Nuestra Señora dela Paz y Buen Viaje Parish - Addas

24/05/2026

𝐋𝐢𝐧𝐠𝐠𝐨 𝐧𝐠 𝐏𝐞𝐧𝐭𝐞𝐤𝐨𝐬𝐭𝐞𝐬
𝐌𝐚𝐲𝐨 𝟐𝟒, 𝟐𝟎𝟐𝟔

𝙋𝘼𝙂𝙉𝙄𝙉𝙄𝙇𝘼𝙔:
Ang pagkakaisa ay hindi ang resulta ng pagiging magkapareho sa panlabas—hindi sa paniniwala, hilig, o status. Ito ay ang pusong handang makinig, hindi lamang sa salita ng Diyos, kundi sa boses ng bawat tao—kahit ang mga taong iba ang landas, ang paniniwala, o ang kinikilala."

Sa mga relasyon, lalo na sa mga sitwasyon kung saan ang pamilya o lipunan ang pumipigil, ang pagkakaisa ay hindi nakabase sa pag-aayon. Ito ay sa pagtitiwala na ang bawat tao ay may boses na karapat-dapat bigyang-pansin. Parang sa isang set ng players sa court—mga iba't ibang skills, iba't ibang posisyon, pero pinagsasama dahil may shared goal: makapuntos. Ang pag-ignore ng "hindi dapat" o "hindi tama" ay simula ng tunay na koneksyon.

Kaya minsan, ang pinakamalaking laban ay hindi laban sa tao, kundi laban sa sariling takot na hindi makasabay. Ang pagkakaisa ay hindi pagiging pareho—ito ay pagpapahalaga sa pagiging iba, pero may isa pang boses na pinag-uusapan. Sa gitna ng alitan, sa puso ang tunay na pagkakakilanlan. At kung may Diyos, baka ang "tinig" niya ay yung tanging pagmamahal na tinuturing na malabo, pero pinipili pa rin.

24/05/2026

LIVE | Linggo ng Pentekostes
May 24, 2026
6:00 N.G

21/05/2026

19/05/2026

17/05/2026

𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐤𝐲𝐚𝐭 𝐧𝐠 𝐏𝐚𝐧𝐠𝐢𝐧𝐨𝐨𝐧
𝐌𝐚𝐲𝐨 𝟏𝟕, 𝟐𝟎𝟐𝟔

𝙋𝘼𝙂𝙉𝙄𝙉𝙄𝙇𝘼𝙔:
Ang pag-akyat ni Kristo sa langit ay hindi nangangahulugan na tayo’y kaniyang kinalimutan bilang kaniyang alagad. Sa halip, tayo'y kaniyang inihahanda na mamuhay nang may paglilingkod, pagmamahal, at pagmalasakit sa kapwa. At sa bawat kabutihang ating ginagawa, unti-unti tayong nalapit sa Diyos.

Hindi natin kayang itaas ang sarili natin, pero binibigyan tayo ni Hesus ng pagkakataon upang pagsisihan ang ating mga kasalanan. Ngunit paano nga ba tayo umaakyat katulad ni Hesus? Hindi tayo direktang tumataas, ngunit sa pamamagitan ng pagbabago at pagtanggap natin sa Panginoon, unti-unti natin itong nagagawa.

Mga kapatid ang pag-akyat sa langit ay nagsisimula sa puso, at nawa’y tayo’y maliwanagan na ang pagmamahal ng Diyos sa atin ay kailanman ay hindi mawawala. Ang ating tahanan ay ang Kaharian ng Diyos, at sa pagiging tapat mas naipapakita natin na tayo’y mga alagad ni Kristo kahit siya’y bumalik na sa kaniyang Kaharian.

17/05/2026

LIVE | Dakilang Kapistahan ng Pag-akyat ng Panginoon
Mayo 17, 2026
6:00 N.G.

17/05/2026

𝗠𝗮𝗹𝗶𝗴𝗮𝘆𝗮𝗻𝗴 𝗶𝗸𝗮-𝟲𝟬 𝗻𝗮 𝗣𝗮𝗻𝗱𝗮𝗶𝗴𝗱𝗶𝗴𝗮𝗻𝗴 𝗔𝗿𝗮𝘄 𝗻𝗴 𝗞𝗼𝗺𝘂𝗻𝗶𝗸𝗮𝘀𝘆𝗼𝗻!

Pagbati sa ating mga minamahal na SOCCOM ng bawat parokya sapagkat ngayong araw, ginugunita natin ang 60th World Communications Day! Ito ay binigyang tema ni Pope Leo XIV— "Preserving human voices and faces" na nagpapakita ng lubos na pagpapahalaga sa talento ng mga tao.

Ang araw na ito ay pagpapasalamat sa isang taon nanamang pagpupunyagi sa mga tao sa likod ng iba't ibang media na mayroong iisang layunin— ang magpahayag ng pag-ibig ni Kristo. Ang misyong ito ng Ministry on Research and Social Communications ng ating parokya at ng iba pa, ay kailanman hindi mapapalitan o mahihigitan ninoman. Kaya pasalamatan natin ang ating mga kapatid, na handang isulong ang katotohanan at pag-ibig sa pamamagitan ng kanilang mga talento sa teknolohiya at iba't ibang media.

13/05/2026

𝙈𝙜𝙖 𝙥𝙖𝙧𝙤𝙠𝙮𝙖𝙣𝙤, 𝙣𝙖𝙠𝙞𝙞𝙨𝙖 𝙨𝙖 𝙋𝙞𝙨𝙩𝙖𝙣𝙜 𝙙𝙚 𝙡𝙖 𝙋𝙖𝙯

Nakiisa ang mga deboto sa pagdiriwang ng Kapistahan ng Mahal na Patrona, Nuestra Señora dela Paz y Buen Viaje, noong Linggo, Mayo 10, sa parokya.

Nagsimula ang selebrasyon sa prusisyon ng Mahal na Birhen na umikot sa komunidad ng Addas dakong 4:30 n.h.

Pagsapit ng 6:00 n.g., idinaos ang Misa Concelebrada na pinangunahan ng Obispo ng Imus, Lubos na Kagalang-galang Reynaldo G. Evangelista, kasama ang kura paroko, Reb. P. Miguel Concepcion III.

Matapos ang misa, nagsama-sama ang mga maninimba sa isang “Table Fellowship” bilang pagtatapos ng pagdiriwang.

12/05/2026

𝙆𝙖𝙧𝙖𝙠𝙤𝙡, 𝙩𝙖𝙢𝙥𝙤𝙠 𝙨𝙖 𝙋𝙞𝙨𝙩𝙖𝙣𝙜 𝙙𝙚 𝙡𝙖 𝙋𝙖𝙯

Idinaos ng parokya ang Karakol bilang bahagi ng pagdiriwang ng kapistahan ng Mahal na Birhen, Nuestra Señora de la Paz y Buen Viaje, noong Mayo 9, na umikot sa mga karatig-bahay ng simbahan.

Marami sa mga parokyanong nakiisa sa karakol ang nagsuot ng baro't saya, espesyal na disenyo ng kamisa, at may makukulay na panyo at pamaypay upang mas madama ang kapistahan.

Bago magsimula ang karakol ay ipinagdiwang ang ika-siyam na Misa Nobenaryo, sa pangunguna ng kura paroko, Rev. Fr. Miguel Concepcion III.

a pangunguna ng kura paroko, Rev. Fr. Miguel Concepcion III.

11/05/2026

𝐏𝐈𝐒𝐓𝐀𝐍𝐆 𝐃𝐄𝐋𝐀 𝐏𝐀𝐙
Mayo 10, 2026
• Prusisyon at Misa Concelebrada