26/06/2026
๐๐๐- ๐๐๐๐ ๐๐๐ ๐๐๐๐๐
Sa ngalan sang Amay kag sang Anak kag sang Espiritu Santo. AMEN.
๐๐๐๐๐๐๐ ๐๐, ๐ ๐๐๐๐๐
Abrihan Mo Ginuo ang amon mga baba, painita ang amon mga tagipusoon, kag tinloan Mo sang mga malaw-ay kag di nagakaigo nga panghunahuna, iwagan Mo ang amon ihibalo, padabdaba ang amon buot, agud nga sa bug-os namon nga tagipusoon pamalandungon ang mga agi sang Imo mahal nga pagkasakit kag pagkamatay sa krus, kag ang mapait nga kasakit sang Imo mahal nga tuod nga iloy, kag mangin takus kami nga pamatian sa atubangan sang Imo Diosnon nga pagkahalangdon nga nagakabuhi kag nagahari sa walay katapusan. AMEN.
๐๐๐๐๐๐๐๐๐ ๐๐ ๐๐๐๐๐๐๐๐
O balaan nga mga Apostoles, San Pedro kag San Pablo, akon ginapili subong nga adlaw kag sa walay katapusan, kamo nga mangin akon espesyal nga mga patron kag umalampo. Akon ginatugyan sa inyo ang akon kalag kag lawas, kag ang tanan ko nga mga espirituhanon kag lawasnon nga kinahanglanon kag bisan pa sa tion sang akon kamatayon. (Diri i-ampo ang imo ginapangayo). Ako nagaampo kag nagapangamuyo sa inyo pahanungdan para sa akon malig-on nga pagtuo, mabakod nga paglaum kag nagakalayo nga gugma agod akon masunod sing himpit si Jesus sa tanan nga adlaw sang akon kabuhi. AMEN.
IKA-PITO NGA ADLAW
Magsalig sa Diosnon nga Kaalwan
๐ฝ๐๐ก๐๐จ๐๐๐ค๐ฃ ๐๐๐ ๐๐ฃ ๐จ๐ ๐ข๐๐ ๐ฝ๐๐ฃ๐ช๐๐๐ฉ๐๐ฃ ๐จ๐๐ฃ๐ ๐ข๐๐ ๐ผ๐ฅ๐ค๐จ๐ฉ๐ค๐ก๐๐จ (12:8-11)
Sang gab-i sa wala pa si Pedro mapaatubang ni Herodes sa mga tawo, si Pedro nagtulog nga nagapos sang duha ka kadena sa tunga sang duha ka soldado, samtang may mga gwardya nga nagabantay sa pwertahan sang bilanggoan. Sa hinali, ang anghel sang Ginuo nagtindog didto kag ang selda napuno sang kapawa. Gintapik sang anghel si Pedro sa kilid kag ginpukaw sia sa pagsiling, "Dali, bangon!" Kag ang mga kadena nahulog halin sa iya mga kamot. Dayon ang anghel nagsiling, "Magwag-kos ka kag magsuksok sang imo sandalyas." Gintuman ini ni Pedro. Ang anghel nagsiling pa sa iya, "Magkunop ka kag magsunod sa akon." Si Pedro nagsunod sa iya tubtob sa gua, apang wala sia makatalupangod nga matuod nga nagakatabo ang ginahimo sang anghel; abi niya nakakita sia sang palanan-awon. Naglabay sila sa nahauna kag sa ikaduha nga mga gwardya kag nakalambot sila sa pwertahan nga salsalon padulong sa siudad, nga nagbukas sa kaugalingon sini para sa ila kag naggua sila. Sang nagalakat sila sa dalan, sa hinali ang anghel nagbiya sa iya. Sadto nga tion si Pedro naumpawan kag nagsiling, "Nahibaloan ko na karon nga matuod gid nga ginpadala sang Ginuo ang iya anghel sa pagluwas sa akon sa kamot ni Herodes kag sa tanan nga luyag himuon sang mga Judio sa akon." Ang Pulong sang Dios.
Ang Pulong sang Dios.
Pagpamalandong
Ang Dios nagluwas kay San Pedro sa bilanggoan; si San Pablo nagsalig sa Dios sa pagluwas sa iya pagkalunod sang mga pila ka bes sa dagat.
V. Himaya sa Amay, kag sa Anak, kag sa Espiritu Santo.
R. SILING SA GINSUGORAN, KARON KAG SA GIHAPON, SA MGA TUIG SANG MGA KATUIGAN. AMEN.
O San Pedro kag San Pablo, buligi kami sa pagsalig sa Dios, bisan indi namon klaro nga makita kag mahangpan kon ano ang Iya pagbuot sa amon palaabuton. AMEN.
PANGAMUYO SA PAGTAPUS
O San Pedro kag San Pablo, mahimayaon nga mga Apostoles ni Kristo, igampo mo kami sa atubang sang amon Ginuo. Hatagi kami sang grasya sa paghigugma sa Iya adlaw-adlaw kag mangin himpit sa Iya tubtob sa katapusan. Kabay nga paagi sa inyo mga pag-ampo, amon maambit ang kalipay sang langitnon nga Ginharian nga sa diin kamo na nagapuyo sa himaya. AMEN.
Kabay nga ang Diosnon nga bulig magpabilin sa aton sa gihapon, kag kabay ang mga kalag sang mga matutom nga nagtaliwan paagi sa kaluoy sang Dios magpahuway sa ila sa paghidait nga dayon. AMEN.
PAGBENDISYON
Paagi sa mga pag-ampo ni San Pedro kag San Pablo, kabay nga pakamaayuhon kamo sang Makagagahom nga Dios, sa ngalan sang Amay, โ kag sang Anak, kag sang Espiritu Santo. AMEN.
