Volunteers in Prison Service - Diocese of Balanga

17/07/2026

𝐕𝐈𝐃𝐄𝐎 𝐇𝐈𝐆𝐇𝐋𝐈𝐆𝐇𝐓

Nagtapos ang Misa sa huling basbas, ngunit hindi nagtapos ang pagmamahal at pag-asang iniwan nito.

Ngayong araw, hindi lamang namin ipinagdiwang ang Banal na Eukaristiya. Nagpasalamat din kami sa isang paring buong pusong naglingkod sa mga kapatid nating nasa likod ng mga rehas. Sa bawat Misa, sa bawat pangungumusta, at sa bawat panalanging inialay, ipinaalala niya na walang pusong hindi kayang abutin ng awa ng Diyos.

Ito man ang huling Misa ni Fr. Sylvester kasama ang Prison Ministry, hindi ito ang katapusan ng mga buhay na kanyang nahipo. Mananatili ang mga panalanging sabay-sabay na binigkas, ang pag-asang muling nabuhay, at ang pagmamahal na kanyang ibinahagi sa bawat pagdalaw.

Maraming salamat, Fr. Sylvester.

At tulad ng huling basbas sa bawat Banal na Misa, hindi ito pamamaalam, kundi pagsusugo ng Panginoon sa panibagong misyong Kanyang inihanda. Dalangin namin na saan ka man mapunta, dalhin mo rin ang parehong pusong marunong makinig, umunawa, at magmahal. At nawa’y hindi mo malimutan na sa loob ng mga pader ng bilangguan, may mga pusong patuloy na mag-aalay ng panalangin para sa iyo.

17/07/2026

𝐓𝐈𝐍𝐆𝐍𝐀𝐍 || Isinagawa ngayong ika-17 ng Hulyo ang pagdiriwang ng Banal na Misa sa Bataan District Jail, na pinangunahan ni 𝗥𝗲𝗯. 𝗣𝗱𝗲. 𝗦𝘆𝗹𝘃𝗲𝘀𝘁𝗲𝗿 𝗠𝗮. 𝗕𝗮𝘆, 𝗠𝗠𝗛𝗖, kasama sina 𝗥𝗲𝗯. 𝗣𝗱𝗲. 𝗣𝗿𝘂𝗱𝗲𝗻𝗰𝗶𝗼 𝗗𝘂𝗺𝗮𝗴𝘂𝗶𝗻𝗴 at 𝗥𝗲𝗯. 𝗩𝗶𝗻𝗰𝗲𝗻𝘁 𝗜𝘃𝗮𝗻 𝗠𝗮. 𝗔𝗹𝗼𝗷𝗮𝗰𝗶𝗻, 𝗠𝗠𝗛𝗖, katuwang ang VOLUNTEERS IN PRISON SERVICE (VIPS) ng The Roman Catholic Diocese of Balanga

Sa bawat pagdiriwang ng Banal na Misa, muling ipinadarama ng Panginoon na 𝙬𝙖𝙡𝙖𝙣𝙜 𝙥𝙪𝙨𝙤𝙣𝙜 𝙝𝙞𝙣𝙙𝙞 𝙉𝙞𝙮𝙖 𝙢𝙖𝙖𝙖𝙗𝙤𝙩 𝙖𝙩 𝙬𝙖𝙡𝙖𝙣𝙜 𝙗𝙪𝙝𝙖𝙮 𝙣𝙖 𝙝𝙞𝙣𝙙𝙞 𝙠𝙖𝙮𝙖𝙣𝙜 𝙗𝙖𝙜𝙪𝙝𝙞𝙣 𝙣𝙜 𝙆𝙖𝙣𝙮𝙖𝙣𝙜 𝙖𝙬𝙖. Sa gitna ng mga rehas, nananatiling buhay ang pag-asa sapagkat si Kristo ay patuloy na lumalapit sa bawat isa.

Naging higit na makahulugan ang pagdiriwang na ito sapagkat ito ang huling Banal na Misa ni Fr. Sylvester kasama ang pamayanang bilanggo bago siya magpatuloy sa bagong misyong ipinagkaloob sa kanya ng Simbahan. Kalakip ng aming taos-pusong pasasalamat ang panalanging patuloy siyang samahan at pagpalain ng Panginoon, upang saan man siya ipadala ay manatili siyang tapat na tagapaghatid ng pag-asa, awa, at pag-ibig ni Kristo.

11/07/2026

𝐇𝐚𝐩𝐩𝐲 𝟐𝐧𝐝 𝐏𝐫𝐞𝐬𝐛𝐲𝐭𝐞𝐫𝐚𝐥 𝐀𝐧𝐧𝐢𝐯𝐞𝐫𝐬𝐚𝐫𝐲,
𝐅𝐫. 𝐒𝐲𝐥𝐯𝐞𝐬𝐭𝐞𝐫 𝐌𝐀. 𝐁𝐚𝐲, 𝐌𝐌𝐇𝐂!! 🙏🏻

Thank you for your faithful service and unwavering dedication to the Prison Ministry. May the Lord continue to bless you with strength, wisdom, and grace as you bring hope and love to others.

𝘼𝙜𝙖𝙞𝙣, 𝘼 𝙃𝙖𝙥𝙥𝙮 𝙖𝙣𝙙 𝘽𝙡𝙚𝙨𝙨𝙚𝙙 2𝙣𝙙 𝙋𝙧𝙚𝙨𝙗𝙮𝙩𝙚𝙧𝙖𝙡 𝘼𝙣𝙣𝙞𝙫𝙚𝙧𝙨𝙖𝙧𝙮, 𝙋𝙖𝙙𝙧𝙚! 🤍🙏🏻

26/06/2026

𝐓𝐈𝐍𝐆𝐍𝐀𝐍 || Ngayong ika-26 ng Hunyo 2026, idinaos ang 𝗕𝗮𝗻𝗮𝗹 𝗻𝗮 𝗠𝗶𝘀𝗮 sa Bataan District Jail na pinangunahan ni 𝗥𝗲𝗯. 𝗣𝗱𝗲. 𝗦𝘆𝗹𝘃𝗲𝘀𝘁𝗲𝗿 𝗠𝗮. 𝗕𝗮𝘆, 𝗠𝗠𝗛𝗖. Kasama ang VOLUNTEERS IN PRISON SERVICE (VIPS) ng The Roman Catholic Diocese of Balanga.

Sa bawat panalangin at sandali ng pakikiisa, muling nabuhay ang pag-asa sa puso ng mga Persons Deprived of Liberty (PDLs). Isang paalala na hindi hadlang ang rehas upang makita ang iyong halaga. Mahalaga ka, at patuloy kang minamahal ng Diyos.

26/06/2026

𝐓𝐈𝐍𝐆𝐍𝐀𝐍 || Noong ika-19 ng Hunyo 2026, idinaos ang 𝗕𝗮𝗻𝗮𝗹 𝗻𝗮 𝗠𝗶𝘀𝗮 sa Bataan District Jail na pinangunahan ni 𝗥𝗲𝗯. 𝗣𝗱𝗲. 𝗣𝗿𝘂𝗱𝗲𝗻𝗰𝗶𝗼 𝗗𝘂𝗺𝗮𝗴𝘂𝗶𝗻𝗴, Kura Paroko ng Holy Family Parish. Kasama ang VOLUNTEERS IN PRISON SERVICE (VIPS) ng The Roman Catholic Diocese of Balanga.

Sa pamamagitan ng sama-samang panalangin at pakikiisa, naipadama ang pagmamahal at habag ng Diyos sa mga Persons Deprived of Liberty (PDLs), nagpapaalala na ang bawat isa ay may pagkakataong magbagong-buhay at magsimulang muli.

21/06/2026

Sa kanilang tapat na paglilingkod, makaamang paggabay, at malasakit sa bayan ng Diyos, taus-puso nating binabati ang lahat ng kaparian ng Diyosesis ng Balanga ng isang mapagpalang Araw ng mga Ama.

Maligayang Araw ng mga Ama!

15/06/2026

15/06/2026

𝐓𝐈𝐍𝐆𝐍𝐀𝐍 || Noong ika-12 ng Hunyo 2026, isinagawa ang 𝗕𝗮𝗻𝗮𝗹 𝗻𝗮 𝗠𝗶𝘀𝗮 sa Bataan District Jail na pinangunahan ni 𝗥𝗲𝗯. 𝗣𝗱𝗲. 𝗝𝘂𝗹𝗶𝘂𝘀 𝗠𝗮. 𝗗𝗮𝘆𝗮𝗻𝗱𝗮𝗻𝘁𝗲, 𝗠𝗠𝗛𝗖, kasama ang mga VOLUNTEERS IN PRISON SERVICE (VIPS) ng The Roman Catholic Diocese of Balanga

Ang pagdiriwang ay naging tanda ng pagkakaisa at pananampalataya, na patuloy na naghahatid ng pag-asa, paghilom, at pagmamahal ng Diyos para sa mga Persons Deprived of Liberty (PDLs).