02/07/2026
๐๐ซ๐ฎ๐ฌ๐๐๐ ๐ง๐ข๐ง๐ ๐๐ซ๐ฎ๐ฌ ๐๐ข๐ง๐ ๐๐๐ฒ๐๐ง๐๐ค๐๐ง ๐ค๐ข๐ง๐ ๐๐ข๐๐๐ซ๐ข๐๐ญ๐จ ๐ง๐๐ง๐ ๐๐๐ซ๐ข๐, ๐๐๐ฉ๐๐ง๐๐ฆ๐ฉ๐ฎ๐ง ๐ค๐๐ซ๐ข๐ง๐ ๐๐ซ๐ข๐ฌ๐ญ๐ข๐๐ง๐จ๐ฌ
Ing Insignia at ding kabaldugan da reti:
๐๐ฃ๐ ๐๐ง๐ช๐จ
Ing Cruz, ya ing centru ning kekatamung kasalpantayanan antimurin iti ing tanda ning pamaglakbe kayantabe ring kayanakan. Iti paganaka kekatamu ing makapagmulalang sacrificio ning Apung Guinu para mikabus tamu king pangayalipan king kasalanan at ing keyang tagumpe king kasakitan ampon kamatayan.
๐๐ฃ๐ ๐๐๐ก๐๐ ๐ฎ๐
Ing pekasentru na ning Cruz, iyapin ing kapirasung dutung nung nukarin de pinaku ing Apung Guinu, karin king Jerusalem. Agpang king kaselesayan, y Santa Elena at kayantabe ing anak nang y Constantino, penintunan ne iti, at iti ya ing umpisa ning pangaconverti da ring tau kanitang panaun a ita.
๐๐ฃ๐ ๐๐๐ฃ๐ฉ๐ช ๐ฃ๐ ๐ฃ๐๐ฃ๐ ๐ฝ๐๐ง๐๐๐ฃ
Ing kule Mairo (Blue) at ing maputing gulis, pawaga na ing presensya ning Nuan a Virgen, bilang ya ing Indu at Reyna ning Banal a Capulungan. Babo ning Cruz, binie neng Jesus kekatamu ing kayang Indu โEcce Mater Tuaโ inyasat ing kekatamung kasalpantayanan Kristiyana, makataid mu rin king Indung Virgen, pauli ning keyang pamamilatan karing kekatamung panalangin. Ing keyang makapagmulalang presencia, ding balamu bibigkis kekatamu king pakamalan nang Anak, e ya mu basta Reyna, nune Indu yang alang aplit lilingap kekatamu.
๐ฟ๐๐ฃ๐ ๐๐๐๐๐ฃ๐๐๐ช๐๐ฃ๐ ๐ฝ๐๐ฉ๐ช๐๐ฃ
Ding Batuin king keyang balabal pawaga ning Santa Escriptura kekatamu na ya ing Babaing Mimalan king aldo (Kapahayagan 12:1) Sasagisag na niti ing keyang pamaging Reyna ning Banua at Yatu, uling manibat pa ketang kamumulan, pinili ra ne bilang maging Indu ning Dios at iti pepanatilyan deng alang dungis uling banal ya ing mibait keya.
๐๐ฃ๐ ๐๐๐ฃ๐ฉ๐ช๐ฃ๐ ๐๐๐ฉ๐ง๐ค
Ing setro, metung yang maulagang gamit karas king pamamahala lalam ning kayupayan, at ing panga-reina ning Indung Virgen ing pawaga na niti, uling ta ing mitagulaling a kekatamung patrona king kekatamung vicaria. Pawaga na niti ing keyang kayupayan at ing keyang pamamilatan karing sablang bininyagan papunta king keyang anak a pakamalan.
๐ฟ๐๐ฃ๐ ๐๐๐ฎ๐๐ฃ๐๐ ๐๐ฃ
Ding estilisadung malutu at mairo (asul) pawaga na ing masigla, masaya ampon ing mapanibayung diwa da ring kayanakan king kekatamung vicaria. Metung karing aske tamu bilang tanda ning kekatamung tenguanan a misyun kang Cristo Hesus at ing kasumangid naman, yapin ing kapanibalan ning Indung VIrgen kekatamu, ding karelang kasaupan, kayantabe ing agiag ning Espiritu Santo, metung yang makapagmulalang kalam bangkanita mibuu ya pamibucludbuclud tamu anting metung a balayan.
๐๐ฃ๐ ๐ฟ๐๐ก๐๐ฃ ๐ฃ๐๐ฃ๐ ๐๐๐ฅ๐๐ฃ๐๐ฎ๐๐ฃ
Ing padurut a mayuntiang (berdi) dalan, sasagisag neman ning kekatang pamanlakbe king kasalpantayanan at king kapanayan a darala ning kekatamung pamanuki king bakas nang Cristo. Makayangu ya iti king Banal a Kasulatan โNung ninu man ing tuki kanaku, pusanan ne ing Cruz na king keyang pago at tuki ya kanakuโ papakit na niti ing aldo-aldong pamaglakbe da ring kayanakan papunta king daklat ning bie kabanalan, kalinisan at kalukan.
๐๐ฃ๐ ๐ผ๐ก๐๐ค (๐๐ฏ๐จ ๐๐ด๐ญ๐ข๐จ ๐ฏ๐ข๐ฏ๐จ ๐๐ณ๐ช๐ด๐ต๐ฐ)
Ing maningning a aldo ing magsilbing gulut na ning mabilug a insignia, iti ya ing bubuu kang Cristo, ing aldo ning katalaruan at ing aslag ning meto sikluban. Babayu na niti ing kekatamung kabaldugan king Cruz migmula king sagisang ning kasakitan papunta king pamaging tanda ning tagumpe babo ning kamatayan, ing sasangalngal a banglu ning keyang pamanubling mie babie yang kapanayan ampon bie alang kapupusan.
๐๐ฃ๐ ๐ฟ๐๐ก๐๐จ๐ ๐ ๐ผ๐ฏ๐ช๐๐๐ฃ๐ (Lily)
Iting azucena paganaka ne ning keyang grasya, kalinisan ampon ning keyang panga-indu na kekatamu.Iti maging panagkat na kekatamung kayanakan ing kawangis taya y Mariaโ ing maging malinis tamu pilubluban, pusu ampon kaladwa. Iti ngan mangapalyari king saup ampon lugud nang Maria.
๐๐๐ซ๐ข๐, ๐๐๐ฉ๐๐ง๐๐ฆ๐ฉ๐ฎ๐ง ๐ค๐๐ซ๐ข๐ง๐ ๐๐ซ๐ข๐ฌ๐ญ๐ข๐๐ง๐จ๐ฌ,
๐ช๐ฑ๐ข๐ฏ๐ข๐ญ๐ข๐ฏ๐จ๐ช๐ฏ ๐ฎ๐ถ ๐ฌ๐ข๐ฎ๐ช.
