https://www.facebook.com/111828080354579/

San Jose Chapel - Social Communications

Home
Philippines
Arayat
San Jose Chapel - Social Communications

This is the Official Page of San Jose Mesulo-Arayat Pampanga

30/08/2026

“𝐆𝐮𝐢𝐧𝐮, 𝐈𝐤𝐚𝐛𝐮𝐬 𝐦𝐮 𝐜𝐚𝐦𝐢!”

Ing mabilug a lalawigan ning Pampanga, daralan yang matinding kapagsubukan. Mananu na sana ing Guinu tamung Hesu Cristo, magi yang dalan at sala kekatamu ngan ban akabiusan tamu ing daralanan tamu ngeni.

Balu tamu ikatamung Capampangan, etamu basta basta susuku. Uling atin tamung panaligan, ing Apung Guinu.

Agkatan lang pasibayu reng sabla na abe-abe tamung manalangin para king kaligtasan ning bawat metung kekatamu ngan. Manulus metung a kandila at manalangin king bawat pamilyang magkasakit ngening panaun a iti, at para king mabilug a lalawigan Capampangan.

Ibpa mi... Bapu Maria... Santa Maria... Ligaya...

Amen.....

𝐒𝐚𝐧 𝐉𝐨𝐬𝐞 𝐄𝐬𝐩𝐨𝐬𝐨 𝐧𝐢𝐧𝐠 𝐍𝐮𝐚𝐧 𝐚 𝐕𝐢𝐫𝐠𝐞𝐧 𝐌𝐚𝐫𝐢𝐚,
𝐈𝐛𝐢𝐞 𝐦𝐮 𝐤𝐞𝐤𝐚𝐦𝐢 𝐢𝐧𝐠 𝐤𝐚𝐬𝐚𝐮𝐩𝐚𝐧 𝐚𝐭 𝐤𝐚𝐩𝐚𝐲𝐚𝐩𝐚𝐧!

𝐕𝐢𝐫𝐠𝐞𝐧 𝐝𝐞 𝐥𝐨𝐬 𝐑𝐞𝐦𝐞𝐝𝐢𝐨𝐬, 𝐈𝐧𝐝𝐮 𝐧𝐢𝐧𝐠 𝐂𝐚𝐩𝐚𝐥𝐝𝐚𝐧𝐚𝐧, 𝐌𝐚𝐩𝐚𝐧𝐚𝐦𝐩𝐮𝐧 𝐜𝐚𝐫𝐢𝐧𝐠 𝐂𝐚𝐩𝐚𝐦𝐩𝐚𝐧𝐠𝐚𝐧,
𝐘𝐩𝐚𝐧𝐚𝐥𝐚𝐧𝐠𝐢𝐧 𝐦𝐮 𝐜𝐚𝐦𝐢!

𝐒𝐚𝐧𝐭𝐨 𝐂𝐫𝐢𝐬𝐭𝐨 𝐃𝐞𝐥 𝐏𝐞𝐫𝐝𝐨𝐧 𝐲 𝐂𝐚𝐫𝐢𝐝𝐚𝐝, 𝐏𝐚𝐜𝐚𝐥𝐮𝐥𝐮𝐚𝐧 𝐦𝐮 𝐜𝐚𝐦𝐢!

29/08/2026

𝗢𝗥𝗔𝗧𝗜𝗢 𝗜𝗠𝗣𝗘𝗥𝗔𝗧𝗔

Mayupayang Ibpa king udyat ning kekang amanu tutuki ing angin at danum, Ibuklat mula deng kekang makamal a gamat ban ayadya mu kami king nanu man kapagsubukan a daralan ning bagyu, lingapan mu kaming anak mu a manalig keka, lako mu pu ing kekaming takut ampong karug at buklat mo ding kekaming mata at ding kekaming pusu bang makasaup kami kareng pamangailangan da ring kapara ming tau. Guinu damdam ka king kekaming aklis. Mananu sana king kaburian mu o Guinu iting bagyu dumalan king kekaming bansang pilipinas at lalung lalu na ing kekeng lalawigan kapampangan kumalma ne at ene makapanasakit kekaming anak mu. Iti ing aduan mi king kapamilatan nang Hesus a Guinu at Dios a mabibie ampong mag-ari kambe mu at ning Banal a Espiritu ngeni at king alang angga
Amen.

SANTISSIMO CRISTO DEL PERDON
Pacaluluan mu cami

VIRGEN DE LOS REMEDIOS
Ipanalangin mu cami

San Jose Esposo ning Virgen Maria
Ibie mu ing kekang kasaupan

25/08/2026

𝗞𝗮𝗽𝗮𝗯𝗮𝗹𝘂𝗮𝗻 | IKA-436 BANUANG ANIBERSARYO NING PAMAGTATAG NING PAROKYA NANG SANTA CATALINA NING ALEJANDRIA

Abe-abe taya pung pagmasusyan ing ika-346 a banuang anibersaryo ning Pangatatag ning Parokya nang Santa Catalina ning Alejandria; a meki-temang “Matatag a Kasalpyantayanan: Pundasyon ning Bie at Katapatan.”

Areni pu ring tuntunan magumpisa Agosot 26 anggang Agosto 29,2026. Kayabe ne pu keni ing Triduo angga na king mismong selebrasyon ning anibersaryo.

Ing isulud tamu pu:
Barong para kareng lalake ampo
Filipiniana para kareng babai.

Agkatan la pu ding sabla a tumagun king kaniting kapagmasusyan. Misanmetung tamu king pamagsaya at pamikalugud.

19/08/2026

𝙎𝙖𝙨𝙖𝙢𝙗𝙖𝙣 𝙙𝙖 𝙠𝙖 𝙥𝙪 𝙆𝙧𝙞𝙨𝙩𝙤 𝙖𝙩 𝙡𝙖𝙮𝙪𝙣 𝙥𝙪𝙥𝙪𝙧𝙞𝙖𝙣. 𝙐𝙡𝙞 𝙣𝙞𝙣𝙜 𝙢𝙖𝙡 𝙢𝙪𝙣𝙜 𝙆𝙧𝙪𝙨, 𝙞𝙣𝙖𝙩𝙗𝙪𝙨 𝙢𝙚 𝙞𝙣𝙜 𝙮𝙖𝙩𝙪.

King masikan a bagyu ampon albug,
Ginu, Ikabus me ing balayan mu.

18/08/2026

𝗦𝗨𝗕 𝗧𝗨𝗨𝗠 𝗣𝗥𝗔𝗘𝗦𝗜𝗗𝗜𝗨𝗠

Lalam napu ning kayampunan mu, magsakdal kami at magkanlung, o kabanalbanalan a Indu ning Dios, emu sana pisauili ing aklis mi keka king kagulangan mi, nune bagkus mu kaming ikabus king sablang panganib, o maligaya ampon kanuanan a Virgen! Amen.

Santisimk Cristo del Perdon y Caridad,
Pacaluluan mu kami!

Patriarkang San Jose,
Ipanalangin mu kami!

Virgen de los Remedios, Indu ning Kapaldanan Tula ring Kapampangan,
Ipanalangin mu kami!

15/08/2026

Agosto 15 | Ing Solemnidad ning Pangadala na Banua ning Nuan a Virgen Maria, a penimunan nang Reb. Pdr. Homer M. Policarpio.

14/08/2026

𝐊𝐀𝐏𝐀𝐁𝐀𝐋𝐔𝐀𝐍 𝐏𝐔 |

Paganaka pu kekatamung memario, atin tamu pung banal a misa. King aldo 𝐀𝐮𝐠𝐮𝐬𝐭 𝟏𝟓, 𝟐𝟎𝟐𝟔 at king ganap a oras 𝟔:𝟎𝟎𝐩𝐦. Abe abe tamu pung tumagun para kaniting kapagmasusyan. Dakal pung salamat, Mimingat at Mipapangadi!

𝐒𝐚𝐧 𝐉𝐨𝐬𝐞 𝐄𝐬𝐩𝐨𝐬𝐨 𝐧𝐢𝐧𝐠 𝐕𝐢𝐫𝐠𝐞𝐧 𝐌𝐚𝐫𝐢𝐚;
Ipanalangin mu Kami.

09/08/2026

ORATIO IMPERATA LABAN KARING KALAMIDAD

O lubus mayupayang Ibpa,
tatas mi la ring pusu mi keka king kapasalamatan
para karing makapagmulalang lelangan mu, kareti kayabe kami,
para king kalingapan mu a mamie kekami karing kailangan mi,
at para king kabiasnan mu
a mumugit king daralanan ning meto sikluban.
Tatanggapan mi la ring kasalanan mi laban keka
at karing sablang lelangan mu.
E kami meging mayap a katiuala ning yatu.
E mi ya pekaintindian ing kautusan mung pamangasiua king yatu.
Ing makapadurut kekami ya ngeni ing magdusa
pauli ning mali ming kararaptanan,
at ngeni pupupulan mi ing pamanabusu at kealan masabal mi.
Ing global warming atiu ne busal mi.
Ding bagyu, albug, pamamakbung ring buklan,
at aliua pang kalamidad lalu lang darakal at sisikan.
Lalapit kami keka, O malugud a Ibpa mi,
at manigapung kapatauaran para karing kasalanan mi.
Pagparalampu mi, king ding kaluguran mi at
ing pikapagalan ming atangkang pibandian
ing mikabus ibat king banta ning kalamidad, natural at gauang-tau.
Pagamu-amu mi keka
ing gauan mu kami ngan responsabling katiuala ning lelangan mu,
at maganaka ampon mapaniaup a siping-bale
karing atiu king pamangailangan.
Amen.

San Jose Esposo ning Virgen Maria
IPANALANGIN MU KAMI!

Virgen de los Remedios,
Indu ning Kapaldanan,
king nanu mang kasakitan,
IPANALANGIN MU KAMI!

Santo Cristo del Perdon y Caridad,
PACALULUAN MU KAMI!

08/08/2026

ORATIO IMPERATA LABAN KARING KALAMIDAD

O lubus mayupayang Ibpa,
tatas mi la ring pusu mi keka king kapasalamatan
para karing makapagmulalang lelangan mu, kareti kayabe kami,
para king kalingapan mu a mamie kekami karing kailangan mi,
at para king kabiasnan mu
a mumugit king daralanan ning meto sikluban.
Tatanggapan mi la ring kasalanan mi laban keka
at karing sablang lelangan mu.
E kami meging mayap a katiuala ning yatu.
E mi ya pekaintindian ing kautusan mung pamangasiua king yatu.
Ing makapadurut kekami ya ngeni ing magdusa
pauli ning mali ming kararaptanan,
at ngeni pupupulan mi ing pamanabusu at kealan masabal mi.
Ing global warming atiu ne busal mi.
Ding bagyu, albug, pamamakbung ring buklan,
at aliua pang kalamidad lalu lang darakal at sisikan.
Lalapit kami keka, O malugud a Ibpa mi,
at manigapung kapatauaran para karing kasalanan mi.
Pagparalampu mi, king ding kaluguran mi at
ing pikapagalan ming atangkang pibandian
ing mikabus ibat king banta ning kalamidad, natural at gauang-tau.
Pagamu-amu mi keka
ing gauan mu kami ngan responsabling katiuala ning lelangan mu,
at maganaka ampon mapaniaup a siping-bale
karing atiu king pamangailangan.
Amen.

Nuestra Señora Virgen de Aranzazu, ipanalangin mu kami!

Sto. Cristo del Perdon y Caridad,
pakaluluan kami!

San Jose Esposo ning Virgen Maria,
Ipanalangin nu kami!

Address

Arayat

Website

facebook.com

Alerts

Be the first to know and let us send you an email when San Jose Chapel - Social Communications posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Arayat?