Nur Ar-Rayyan Masjid, Madrasah & Learning Center

11/08/2026

📢 Assalamu alaykom Warahmatullahi Wabarakaatuho 🕌

Mga Mahal naming mga magulang at mga kapatid sa Islām, muli po namin kayong inaanyayahan na makiisa sa ating Ṣalātul Jumuʿah at makinig sa mahalagang Khutbah na magsisilbing paalala at gabay sa ating buhay bilang mga Muslim.

🤲 Paksa: “ANG PAGTITIIS SA PANAHON NG PAGSUBOK”

🎙️ Khateeb / Speaker:
Ust. MUHAMMAD ASOMBRADO

Sa buhay, hindi natin maiiwasan ang mga pagsubok, hirap, pangamba at mga bagay na hindi natin inaasahan.

Ngunit bilang mga mananampalataya, tayo ay tinuturuan ng Islām na harapin ang mga ito nang may ṣabr (pagtitiis), pagtitiwala sa Allah, at pananatiling matatag sa pananampalataya.

📖 Ang bawat pagsubok ay may karunungan at maaaring maging daan upang higit tayong mapalapit sa Allah at madagdagan ang ating gantimpala, kung ito ay ating haharapin nang may pagtitiis at pagsunod sa Kanya.

Kaya naman, mga minamahal na kapatid, halina't sama-sama nating pakinggan ang paalalang ito at alamin kung paano dapat harapin ng isang Muslim ang mga pagsubok ng buhay nang may ṣabr, tawakkul, at matibay na īmān.

🕌 Inaanyayahan po namin ang lahat ng ating mga kapatid na dumalo sa Jumuʿah at makinabang sa Khutbah.

بارك الله فيكم، وجزاكم الله خيرًا. 🤲

09/08/2026

Assalāmu ʿalaykum wa rahmatullāhi wa barakātuh!

Alhamdulillāh, sa pahintulot ng Allah ﷻ,
ang Nur Ar-Rayyan Masjid, Madrasah & Learning Center ay malugod po na nag-aanyaya sa ating mga kapatid sa Islaam, mga bagong yakap sa Islaam, mga magulang, pamilya, at mga kaibigan na dumalo sa aming gaganaping ISLAMIC SYMPOSIUM. 🤍

Isang natatanging pagkakataon upang matuto, makinig, magtanong, at higit na makilala ang marangal na mensahe ng Islām—lalo na para sa ating mga kapatid na bagong Muslim at sa mga nagnanais na higit pang maunawaan ang Islām.

📖 TEMA:
“From Discovering Islām to Building a Strong Faith”
“Mula sa Pagkilala sa Islām tungo sa Pagpapatatag ng Matibay na Pananampalataya.”

🎙️PANAUHING TAGAPAGSALITA:

🌿 Sheikh Al-Hafiz Bautista
📌 Paano Patatagin ang Īmān (Pananampalataya) ng Isang Bagong Muslim

📅 August 21, 2026 — Biyernes

🕌 1:00 PM to 3:30 PM — Pagkatapos ng Khutbah

📍 Nur Ar-Rayyan Masjid Prayer Hall
Rosal St, Sittio Old Boso-boso, Brgy San Jose, Antipolo city, Rizal Provice

🤲 Inaanyayahan po namin kayong makiisa.

Dalhin ang inyong pamilya, mga magulang, mga kaibigan, at mga kapatid na nais matuto at higit na makilala ang Islām.

Ang kaalaman ay liwanag, at ang paggabay ay biyaya mula sa Allah.

Maaaring ang simpleng pagdalo natin sa isang pagtitipon ay maging dahilan upang may isang puso na higit na makilala ang katotohanan at mapalapit sa Allah. 🤍

Tara, sama-sama tayong matuto, magpalakas ng Īmān, at magtulungan sa kabutihan.

Everyone is warmly welcome!

أَهْلًا وَسَهْلًا وَمَرْحَبًا بِكُمْ جَمِيعًا

📖 TEMA:
“Join Us in Discovering Islam”
“Halina’t Tuklasin ang Islam”

🎙️ PANAUHING TAGAPAGSALITA:

🌿 Sheikh Kashmir Abubakar
📌 Bakit Pinili ng mga Balik-Islām ang Relihiyong Islām

📅 August 21, 2026 — Biyernes

🌙 8:30 PM to 9.30 PM — Pagkatapos ng ʿIshā’

📍 3KO Farm Resort, Kaysakat St., Sittio Kaysakat, Brgy. San Jose, Antipolo City, Rizal Province

A Dawah and Symposium activity for Non-Muslim in a certain company based in Antipolo City.

Sabay sabay po tayong mag Du’a at manalamgin na maparating natin ng maliwanag at matiwasay ang Islam bilang parte ng ating gampanin na sumusunod, tumatalima at naglilingkod sa nagiisang tunay na Diyos, si Allah (SWT).

Jazākumullāhu khayran, at hinihintay namin kayo, in shā’ Allāh. 🤍

04/08/2026

🕌 Assalamu Alaykum warahmatullahi Wabarakaatuho

Muli po naming inaanyayahan at pinapa alalahanan ang aming mga mahal na magulang at mga kapatid sa Islam na dumalo sa Ṣalātul Jumu'ah at makinig sa mahalagang khutbah na magpapaalala sa atin ng mga biyayang ipinagkaloob ni Allah at kung paano natin ito dapat ipakita nang may pasasalamat at pagsunod.

🎙️ Khateeb: Ust. Abdurrahman Omalay

📖 Paksa: "Tunay na minamahal ni Allah na makita ang bakas ng Kanyang biyaya sa Kanyang alipin."

Huwag nating palampasin ang dakilang pagtitipong ito. Dumating nang maaga, makinig nang mabuti sa khutbah, at samantalahin ang mga pagpapala ng araw ng Jumu'ah.

🤲 Nawa'y tanggapin ni Allah ﷻ ang ating mga pagsamba, patawarin ang ating mga kasalanan, at gawin tayong kabilang sa Kanyang mga alipin na mapagpasalamat. Āmīn.

04/08/2026

🕌 السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

Khateeb: Ustadh Amin Kandulit

📖 Paksa: "Ang Makakasama ng mga Taong Hindi Nagsasalah sa Kabilang Buhay."

Ang Ṣalāh ang haligi ng Islam at isa sa unang tatanungin sa Araw ng Paghuhukom. Huwag nating hayaang maging dahilan ng ating kapahamakan ang pagpapabaya rito.

Inaanyayahan namin ang aming mga minamahal na magulang at mga kapatid sa Islam na panoorin ang maikling khutbah na ito, pagnilayan ang mga paalala, at isabuhay ang kahalagahan ng pagpapanatili ng ating mga salah.

🤲 Nawa'y gawin tayo ni Allah ﷻ na kabilang sa mga nagpapanatili ng kanilang ṣalāh at ilayo tayo sa anumang magdudulot ng Kanyang p**t at kaparusahan.

﴿فَوَيْلٌ لِّلْمُصَلِّينَ ۝ الَّذِينَ هُمْ عَنْ صَلَاتِهِمْ سَاهُونَ﴾
"Kaya kapahamakan sa mga nagsasalah, yaong mga nagpapabaya sa kanilang salah."
(Surah Al-Mā'ūn: 4–5)

📲 Panoorin, ibahagi, at ipalaganap ang kabutihan. May Allah ﷻ gantimpalaan tayong lahat.

03/08/2026

Ang kwento sa likod ng QurAn Tagalog App at marami pang Applications sa Android and iOS user na pinapakinabangan ng daan-daang libong Muslim-Filipinos sa buong mundo..

Enjoy the videos and music you love, upload original content, and share it all with friends, family, and the world on YouTube.

01/08/2026

BISMILLAHIR RAHMANIR RAHIM 🕌✨

​Assalamu alaykom warahmatullahi wabarakatuh,

Muli po naming ​Ibinabahagi ang opisyal na Prayer Time Table ng ating Masjid para sa gabay ng lahat.

Ang bawat takdang oras ng Salah ay isang direktang imbitasyon at tawag mula sa Allah ﷻ upang iwanan muna natin ang abala ng dunya at Isagawa ang obligadong pag sa salah ng bawat isa saating mga muslim.

​Ipinaaalala ng Allah sa Banal na Qur'an:

( ​إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا)

" Katotohanan, ang pagdarasal ay [isang tungkulin na] itinagubilin para sa mga pananampalataya sa mga itinakdang oras nito"
(Surah An-Nisa 4:103)

​Huwag po nating hayaan na malipasan tayo ng oras nang hindi natutugunan ang ating obligasyon. Sama-sama nating buhayin ang ating masjid sa pamamagitan ng pagdarasal ng Jama'ah (sama-sama). Ang bawat hakbang patungo sa masjid ay may kalakip na kapatawaran at gantimpala.

​📌 Paalala: Maaari ninyong i-save ang larawang ito o i-share sa inyong mga pamilya at kaibigan upang maging daan din kayo ng paalala sa iba.

​Nawa'y panatilihing buhay ng Allah ang ating mga puso sa pag-alala sa Kanya. Amin. 🤲

31/07/2026

28/07/2026

🕌 ASSALĀMU 'ALAYKUM WA RAḤMATULLĀHI WA BARAKĀTUH 🕌

Kami po ay muling na nag-aanyaya at nag papa alala sa aming mga minamahal na magulang at mga kapatid sa Islām na dumalo sa Ṣalātul Jumu'ah at makinig sa mahalagang khutbah tungkol sa kahalagahan ng pagsasalah at sa panganib na dulot ng pagpapabaya at pag-iwan dito.

📖 Paksa: "Ang Makakasama ng Taong Hindi Nagsasalah sa Kabilang Buhay"

🎙️ Khateeb: Ust. Amin Kandulit

﴿وَأَقِيمُوا الصَّلَاةَ﴾
"At panatilihin ninyo ang pagsasalah."
(Al-Baqarah: 43)

Ang Salah ang haligi ng ating pananampalataya at ang unang ibibilang sa Araw ng Paghuhukom.

Huwag nating hayaang maging dahilan ang anumang abala upang mapabayaan ang obligasyong ito.

🤲 Naway mapabilay tayo sa makakapa pag sagawa ng Salaatul Jumuah at sasamantalahin ang dakilang biyaya ng araw ng Jumu'ah.