Ministry of Altar Servers - San Isidro Labrador Parish, Antipolo City

14/08/2026

𝐏𝐀𝐀𝐍𝐘𝐀𝐘𝐀 | 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮

Buong galak na ipagdiriwang ng Inang Simbahan ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮 sa sabado, ika-15 ng Agosto. Bilang pakikiisa, magkakaroon ng pagdiriwang ng banal na misa sa Parokya ni Sid sa ganap na 𝗶𝗸𝗮-𝟳 𝗻𝗴 𝘂𝗺𝗮𝗴𝗮.

Ang banal na araw na ito ay isang mahalagang pagdiriwang para sa Simbahang Katolika dahil ang dakila at maluwalhating pag-akyat kay Maria sa langit ay itinuturing na isang mahalagang katuruan na sumisimbolo ng tagumpay sa kamatayan at nagpapatunay ng kadakilaan ng Diyos.

Sa pagdiriwang nating ito, itaas natin ang ating mga hiling at dalangin sa ating inang si Maria na iniakyat sa langit. Nawa'y patuloy niya tayong ilapit sa kanyang anak upang tunay nating makamit ang kaligayahan kasama Niya sa langit na tunay nating tahanan.

04/08/2026

𝗣𝗔𝗚𝗕𝗔𝗧𝗜 𝗦𝗔 𝗔𝗥𝗔𝗪 𝗡𝗚 𝗠𝗚𝗔 𝗣𝗔𝗥𝗜! 🙏🏻🤍
‎
‎Sa pagdiriwang ng Araw ng mga Pari, taos-pusong bumabati ang Parokya ni Sid sa lahat ng mga pari na buong pusong naglilingkod sa Diyos at sa kanyang sambayanan. Nawa'y patuloy kayong pagpalain ng Panginoon ng lakas, karunungan, at pusong handang maglingkod upang maging tapat na tagapaghatid ng kanyang pag-ibig, awa, at salita sa bawat mananampalataya.
‎
‎Sa natatanging pagdiriwang na ito, nais din naming ipaabot ang aming taos-pusong pagbati sa aming kura paroko, 𝐑𝐝𝐨. 𝐏. 𝐉𝐨𝐞𝐲 𝐇. 𝐕𝐚𝐥𝐝𝐞𝐳. Maraming salamat sa inyong walang sawang paggabay, tapat na paglilingkod, at pagmamahal sa aming pamayanan. Nawa'y patuloy kayong patnubayan at pagpalain ng Diyos sa inyong bokasyon at maging kasangkapan pa ng Kanyang biyaya sa mas marami pang tao.
‎
‎Sa pamamagitan ng panalangin ni 𝐒𝐚𝐧 𝐉𝐮𝐚𝐧 𝐌𝐚𝐫𝐢𝐚 𝐕𝐢𝐚𝐧𝐧𝐞𝐲, nawa'y patuloy na pagpalain, ingatan, at palakasin ng Diyos ang lahat ng ating mga pari sa kanilang banal na bokasyon.
‎
‎𝗠𝘂𝗹𝗶, 𝗺𝘂𝗹𝗮 𝘀𝗮 𝗣𝗮𝗿𝗼𝗸𝘆𝗮 𝗻𝗶 𝗦𝗶𝗱, 𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗣𝗮𝗿𝗶!

25/07/2026

𝗣𝗔𝗚𝗕𝗔𝗧𝗜, 𝗕𝗥𝗢. 𝗚𝗜𝗘𝗕𝗢𝗬 𝗚𝗔𝗟𝗟𝗢𝗦!

Mula sa Ministry of Altar Servers ng Parokya ni Sid, buong puso naming ipinaaabot ang aming pagbati sa aming Ministry Head, Bro. Gieboy Gallos, sa kanyang pagkakaluklok bilang 𝗩𝗶𝗰𝗲 𝗣𝗿𝗲𝘀𝗶𝗱𝗲𝗻𝘁 - 𝗘𝘅𝘁𝗲𝗿𝗻𝗮𝗹 ng 𝗠𝗶𝗻𝗶𝘀𝘁𝗿𝘆 𝗼𝗳 𝗔𝗹𝘁𝗮𝗿 𝗦𝗲𝗿𝘃𝗲𝗿𝘀 𝗻𝗴 𝗩𝗶𝗰𝗮𝗿𝗶𝗮𝘁𝗲 𝗼𝗳 𝗢𝘂𝗿 𝗟𝗮𝗱𝘆 𝗼𝗳 𝗣𝗲𝗮𝗰𝗲 𝗮𝗻𝗱 𝗚𝗼𝗼𝗱 𝗩𝗼𝘆𝗮𝗴𝗲. Higit pa sa isang titulo, ito ay isang misyon at pagkakataon upang mas mapaglingkuran ang Panginoon.

Nawa, maging daan ito upang mas magningas ang iyong puso bilang isang tapat na lingkod ng Diyos sa Kanyang banal na dambana. Sa tulong at gabay ng ating patron San Isidro Labrador at ng ating Inang si Maria—ang Birhen ng Kapayapaan at Mabuting Paglalakbay—aming ipinapanalangin ang iyong pagganap sa posisyong iniatang sa iyo.

𝙈𝙪𝙡𝙞, 𝙖𝙢𝙞𝙣𝙜 𝙥𝙖𝙜𝙗𝙖𝙩𝙞 𝙨𝙖 𝙞𝙮𝙤, 𝘽𝙧𝙤. 𝙂𝙞𝙚𝙗𝙤𝙮!

11/07/2026

𝐏𝐀𝐀𝐍𝐘𝐀𝐘𝐀 | 𝗣𝗮𝗴𝗯𝗮𝗯𝗮𝘀𝗯𝗮𝘀 𝗮𝘁 𝗣𝗮𝗴𝗯𝘂𝗯𝘂𝗸𝗮𝘀 𝗻𝗴 𝗧𝗮𝗯𝗶𝗻𝗴 𝗻𝗴 𝗟𝗮𝗿𝗮𝘄𝗮𝗻 𝗻𝗴 𝗕𝗮𝗻𝗮𝗹 𝗻𝗮 𝗔𝘄𝗮 (𝗨𝗻𝘃𝗲𝗶𝗹𝗶𝗻𝗴 𝗼𝗳 𝘁𝗵𝗲 𝗜𝗺𝗮𝗴𝗲 𝗼𝗳 𝗗𝗶𝘃𝗶𝗻𝗲 𝗠𝗲𝗿𝗰𝘆)

Bukas, 𝗛𝘂𝗹𝘆𝗼 𝟭𝟮, 𝟮𝟬𝟮𝟲 (𝗟𝗶𝗻𝗴𝗴𝗼), gaganapin ang Pagbabasbas at Pagbubukas ng Tabing ng Larawan ng Banal na Awa (Unveiling of the Image of Divine Mercy) sa ating Parokya. Magsisimula ang programa sa ganap na 𝗶𝗸𝗮-𝟰:𝟯𝟬 ng hapon, at agad itong susundan ng Banal na Misa sa 𝗶𝗸𝗮-𝟱:𝟬𝟬 ng hapon.

Sa loob ng pagdiriwang ng Banal na Misa, isasagawa ang seremonya ng pagluluklok ng Imahen ng Divine Mercy na pangungunahan ng ating kura paroko, Rdo. P. Joey H. Valdez. Pagkatapos ng seremonya, sama-samang darasalin ng mga mananampalataya ang Consecration Prayer to the Divine Mercy bilang tanda ng ating pagtitiwala at debosyon sa walang hanggang awa ng Panginoon.

Inaanyayahan ang lahat na makiisa sa makabuluhang pagdiriwang na ito. Nawa'y ang paglalagak ng Imahen ng Divine Mercy sa ating simbahan ay maging paanyaya sa bawat isa na patuloy na manalig, magtiwala, at pagkalooban ng Kanyang masaganang biyaya sa ating buhay.

18/06/2026

𝐏𝐀𝐀𝐍𝐘𝐀𝐘𝐀 | 𝗞𝗼𝗿𝗼 𝗻𝗶 𝗦𝗶𝗱 𝘀𝗮 𝗛𝗮𝗿𝗮𝗻𝗮 𝘀𝗮 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻 𝗻𝗴 𝗔𝗻𝘁𝗶𝗽𝗼𝗹𝗼

Sa pagdiriwang ng 𝒊𝒌𝒂-𝟒𝟎𝟎 𝒕𝒂𝒐𝒏𝒈 𝒃𝒊𝒚𝒂𝒚𝒂 𝒂𝒕 𝒅𝒆𝒃𝒐𝒔𝒚𝒐𝒏 𝒔𝒂 𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏 𝒏𝒈 𝑨𝒏𝒕𝒊𝒑𝒐𝒍𝒐, buong galak naming inaanyayahan ang lahat na makiisa sa mga pagdiriwang ngayong Hunyo 18.

Magsisimula ang programa sa 𝐢𝐤𝐚-𝟒:𝟎𝟎 𝐧𝐠 𝐡𝐚𝐩𝐨𝐧 sa pamamagitan ng 𝐏𝐚𝐠𝐬𝐚𝐥𝐮𝐛𝐨𝐧𝐠 𝐚𝐭 𝐌𝐚𝐢𝐤𝐥𝐢𝐧𝐠 𝐏𝐫𝐨𝐠𝐫𝐚𝐦𝐚 𝐬𝐚 𝐊𝐚𝐩𝐢𝐭𝐨𝐥𝐲𝐨, na susundan ng 𝐏𝐫𝐮𝐬𝐢𝐬𝐲𝐨𝐧 𝐩𝐚𝐭𝐮𝐧𝐠𝐨𝐧𝐠 𝐀𝐧𝐭𝐢𝐩𝐨𝐥𝐨 𝐂𝐚𝐭𝐡𝐞𝐝𝐫𝐚𝐥 𝐬𝐚 𝐢𝐤𝐚-𝟓:𝟎𝟎 𝐧𝐠 𝐡𝐚𝐩𝐨𝐧, at ng 𝐁𝐚𝐧𝐚𝐥 𝐧𝐚 𝐌𝐢𝐬𝐚 𝐬𝐚 𝐢𝐤𝐚-𝟔:𝟎𝟎 𝐧𝐠 𝐠𝐚𝐛𝐢. Pagkatapos nito ay magkakaroon ng 𝐒𝐚𝐥𝐮-𝐬𝐚𝐥𝐨 𝐬𝐚 𝐏𝐚𝐭𝐢𝐨 𝐬𝐚 𝐢𝐤𝐚-𝟕:𝟎𝟎 𝐧𝐠 𝐠𝐚𝐛𝐢, bago ang pinakahihintay na 𝐇𝐚𝐫𝐚𝐧𝐚 𝐤𝐚𝐲 𝐌𝐚𝐫𝐢𝐚 𝐬𝐚 𝐢𝐤𝐚-𝟖:𝟎𝟎 𝐧𝐠 𝐠𝐚𝐛𝐢 𝐬𝐚 𝐏𝐚𝐭𝐲𝐨 𝐧𝐠 𝐀𝐧𝐭𝐢𝐩𝐨𝐥𝐨 𝐂𝐚𝐭𝐡𝐞𝐝𝐫𝐚𝐥.

‎Sama-sama nating damhin ang kagandahan ng pananampalataya at pasasalamat sa pamamagitan ng mga awiting inihandog ng iba't ibang koro mula sa mga Bikarya ng Diyosesis ng Antipolo.
‎
‎Halina at ialay natin ang ating mga tinig at makiisa sa isang makabuluhang pagdiriwang ng awitan, panalangin, at pagpupugay para sa ating minamahal na Mahal na Birhen ng Antipolo.

11/06/2026

On this joyful and blessed day, the Diocese of Antipolo celebrates the birthday of its beloved Bishop Emeritus, Most Rev. Francisco M. De Leon, D.D.

Through his tireless service and enduring love, he has stood as a pillar of faith, a beacon of hope, and a model of humility for the faithful.

His compassion, wisdom, and fatherly care continue to inspire and strengthen the community. The faithful lift him in prayer, asking the Lord to grant him good health and renewed strength as he journeys onward in the grace of God.

28/05/2026

26/05/2026

🌾𝗞𝗔𝗕𝗔𝗧𝗔𝗔𝗡 𝗡𝗜 𝗦𝗜𝗗: 𝗞𝗔𝗕𝗔𝗧𝗔𝗔𝗡𝗚 𝗡𝗔𝗞𝗔𝗧𝗨𝗢𝗡 𝗞𝗔𝗬 𝗞𝗥𝗜𝗦𝗧𝗢

Ngayong Mayo 31, inaanyayahan ang lahat ng kabataan ng Parokya ni Sid sa 𝗚𝗲𝗻𝗲𝗿𝗮𝗹 𝗙𝗼𝗿𝗺𝗮𝘁𝗶𝗼𝗻 𝗦𝗲𝗺𝗶𝗻𝗮𝗿 & 𝗧𝗲𝗮𝗺 𝗕𝘂𝗶𝗹𝗱𝗶𝗻𝗴. Ito ay bukas para sa lahat ng edad 12 hanggang 35.

Sama-sama nating palalimin at payabungin ang ating ugnayan sa Diyos at kapwa kabataan. See you there, Kabataan ni Sid! 🥳

🫂WHAT: 𝗣𝗮𝗿𝗶𝘀𝗵 𝗬𝗼𝘂𝘁𝗵 𝗠𝗶𝗻𝗶𝘀𝘁𝗿𝘆 𝗚𝗲𝗻𝗲𝗿𝗮𝗹 𝗙𝗼𝗿𝗺𝗮𝘁𝗶𝗼𝗻 𝗦𝗲𝗺𝗶𝗻𝗮𝗿 & 𝗧𝗲𝗮𝗺 𝗕𝘂𝗶𝗹𝗱𝗶𝗻𝗴
🗓️WHEN: May 31 | 8:00 AM - 4:00 PM
⛪WHERE: Gungon Hall, San Isidro Labrador Parish