https://www.youtube.com/channel/UC92e_zizoOlq7vd0QXiFFGw

God's People Ministries Foundation Inc., Road 2 Malachi Street, Inday Subdivision, Brgy. San Jose, Antipolo (2026)

25/05/2026

Martes. 05/26/26

PAGNILAYAN NATIN:

Ang matuwid na landas ay patungo sa buhay, ngunit ang maling daan ay hahantong sa kamatayan.
Kawikaan 12:28

SAAN KA DADAAN?

Ang bawat tao ay binigyan ng Diyos ng kalayaang pumili, ang dumaan sa matuwid na landas na gumagawa at lumalaban ng parehas o ang dumaan sa maling landas na baluktot at di makatarungan. Nais ng Diyos na piliin natin ang dumaan sa matuwid.

1. MAG-INGAT SA PAGPILI.
May daang matuwid sa tingin ng tao, ngunit kamatayan ang dulo nito.
Kawikaan 14:12

2. PILIIN ANG DAAN NG BUHAY.
Saksi ko ang langit at ang lupa na ngayo'y inilahad ko sa inyo ang buhay o kamatayan, at ang pagpapala o sumpa. Kaya, piliin ninyo ang buhay para kayo at ang inyong lahi ay mabuhay ng matagal.
Deutoronomio 30:19

3. SI JESUS ANG DAAN NG
BUHAY.
Sumagot si Jesus, "Ako ang daan, ang katotohanan, at ang buhay. Walang makakapunta sa Ama kundi sa pamamagitan ko."
Juan 14:6

Paghimok,
"Pumasok kayo sa makipot na pintuan. Sapagkat maluwang ang pintuan at malapad ang daang papunta sa kapahamakan, at ito ang dinaraanan ng marami. Ngunit makipot ang pintuan at makitid ang daang papunta sa buhay, at kakaunti ang nakakatagpo niyon."
Mateo 7:13-14

Panalangin,
Ama namin, turuan mo po kaming piliin ang tama sa lahat ng aming pagpapasya at bigyan mo po kami ng karunungan upang mahayag sa amin ang katotohanan at ito ang aming lalakaran araw-araw. Ito po ay aming dalangin sa pangalan ni Jesu-Cristo, amen.

Purihin ang Panginoong Jesus!

22/05/2026

Sabado. 05/23/26

PAGNILAYAN NATIN:

"Itanim nga ninyo ang mga utos na ito sa inyong mga puso't kaluluwa."
Deuteronomio 11:18a

ITAGO, INGATAN AT ITANIM

Ang salita ng Diyos ay may tamang kinalalagyan sa ating katauhan at ito ay dapat na manahan sa ating mga puso. Ang puso ang sentro ng ating pagkatao kaya't nararapat lamang na ang salita ng Diyos ang siyang manirahan upang tayo ay pangunahan at maranasan ang buhay na ninanais ng Diyos para sa atin.

1. ITAGO SA PUSO UPANG ANG
KALOOBAN NIYA'Y MASUNOD.
"Ang nais kong sundi'y iyong kalooban; aking itatago sa puso ang aral."
Awit 40:8

2. INGATAN SA PUSO UPANG
DI MAGKASALA SA DIYOS.
"Ang banal mong kautusa'y sa puso ko iingatan, upang hindi magkasala laban sa iyo kailanman."
Awit 119:11

3. ITANIM SA PUSO UPANG
PAGPAPALA AY DUMALOY.
"At ang katulad naman ng binhing nahasik sa matabang lupa ay ang mga taong dumirinig at umuunawang mabuti sa mensahe, kaya't ito ay namumunga nang sagana, may tig-iisandaan, may tig-aanimnapu, at may tig-tatatlumpu."
Mateo 13:23

Paghimok,
Ipinapakita ninyo na kayo ay sulat ni Cristo na ipinadala niya sa pamamagitan namin, hindi nakasulat sa tinta, kundi isinulat ng Espiritu ng Diyos na buhay, at hindi sa mga tapyas na bato kundi nakaukit sa puso ng mga tao.
2 Corinto 3:3

Panalangin,
Ama namin, maingatan nawa namin ang mga salita mo sa aming mga puso upang makapamuhay kami nang hindi sa salita lamang kundi may kalakip na pagkilos o paggawa. Maghari ka O Diyos sa aming mga puso. Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

21/05/2026

Biyernes. 05/22/26

PAGNILAYAN NATIN:

Anuman ang ginagawa mo'y pagbuhusan mo ng iyong buong makakaya sapagkat sa daigdig ng mga patay na kasasadlaksn mo ay wala kang gagawin, ni pag-iisipan man, ni pagbubuhusan ng kaalaman o karunungan.
Mangangaral 9:10

PAGBUHUSAN MO

Ang buhay sa mundo ay pansamantala lamang at lahat tayo ay hahantong sa kamatayan. Huwag nating sayangin ang bawat pagkakataon na ibinibigay sa atin ng Diyos upang gawin kung ano ang tama, mabuti at makapagbibigay ligaya sa atin at sa ating kapwa na ayon sa kanyang kalooban. Ibuhos mo na kung ano ang iyong makakaya.

1. PAGBUHUSAN MO NG
ORAS ANG PANGINOON...Nakikiusap kami sa inyo na huwag ninyong sayangin ang kagandahang-loob na ibinibigay sa inyo ng Diyos. Sapagkat sinasabi niya, "Sa kaukulang panahon ay pinakinggan kita, sa araw ng pagliligtas, sinaklolohan kita." Ngayon na ang kaukulang panahon! Ito na ang araw ng pagliligtas!
2 Corinto 6:1-2

2. PAGBUHUSAN MO NG
LAKAS ANG PANGINOON.
Alalahanin mo siya bago humina ang iyong katawan, bago manghina ang iyong bisig, bago mawalan ng lakas ang iyong mga tuhod.
Mangangaral 12:3

3. PAGBUHUSAN MO NG
YAMAN ANG PANGINOON.
At nagpatuloy si Jesus sa pagsasalita, "Kaya't sinasabi ko sa inyo, gamitin ninyo ang kayamanan ng mundong ito sa paggawa ng mabuti sa inyong mga kapwa upang kung maubos na iyon ay tanggapin naman kayo sa tahanang walang hanggan."
Lucas 16:9

Paghimok,
Kaya't huwag tayong mapapagod sa paggawa ng mabuti sapagkat pagdating ng takdang panahon tayo ay aani kung hindi tayo susuko. Kaya nga, basta may pagkakataon ay gumawa tayo ng mabuti sa lahat ng tao, lalo na sa mga kapatid natin sa pananampalataya.
Galacia 6:9-10

Panalangin,
Ama namin, turuan mo po kaming maibuhos ang aming oras, lakas, at yaman sa ikauunlad ng iyong gawain at sa pagtulong sa aming kapwa habang kami ay buhay pa. Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

19/05/2026

Miyerkules. 05/20/26

PAGNILAYAN NATIN:

"Ang buhay ng tao'y maikli lamang, subalit punong-puno ng kahirapan. Tulad ng bulaklak na namumukadkad, nalalanta at nalalagas, parang aninong nagdaraan, naglalaho at napaparam."
Job 14:1-2

MAIKLI LANG ANG BUHAY

Hindi natin maaaring ipagmalaki ang lahat nang ating narating sa buhay na ito. Maikli lamang ang buhay kaya't mainam na gamitin natin ayon sa ninanais ng Diyos at di ayon sa ating lakas, kakayahan, kapangyarihan, kayamanan at iba pa.

1. ANG BUHAY AY KATULAD
NG ULAP.
Tulad ng ULAP na napapadpad at naglalaho, kapag namatay ang tao, di na siya makakabalik sa mundo.
Job 7:9

2. ANG BUHAY AY KATULAD
NG ANINO.
Buhay nati'y maikli lang, at kaalaman nati'y kulang; parang ANINO lamang tayong dumaan sa ibabaw ng sanlibutan.

3. ANG BUHAY AY KATULAD
NG DAMO.
Ang buhay ng mga tao'y parang DAMO ang katulad, sa parang ay lumalago na katulad ay bulaklak; nawawala't nalalagas, kapag ito'y nahanginan, nawawala na nga ito at hindi na mamamasdan.
Awit 103:15-16

Paghimok,
Buhay nami'y umaabot ng pitumpung taong singkad, minsan nama'y walumpu, kung kami'y malakas; ngunit buong buhay namin ay puno ng dusa't hirap, pumapanaw pagkatapos, dito sa sangmaliwanag. Dahil itong buhay nami'y maikli lang na panahon, itanim sa isip namin upang kami ay dumunong.
Awit 90:10,12

Panalangin,
Ama namin, maraming salamat po sa biyaya na kami ay umiral sa mundong ito, tulungan mo po kami na masunod ang nais mo habang kami ay naririto pa sa mundo.
Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

18/05/2026

Martes. 05/19/26

PAGNILAYAN NATIN:

Ang taong baluktot ang isipan ay naghahasik ng kaguluhan, at sinisira naman ng tsismis ang magandang samahan.
Kawikaan 16:28

UMIWAS SA KAGULUHAN

Si haring Solomon ayon sa karunungang ibinigay sa kanya ng Diyos ay nagpapaalala sa atin na maging maingat sa pagsasalita. Kung wala ka namang magandang sasabihin ay huwag gumawa ng kuwento at ang mainam ay manahimik ka na lamang upang di makasira sa buhay ng iba.

1. HUWAG MASALITA KUNG
WALA KANG ALAM.
Mas mabuti ang mahirap na marangal ang pamumuhay, kaysa taong masalita ngunit walang nalalaman.
Kawikaan 19:1

2. MAG-ISIP KA MUNA
BAGO KA MAGSALITA.
Mabuti nang di hamak ang hangal kaysa taong ang sinasabi'y hindi na pinag-isipan.
Kawikaan 19:20

3. HUWAG KANG MAKINIG
SA KASINUNGALINGAN.
Ang taong masama ay nakikinig sa payo ng masama, at ang sinungaling ay sumusunod sa baluktot na dila.
Kawikaan 17:4

Paghimok,
Kapag masama ang iginanti sa mabuting ginawa, ang kapahamakan sa buhay ay di mawawala. Ang humahatol sa walang kasalanan at ang umaayon sa kasamaan kay Yahweh ay kapwa kasuklam-suklam.
Kawikaan 17:13,15

Panalangin,
Ama namin, patawarin mo po kami sa mga sandali na kami ay nakapagsalita ng masama sa aming kapwa, turuan mo po kaming pigilan ang aming bibig sa pagsasalita ng masama at panghuhusga sa aming kapwa.
Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

18/05/2026

𝗙𝗮𝗶𝘁𝗵 𝗮𝘁 𝗛𝗼𝗺𝗲 | All of us have been praying to make our families part of the ministry. It is our deepest desire, and maybe it's even on your prayer list right now. But as we desire to bring them into this servanthood, we must check ourselves first. What we believe affects how we act, and our actions shape how other people, especially our family, perceive us. Be the example. Lead them to the best Example—JESUS.

1. Choose whom you will serve.
2. Remember God's faithfulness.
3. Acknowledge God's sovereignty.
4. The importance of covenant renewal.
5. The power of testimony.
6. Thee call to holiness.
7. The role of leadership.
8. The significance of witnesses.
9. The legacy of faith.
10. The assurance of God's presence.

“And if it is evil in your eyes to serve the Lord, choose this day whom you will serve, whether the gods your fathers served in the region beyond the River, or the gods of the Amorites in whose land you dwell. But as for me and my house, we will serve the Lord.””
‭‭Joshua‬ ‭24‬:‭15‬ ‭ESV‬‬

18/05/2026

Lunes 05/18/26

PAGNILAYAN NATIN:

" Mahal kayo ng Ama sapagkat ako'y minahal ninyo at naniwala kayo na ako'y nagmula sa Diyos."
Juan 16:27

ANG PAGMAMAHAL NG AMA

Kung mayroon mang ama na lumimot sa kanyang anak, ang ating Ama sa langit ay hindi makakalimot sa kanyang itinuturing na anak.
Kalikasan ng ating Ama sa langit ang magmahal.

Ilan sa mga gawain ng ating mapagmahal na Ama sa kanyang mga anak.

1. NAHAHABAG
Kung paanong nahahabag ang ama sa anak niya, gayon siya nahahabag sa may takot sa kanya.
Awit 103:13

2. NAGDIDISIPLINA
"Sinasaway ko't pinapalo ang lahat ng aking minamahal. Kaya't maging masigasig ka! Pagsisihan mo't talikuran ang iyong mga kasalanan."
Pahayag 3:19

3. NAGBIBIGAY
Magagawa ng Diyos na pasaganain kayo sa lahat ng bagay, at higit pa sa inyong pangangailangan, upang sumagana kayo para sa mabubuting gawa.
2 Corinto 8:9

Paghimok,
Sapagkat natitiyak kong walang makapaghihiwalay sa atin sa kanyang pag-ibig...na ipinagkaloob sa atin ng Diyos sa pamamagitan ni Cristo Jesus na ating Panginoon.
Roma 8:38-39

Purihin ang Panginoong Jesus!

17/05/2026

Welcome to our online Sunday service! Come and join us as we give thanks and praises to our Lord Jesus Christ!

Sunday Fellowship Service | As For Me and My Family, We Will Serve The Lord | Bro. Edgar Padilla

𝗟𝗶𝗸𝗲 & 𝗙𝗼𝗹𝗹𝗼𝘄 𝗼𝘂𝗿 𝗙𝗕 𝗽𝗮𝗴𝗲:
https://www.facebook.com/Godspeoplemfi

COPYRIGHT DISCLAIMER: We do not own some songs played during our worship service. All credits go to the rightful owners. No copyright infringement intended.

15/05/2026

Sabado. 05/16/26

PAGNILAYAN NATIN:

Kung paanong ang katawan ay binubuo ng maraming bahagi at magkakaiba ang gawain ng mga ito, gayundin naman, kahit na tayo'y marami, nabubuo tayo sa iisang katawan ni Cristo, at tayong lahat ay bahagi ng isa't-isa.
Roma 12:4-5

BAHAGI KA NG KATAWAN NI
CRISTO

Ang isang mananampalataya kay Cristo ay tinatawag na Cristiano at nagiging bahagi ng katawan ni Cristo (iglesya). Bilang bahagi ng katawan, hindi ka dapat mawalay sa samahan at kailangan mong laging nakaugnay upang lumago at maging pakinabang sa anumang gawain ng katawan.

1. AKTIBO, MASAYA AT MAY
MALINIS NA KALOOBAN.
Araw-araw sila'y nagkakatipon sa Templo at nagpipira-piraso ng tinapay sa kanilang mga tahanan, na masaya at may malinis na kalooban.
Gawa 2:46

2. NAKIKIBAHAGI NG KALOOB
TUWING MAY PAGTITIPON.
Ganito ang ibig kong sabihin, mga kapatid. Kung sa inyong pagtitipon ay may umaawit, may nagtuturo, may naghahayag ng kalooban ng Diyos, may nagsasalita sa iba't-ibang wika, at mayroon namang nagpapaliwanawag noon, gawin ninyo ang lahat ng iyan sa ikapagpapatibay ng iglesya.
1 Corinto 14:26

3. NAKIKIISA AT HINDI SANHI
NG PAGKAKABAHA-BAHAGI.
Mga kapatid ako'y nakikiusap sa inyo, sa Pangalan ng ating Panginoong Jesu-Cristo, magkaisa kayo at huwag magkabaha-bahagi maging sa pagkaunawa at pagpapasya.
1 Corinto 1:10

Paghimok,
Huwag nating kaligtaan ang pagdalo sa ating mga pagtitipon, gaya ng nakasanayan ng iba. Sa halip, palakasin natin ang loob ng isa't-isa lalo na ngayong nakikita nating malapit na ang Araw ng Panginoon.
Hebreo 10:25

Panalangin,
Ama namin, pag-alabin mo po ang aming buhay paglilingkod sa patuloy na pagdalo at pakikiisa sa mga gawain ng iglesya. Ipaunawa mo po sa amin ang kahalagahan ng pagiging bahagi ng katawan ni Cristo. Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

14/05/2026

Biyernes. 05/15/26

PAGNILAYAN NATIN:

"Magbigay kayo at kayo'y bibigyan din; hustong takal, siksik, liglig, at umaapaw pa ang ibibigay sa inyo. Sapagkat ang panukat na ginagamit ninyo sa iba ay siya ring gagamiting panukat sa inyo."
Lucas 6:38

ANG PUSONG MAPAGBIGAY

Ang pagbibigay ay utos ng Diyos sa bawat kumikilala sa kanya. Ito ay isang panukat ng Diyos kung ano ang tunay na nilalaman ng ating puso. Tinitingnan ng Diyos kung tunay ang ating pag-ibig, pagtitiwala, pagsunod at katapatan sa kanya. Kaya't mahalaga na tama ang ating motibo sa pagbibigay.

1. NAGBIBIGAY NANG MAY
KAGALAKAN. (Cheerfully)
Ang bawat isa'y dapat magbigay ayon sa kanyang pasya, maluwag sa loob at hindi napipilitan lamang, sapagkat iniibig ng Diyos ang nagbibigay nang may kagalakan.
2 Corinto 9:7

2. NAGBIBIGAY NANG
MASAGANA.(Generously)
"Ang inilagay nila ay bahagi lamang ng kanilang kasaganaan, ngunit ang kanyang ibinigay ay ang buo niyang kabuhayan."
Lucas 21:4

3. NAGBIBIGAY NA TAMA
ANG DAHILAN.(Pure motive)
At kung ipamigay ko man ang lahat ng aking mga ari-arian at ialay ang aking katawan upang sunugin, ngunit wala naman akong pag-ibig, wala rin akong mapapala!
1 Corinto 13:3

Paghimok,
" Pag-ingatan ninyong hindi pakitang-tao ang pagtupad ninyo sa inyong mga tungkulin sa Diyos. Kapag ganyan ang ginawa ninyo, wala kayong matatamong gantimpala buhat sa inyong Ama na nasa langit."
Mateo 6:1

Panalangin,
Ama namin, turuan mo po kaming magbigay ng tama ang intensiyon o motibo ng aming mga puso. Ibinigay mo sa amin ang iyong Anak na si Jesus, kaya't matutunan namin ang magbigay ng malaya at walang pag-iimbot. Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

13/05/2026

Huwebes. 05/14/26

PAGNILAYAN NATIN:

Sa Diyos na si Yahweh, mat'yagang naghintay, ang aking panaghoy, kanyang pinakinggan.
Awit 40:1

MATUTONG MAGHINTAY

Si David ay may mga kahilingan sa Panginoon at siya ay matiyagang naghintay sa katugunan. Isang halimbawa ito na sa ating mga panalangin at pagsamo ay di dapat mainip sa halip ay matiyagang maghintay sa tugon ng ating Panginoong Diyos na nakakabatid ng pinakamabuti para sa atin.

1. ANG PAGHIHINTAY AY
NAGTUTURO NG PAGTITIIS.
Kaya't huwag kayong maging tamad. Tularan ninyo ang mga taong dahil sa kanilang pagtitiis at pananalig sa Diyos ay tumatanggap ng mga ipinangako niya.
Hebreo 6:12

2. ANG PAGHIHINTAY AY
UMAASA AT NAGTITIWALA.
"Mapalad ang taong nagtitiwala kay Yahweh, pagpapalain ang umaasa sa kanya."
Jeremias 17:7

3. ANG PAGHIHINTAY AY
NAGPAPASABIK SA PANGAKO.
Sabik akong naghihintay, O Yahweh, sa iyong tugon, pagkat ako'y may tiwala sa pangako mong pagtulong.
Awit 130:5

Paghimok,
Si Yahweh ay mabuti sa mga nananalig sa kanya, kaya't pinakamainam ang buong tiyagang umasa sa ating kaligtasang si Yahweh ang may dala. At mabuti sa isang tao na siya'y matutong magtiyaga mula sa kanyang kabataan.
Panaghoy 3:25-27

Panalangin,
Ama namin, turuan mo po kami na maging matiyaga sa paghihintay sa iyong katugunan sa aming mga kahilingan. Matutuhan nawa namin na tanggapin ang mga pangyayari ayon sa iyong kalooban. Ito po ay aming dalangin sa pangalan ni Jesu-Cristo na aming Panginoon at Tagapagligtas, amen.

Purihin ang Panginoong Jesus!

God's People Ministries Foundation Inc.

25/05/2026

22/05/2026

21/05/2026

19/05/2026

18/05/2026

18/05/2026

18/05/2026

17/05/2026

15/05/2026

14/05/2026

13/05/2026

Address

Telephone

Website

Alerts

Contact The Place Of Worship

Shortcuts

Share

Category