Bisita ng Banal na Sta. Krus - Parokya ni San Jose Manggagawa - Sulok

29/08/2026

𝐎𝐑𝐀𝐓𝐈𝐎 𝐈𝐌𝐏𝐄𝐑𝐀𝐓𝐀
𝐏𝐚𝐫𝐚 𝐬𝐚 𝐋𝐚𝐛𝐢𝐬 𝐧𝐚 𝐏𝐚𝐠-𝐮𝐥𝐚𝐧
Ama naming makapangyarihan,
Ikaw ang aming kanlungan at lakas.
Sa gitna ng malakas na ulan at habagat,
lingapin Mo ang Iyong bayan.
Patahimikin Mo ang unos,
pahupain ang tubig na umaapaw,
at ilayo sa kapahamakan
ang bawat tahanan at pamayanan.
Tulad ng mga alagad na tumawag sa Iyo sa gitna ng bagyo,
kami rin ay buong tiwalang sumisigaw:
“Panginoon, iligtas Mo kami!” (Mt 8:25)
Ipadama Mo ang Iyong awa sa mga nangangamba,
kalakasan sa mga naglilingkod,
at pag-asa sa mga nasalanta.
Sa Iyong salita, Panginoon,
“Pinatatahimik Mo ang unos, at humuhupa ang mga alon.” (Awit 107:29)
Sa pamamagitan ni Hesukristo kasama ng Espiritu Santo magpasawalang hanggan.
Amen.
N. Panginoon naming Diyos, ipakita Mo na ang pag-ibig Mong wagas.
B. Kami ay lingapin at sa kahirapan ay Iyong iligtas.
Maria, Ina ng Simbahan, ipanalangin mo kami.
San Jose Manggagawa, ipanalangin mo kami.
San Miguel Arkanghel, ipanalangin mo kami
San Lorenzo Ruiz, ipanalangin mo kami
San Pedro Calungsod, ipanalangin mo kami

09/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐁𝐀𝐆𝐘𝐎

Amang Makapangyarihan,
nilikha at nilagyan mo ng kaayusan
ang mundong walang hugis sa simula.
Nang naharap sa malakas na unos sa dagat sa
Galilea si Hesus at ang mga alagad, inutusan lamang niya itong huminto.
Ang dagat ay napayapa at ang mga alagad ay napanatag.
Ngayong kami'y nahaharap sa bagyo, dasal nami'y ipagsanggalang kami sa hagupit nito at pinsala, bigyan ng kapanatagan ang aming kalooban at sa iyong kapangyarihan, ibalik ang kaayusan at kapayapaan sa sangkalupaan sa pamamagitan ni Hesukristo kasama ng Espiritu Santo magpasawalang hanggan.
Amen.
N. Panginoon naming Diyos, ipakita Mo na ang pag-ibig Mong wagas.
B. Kami ay lingapin at sa kahirapan ay lyong iligtas.
Virgen Inmaculada Concepcion de Malolos, ipanalangin mo kami.
Santa Ana at San Joaquin, ipanalangin ninyo kami.
San Miguel Arkanghel, ipanalangin mo kami.
San Lorenzo Ruiz, ipanalangin mo kami.
San Pedro Calungsod, ipanalangin mo kami.
San Jose Manggagawa, ipanalangin mo kami.

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐁𝐀𝐆𝐘𝐎
Amang Makapangyarihan,
nilikha at nilagyan mo ng kaayusan
ang mundong walang hugis sa simula.
Nang naharap sa malakas na unos sa dagat sa
Galilea si Hesus at ang mga alagad, inutusan lamang niya itong huminto.

Ang dagat ay napayapa at ang mga alagad ay napanatag.
Ngayong kami'y nahaharap sa bagyo, dasal nami'y ipagsanggalang kami sa hagupit nito at pinsala, bigyan ng kapanatagan ang aming kalooban at sa iyong kapangyarihan, ibalik ang kaayusan at kapayapaan sa sangkalupaan sa pamamagitan ni Hesukristo kasama ng Espiritu Santo magpasawalang hanggan.
Amen.

N. Panginoon naming Diyos, ipakita Mo na ang pag-ibig Mong wagas.

B. Kami ay lingapin at sa kahirapan ay lyong iligtas.
Virgen Inmaculada Concepcion de Malolos, ipanalangin mo kami.

Santa Ana at San Joaquin, ipanalangin ninyo kami.
San Miguel Arkanghel, ipanalangin mo kami.
San Lorenzo Ruiz, ipanalangin mo kami.
San Pedro Calungsod, ipanalangin mo kami.
San Jose Manggagawa, ipanalangin mo kami.

16/02/2026

𝐌𝐈𝐘𝐄𝐑𝐊𝐔𝐋𝐄𝐒 𝐍𝐆 𝐀𝐁𝐎
Pebrero 18, 2026
Mga Oras ng Banal na Misa sa ating Parokya:

6:00 n.u.
6:00 n.g.

29/01/2026

𝐄𝐍𝐄𝐑𝐎 𝟑𝟏, 𝟐𝟎𝟐𝟔 | 𝐌𝐈𝐒𝐀 𝐃𝐄 𝐋𝐀 𝐂𝐀𝐍𝐃𝐄𝐋𝐀𝐑𝐈𝐀

Sa darating na Sabado ay ipagdiriwang ang Kapistahan ng Pagdadala kay Hesus na Panginoon sa Templo. Inaanyayahan po ang lahat na magdala ng mga kandila upang mabasbasan.
Maraming salamat po.

18/01/2026

𝐀𝐍𝐆 𝐈𝐃𝐄𝐎𝐋𝐎𝐇𝐈𝐘𝐀 𝐍𝐆 𝐒𝐓𝐎. 𝐍𝐈Ñ𝐎 – 𝐈𝐬𝐚𝐧𝐠 𝐏𝐚𝐚𝐥𝐚𝐥𝐚 𝐧𝐠 𝐓𝐮𝐧𝐚𝐲 𝐧𝐚 𝐃𝐞𝐛𝐨𝐬𝐲𝐨𝐧

Mga kapatid sa pananampalataya, sa pagdiriwang at debosyon sa Sto. Niño (Santo Niño), mahalagang balikan ang pinakamalalim na kahulugan at pagtuturo ng ating Simbahan.

Ang Sto. Niño ay hindi lamang isang imahen – ito ay simbolo ng pag-ibig ng Diyos na nagkatawang-tao sa ating Panginoong Hesus bilang isang bata. Ang orihinal na imahe ng Sto. Niño de Cebu ay isang regalo mula kay Ferdinand Magellan noong 1521 at sinasalamin ang unang pagdating at pagtanggap ng Kristiyanismo sa Pilipinas. Ito ay summa ng biyaya at paghahayag ng Diyos sa ating bayan.

𝐂𝐀𝐍𝐎𝐍𝐈𝐂𝐀𝐋𝐋𝐘 𝐑𝐄𝐂𝐎𝐆𝐍𝐈𝐙𝐄𝐃 𝐍𝐀 𝐌𝐆𝐀 𝐈𝐌𝐀𝐇𝐄𝐍
Narito ang ilan sa mga imahe ng Sto. Niño na kinikilala at pinapangalagaan ng Simbahang Katolika:
1. Sto. Niño de Cebu – Ang pinakaunang larawan ng Sto. Niño sa Pilipinas at itinuturing na National Cultural Treasure.
2. Santo Niño de Tondo – Isa sa mga pinakamahalagang imahe na kinikilala ng Arsobispado ng Maynila.
3. Sto. Niño de Arévalo – Ipinagdiriwang sa Iloilo at kinikilala bilang mahalagang imahe ng Banal na Sanggol.
4. Holy Infant of Prague – Bagamat nasa Europa, ito ay isa ring kinikilalang imahe ng Banal na Sanggol na may sariling debosyon.

𝐈𝐁𝐀 𝐀𝐍𝐆 𝐊𝐈𝐋𝐀𝐋𝐀 𝐍𝐆 𝐒𝐈𝐌𝐁𝐀𝐇𝐀𝐍 𝐀𝐓 𝐀𝐍𝐆 𝐌𝐆𝐀 “𝐏𝐎𝐏𝐔𝐋𝐀𝐑” 𝐍𝐀 𝐈𝐌𝐀𝐇𝐄𝐍
May mga imahe ng Sto. Niño na kadalasang nakikita sa tahanan o tindahan na may iba’t ibang kulay (hal. berdeng Sto. Niño de la Suerte para sa “swerte”). Ngunit ayon sa pari sa Basilica del Sto. Niño de Cebu, hindi ito binibigyan ng basbas ng Simbahan at konektado sa pamahiin o paniniwala sa swerte, na hindi akma sa tunay na pananampalatayang Katoliko.

Ang Simbahan ay nagbibigay diin sa imahe na representasyon ng Panginoong Hesus at hindi dapat ito gawing “agimat” o pang-unawa sa materyal na biyaya.

BAKIT LUMALAGO ANG MGA POPULARIZED NA IMAHEN?
Maraming dahilan kung bakit lumalaki ang popular na debosyon:

-Kultura at tradisyon – kabahagi ng fiesta, sayaw, at pagdiriwang sa komunidad.
-Personal na panalangin at pag-asa sa pagpapala o proteksyon.
-Social media at uso – nabibigyan ito ng iba’t ibang interpretasyon at representasyon.
-Kakulangan sa tamang kaalaman sa teolohiya ng debosyon.

𝐆𝐀𝐁𝐀𝐘 𝐌𝐔𝐋𝐀 𝐒𝐀 𝐒𝐈𝐌𝐁𝐀𝐇𝐀𝐍
Ang Simbahang Katolika ay nagtuturo na:

-Ang debosyon sa Sto. Niño ay dapat magbigay-lakas sa ating pananampalataya at hindi magturo ng pamahiin.
-Ang imahe ay daan para maalala ang kababaang-loob, pagiging bukas sa Diyos, at pag-ibig na dapat isabuhay.
-Hindi ang imahen ang binibigyang pinakahalimbawa, kundi ang mismong Buhay ni Hesus.
Sa pagbabahagi ng ating debosyon, alalahanin natin ang tunay na diwa ng Sto. Niño: Kababaang-loob, pag-ibig ng Diyos na nagkatawang-tao, at pagyakap sa pananampalataya sa lahat ng aspeto ng ating buhay.