03/01/2026
𝗠𝗨𝗠𝗨𝗡𝗔𝗡𝗚 𝗦𝗔𝗕𝗔𝗗𝗢 𝗡𝗜𝗡𝗚 𝗕𝗨𝗟𝗔𝗡
𝗔𝗹𝗱𝗼 𝗻𝗶𝗻𝗴 𝗽𝗮𝗺𝗮𝗴𝗱𝗲𝗯𝗼𝘀𝘆𝗼𝗻 𝗸𝗮𝗻𝗴 𝗔𝗽𝘂𝗻𝗴 𝗦𝗼𝗹𝗲𝗱𝗮𝗱
Panalangin kang Apung Soledad
Kayumuyumuan a Birhen ning Kalungkutan, Nuestra Senora de la Soledad dinatang ka ibat banua ban manuknangan busal ding anak mu Sulipan. Kaniting panaun ning kaligaligan king mabilug a yatu, ibalikid mula ring mapaglunus mung panimanman kekami, O malugud a Indu.
King lalam ning krus tinggap me karing gamat mu ing ala nang bie katawan ning anak mu. Lalam na ning kekang kaingatan at makaindung kalingapan, penabilin ne ning Anak mu ing mabilug a ketawan.Maging malunusan ka sa kekaming anak mu. Mantabe ka kekami potang marap na kami king makatuliran nang kamau ning mayupayang Ibpa a mamarusang mapait a kalungkutan. Tatanggapan mi king iting parusa matulid pauli ning macasalanan kami. Dapot, kalinislinisan a Indu, ipanalangin mu ing kekaming karatunan.Iligtas mu kami king sablang dewakan a manatili king mabilug a yatu.
Palablaban me ing sala ning kekang kapayapan at ing pamisanmetung ding sablang bansa. Magbalik ke sa lub at keka lang idaun king Dios ding sablang pusu ding tau. At king mayupaya mung sikanan, mikadake ke sana king kayarian a sidia na para kekami ning anak mung i Jesus, ing Prinsipe ning alang anggang Kapayapan.
Amen.
O kalinis-linisang pusu nang Maria,
Ipanalangin mu kami.
