26/05/2026
Ngayong araw ay ginugunita natin si ๐ฆ๐ฎ๐ป ๐๐ฒ๐น๐ถ๐ฝ๐ฒ ๐ก๐ฒ๐ฟ๐ถ, at ang Ebanghelyo ay mula kay San Marcos (10:28โ31). Sa Mabuting Balita ngayong araw matatagpuan ang isang pamilyar na pahayag ni Hesus: โMaraming nauuna ang mahuhuli, at maraming nahuhuli ang mauuna.โ Isa itong katiyakan mula sa Diyos na ang ating mga sakripisyo at pagsisikap sa pananampalataya ay hindi nawawalan ng saysay. Tulad ng tila panghihina ng loob ni San Pedro nang sabihin niyang iniwan na nila ang lahat upang sumunod kay Hesus, hindi agad ipinangako ng Panginoon ang kaginhawaan; sa halip, ipinakita Niya na ang pagsunod ay may kaakibat na sakripisyo. Ngunit hindi kailanman binabalewala ng Diyos ang mga ito.
๐ฆ๐ฎ ๐ต๐ผ๐บ๐ถ๐น๐ถ๐๐ฎ ๐ป๐ถ ๐ฅ๐ฑ๐ผ. ๐ฃ. ๐๐ฒ๐ถ๐๐ต ๐๐๐ฒ๐ป๐ฎ๐๐ฒ๐ป๐๐๐ฟ๐ฎ, unang binigyang-diin ang pahayag ni San Pedro kay Hesus: โIniwan namin ang lahat at kamiโy sumunod sa Inyo.โ Hindi ito panunumbat, kundi isang tapat na pagpapahayag ng karanasan ng tao. Sapagkat totoo namang may mga pagkakataong napapagod tayo sa pagsisikap na maging mabuti. Hindi man natin ito sabihin nang malakas, ito naman ang madalas na isinisigaw ng ating puso sa gitna ng mga pagsubok at sa tila paghahari ng kasamaan habang pilit nating pinipiling maging mabuti araw-araw.
May tatlong bahagi ang kanyang pagninilay, na makikita rin sa Mabuting Balita ngayong araw. Inihambing niya ito sa buhay ni San Felipe Neri, na kilala bilang โApostol ng Kagalakanโ dahil sa kanyang pagiging masayahin at mapagpatawa sa kabila ng mga hamon ng buhay.
Una, ang ating mga sakripisyo ay hindi nakakaligtaan ng Diyos. Ang lahat ng ito ay may saysay sa Kanyang paningin. Tulad ng naging buhay ni San Felipe Neri, iniwan niya ang pagkakataong yumaman at maging matagumpay na negosyante sa Roma. Sa halip, inilaan niya ang kanyang buhay sa pagpapalalim ng pananampalataya ng mga tao sa panahon ng maraming suliranin at kontrobersiyang kinahaharap ng Simbahan. Sa katunayan, paulit-ulit na ipinapaalala ni Hesus na hindi madali ang sumunod sa Kanya. Ayon sa Lucas 9:23, ang sinumang nagnanais sumunod sa Kanya ay kailangang pasanin ang kanyang krus araw-araw. Paalala ni P. Keith na ang tunay na pag-ibig ay laging may kasamang sakripisyo. Hindi natin maaaring sabihing mahal natin ang Diyos, ang bayan, o ang ating kapwa kung walang kahandaang magsakripisyo para sa kanila.
Ikalawa, ang pagbubuhat ng ating krus ay laging may kaakibat na biyaya. Ito ang paalala sa atin ni San Felipe Neri, isang masayahing tagasunod ni Kristo. Bagamaโt iniwan niya ang posibilidad ng marangyang buhay, natagpuan naman niya ang higit na mahalagang kayamanan. Ipinapaalala nito na ang tunay na kagalakan ay hindi matatagpuan sa materyal na bagay, sa dami ng tagasunod sa social media, o sa posisyon sa lipunan at pamahalaan. Ayon sa homiliya, ang tunay na biyaya ng tapat na pagsasakripisyo ay ang kapayapaan ng isip at puso. Gaya ng iniuugnay na kasabihan kay San Felipe Neri: โAng malungkot na puso ay madaling akayin ng tukso, ngunit ang masayang puso ay madaling akayin sa kabanalan.โ Ito ang biyayang dulot ng isang buhay na nakasentro sa Diyos.
At panghuli, ang tunay na sukatan ng tagumpay sa mata ng Diyos ay hindi makikita sa karangyaan o kayamanan, kundi sa kababaang-loob at pagiging simple. Tulad ng sinabi ni P. Keith, ang mga layko ang puso ng Simbahan. Tayo, bilang mga ordinaryong mananampalataya, ay hindi lamang pangkaraniwang bahagi ng Simbahan. Sa ating mga simpleng gawain ng kabutihan, nagkakaroon tayo ng impluwensiyang maaaring magdala sa iba palapit sa Diyos. Ang simpleng pakikipag-usap, pakikinig, at pakikipagkapwa ni San Felipe Neri ay naging makapangyarihang paraan upang akayin ang marami tungo sa Panginoon.
Sa araw na ito, pinaaalalahanan tayong huwag mawalan ng pag-asa sa paggawa ng mabuti. Maaaring hindi agad makita ng mundo ang halaga ng ating pagsisikap at sakripisyo, ngunit walang kabutihang nakakaligtaan sa mata ng Diyos. Tulad ng paalala ni San Pablo sa mga taga-Corinto (1 Corinto 16:13): โMaging handa kayo at magpakatatag sa inyong pananampalataya. Maging matapang kayo at magpakatibay.โ
