05/01/2026
YIFI Habay's Year-End Splash Outing 2026
"Swimming nanaman? Dami nyong funds, noh?"
"Nako, present kayo sa outing pero di makapag-serve at makakanta sa misa!"
"Puro kayo inom sa labas! Parang mga hindi taong simbahan"
Opo. Pangalawang beses na po itong Youth Fellowship na nangyari sa mga kabataan ng Habay sa panahon ng kapaskuhan. Maraming pagsubok ang nagdaan. Pero bakit nga po ba namin ito ginagawa at bakit nananatili kaming matatag sa kabila ng lahat ng mga pambabatikos at kumento ng iba?
Lahat po ay napagod sa nagdaang taon na puno ng mga gawain sa simbahan. Mahirap ang kumanta, mag-asiste kay Padre at magsimba tuwing Regular na misa tuwing Linggo at mga espesyal na pagdiriwang lalo pa at may kanya-kanyang responsibilidad at mga trabahong dapat gampanan sa labas ng simbahan. Isa na rin itong paraan ng aming pasasalamat sa lahat ng tulong at sakripisyo ng bawat isang kabataan -- na sa kabila ng trabaho, pag-aaral at iba pang personal na gawain ay nagagawa pa ring paglaanan ng panahon ang pagsisimba at paglilingkod sa Diyos at bayan sa buong nakaraang taon.
Marami ang nangyari sa samahan -- may mga nagkatampuhan at nag-away, lumayo dahil sa kapwa kabataan, mga nawala at bumalik na miyembro dahil sa kani-kanilang mga rason. Pero isang bagay lang ang napanatili ng mga kabataang ito mula noon hanggang ngayon, at ito ay ang PAGMAMAHALAN. Pagmamahal na di lang namamalas sa apat na sulok ng kapilya, maging sa labas at sa kani-kanilang pamilya. Isang grupo ng mga kabataang walang laglagan kundi puro saluhan, dumaramay sa isa't isa sa hirap man o ginhawa, sa lungkot at ligaya, at sa kawalan o kasaganahan.
Hindi kami perpekto. Tulad ng iba, marami rin po kaming dapat linangin. Umasa po kayo na ang mga kabataang ito ay naglilingkod at patuloy na maglilingkod sa ating simbahan at lalo't higit sa Diyos saan man, kailan man at sa lahat ng paraan dahil.... GANITO ANG YIFI HABAY!
No copyright infringement intended. Credits to the rightful owner of the music.
