04/02/2024
Pagbisita ni Prince WVM sa Imurung Tsapter, matagumpay
Imurung, Baggao
Matagumpay at punong-puno ng pag-asa ang katatapos lamang na pagbisita ni Prince Wilfredo "Freddie" V. Magliba sa Imurung Tsapter nitong araw, Pebrero 4, 2024.
Layunin ng taunang TRC Rounds o pagbisita sa mga tsapter sa buong probinsya ang kamustahin ang kalagayan ng bawat miyembro ng CDCC at maiabot ng personal ang mensahe tungkol sa pananampalataya at pagsunod sa mga tagubilin ni AMA RSM.
Masiglang sinalubong ng mga miyembro ang prinsepe ng pananampalataya at buong pusong nakinig sa mga mensahe at pagpapayo niya.
Naging maayos ang pagtanggap ng mga tagapakinig at tapos pusong sumang-ayon sa isinisigaw ng pananampalataya, ang pagkakaisa at pagmamahal.
Pagkatapos ng pamano o paghingi ng basbas ay binigyan niya ng pagkakataon ang bawat kasapi na makasama siya sa photo ops.
Sa muli ay binigyan diin niya na magkaisa ang bawat isa sa pagsunod at pagtupad ng mga bilin ni Ama upang makamit ang tagumpay at kaligtasan na inaasam ng bawat isa.
