24/05/2026
Sa awa at dakilang tulong ng Makapangyarihang Diyos, matagumpay naming naipagdiwamg ang Balangiga 2nd Local Youth Camp na ginanap noong May 14–16, 2026. Tunay na mabuti ang Panginoon sapagkat sa kabila ng mga pagsubok at kakulangan, lalo na sa aspetong pinansyal, hindi Niya kami pinabayaan. Noong una ay tila napakalabo kung paano ito maisasakatuparan, ngunit sa pamamagitan ng Kaniyang biyaya at ng mga taong Kaniyang ginamit, naging posible ang lahat.
Lubos at taos-puso po kaming nagpapasalamat sa lahat ng mga kapatid at mga taong nagpaabot ng tulong pinansyal upang maisakatuparan ang gawaing ito. Ang inyong kusang pagtulong, pagmamalasakit, at pakikiisa ay naging malaking bahagi upang maging matagumpay ang youth camp na ito. Nawa’y ang Diyos na nakakakita ng lahat ng inyong kabutihan ang Siyang magbalik ng masaganang pagpapala sa inyong buhay at sambahayan.
Nagpapasalamat din po kami sa LGU Balangiga para sa paglalaan ng tents at transportation para sa second day camp venue sa Barangay Guinmaayohan. Gayundin sa lahat ng mga nanay at mga kapatid na nagpuyat at nagpagal sa pagluluto at paghahanda ng mga pangangailangan, ang inyong pagod at sakripisyo ay hindi makakaligtaan ng Panginoon.
Maraming salamat din sa lahat ng mga dumalo at nakiisa sa banal na gawaing ito. Higit sa lahat, nagpapasalamat kami sa Diyos sapagkat naging mabunga ang youth camp na ito at ilan sa ating mga naimbitahan ay nagpapatuloy sa pagdalo sa mga araw ng pagsamba.
Sa Diyos lamang ang lahat ng papuri, pasasalamat, at kapurihan magpakailanman. AMEN🙏
