Sta. Maria Magdalena de Guagua

30/04/2026

30/04/2026

01/04/2026

MIYERKULES KILUB NING BANAL A PARUMINGO
Kaniting Miyerkules Santo o king Tradisyun awsan dang “Spy Wednesday”, Ing Mayap a Balita papalad ne kekatamu ing kuwentu ning tahimik dapot masakit a pamagbayu na pusung Hudas; mekikasundu ya ban neng pagkalulu ing keyang kakaluguran a Maestro babo ning atlung pulung pirasung salaping pilak.

Metung a talatuki minuli king taksil. Metung a kaluguran meging sangkan ning kasiran.

Misan king bie nang Hudas linakad ya’t mekipagsalita kang Jesus, mekiramdam karing amanu na, at ing pekamaulaga menakit at mekaranas king lugud ning Guinung Jesus. Dapot kabang dalan, ing pusu na mitalabu ya- pinili na ing makayatung kayungyungan babo ning banwang pimamanan. Busal naman niting kataksilan, ing Guinung Jesus king lamesa ene silbag kamarinayan, dininan pang pamikatagun, at pepaulagan ing karelang pamikaluguran, pamikatagun ban magbayu pa isip at mibalik king pusu nang Jesus.

Kaniting Miyerkules Santo mipapalad kekatamu ing kutang: Nanu la ding atlung pulung pirasung pilak ning bie ku? Nanu la ding pipilinan kung, mahigit kesa king Guinung Jesus?

Iting aldo ali yamu makalawe king kataksilan, nune dirinan nang ulaga ing maragul nang pakalulu, lugud, at masabal ning Guinu, libutad na man ning kasalanan at kataksilan ing Dios pipilinan nang lugud alang angga.

Bayu tamu umeng lungub karing pekamaulaga at pekabanal nang aldo ning Kasalpantayanan tamu; Ing Triduo ning Pascua, mayayaus tamung manahimik at migunam, surian ding pusu tamu, at mamiling pasibayu: Lumakad ku bang palaut kaya? o Mibalik ku king lugud na?

31/03/2026

MARTES KILUB NING BANAL A PARUMINGO
Kaniting Martes Santo, Ing Mayap a Balita darala na katamu king kwentu kilub ning Tauling Apunan. Meligalig ya kapilubluban I Jesus. Talus na ing metung karing pakamalan na ilingad ne, I Pedro king katapatan king Guinu ikwa neng liningda maka-tatlung ukdu. King busal ning Lugud, ing pamagtaksil atyu mu naman. King pamaging disipulu ning Guinu, keynan masala ya naman atyu king panimanman.

Dapot libutad na man ning pamag taksil at pamaglingad, I Jesus enaka tamu lakwan at gulutan.

Manatili ya. Lulugud ya. Daraun ne ing buung bie na bista man ding aliwa eda iti kikilalanan.

Kaniting Martes Santo, mipapalad kekatamu ing masakit a katutwan: Ali tamu mayayaus mu ban maging talatuki ning Guinu, dapot atin mu naman magin tamung taksil ampon maglingad king Guinu. Dapot iting aldo eya makatutuk king parusa ning Guinu, nune iting aldo gigisingan na katamu kaniting katutwan. Bista man king keyinan tamu, I Jesus pipilinan nang matili siping tamu.

Kaniting Martes Santo, mipapalad kekatamu ing kutang: Karing nanung penandit ning bie ku liligad o darayu ke ing sarili ku king Guinung Jesus?
Sumangid na niti, makasadya ku bang mibalik, manatili at luguran ke pasibayu?

30/03/2026

LUNES KILUB NING BANAL A PARUMINGO

Kaniting Lunis Santo, migunam tamu king katahimikan, lawen tamu ing metung a karanasan ning lugud karin king Betania, nung nukarin ing lugud mayayakit ya king dapat aliwa king amanu ning tau.

Linyan neng Maria ing bitis ning Guinu, iting dapat ali ya bunga ning obligasyun, nune ning malalam nang lugud at pakamal king Guinu. Tigtug na ing makamal a pabanglu at pepalangi ne ing bitis ning Guinu kapamilatan ning keyang buak alang pamangabiran. Dapot king sumangid a banda I Judas lalawen na iting dapat metung a pamagaksaya, ing sukad ning yatu yang pigagap na. Dapot ing Lugud eya asukad ning nanu man. Iting banal a dapat nang Maria, akit tamu ing tune nang kabaldugan ning pamaging Disipulu, a ating pusung malugud midadake jang iti alang mibalik a kabayaran, lugud a kikilala kang Jesus a migit katas a ulaga king sanu pa man.

Tuturu na katamung Maria na ing kabanalan magmula ya potang itamu tutuknang tanang manguenta at laus tana lub daraun ing bie para king Guinu.
Kaniting Lunis Santo mikukutang kekatamu: Luluguran ke ba ing Guinung Jesus king mabilug kung bie o ing lugud ku kaya atin kondisyun?

Mabiasa ta sanang itugtug ing sabla-sabla king bie tamu arap ning Guinu anti ing mal nang pabanglung Maria.

30/03/2026

LOOK: For , we’re bringing you these shots by Giovan Sta. Cruz of Pampanga in this explainer article on the characters of the Prusisyon ng Paglilibing on Good Friday. | via
Kurt Adrian Dela Peña, INQUIRER.net

Check the full story in our comments.

22/03/2026

09/03/2026