Banal na Krus ng Maliksi

30/05/2026

Halina't ating balikan ang mga naging kaganapan nitong nakaraang KAPISTAHAN NG BANAL NA KRUS - Ang Banal na Misa at Prusisyon ng Santacruzan.

Iisang pagdiriwang na pinagbuklod, iisang sambayanang dumudulog, iisang sayaw ng pananampalataya, iisang debosyong pinagtibay, iisang kasaysayan at tradisyon.

KAPISTAHAN NG BANAL NA KRUS NG MALIKSI

* Maraming salamat kay Bro. Jan Vic Bodestyne - Kasapi ng Comite de Maliksi Santacruzan sa kanyang masining na paggawa ng video clips. *

26/05/2026

Halina't ating balikan ang mga naging kaganapan nitong nakaraang KARAKOL 2026.

Iisang pagdiriwang na pinagbuklod, iisang sambayanang dumudulog, iisang sayaw ng pananampalataya, iisang debosyong pinagtibay, iisang kasaysayan at tradisyon.

KAPISTAHAN NG BANAL NA KRUS NG MALIKSI

* Maraming salamat kay Bro. Jan Vic Bodestyne - Kasapi ng Comite de Maliksi Santacruzan sa kanyang masining na paggawa ng video clips. *

26/05/2026

KARAKOL 2026
MAYO 23
Gng. Russel Pangan at pamilya
Hermana de Karakol

Sa ganap na ika 2:00 N.H. sa saliw ng tugtog ng Banda Maliksi Uno 44 kasama pamunuan at mga kasapi ng Maliksi Sta. Cruzan Committee ay sinimulan ang KARAKOL sa pamamagitan ng pagsusundo ng Milagrosong Krus mula sa tahanan ng Familia Pangan.

Kasabay sa paglaki ng tubig ng karagatan, inihatid ang Banal na Krus sa daungan upang isagawa ang Karakol sa dagat, isinasagawa ang ganitong mga tagpo upang alalahanin ang pagkakakuha sa Banal na Krus taong 1895 sa Baclad ng Familia Jarcia.

Ito'y patuloy na ginagawa upang magkaroon ng masagang huli ng isda ang mga mamamalakaya at upang basbasan na din ang mga irasan na kanyang dinaraanan sa Barangay ng Maliksi. ayon sa mga matatanda tuwing inililigid ang Banal na Krus sa dagat ay sumasagana ang huli ng isda sa buong taon.

Matapos dumaong sa dalampasigan ng Dagat ay gagawin naman ang Karakol sa lupa, mula kanluran ng Maliksi II patungo Silangan ng Maliksi I. Sa paglabas ng Banal na krus buong pananabik namang naghihintay ang libo libong mga deboto upang Siya'y kanilang maisayaw at mahawakan man lamang, hindi alintana ang siksikan at init ng panahon upang makibahagi sa pagdiriwang. Bata't matanda ay umiindak sa iisang tugtog ng pasasalamat na mayroong kalakip na dasal sa kanilang mga PUSO.

25/05/2026

ANG PAGBABALIK NG ATING BANAL NA KRUS SA KANYANG TAHANAN

Matapos ang ilang araw na pagbisita sa bawat pamayanan, sa masasayang sayaw ng Karakol at sa kanyang pagdiriwang ng makabuluhang Kapistahan. Ngayong gabi ay atin nang inihatid ang ating Banal na Krus ng Maliksi sa bahay ninuno ng Familia Jarcia.

Nawa sa pagtatapos ng ating kapistahan, ay maging simula naman ito ng ating malalim na pakikipag-ugnayan sa Diyos at sa ating kapwa. Ang atin nawang pagdedebosyon sa Banal na Krus ay magdala nawa sa atin sa pamayananang pinagbubuklod na may iisang pananampalataya, pag- asa at pag-ibig.

Maraming salamat po sa naging Family Host sa gabing ito, Former Brgy. Capt. Kgg. Reynaldo "Ajie" Ugalde at pamilya, ganun din sa Banda Maliksi Uno 45.

At higit sa lahat maraming maraming salamat sa masisipag na Comite de Maliksi Santacruzan 1919, kahit kailan ay hindi po matatawaran ang inyong serbisyo, dedikasyon at pagmamahal sa ating Banal na Krus. Congratulations po sa inyong lahat.

MABUHAY ANG BANAL NA KRUS, ANG BUKLURAN NG NAGKAKAISANG SAMBAYANAN NG BRGY. MALIKSI!

25/05/2026

Maraming Salamat po Sangguniang Kabataan Maliksi-1

Hello Highlight ⊕ hihingi po kami ng tulong sa inyo for documentation ng ating Banal na Krus, pwede pong video or photos lalo na po yun taong bayan na nag participate para makita po ang dami ng taong sumasama taon taon.

Paki-tag nalang po ang ating page: Banal na Krus ng Maliksi

Maraming salamat po! -Committee ng Banal na Krus ng Maliksi

25/05/2026

Maraming Salamat po Barangay Maliksi-I

24/05/2026

PASASALAMAT:

Sa ngalan po ng Comite de Maliksi Santacruzan 1919, lupon ng mga katandaan at Kabataan, kasama ng Familia Jarcia.

Kami po ay taos pusong nagpapasalamat sa lahat ng tumulong at nagbigay ng kanilang kakayanan, naglaan ng oras at talento upang ating maipagdiwang ang ika 107 guning taong kapistahan ng ating Banal na Krus.

Maraming salamat din po sa mga Pamayanan/Community na nagbukas nang kanilang mga lugar upang makabisita ang ating Banal na Krus at maisagawa ang 9 na araw ng Nobena na nagpapalalim ng debosyon sa Kanya.

Maraming salamat sa Hermana de Karakol kay Gng. Russell Pangan at Pamilya sa inyo pong mainit na pagtanggap sa ating Banal na Krus, muling napatunayan ng mga taga Brgy. Maliksi ang pagkakaisa sa pagsasayaw ng may pananampalataya.

Gayun din po maraming salamat sa Hermana sa Katapusan Gng. Zeny Rose Yubili - Garcia, upang ating maisagawa ang kapistahan sa isang makabuluhang pagdiriwang.

Ganun din salamat sa mga magulang at mga sagala na nakiisa at sumama sa prusisyon ng ating katapusan.

Maraming salamat din po sa Sangguniang Baranggay sa pamumuno nina Brgy. Capt. Kgg. Louie Roland Ugalde (Maliksi 1), Brgy. Capt. Kgg. Levie Dizon ( Bagong Maliksi II ) at kay Bacoor City Councilor Kgg. Eric Ugalde sa inyo pong taunang pakikibahagi sa ating pagdiriwang.

Maraming salamat din po sa ating masisipag na Sangguniang Kabataan, SK Chairman Stacy Burdeos ng Maliksi Uno at SK Chairman Enrique Evangelista ng Maliksi Dos at kay Justine Ugalde na tumatayo ngayon bilang ating Chairman ng Lupon ng Kabataan ng Comite ng Maliksi Staruzan at ng KARAKOL Committee.

Maraming salamat din po sa Pamunuang Lungsod ng Bacoor sa pangunguna ng ating Punong Lungsod Hon. Strike B. Revilla of Bacoor City. Sa Bacoor City Tourism Office kay Mr. Edwin Guinto, sa ating BTMD Head Mr. Ronald Bunag at mga kasama. Maraming salamat po sa inyong lahat.

Maraming salamat po sa Banda Maliksi Uno 45 sa inyong kasipagan na tumugtog sa mga araw ng nobena, karakol at sa katapusan, kahit kailan hindi nyo po kami iniwan.

At higit sa lahat maraming maraming salamat po sa buong Sambayanan ng Brgy. Maliksi 1 at 2, sa mga bisita at mga libo libong deboto ng Banal na Krus, sa inyong hindi matatawarang debosyon at pagyakap sa ating mayamang kultura at tradisyon, muli na naman nating pinatunayan ang ating pagkakaisa. Maraming salamat po sa inyong lahat.

Samu't dalangin namin ang ibayong pagpapala sa ating lahat, muli tayong magsama-sama at maipagdiwang ng may buong galak ang kapistahan ng ating Banal na Krus sa susunod na taon.

MABUHAY ANG BANAL NA KRUS - Ang bukluran ng nagkakaisang Sambayanan ng Brgy. Maliksi.

IN HOC SIGNO VINCES!
AVE CRUX SPES UNICA!

24/05/2026

IN HOC SIGNO VINCES! AVE CRUX SPES UNICA!

ANG KAPISTAHAN NG BANAL NA KRUS AY NAIHANDOG!

Maraming maraming salamat po sa lahat ng sumama at nakiisa sa pagdiriwang.

PAGPALAIN PO TAYO NG POONG MAYKAPAL!

Banal na Krus ng Maliksi - Bukluran ng nagkakaisang sambayanan ng Brgy. Maliksi, Ipagsanggalang mo.