gitugyan sila ngadto sa Ginoo nga ilang gisaligan. (Acts 14:23)

Unya milatas sila sa Pisidia ug miabot sa Pampilia. (Acts 14:24)

Giwali nila ang mensahe sa Ginoo didto sa Perga ug unya mipatighulog sila ngadto sa Atalia. (Acts 14:25)

Gikan didto milawig sila balik sa Antioquia, diin kaniadto gitugyan sila ngadto sa grasya sa Dios alang sa buhat nga karon ila nang nahuman. (Acts 14:26)

Sa pag-abot nila sa Antioquia, ilang gitigum ang mga sakop sa simbahan ug gisuginlan sa tanan nga gibuhat sa Dios pinaagi kanila, ug sa iyang pagbukas og dalan alang sa mga dili Judio aron motuo sila. (Acts 14:27)

Didto nagpabilin sila’g dugay uban sa mga magtutuo.(Acts 14:28)

Ang pulong sa Diyos.

04/05/2026

Good morning everyone!!!🔥🔥🔥
Gospel- MAY 4, 2026
GISAAD ANG ESPIRITU SANTO - JUAN (Jn. 14:21-26)

Si Jesus miingon sa iyang mga tinun-an, “Ang modawat sa akong mga sugo ug magtuman niini mao ang nahigugma kanako. Ang akong Amahan mahigugma kaniya nga nahigugma kanako; ako usab mahigugma kaniya ug magpaila sa akong kaugalingon ngadto kaniya.” (Jn.14:21)

Si Judas (dili si Judas Iscariote) miingon, “Ginoo, nganong ipaila mo man kanamo ang imong kaugalingon ug dili man hinoon ngadto sa katawhan?” (Jn.14:22)

Si Jesus mitubag, “Ang nahigugma kanako magtuman sa akong gisugo. Mahigugma kaniya ang akong Amahan, ug ang akong Amahan ug ako moanha ug magpuyo diha kaniya. (Jn.14:23)

Ang wala mahigugma kanako dili motuman sa akong gisugo. Ang mensahe nga inyong nadungog dili ako, kondili iya sa Amahan nga nagpadala kanako.” (Jn.14:24)

“Gisultihan ko kamo niini samtang ako uban pa kaninyo. (Jn.14:25)

Ang Manlalaban, ang Espiritu Santo nga ipadala sa Amahan sa akong ngalan, magtudlo ug magpahinumdom kaninyo sa tanan nga akong gisulti kaninyo.” (Jn.14:26)

Ang ebanghelyo sa Ginoo.
============================
SI PABLO UG SI BERNABE DIDTO SA ICONIO - MGA BUHAT (Acts 14:5-7)

Unya ang mga dili Judio ug ang mga Judio ingon man ang ilang mga pangulo nagkauyon pagpanamastamas ug pagbato sa mga apostoles. (Acts 14:5)

Pagkahibalo niini sa mga apostoles nangagiw sila didto sa Listra ug sa Derbe, mga siyudad sa Licaonia, ug sa kasikbit nga kayutaan. (Acts 14:6)

Didto giwali nila ang Maayong Balita. (Acts 14:7)

DIDTO SA LISTRA UG SA DERBE - MGA BUHAT (Acts 14:8-18)

Didto sa Listra, may bakol nga sukad pa sa iyang pagkatawo waIa gayod makalakaw. (Acts 14:8)

Naglingkod siya ug namati sa gisulti ni Pablo. Nakita ni Pablo nga mituo siya ug sa ingon niini mahimong ayohon, busa gitutokan siya ni Pablo (Acts 14:9)

ug sa makusog nga tingog, giingnan, “Tindog!” Milukso ang bakol ug naglakawlakaw. (Acts 14:10)

Sa pagkakita sa mga tawo sa gibuhat ni Pablo, naninggit sila sa ilang pinulongang Licaonianhon, “Nanaog ang mga dios sa dagway sa tawo!” (Acts 14:11)

Ug ilang gianggaag Seus si Bernabe ug Herme si Pablo, kay siya man ang tigpamaba. (Acts 14:12)

Ang pari ni Seus, kansang templo didto sa gawas sa lungsod, nagdalag mga baka ug mga bulak ngadto sa ganghaan. Siya ug ang mga tawo buot mohalad niini ngadto sa mga apostoles. (Acts 14:13)

Pagkasayod ni Bernabe ug ni Pablo sa buot nilang buhaton, gigisi nila ang ilang mga bisti ug midagan ngadto sa taliwala sa katawhan, ug misinggit, (Acts 14:14)

“Mga higala, nganong nagbuhat man kamo niini? Kami mga tawo lamang sama kaninyo! Mianhi kami sa pagsangyaw sa Maayong Balita aron biyaan ninyo kining walay hinungdan nga mga butang ug modangop kamo sa Dios nga buhi nga maoy nagbuhat sa langit, sa yuta, sa dagat, ug sa tanan nga anaa niini. (Acts 14:15)

Gitugotan niya kaniadto ang tanang katawhan nga magtuman sa ilang gusto. (Acts 14:16)

Apan kanunay siyang nagmatuod sa iyang kaugalingon pinaagi sa maayong mga butang nga iyang gibuhat: naghatag siya kaninyog ulan ug mga abot sa yuta sa hustong panahon; ug gihatagan kamo niyag pagkaon ug gilipay.” (Acts 14:17)

Apan bisan pa sa ilang gisulti, ang mga apostoles naglisod pagsanta sa mga tawo sa pagdala ug mga halad ngadto kanila. (Acts 14:18)

Ang pulong sa Diyos.