The Ministry of Jesus Christ Our Lord & Saviour Church

The Ministry of Jesus Christ Our Lord & Saviour Church THE MINISTRY OF JESUS CHRIST OUR LORD & SAVIOUR

FOUNDED ON SEPTEMBER 1997

MISSION:

Mark 16:15
"Go into all the world and preach the good news to all creation."

29/05/2026

‎
‎Magandang Umagang pinuspos Ng Banal na Espiritu.
‎
‎
‎📖Efeso 4:25
‎25 Dahil dito, itakwil na natin ang pagsisinungaling at tayong lahat ay magsabi ng totoo sa isa't isa, sapagkat tayo'y bahagi ng iisang katawan.
‎
‎31 Alisin na ninyo ang lahat ng sama ng loob, p**t at galit; huwag na kayong mambubulyaw, manlalait at mananakit ng damdamin ng kapwa.
‎
‎ 32 Sa halip, maging mabait kayo at maawain; magpatawad kayo sa isa't isa tulad ng pagpapatawad sa inyo ng Diyos dahil kay Cristo.
‎
‎💐Ang Banal na Espiritu sa ating puso Ang nagbibigay sa atin Ng kakayahan na mag-ibigan at maging mabuti sa kapwa.
‎
‎💐Pakinggan ang Banal na Espiritu sa Araw na ito Kapatid.

26/05/2026

‎Umagang kayasarap damhin ng Pag-Ibig Ng Diyos. Nalulugod Siya sa taong tapat at mabuti Ang kalooban.
‎
Kawikaan 12:13-16
‎13 Ang masama ay nahuhuli sa salita ng kanyang bibig,
‎ ngunit ang matuwid ay malayo sa ligalig.
‎14 Ang kakamtin ng tao ay batay sa gawa o salita,
‎ bawat isa ay tatanggap ng karampatang gantimpala.
‎15 Ang akala ng mangmang ay siya lamang ang tama,
‎ ngunit handang tumanggap ng payo ang taong may unawa.
‎16 Ang pagkainis ng mangmang kaagad nahahalata,
‎ ngunit ang mga matatalino, di pansin ang pagkutya.
‎
‎ 💕A thankful heart to the Lord creates a good heart.
‎💕Be good, Kapatid.
‎

25/05/2026

📖 Awit 3:3-5
‎3 Ngunit ikaw, Yahweh, ang aking sanggalang,
‎binibigyan mo ako ng tagumpay at karangalan.
‎4 Tumatawag ako kay Yahweh at humihingi ng tulong,
‎sinasagot niya ako mula sa banal na bundok. (Selah)
‎5 Ako'y nakakatulog at nagigising,
‎ buong gabi'y si Yahweh ang tumitingin.
‎
‎🌻Anumang hamon Ang kaharapin sa Buhay, kung patuloy Ang pagtawag natin Kay Yahweh, Tayo ay magtatagumpay.
‎
‎🌻Ang pagtulog at paggising ay biyayang sa Diyos nanggagaling.
‎
‎🌻Kapayapaan Mula sa Diyos Ang sumaiyo.

23/05/2026

‎Magandang Umaga. Ang tunay na kalayaan ay nakakamit ng bawat mananampalataya.
‎
2 Corinto 3:17 Ang Panginoong binabanggit dito ay ang Espiritu, at kung nasaan ang Espiritu ng Panginoon ay mayroong kalayaan.
‎
‎Salamar po Panginoon sa tinatamasa naming kalayaan. Salamat Po Banal na Espiritu na nagtuturo sa amin na piliin ang tama at iwasan ang mali.

18/05/2026

‎✌🏻Kapayapaan sa Sambahayan✌🏻
‎
Herbreo 3:12-14
‎
12 Mga kapatid, ingatan ninyong huwag magkaroon ang sinuman sa inyo ng pusong masama at walang pananampalataya, na siyang maglalayo sa inyo sa Diyos na buháy.
‎
13 Sa halip, magpaalalahanan kayo araw-araw, habang ang panahon ay matatawag pang “Ngayon” upang walang sinumang madaya sa inyo ng kasalanan at sa gayo'y maging matigas ang puso.
‎
14 Sapagkat tayong lahat ay kasama ni Cristo sa gawain, kung mananatiling matatag hanggang sa wakas ang ating pananalig na ating ipinakita noong tayo'y unang sumampalataya.
‎
‎💕araw-araw na manalig sa Diyos
‎💕Have a blessed day Kapatid

12/05/2026

‎Umagang may panibagong lakas Mula sa Diyos.
‎
‎GALACIA 6:9,10
‎9 Kaya't huwag tayong mapagod sa paggawa ng mabuti sapagkat pagdating ng takdang panahon tayo ay aani kung hindi tayo susuko.
‎
10 Kaya nga, basta may pagkakataon ay gumawa tayo ng mabuti sa lahat ng tao, lalo na sa mga kapatid natin sa pananampalataya.
‎
👉‎Sa ating pagpapalaganap ng Mabuting Balita ng Diyos, maraming mga pangyayari na maaring magpawalang gana sa atin lalo pa kung ang mga taong minamahal natin ay hindi Naman nakikinig o matitigas ang ulo. Payo Ng Diyos na HUWAG SUSUKO, upang Tayo ay matagumpay sa itinakdang panahon.
‎
‎💐Makinig, magtiwala sa Diyos
‎💐sa pagtitiwala, nagkakaroon ng bagong lakas.
‎

11/05/2026

‎
‎Magandang Paggising.
‎
‎Ang katotohanan ng Buhay.
‎
‎Isaias 40:7 -8
‎Natutuyo ang damo, kumukupas ang mga bulaklak, kapag sila'y mahipan ng hanging mula kay Yahweh. Tunay ngang ang tao ay tulad ng damo.
‎8 Oo, ang damo'y nalalanta, at kumukupas ang mga bulaklak, ngunit ang salita ng ating Diyos ay mananatili magpakailanman.”
‎
‎👉Mahalagang maunawaan ang katotohanan hangga't Maaga upang hindi masayang Ang ating buhay sa Mundo.
‎ 👉Matapos Ng maiklong Buhay sa Mundo, ay Ang walang Hanggang Buhay.
‎👉Ihanda Ang Sarili para sa walang Hanggang Buhay, dakilain Ang mga Salita Ng Diyos!
‎
‎💐Panginoon, dakilain ka!
‎Patawad sa aking mga pagpapawalang bahala. Ngayong Araw nawa ay ipagkatiwala ko sa Inyo, salamat Po sa Inyong pagpapala.

04/04/2026

‎🙏Holy Saturday🙏
‎🌹Ang Pagtulong sa Kapwa🌹
‎
Mateo 6:1,4,21
‎
‎1“Pag-ingatan ninyong hindi pakitang-tao ang pagtupad ninyo sa inyong mga tungkulin sa Diyos. Kapag ganyan ang ginawa ninyo, wala kayong matatamong gantimpala buhat sa inyong Ama na nasa langit.
‎
‎4 Gawin mong lihim ang iyong pagbibigay ng limos at ang iyong Ama na nakakakita ng kabutihang ginagawa mo nang lihim ang siyang magbibigay ng gantimpala sa iyo.”
‎
21 Sapagkat kung saan naroroon ang iyong kayamanan, naroroon din ang iyong puso.”
‎
‎👉Lubos na minamahal tayo ng Diyos. Ang pagkatawang=tao ng Diyos Anak ay kinailangan upang ialay ang sarili sa ikatutibos ng ating mga kasalanan. Ang Banal Niyang pagkatao ay sapat na upang Tayo ay matubos.
‎
‎👉Itinuro Ng Panginoong Jesus na tayo ay magmahalan. Isang paraan ay pagtulong sa mga nangangailangan. Nais Niya na bukal din sa ating puso angg mga ginagawa natin para sa kapwa. Ang mga mabuti nating gawa na hindi ipinagmamayabang ay kinalulugod Ng Diyos .
‎
‎🙏Ama naming Diyos, salamat po sa paglilinis ng aking puso. Nawa maging bukal lagi sa aking puso ang pagbibigay ko ng tulong.

02/04/2026

‎🙏"Holy Thursday"🙏
‎🪻The Gift of Communion🪻
‎
‎📖1 Corinto 11:23-26
‎ 23 Sapagkat ito ang turo na tinanggap ko mula sa Panginoon at ibinigay ko naman sa inyo: noong gabing siya'y ipagkanulo, ang Panginoong Jesus ay dumampot ng tinapay,
‎24 nagpasalamat at pinagpira-piraso iyon, at sinabi, “Ito ang aking katawan na inihahandog para sa inyo. Gawin ninyo ito bilang pag-aalaala sa akin.”
‎25 Matapos maghapunan, dumampot din siya ng kopa at sinabi, “Ang kopang ito ang bagong tipan na pinagtitibay ng aking dugo. Tuwing iinumin ninyo ito, gawin ninyo bilang pag-aalaala sa akin.”
‎ 26 Sapagkat tuwing kakain kayo ng tinapay na ito at iinom sa kopang ito, ipinapahayag ninyo ang kamatayan ng Panginoon hanggang sa kanyang muling pagparito.
‎
‎🩷Ang Pag-ibig Ng Diyos ay Dakila! Ang literal na pagpira-piraso Niya Ng tinapay at pag-inom sa kopa ay ang espirituwal Niyang pagpapahayag ng Kanyang kamatayan at pagliligtas sa atin. Ito ay Kilala natin sa tawag na "Holy Supper", "Banal na Komunyon" o "Santa Cena"
‎🩷 Tuwing ginagawa natin ito nang may pananampalataya, lagi natin naalala ang pag-aalay ni Jesus ng sariling buhay para sa atin.
‎🩷Sinabi rin ni Pablo sa sulat niya sa mga Taga-Corinto, "ang kamatayan ng Panginoon hanggang sa kanyang muling pagparito" Ang nag-iisang Diyos sa persona ng Ama ay Espiritu at hindi nakikita, ngunit sa pagmamahal Niya sa atin, ang persona ng Anak ay nagkatawang tao, literal na nagdusa, namatay, at muling nabuhay, umakyat sa Langit, at ngayon, literal na hinihintay at makikita ng mga mata natin ang pagbabalik ng Anak na minsa'y nagkatawang tao dahil sa Pag-ibig Niya sa atin.
‎🩷Ang Panginoon na si Jesus ay muling magbabalik, lagi nating ipagdiwang ang Kanyang pag-ibig sa atin sa pamamagitan ng Komunyon, kasama Ng kapwa mananampalataya. Ang pagliligtas sa atin ay naganap na, kailangan lang natin ng pananampalataya sa ating Diyos. Si Jesus ay Diyos, nagkatawang tao dito sa lupa, umakyat sa Langit at ibinalik ang kadakilaan at kaluwalhatian ng Diyos na minsa'y hinubad, at muling magbabalik. Ibigay Ang nararapat na pagsamba sa ating Diyos!
‎
‎

30/03/2026

‎🙏Holy Tuesday 🙏
‎🪻Panatagin Ang Kalooban 🪻

‎Exodo 14:13-14
‎
‎13 Sumagot si Moises, “Lakasan ninyo ang inyong loob; huwag kayong matakot. Tingnan na lang ninyo kung paano kayo ililigtas ngayon ni Yahweh. Hindi na ninyo muling makikita ang mga Egipciong iyan.
14 Ipagtatanggol kayo ni Yahweh, pumanatag lamang kayo.”
‎
‎👉Ito ang winika ni Moses sa mga Israel sa gabay ni Yahweh nang sila ay naharap sa nakatatakot na situwasyon. Inabutan sila ni Faraon at ng kanyang mga kawal sa baybay ng dagat upang ibalik sa Ehipcio. Nagkaroon ng tensyon sa pagitan ng pananaw ng mga Israelita at sa pananaw ni Moses. Inakala nilang sila ay lulupilin at papatayin, ngunit ang plano ng Diyos ay ipakita ang Kanyang kapangyarihan at iligtas sila.

‎👉At gayun nga ang nangyari, iniligtas ng Diyos ang mga Israelita. Nilupig Niya si Faraon at mga kawal, nilamon sila ng dagat.
‎
‎💕 Ang plano ng Diyos ay laging mabuti, hindi man natin maintindihan lahat, magtiwala Tayo sa Kanya. Magkaroon tayo ng maka-Diyos na pananaw.

Address

#109 (Phase III) Siruna Village, Mambugan, Antipolo City, Rizal
Antipolo
1870

Telephone

+63285679672

Website

Alerts

Be the first to know and let us send you an email when The Ministry of Jesus Christ Our Lord & Saviour Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category