Our Lady of Lourdes Parish - Granada

Our Lady of Lourdes Parish - Granada Official page for Our lady of Lourdes Parish. Roman Catholic Church located in Barangay. Granada, Bacolod City, Negros Occidental, Philippines.

Events and announcements will be posted here periodically.

|MASS WEDDING|Sa pagpanguna sang aton kura paroko, ang aton parokya magalunsad sang isa ka matahum nga proyekto para sa ...
19/04/2026

|MASS WEDDING|

Sa pagpanguna sang aton kura paroko, ang aton parokya magalunsad sang isa ka matahum nga proyekto para sa aton mga mag-asawa nga wala pa nakabaton sang sakramento sang kasal—ang paghiwat sang isa ka libre nga mass wedding. Ini nga inisyatibo may yara sang pila ka mga proseso nga kinahanglan pagasundon, kag ini magasugod sa pagtipon kag pagproseso sang mga kinahanglanon nga dokumento.

Sa tanan nga may luyag nga magpasakop sini nga proyekto, ginapangabay nga makipag-angut sa inyo tagsa ka mga BEC kapilyan, kay Ma’am Estela Fulo, ang aton Head sang Family and Life Ministry, ukon sa aton parish office. Madamo guid nga salamat kag ginapangabay naton ang inyo pagsuporta sini nga matahum nga tikang sang aton parokya.

| SEMANA SANTA 2026 | ENCUENTROSa malipayon kag puno sang paglaum nga selebrasyon sang Domingo sang Pagkabanhaw, nagsugo...
06/04/2026

| SEMANA SANTA 2026 |

ENCUENTRO

Sa malipayon kag puno sang paglaum nga selebrasyon sang Domingo sang Pagkabanhaw, nagsugod ini sa matahum nga Encuentro ang pagkitaay sang Mahal nga Iloy Maria kag sang nabanhaw nga si Kristo. Ini nga hitabo nagapakita sang daku nga kalipay matapos ang kasubo, kag nagapahayag nga ang kasakit kag kamatayon indi amo ang katapusan, kundi may yara gid bag-o nga kabuhi nga nagaabot. Sa sini nga tion, ginabatyagan naton ang gugma sang Ginoo nga nagdala sang bag-o nga kabuhi sa kalibutan.

Ang Domingo sang Pagkabanhaw nagapahanumdom sa aton nga sa pihak sang aton mga problema kag kabudlayan, may yara gid kasanag kag paglaum nga nagaabot. Pareho kay Maria nga nakabatyag sang daku nga kalipay sa pagpakigkita liwat sa iya anak, kita man ginatawag nga magtuo kag magsalig sa saad sang pagkabanhaw. Sa tagsa ka bag-o nga adlaw, ginahatagan kita sang kahigayunan nga magsugod liwat nga may pagtuo, paglaum, kag gugma—bilang mga kabuhi nga ginbag-o sang kapawa sang nabanhaw nga Kristo.

| SEMANA SANTA 2026 | BIHILYA PASKWALSa malipayon kag puno sang paglaum nga pagtililipon para sa Bihilya Paskwal ginakil...
06/04/2026

| SEMANA SANTA 2026 |

BIHILYA PASKWAL

Sa malipayon kag puno sang paglaum nga pagtililipon para sa Bihilya Paskwal ginakilala ini bilang iloy sang tanan nga bihilya, isa ka gab-i sang paghulat sa pagkabanhaw ni Kristo. Sa pagsindi sang bag-o nga kalayo kag pagpakita sang kasabag, ginapahayag sini nga ang kasanag nagadaug sa kadulom, kag ginabuksan ang aton tagipusuon sa saad sang bag-o nga kabuhi. Ini nga tion nagapahanumdom sa aton nga bisan sa paghulat, may yara kita padayon nga paglaum sa presensya sang Ginoo.

Sa tagsa ka tion sang aton paghulat, nagaligon ang aton pagtuo kag paglaum. Ang Bihilya Paskwal nagatudlo sa aton nga ang paghulat may kahulugan, kag ginapreparar kita sini para sa kalipay sang pagkabanhaw. Kag sa pag-abot sang kasanag ginabatyagan naton ang bag-o nga kusog kag inspirasyon—nga samtang nagahulat kita nga may pagtuo, ang Ginoo nagahatag sang bag-o nga kabuhi sa aton tagsa ka isa.

| SEMANA SANTA 2026 | PROSESYON KAG DUAWSa matahum kag malinong nga pagprosesyon sang mga pasos kag mga santo entierro g...
06/04/2026

| SEMANA SANTA 2026 |

PROSESYON KAG DUAW

Sa matahum kag malinong nga pagprosesyon sang mga pasos kag mga santo entierro ginapamalandong naton ang nagkalain-lain nga hitabo kag persona nga kaupod sa kasakit ni Jesus. Sa sini nga bahin, ginadumdom man naton ang mga realidad sang aton sosyodad—ang mga kasakit, kabudlayan, kag mga krus nga ginadala sang kada isa. Ginahatagan kita sang higayon nga magduaw, magpangamuyo, kag magpaubos sang aton tagipusuon sa atubangan sang patay nga lawas ni Kristo. Sa sini nga sagrado nga tion, ginapahayag naton ang aton paghigugma kag pagtuo paagi sa paghalad sang aton pangamuyo kag pagpasidungog sa Iya nga naghalad sang kabuhi para sa kaluwasan sang tanan. Ang pagdu-aw indi lamang isa ka tradisyon, kundi isa ka madalom nga paghinumdom sang sakripisyo kag gugma nga wala sang kondisyon.

Bisan pa sa kadulom sang kamatayon nga ginapakita sa Santo Entierro, ginadala sini sa aton ang paglaum nga ang kadulom indi amo ang katapusan. Sa idalom sang malinong kag masinulondon nga kahimtangan, nagapabilin ang saad sang kabuhi kag pagkabanhaw. Ang Du-aw nagapahanumdom sa aton nga sa pihak sang aton mga kasakit kag kahimtangan sa kabuhi, may yara gihapon kahayag nga nagaabot—kag ang gugma sang Ginoo amo ang magadaug sa tanan nga kadulom.

04/04/2026

| SEMANA SANTA 2026 |

DOMINGGO SANG PAGKABANHAW

ENCUENTRO

| SEMANA SANTA 2026 |Mga buluhaton sa Dominggo, maghiliusa ang tanan kay ang Ginoo nabanhaw na.
04/04/2026

| SEMANA SANTA 2026 |

Mga buluhaton sa Dominggo, maghiliusa ang tanan kay ang Ginoo nabanhaw na.

ALLELUYAPaghiliusa kita Si Kristo Jesus Nabanhaw naALLELUYA
04/04/2026

ALLELUYA
Paghiliusa kita Si Kristo Jesus Nabanhaw na
ALLELUYA

04/04/2026

| SEMANA SANTA 2026 |

BIHILYA PASKWAL SA BALA-AN NGA GAB-I

TEMA: “ANG GUGMA NGA NAGDAUG BISAN PA SANG KAMATAYON”

| SEMANA SANTA 2026 | BIERNES SANTO Sa balaan nga pagsaulog sang Kasakit ni Jesus, ginpanumbalik sa aton tagipusuon ang ...
04/04/2026

| SEMANA SANTA 2026 |

BIERNES SANTO

Sa balaan nga pagsaulog sang Kasakit ni Jesus, ginpanumbalik sa aton tagipusuon ang madalom nga kahulugan sang Iya pag-antus kag kamatayon. Pinaagi sa tatlo ka bahin sang liturhiya— and liturhiya sang pulong, pagsimba sa santa krus kag ang pagpangalawat, ginpamalandungan naton ang misteryo sang gugma nga wala sang katapusan. Ginpakita ni Jesus ang Iya walay kondisyon nga paghigugma para sa tagsa ka isa sa aton, bisan pa sa aton mga kakulangan kag sala.

Sa aton pagdayaw sa Krus, ginpanumduman naton nga ini indi lamang simbolo sang kasakit, kundi isa man ka tanda sang paglaum kag kaluwasan. Sa tagsa ka paghikap kag paghalok sini, ginatugyan naton ang aton kaugalingon sa gugma sang Ginoo nga nag-antus para sa aton. l

Pagkatapos sang liturhiya, nagpadayon ang debosyon pinaagi sa prosesyon sang mga pasos, lakip na ang Santo Entierro. Sa hilum kag masulub-on nga pagpanaw, gin-updan sang katawhan ang hulag sang paglubong kay Jesus, samtang ginhalaran sang ila mga pangamuyo kag pagtuo
Sa sini nga tion, ginapakita ang madalom nga pagtuo kag pagkahiusa sang komunidad sa pagpaubos kag paghinulsol—nga nagahatag paglaum nga bisan sa kadulom sang kamatayon, yara gihapon ang saad sang pagkabanhaw.

| SEMANA SANTA 2026 |GRAND VIA CRUSISSa tagsa ka estasyon sang Krus, ginadala kita sa madalom nga paghinumdom sang pag-a...
03/04/2026

| SEMANA SANTA 2026 |

GRAND VIA CRUSIS

Sa tagsa ka estasyon sang Krus, ginadala kita sa madalom nga paghinumdom sang pag-antos ni Kristo—halin sa Iya pagkahukman sang wala sing sala tubtob sa Iya kamatayon sa krus. Ang tagsa ka tikang nagapahayag sang gugma nga wala sing kondisyon, kag sang pagpanubo nga bisan mabug-at ang krus, ginpili niya gihapon ang magpadayon para sa aton kaluwasan. Sa sini nga pagpamalandong, ginapahanumdom kita nga ang pagtuo indi lang yara sa komportable nga tion, kundi labi gid sa kasakit kag kabudlayan.

Sa aton subong nga realidad, damo man kita sang mga krus nga ginadala sa kapigaduhon, kabudlayan sa pamilya, kahadlok sa palaabuton, kag mga kasubo nga indi madali hambalon. Pareho kay Kristo nga napaslawan, napaslitan, kag ginbayaan, kita man usahay nagabatyag sang kapoy kag gakawad-an sang paglaum. Apang ang ining Via Crucis nagatudlo sa aton nga ang kasakit indi ang katapusan; ini isa ka dalan padulong sa pagbag-o kag pagkabanhaw.

Kabay pa nga sa paglantaw naton sa Krus, makakita kita sang kusog nga magpadayon kag paglaum nga bisan sa kadulom, may pagla nga nagaabot. Ang 14 ka estasyon nagatawag sa aton nga indi magpalayo sa Ginoo sa tion sang kasakit, kundi magpalapit pa gid, kay didto sa krus, yara ang pinakadaku nga pamatuod sang gugma nga makaluwas kag makahatag sing bag-ong kabuhi.

| SEMANA SANTA 2026 |Mga buluhaton sa Sabado De Gloria, ang malig-on nga paglaum sa Pagkabanhaw sang aton Ginoo sa Bihil...
03/04/2026

| SEMANA SANTA 2026 |

Mga buluhaton sa Sabado De Gloria, ang malig-on nga paglaum sa Pagkabanhaw sang aton Ginoo sa Bihilya Paskwal, kalakip ang pag bendisyon sang bag-ong kalayo kag ang saad sang bunyag. Ang tanan gina-agda sa pag-upod sa aton pagsug-alaw sa nabanhaw nga Kristo, ginapangabay man ang tanan sa pagdala sang kandila.

Address

Brgy. Granda
Bacolod City
6100

Telephone

+63 34 708 1643

Website

Alerts

Be the first to know and let us send you an email when Our Lady of Lourdes Parish - Granada posts news and promotions. Your email address will not be used for any other purpose, and you can unsubscribe at any time.

Shortcuts

Share

Category