Saint Anne Catholic Parish, Balasan, Iloilo - 1895

Saint Anne Catholic Parish, Balasan, Iloilo - 1895 The parish of Saint Anne is affiliated with the One, Holy, Catholic, and Apostolic Church of God in the Roman rite.

26/07/2026

SOLEMNE NGA KAPIESTAHAN NANDAY SANTA ANA KAG SAN JOAQUIN

09/07/2026

Sa ika-131 nga tuig sang pagsukat sang pormal nga pagtukod sang Parroquia de Santa Ana sa Balasan, pasidunggan naton ang isa sa mga abuela sang aton Kristianong katilingban. Kaangay sang aton halangdon nga Patrona, Santa Ana, nga nangin mainunungon kag mahigugmaon nga lola sang aton Manluluwas, pormal nga ginapakilala ang tiglawas sang aton balaan nga manug-ampo. Ang bug-os nga parokya ginakakunyag nga ipakilala si ROSE A. SAYAT bilang magayon nga musa nga aton bansagon sa titulo nga "Lola Ana" sang tuig 2026.

Gina-imbetar ang tanan sa pagtambong kag paglantaw sang seremonya sang pagkilala sang "Lola Ana" sa palaabuton nga "Gab-i sang Parokya" nga hiwaton sa Balasan Civic Center sa Julio 10 (Viernes nga adlaw), sa takna nga las seis y media (6:30) sa gab-i.

04/07/2026

Sa ika-131 nga tuig sang pagsukat sang pormal nga pagtukod sang Parroquia de Santa Ana sa Balasan, saksihan ang isa ka matinahuron nga pagpadungog sa mga abuela sang aton Kristianong katilingban. Kaangay sang aton halangdon nga Patrona, Santa Ana, nga nangin mainunungon kag mahigugmaon nga lola sang aton Manluluwas, pagahatagan sang pagbansag ang magatindog nga tiglawas sang aton balaan nga manug-ampo sa isa ka programa sa “Gab-i sang Parokya”. Tungod sang iya pagkabuhi sang birtudes ni Santa Ana—kasubong sang pagkamatinuohon, pagkamalaumon, kag pagkamainabyanon—siya ang labing magayon nga musa nga pagabansagon sa titulo nga “Lola Ana” sang tuig 2026.

Sarang nga malantaw ang seremonya sang pagkilala sang “Lola Ana” sa palaabuton nga “Gab-i sang Parokya” nga hiwaton sa Balasan Civic Center sa Julio 10 (Viernes), sa takna nga las seis y media (6:30) sa gab-i.

ATON SUG-ALAWON ANG IKA-131 NGA TUIG SANG ATON PARROQUIA paagi sa isa ka gab-i nga puno sang pagpasalamat kag pagsinadya...
28/06/2026

ATON SUG-ALAWON ANG IKA-131 NGA TUIG SANG ATON PARROQUIA paagi sa isa ka gab-i nga puno sang pagpasalamat kag pagsinadya sang aton Kristianong katilingban. Ginaagda guid ang tanan nga tumuluo sa "Gab-i sang Parokya" sa palaabuton nga Julio 10, 2026 (Viernes) sa oras nga 6:30 sa gab-i sa Balasan Civic Center.

Bukas sa publiko ang hilikuton apang may ginhanda nga mga lamesa kag pulungkuan para sa mga luyag mag-angkon sang pinalabi nga lugar para sa programa. Ang tagsa ka lamesa ang sarang maka-akomodar sang 15 ka tawo.

Para sa mga luyag magpa-reserba sang lamesa para sa nasambit nga programa, magpakig-angut lamang sa numero nga 0948-296-6367 (Mr. Ralph Justin Valenzuela). Hasta sa Julio 5 ang pagpa-reserba.

Kari, maghugpong, kag magsinadya na ang katilingban ni Santa Ana!

11/06/2026

AVISO

Sa kaangtanan sang mabinansagon nga pagsaulog sang bug-os nga Santa Iglesia sang piesta solemne sang Hamili nga Kasingkasing ni Jesus, ginaagda guid ang tanan nga tumuluo sa mga hilikuton sa debosyon kag liturhiya sa Junio 12, 2026 (Viernes) umpisa 5:15 sa aga.

May yara sang prusisyon sang balaan nga imahen sang Sagrado Corazon de Jesus sa pili nga mga dalanon sang banwa. Sa pagbalik sang prusisyon sa simbahan, himuon ang katilingbanon nga akto sang pagpanginhalad (act of consecration) sa Hamili nga Kasingkasing ni Jesus kag pagasundan sang Santos nga Misa.

Sa mga deboto, sarang ninyo masuksok ang p**a nga eskap**aryo bilang hayag nga timaan sang inyo pagsalig sa nasambit nga debosyon.

Madamo guid nga salamat.

𝗠𝗔𝗧𝗘𝗥 𝗗𝗢𝗟𝗢𝗥𝗢𝗦𝗔 Ang imahen sang Mahal nga Iloy nga tuman nga masinulob-on nagalaragway sang madalom nga kasakit ni Maria ...
03/04/2026

𝗠𝗔𝗧𝗘𝗥 𝗗𝗢𝗟𝗢𝗥𝗢𝗦𝗔

Ang imahen sang Mahal nga Iloy nga tuman nga masinulob-on nagalaragway sang madalom nga kasakit ni Maria bilang Iloy ni Jesus. Ini ang katumanan sang panagna ni Simeon sang ginhalad ang lapsag nga si Jesus sa templo nga ang espada sang kasakit magalapos sa iya tagipusuon.

Sa tion sang Kwaresma, ini nga imahen nagapahanumdom sa aton sang pag-antos sang isa ka iloy nga nagpakigbahin sa kasakit sang iya Anak para sa kaluwasan sang katawhan.

𝗦𝗧𝗢. 𝗘𝗡𝗧𝗜𝗘𝗥𝗥𝗢Ang imahen sang Ginoo nga ginpahamtang sa lulubngan nagalaragway sang Iya labing daku kag pinakamataas nga ...
03/04/2026

𝗦𝗧𝗢. 𝗘𝗡𝗧𝗜𝗘𝗥𝗥𝗢

Ang imahen sang Ginoo nga ginpahamtang sa lulubngan nagalaragway sang Iya labing daku kag pinakamataas nga sakripisyo para sa kaluwasan sang katawhan.

Sa tion sang Kwaresma, ini nga imahen nagapahanumdom sa aton sang kahilwayan nga gin-angkon paagi sa Iya pag-antos kag kamatayon. Isa ini ka madalom nga simbolo sang paghigugma sang Anak sang Dios nga bisan sa tunga sang kasakit kag kamatayon, nagahatag sang paglaum kag kaluwasan sa tanan nga nagatuo sa Iya.

Address

Del Rosario
Balasan
5018

Website

Alerts

Be the first to know and let us send you an email when Saint Anne Catholic Parish, Balasan, Iloilo - 1895 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category