23/10/2020
PAALALA | Alinsunod sa National IATF Resolusyon Blg. 72, ang lahat ng pampubliko at pribadong sementeryo, memorial parks, at mga kolumbaryo ay sarado simula ika-29 ng Oktubre hanggang ika-4 ng Nobyembre ng taong 2020.
Mga panukala para sa pagbibigay ng seguridad sa Lungsod ng Balanga para sa pagdaraos ng Undas 2020:
1. Ang mga panukalang ito ay epektibo sa mga sementeryo, memorial parks, at kolumbaryo sa Lungsod ng Balanga, kabilang ang Eternal Shrine Memorial Park, Garden of Olives Memorial Park, Paradise Garden Memorial Park, Brgy. Cataning Public Cemetery, Aglipayan Cemetery (Pto. Rivas Public Cemetery), at Tenejero Public Cemetery.
2. Ang mga nabanggit na lugar ay magbubukas ng 6:00AM hanggang 5:30PM mula Oktubre 8-27, 2020. Sa Oktubre 28, 2020, magsasarado ito ng 5:00PM.
3. Magkakaroon ng temperature check at paglo-log sa entrance o pasukan ng bawat lugar. Gayundin ang pagpapatupad ng entry at exit points.
4. Hindi pinapayagan ang pagtitinda sa loob at sa paligid ng sementeryo.
5. Bawal magdala ng pagkain ang mga dadalaw sa puntod. Pinapayagan lamang ang pagbabaon ng tubig at medisina.
Bagaman walang restriksyon sa edad ng mga dadalaw, ang bawat lugar ay may itatalagang time limit at bilang ng bisita ng bawat puntod upang masunod ang 30% maximum na kapasidad ng mga nasabing lugar.
6. Mahigpit na ipapatupad ang pagsuot ng face mask, face shield, at 2 metrong distansya sa bawat isa.
7. Maaari pang magdagdag ang bawat lugar ng kanilang protocols upang ma-kontrol ang pagdagsa ng mga tao.
8. Ang implementasyon ng mga nabanggit na tagubilin ay epektibo simula bukas, Oktubre 8, 2020.
Para sa ating mga yumaong mahal sa buhay, maaari rin po natin silang ipagtulos ng kandila sa ating mga tahanan kasabay ng ating taimtim na panalangin sa Poong Maykapal ng higit pang pagpapala upang malagpasan ang krisis na ating pinagdaraanan.
