https://www.facebook.com/104148874924845/

San Roque Chapel-Alawijao, Badian, Purok Mauswagon, Alawijao, Badian (2026)

07/08/2024

8-07-2024
Opening Salvo with foot procession..
Advance Happy Fiesta

viva Sr. San Roque🙏🙏🙏

04/08/2024

Daghang salamat sa tanang nagpatalinghog sa atong gihimo nga tagbo..Sa tanang kabisilya leaders ug members, chapel officers ug sa Tau Gamma Phi Alawijao Chapter, salamat sa inyong pagkamatinabangon ug pagpakabana isip pangandam sa kapistahan sa atong patron..
Salamat kaayu sa tanan..

17/03/2024

Today
03-17-2024
KASAULOGAN SA PULONG(KSP)

09/03/2024

March 09, 2024

Ang Santos nga Ebanghelyo sumala kang San Lucas

Lucas 18:9-14

✝ Lucas 18:9
"Ug miingon usab siya niini nga sambingay mahatungod niadtong uban nga nagasalig sa ilang kaugalingon nga sila mga matarung, ug nagatamay sa uban."
✝ Lucas 18:10
"Duha ka tawo mingsaka sa templo sa pag-ampo: ang usa Fariseo, ug ang usa maniningil sa buhis."
✝ Lucas 18:11
"Ang Fariseo nagatindog ug nagaampo sa ingon niini sa iyang kaugalingon: Oh, Dios! Nagapasalamat ako kanimo nga ako dili ingon sa ubang mga tawo, mga mangingilog, dili mga matarung, mga mananapaw; ug dili usab ingon niining maniningil sa buhis."
✝ Lucas 18:12
"Nagapuasa ako makaduha sa semana, nagabayad ako sa mga ikapulo sa tanang makita ko."
✝ Lucas 18:13
"Apan ang maniningil sa buhis nga nagatindog sa halayo dili ngani buot bisan lamang sa pagyahat sa iyang mga mata ngadto sa langit, kondili hinonoa nagapamukpok sa iyang dughan nga nagaingon: Oh, Dios! malooy ka kanako nga usa ka makasasala."
✝ Lucas 18:14
"Nagaingon ako kaninyo nga kining tawohana mipauli sa iyang balay nga gipakamatarung labi kay sa usa; kay ang magapataas sa iyang kaugalingon pagapaubson, apan ang magapaubos pagapatas-on."

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa nagsaysay ang atong Ginoong Hesukristo mahitungod sa duha ka Tawo nga ning-adto sa Templo ang usa Pariseo ug ang usa maniningil sa buhis. Duha ka managlahi nga Tawo ang nag-ampo, apan ang usa lamang kanila ang gikahimut-an sa Diyos ug mao kadto ang maniningil sa buhis. Ngano man mga Egsuon nga ang maniningil man sa buhis maoy gikahimut-an sa Diyos? Mga Egsuon tungod kana kay ang maniningil sa buhis sinsero sa iyang pag-ampo ug nakita niya sa iyang kaugalingon nga nakasala siya ug giangkon niya kini busa nangamuyo siya sa kapasayloan gikan sa Diyos ug iyang gibasulan ang iyang mga sala nga nabuhat. Apan ang Pariseo nagpataas hinuon sa iyang kaugalingon ug wala niya makita nga siya usab makasasala. Kinsa man ang perpekto niining Kalibutana kundi ang Ginoong Hesukristo lamang. Busa kita mga Egsuon hunungon na nato ang pagkamahitas-on ug kanang manaway kita sa uban nga makasasala kay kita usab nakasala man ug pareho lang kitang nagkinahanglan sa kalooy sa Diyos. Ayaw ingna ang imong isig ka Tawo nga kanang tawhana gigabaan o mirisi kay kitang tanan naay kasaypanan nga angayan bag-uhon ug hinolsulan. Ug hinumduman nato kanunay nga ang naay sakit lang ang nagkinahanglan ug doctor, kung dili nato makita ang atong kaugalingon nga sakit dili gayud kita makamaong muadto sa doctor. Buot pasabot ani mga Egsuon nga kung dili nato makita ang atong kaugalingon nga kasaypanan dili gayud nato kini mapangayuan ug kapasayloan sa Diyos.

09/03/2024

03-08-2024
4th Friday of Lent..

Paghandom sa pagsakripisyo ug kamatayon sa atong Ginoong Hesukristo didto sa Krus aron kitang tanan maluwas..Panahon krun sa paghinulsol sa tanan natong mga sala aron kita mamahimong maayong sumusunod ni Kristo.Ato usab pas-anon ang atong Krus nga sama Kaniya naghimayad sa tanan natong mga sala.

Salamat sa tanang nisalmot niining maong kalihukan sa atong kapilya; sa atong mga chapel officers, sa mga katawhan nga sakop sa BEC sa atong kapilya, sa atong mga baranggay tanods nga nag-manage sa traffic ug ilabi na sa mga baranggay officials headed by Capt. Fe Rivera..Salamat sa tanan🙏🙏🙏

07/03/2024

March 08, 2024

Ang Santos nga Ebanghelyo sumala kang San Marcos

Marcos 12:28-34

Marcos 12:28
Ug miduol ang usa sa mga escriba ug nakadungog kanila nga naglantugi, ug sa iyang pagkakita nga maayo ang pagkatubag niya kanila, siya nangutana kaniya, 'Unsa man ang sugo nga una sa tanan?
Marcos 12:29
Si Jesus mitubag nga nag-ingon, 'Ang sugo nga una sa tanan mao kini: `Patalinghugi, O Israel: Ang Ginoo nga atong Dios, ang Ginoo usa ra;
Marcos 12:30
ug higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan, ug sa tibuok mong kusog.
Marcos 12:31
Ang ikaduha mao kini: `Higugmaa ang imong silingan sama sa imong kaugalingon.` Wala nay laing sugo nga labi pang daku niini kanila.
Marcos 12:32
Ug ang escriba miingon kaniya, 'Husto kana, Magtutudlo; tinuod ang imong giingon nga ang Dios usa ra, ug nga wala nay lain gawas kaniya;
Marcos 12:33
ug ang paghigugma kaniya sa tibuok nga kasingkasing, ug sa tibuok nga salabutan, ug sa tibuok nga kusog, ug ang paghigugma sa silingan sama sa kaugalingon, kini labaw pa kaayo kay sa tanang tibuok nga mga halad-sinunog ug mga halad-inihaw.
Marcos 12:34
Ug si Jesus, sa pagkakita niya kaniya nga mitubag nga maalamon, miingon kaniya, 'Ikaw dili halayo sa gingharian sa Dios.' Ug sukad niadto wala nay nangahas pa sa paghimog mga pagpangutana kaniya.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa, gipadayag sa atong Ginoong Hesukristo ang duha ka labing mahinungdanon nga sugo. Una, higugmaon nato ang Diyos labaw sa tanan sa tibuok natong kasingkasing, kalag, salabutan ug kusog. Ug ang ikaduha mao nga higugmaon nato sa atong isig ka Tawo sama nga gihigugma nato ang atong kaugalingon. Kung mabantayan ninyo mga Egsuon ang duha ka sugo nagbase sa usa lamang ug mao kini ang Gugma. Ang gugma mao ang tinubdan sa tanang kaayo ug kung anaa kitay gugma sa Diyos ug sa atong isig ka Tawo mahimo nato ang tanang kaayo bisan unsa pa kalisod. Kung anaa kitay gugma andam nato itahan ang atong kaugalingon para sa atong mga hinigugma ug mao kana ang gipakita sa atong Ginoong Hesukristo sa dihang gitahan niya ang iyang kaugalingon para kanatong tanan Brothers and Sisters. Busa isip bugti sa kaayo sa Diyos ato usab ipakita nga angayan kita sa iyang gugma pinaagi sa pagsunod sa iyang mga Kasuguan. Ug kahibaw ba kamo mga Egsuon nga kining duha ka mga Kasuguan manag-uban gayud kini kanunay, kay matud pa sa atong Ginoong Hesukristo sa Mateo 25:40 Ug kanila motubag ang Hari nga magaingon, `Sa pagkatinuod, magaingon ako kaninyo, nga maingon nga gibuhat ninyo kini ngadto sa usa sa mga labing gagmay niining akong mga igsoon, gibuhat usab ninyo kini kanako. Dili pwede nga magbuwag ning duha ka Kasuguan mga Egsuon, dili kita pwede moingon nga gihigugma nato ang Diyos apan gikasilagan, nangdaug-daug ug giyatakan nato ang atong isig ka Tawo. Maong ipakita nato ang atong gugma sa Diyos pinaagi sa paghigugma sa atong isig ka Tawo.

06/03/2024

March 07, 2024

Ang Santos nga Ebanghelyo sumala kang San Lucas

Lucas 11:14-23

Lucas 11:14
Ug nahitabo nga si Jesus nagpagula sa usa ka yawa nga makapaamang; ug sa gikapagula na ang yawa, ang tawong amang nakasulti, ug ang katawhan nanghibulong.
Lucas 11:15
Apan ang uban kanila nanag-ingon, 'Kini siya nagapagula sa mga yawa pinaagi kang Beelzebub, ang punoan sa mga yawa.
Lucas 11:16
Ug ang uban, sa pagsulay kaniya, nangayo kaniyag ilhanan gikan sa langit.
Lucas 11:17
Apan sa nasayran niya ang ilang hunahuna, siya miingon kanila, 'Ang tanang gingharian nga mabahin batok sa kaugalingon malaglag, ug ang balay mapukan sa ibabaw sa balay.
Lucas 11:18
Ug kon si Satanas nabahin diay usab batok sa iyang kaugalingon, unsaon man pagpakabarug sa iyang gingharian? Kay nagaingon man kamo nga ako nagapagula sa mga yawa pinaagi kang Beelzebu.
Lucas 11:19
Ug kon pinaagi man diay kang Beelzebu ako nagapagula sa mga yawa, pinaagi ba kang kinsa ang inyong mga anak nagapagula kanila? Busa sila mao ang magahukom kaninyo.
Lucas 11:20
Apan kon pinaagi man sa tudlo sa Dios ako nagapagula sa mga yawa, nan, ang gingharian sa Dios nahidangat na diha kaninyo.
Lucas 11:21
Sa diha nga ang tawong kusgan ug sangkap sa hinagiban magabantay sa iyang kaugalingong balay, ang iyang kabtangan magapabilin sa kalinaw.
Lucas 11:22
Apan sa diha nga sulongon siya sa labi pang kusgan kay kaniya ug lupigon siya, ang hinagiban nga iyang gisaligan pagailugon gikan kaniya, ug pagabahinbahinon ang mga inagaw nga gikan kaniya.
Lucas 11:23
Siya nga dili dapig kanako, batok kanako; ug siya nga magapanghipos nga dili uban kanako, nagapatibulaag.

Pamalandong:
Maayong adlaw na usab mga Egsuon ko diha kang Hesukristo, sa atong Ebanghelyo karong adlawa nagsugod sa dihang nagpaguwa ug yawa o demonyo ang atong Ginoong Hesukristo. Ang uban kanila nangalipay ug nadugangan pa ang ilang pagtuo sa atong Ginoo apan ang uban kanila nga nagdumili pagdawat kang Hesukristo nasuya ug gipasumanginlan hinuon siya nga nagpaguwa siya ug demonyo pinaagi kang Beelzebub nga prinsipe sa mga yawa. Brothers and Sisters makita gayud ang kalahian sa mga magtotoo ug sa dili magtutuo kay ang mga magtotoo bisan sa kagamay nga kaayo o milagro ang ilang makita dako na kaayo kini ug ikalipay kanila ug madugangan pa ug samot ang ilang pagtuo apan sa mga walay pagtuo bisan pa ug unsa kadako ang himuon nga milagro sa atong Ginoo diha sa ilang atubangan magdumili gihapon sila pagdawat kay sarado naman ang ilang mga huna-huna. Makabantay siguro kamo mga Egsuon nga kung mubuhat kita ug maayo anaa gihapon musaway kanato ug anha nato makita kung unsa nga klase ang maong Tawo diha sa iyang reaksiyon ug matud pa sa atong Ginoong Hesukristo nga ang dautang kahoy dili mamunga ug maayo ug ang maayong kahoy dili mamunga ug dautan. Maong sutaa gayud pag-ayo mga Egsuon kung kinsa ug unsa ang imong gisunod kung maayo ba o dili. Ug dili lang nato sutaon ang kinaiya sa ubang Tawo kundi labina gyud ang atong kaugalingon kay basin sige lang ta pamantay sa uban apan wala nato mabantayi ang atong kaugalingon nga dili na diay maayo ang nabuhat ngadto sa uban.

04/03/2024

March 05, 2024

Ang Santos nga Ebanghelyo sumala kang San Mateo

Mateo 18:21-35

Mateo 18:21
Unya miduol si Pedro ug miingon kaniya, "Ginoo, hangtud ba makapila makasala ang akong igsoon batok kanako, ug pasayloon ko siya? Makapito ba?"
Mateo 18:22
Si Jesus mitubag kaniya, "Wala ako mag-ingon kanimo nga makapito, kondili kapitoan ka pito.
Mateo 18:23
"Busa ang gingharian sa langit sama sa usa ka hari nga buot magahusay sa mga bayranan kaniya sa iyang mga ulipon.
Mateo 18:24
Sa pagsugod niya sa husay, gipaatubang kaniya ang usa nga nakautang kaniyag napulo ka libo ka talanton;
Mateo 18:25
ug sanglit dili man siya maka-bayad, ang iyang agalon nagsugo nga ibaligya siya, uban ang iyang asawa ug mga anak ug ang tanang iyang gihuptan, aron kabayran ang utang.
Mateo 18:26
Busa ang ulipon mihapa ug kaniya nagpakiluoy siya nga nag-ingon, `Senyor, angan-angana una ako, ug pagabayran ko ra ikaw sa tanan.`
Mateo 18:27
Ug ang agalon sa maong ulipon naluoy kaniya, ug iyang gibuhian siya ug gipasaylo ang utang niya.
Mateo 18:28
Apan ang maong ujipon, sa iya nang paghigula, nakasugat sa usa sa iyang mga masigkaulipon nga nakautang kaniyag usa ka gatus ka denario; ug sa nakuptan niya siya sa liog, gitook siya niya nga nag-ingon, `Bayri ako sa imong utang.`
Mateo 18:29
Busa ang iyang masigkaulipon mihapa ug kaniya nagpakiluoy siya nga nag-ingon, `Angan-angana una intawon ako, ug pagabayran ko ra ikaw.`
Mateo 18:30
Apan wala siya mosugot ug milakaw ug iyang gipabilanggo kini hangtud nga makabayad sa utang.
Mateo 18:31
Ug ang iyang mga masigkaulipon, sa pagkakita nila sa nahitabo, nasubo pag-ayo; ug nangadto sila sa ilang agalon ug ilang gisuginlan siya sa tanang nahitabo.
Mateo 18:32
Busa ang maong ulipon gipaatubang sa iyang agalon, ug giingnan siya niya, `Ikaw dautan nga ulipon! Gipasaylo ko ikaw sa tanan mong utang kay nagpakiluoy man ikaw kanako.
Mateo 18:33
Dili ba usab unta maluoy man ikaw sa imong masigkaulipon, maingon nga gikaloy-an ko man ikaw?`
Mateo 18:34
Ug sa kasuko gitugyan siya sa iyang agalon ngadto sa mga magsasakit hangtud makabayad siya sa iyang tanang utang.
Mateo 18:35
Ingon usab niana ang pagabuhaton kaninyo sa akong Amahan nga langitnon kon ang matag-usa kaninyo dili sa kinasingkasing magapasaylo sa iyang igsoon."

Pamalandong:

Maayong adlaw na usab kanatong tanan Brothers and Sisters, sa atong Ebanghelyo karong adlawa makita nato kung unsa ka mahinungdanon ang pagpasaylo. Kitang tanan siguro dili gyud gusto makadungog nga ingnon ta sa atong Ginoo nga "ikaw dautan nga ulipon" ug kitang tanan dili gustong itugyan ngadto sa tigkastigo para kastiguhon. Ang maayong balita mga Egsuon nga dili pod ni gusto sa atong Ginoong Hesukristo kay kitang tanan iyang gihigugma ug walay sukod ang iyang kalooy ug gugma. Gikinahanglan lang nga mangayo kita ug kapasayloan sa atong mga sala ug makamao pod kita mopasaylo sa mga nakasala kanato. Usa ka seryoso nga butang kini mga Egsuon kay ang mensahe sa atong Ebanghelyo karong adlawa mao nga kung gusto ka nga pasayloon ka sa imong mga sala kinahanglan nga kamao usab ikaw makapasaylo sa mga nakasala kanimo. Ug ang pagpasaylo sa mga nakasala kanato dili lang kana para nila kundi para pod kanato. Bug-at kaayo ang atong pamati kung naa ta aning mga butanga kining sala nga wa pangayui ug pasaylo ug kining naa pod tay tawo nga wa nato pasayloa. Para gaan ang atong pamati kinahanglan magpasayloay gayud kitang tanan kay aron kitang tanan pasayloon usab sa Ginoo nga atong Diyos.

04/03/2024

March 04, 2024

Ang Santos nga Ebanghelyo sumala kang San Lucas

Lucas 4:24-30

Lucas 4:24
Ug siya miingon, 'Sa pagkatinuod sultihan ko kamo, nga walay profeta nga kahimut-an sa iyang kaugalingon lungsod.
Lucas 4:25
Apan sa pagkatinuod suginlan ko kamo, nga dihay kapid-an ka mga babayeng balo sa Israel sa mga adlaw ni Elias, sa diha nga gitakpan ang kalangitan sulod sa tulo ka tuig ug unom ka bulan, ug miabut ang dakung gutom sa tibuok yuta;
Lucas 4:26
apan wala kanilay gipaadtoan kang Elias gawas lamang sa Sarepta, sa yuta sa Sidon, ngadto sa usa ka babayeng balo.
Lucas 4:27
Ug sa panahon ni Eliseo nga profeta, dihay kapid-an ka mga sanlahon sa Israel; apan wala kanilay nahinloan gawas lamang kang Naaman nga Siryanhon.
Lucas 4:28
Ug sa pagkadungod nila niini, silang tanan nga diha sa sulod sa sinagoga nangasuko sa hilabihan gayud.
Lucas 4:29
Ug sila nanindog ug ilang giabog siya paingon sa gawas sa lungsod ug gitaral ngadto sa kilid sa bungtod diin didto mahitukod ang ilang lungsod, aron ilang ihulog siya sa pangpang.
Lucas 4:30
Apan siya miagi sa ilang taliwala ug mipahawa.

Pamalandong:

Maayong adlaw na usab kanatong tanan Brothers and Sisters. Ang atong Ebanghelyo karong adlawa mga Egsuon nagsaysay sa pagkawalay pagtuo sa mga Tawo sa Nazareth ngadto kang Hesukristo nga mao man unta ang iyang yutang natawhan. Sa wala pa muabot si Hesukristo dre sa Kalibutan anaa nay gisunod na mga Kasuguan o Covenant ang mga Tawo sa Nazareth, apan si Hesukristo nga Anak sa buhi nga Diyos ning-ari sa Kalibutan para hatagan ug bag-ong mga Kasugoan ang mga Katawhan, ning-ari si Hesukristo para tudloan ang mga Tawo sa tinuod nga kabubut-on sa Amahan, apan kining mga Kasuguan na gikan ni Hesukristo wala dawata sa mga Tawo sa Nazareth kay naa naman silay gisunod nga mga Kasuguan ug para kanila nakalapas si Hesukristo aning mga sugoa. Ngano kaha mga Egsuon nga wala man ningtuo ang mga Tawo sa Nazareth kang Hesukristo? Brothers and Sisters usa sa hinungdan nga wala mutuo ang mga Tawo sa Nazareth tungod kay nakaila man kaayo sila sa atong Ginoong Hesukristo ug diha nasina o nasuya sila. Sama sa atong Katilingban karon panahona nga kung nakaila gani kaayo ta sa atong isig ka Tawo ug tan-aw nato ubos ra nato sila masina o masuya dayon kita kung mahayahay ang iyang pamuyo. Kung naa gani usa ka pobre nga Tawo ug tan-aw nato malabwan ta, ato dayon dauton o butang butangan ug sala. Mga Egsuon dako kaayo ug kadaut nga mahimo aning pagkasuyaon o pagkamasinahon maong ato gyud kining wad-on sa atong Kinabuhi kay wala kini maayo nga resulta.

29/02/2024

March 01, 2024

Ang Santos nga Ebanghelyo sumala kang San Mateo

Mateo 21:33-43,45-46

Mateo 21:33
Patalinghugi ninyo ang lain pang sambingay. May usa ka pangulo sa panimalay nga nagtanum ug kaparrasan ug kini iyang gipalibutan ug paril, gibuhatan ug pigsanan sa parras, gibuhatan ug usa ka lantawanan, ug gipasaopan niya kini sa mga tawo, ug unya milangyaw siya ngadto sa laing dapit.
Mateo 21:34
Ug sa nagsingabut na ang tingpamopo, ngadto sa mga saop gipaadto niya ang iyang mga ulipon aron sa pagdawat sa bunga nga iyang bahin.
Mateo 21:35
Apan ang iyang mga ulipon gidakop sa mga saop ug ilang gibunalan ang usa, ug ilang gipatay ang usa, ug ilang gipanagbato ang usa.
Mateo 21:36
Unya giusban niya sila pagpadalag uban pang mga ulipon nga daghan pa kay sa nahiuna, ug kini ila gihapong gibuhatan sa ingon.
Mateo 21:37
Ug sa katapusan, kanila ang iyang anak gipaadto niya nga nag-ingon, `Motahud sila sa akong anak.`
Mateo 21:38
Apan sa pagkakita nila sa anak, ang mga saop nasig-ingon sa usag usa, `Mao kini ang manununod; tana, patyon ta siya aron maato ang iyang panulondon.`
Mateo 21:39
Ug gidakop nila siya ug giabog sa gowa sa parrasan, ug ilang gipatay siya.
Mateo 21:40
Busa, inig-abut sa tag-iya sa parrasan, unsa may buhaton niya sa maong mga saop?
Mateo 21:41
Kaniya mitubag sila nga nanag-ingon, 'Ang maong mga banyaga iyang igatugyan ngadto sa mapait nga kamatayon, ug ang parrasan iyang pasaopan sa ubang mga saop nga makamaong mobahin kaniya sa mga bunga sa panahon sa tingpopo.
Mateo 21:42
Ug si Jesus miingon kanila, 'Wala ba gayud kamo makabasa sa kasulatan, nga `Ang maong bato nga sa mga magtutukod gisalikway nahimong ulohang bato sa pamag-ang; buhat kini sa Ginoo, ug sa atong mga mata makapahibulong gayud`?
Mateo 21:43
Busa, sultihan ko kamo, nga ang gingharian sa Dios pagakuhaon gikan kaninyo ug igahatag ngadto sa usa ka nasud nga nagapamunga sa mga bunga niini.
Mateo 21:45
Ug ang mga sacerdote nga punoan ug ang mga Fariseo, sa pagkadungog nila sa iyang mga sambingay, nakasabut nga nagsulti siya mahitungod kanila.
Mateo 21:46
Ug gisulayan nila ang pagdakop kaniya, apan nahadlok sila sa katawhan, kay ila mang giila siya nga profeta.

Pamalandong:
Maayong adlaw na usab kanatong tanan Brothers and Sisters, ang atong Ebanghelyo karong adlawa naay duha ka grupo o klase sa Tawo, una mao ang mga banyaga nga saop nga pagakuhaan ug katungod sa parasan, ug ang ikaduha mao ang pagahatagan sa maong parasan kay makamao sila mobahin o muhatag sa bunga inag abot sa ting-ani. Ang dakong pangutana asa man ta nasakop aning duha ka klase sa Tawo? Mga Egsuon klaro gayud kaayo ang mensahe sa atong Ebanghelyo karong adlawa nga pagakuhaan sa katungod ang kadtong mga saop nga hakog. Sama sa ubang Tawo dre sa Kalibutan nga nabutaan sa mga bahandi nga maoy hinungdan sa ilang pagkahakog. Dili dautan ang manglimbasog, apan dautan nga bisan dili na para imuha kanang maong butang imo gihapong angkunon kay tungod sa imong pagkahakog. Apan dili lang sa materyal na butang ang mensahe sa atong Ebanghelyo karong adlawa kundi para pod sa Espiritual na aspeto sa atong Kinabuhi. Sama sa mga Skriba ug mga Pariseo ilang gibabagan si Hesukristo nga buot unta magsangyaw sa maayong balita para ang Kalibutan mamunga ug daghang mga maayong Tawo nga anaay gugma sa Diyos. Tungod sa kahakog sa mga Skriba ug mga Pariseo ilang gibabagan ang mga Tawo nga muduol kang Hesukristo kay lage mawad-an man sila ug tagasunod ug mawad-an sila ug kita. Ug mao usab kini ang nahitabo karong panahona mga Egsuon daghan kaayo ang nagtukod ug lain laing Relihiyon ug ilang gibabagan ang mga Tawo para makadawat sa bunyag nga maoy saad ni Hesukristo para makadawat sa Espiritu Santo, ug ang rason ana mga Egsuon mga gayud ang ilang pagkahakog sa bahandi.

San Roque Chapel-Alawijao, Badian

07/08/2024

04/08/2024

17/03/2024

09/03/2024

09/03/2024

07/03/2024

06/03/2024

04/03/2024

04/03/2024

29/02/2024

Address

Telephone

Website

Alerts

Shortcuts

Share

Category