San Isidro Labrador Parish - Antipolo Hills, Antipolo City

20/08/2026

19/08/2026

17/08/2026

𝐈𝐍 𝐏𝐇𝐎𝐓𝐎𝐒 |𝗠𝗶𝗻𝗶𝘀𝘁𝗿𝘆 𝗼𝗳 𝗟𝗲𝗰𝘁𝗼𝗿𝘀' 𝗥𝗲𝗻𝗲𝘄𝗮𝗹

Kahapon, araw ng Linggo, ika-16 ng Agosto 2026, ginanap ang Renewal Rites ng Ministry of Lectors bilang tanda ng muling pagtatalaga ng kanilang sarili sa paglilingkod sa Diyos at sa Simbahan. Ang Banal na Misa ay pinangunahan ng ating kura paroko, Rdo. P. Joey H. Valdez, sa ganap na ika-5 ng hapon.

Ito ay nagsisilbing paalala sa mga miyembro na patuloy na maging tapat sa kanilang paglilingkod sa Diyos at sa kanilang mahalagang tungkulin bilang mga tagapaghatid ng Kanyang Salita.

Nawa'y patuloy silang gabayan ng Panginoon sa kanilang misyon at manatiling matatag at tapat sa kanilang bokasyon ng paglilingkod.

17/08/2026

16/08/2026

𝐈𝐍 𝐏𝐇𝐎𝐓𝐎𝐒 | 𝗠𝗶𝗻𝗶𝘀𝘁𝗿𝘆 𝗼𝗳 𝗟𝗲𝗰𝘁𝗼𝗿𝘀’ 𝗥𝗲𝗻𝗲𝘄𝗮𝗹 𝗦𝗲𝗺𝗶𝗻𝗮𝗿

‎
‎Bilang bahagi ng patuloy na paglilingkod, nagkaroon ng Renewal Seminar kahapon, ika-15 ng Agosto 2026, ang Ministry of Lectors na siyang isa sa mga kinakailangan para sa kanilang renewal ngayong araw bilang isang Ministry. Nagsimula ang programa sa Banal na Misa sa ganap na ika-7 ng umaga na pinangunahan ni Rdo. P. Joey H. Valdez at Seminar Proper naman sa ika-8:30 ng umaga.
‎
‎Nakasama din bilang panauhing tagapagsalita si Rdo. P. Manjo Padilla, Parochial Vicar ng Antipolo Cathedral at Spiritual Director ng Antipolo Diocesan Commission on Social Communications. Sa pamamagitan ng kanyang pagbabahagi, nawa’y higit mapalalim ang pananampalataya, pang-unawa, at paninindigan sa tungkulin bilang mga lingkod ng Diyos.

‎Natapos ang programa sa isang Lunch Fellowship bilang isang simpleng pagdiriwang ng pagsasama-sama habang sabay-sabay sinisimulan ang panibagong taon ng paglilingkod.
‎
‎Nawa’y magsilbing pagkakataon ang Renewal Seminar na ito upang muling mapanibago, mapalakas, at mapalalim ang pagtatalaga sa paglilingkod sa Diyos ng bawat lingkod.

15/08/2026

𝐈𝐍 𝐏𝐇𝐎𝐓𝐎𝐒 | 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮
‎
‎Buong galak na ipinagdiwang ng ating parokya ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮 ngayong Sabado, ika-15 ng Agosto. Bilang pakikiisa sa mahalagang pagdiriwang na ito, isinagawa ang Banal na Misa sa ganap na ika-7 ng umaga, na pinangunahan ng ating Kura Paroko na si Rdo. P. Joey H. Valdez.
‎
‎Sa pagdiriwang na ito, sama-sama nating itinaas ang ating mga panalangin at pasasalamat sa ating Mahal na Birheng Maria na iniakyat sa langit, bilang tanda ng pag-asa at pangako ng Diyos sa lahat ng Kanyang mga anak.
‎
‎Nawa’y sa pagdiriwang na ito, patuloy nating tularan ang pananampalataya at buong pusong pagtitiwala ng Mahal na Birheng Maria sa Diyos. Sa kanyang pamamagitan, nawa’y lagi tayong maakay palapit kay Hesus at manatiling matatag sa ating paglalakbay sa pananampalataya.
‎
‎

14/08/2026

𝐏𝐀𝐀𝐍𝐘𝐀𝐘𝐀 | 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮

Buong galak na ipagdiriwang ng Inang Simbahan ang 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴-𝗮𝗸𝘆𝗮𝘁 𝘀𝗮 𝗟𝗮𝗻𝗴𝗶𝘁 𝘀𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮 sa sabado, ika-15 ng Agosto. Bilang pakikiisa, magkakaroon ng pagdiriwang ng banal na misa sa Parokya ni Sid sa ganap na 𝗶𝗸𝗮-𝟳 𝗻𝗴 𝘂𝗺𝗮𝗴𝗮.

Ang banal na araw na ito ay isang mahalagang pagdiriwang para sa Simbahang Katolika dahil ang dakila at maluwalhating pag-akyat kay Maria sa langit ay itinuturing na isang mahalagang katuruan na sumisimbolo ng tagumpay sa kamatayan at nagpapatunay ng kadakilaan ng Diyos.

Sa pagdiriwang nating ito, itaas natin ang ating mga hiling at dalangin sa ating inang si Maria na iniakyat sa langit. Nawa'y patuloy niya tayong ilapit sa kanyang anak upang tunay nating makamit ang kaligayahan kasama Niya sa langit na tunay nating tahanan.

11/08/2026

𝐈𝐍 𝐏𝐇𝐎𝐓𝐎𝐒 | 𝗔𝗻𝘁𝗶𝗽𝗼𝗹𝗼 𝗗𝗶𝗼𝗰𝗲𝘀𝗮𝗻 𝗖𝗼𝗺𝗺𝗶𝘀𝘀𝗶𝗼𝗻 𝗼𝗻 𝗖𝗮𝘁𝗲𝗰𝗵𝗲𝘁𝗶𝗰𝘀 𝗠𝗼𝗻𝘁𝗵𝗹𝘆 𝗜𝗻-𝗦𝗲𝗿𝘃𝗶𝗰𝗲 𝗧𝗿𝗮𝗶𝗻𝗶𝗻𝗴

Kaninang umaga, Agosto 11, 2026, sinimulan ang unang araw ng 𝗠𝗼𝗻𝘁𝗵𝗹𝘆 𝗜𝗻-𝗦𝗲𝗿𝘃𝗶𝗰𝗲 𝗧𝗿𝗮𝗶𝗻𝗶𝗻𝗴 (𝗠𝗜𝗦) para sa mga Katekista mula sa 𝗕𝗶𝗸𝗮𝗿𝘆𝗮𝘁𝗼 𝗻𝗴 𝗠𝗮𝗵𝗮𝗹 𝗻𝗮 𝗜𝗻𝗮 𝗻𝗴 𝗞𝗮𝗽𝗮𝘆𝗮𝗽𝗮𝗮𝗻 𝗮𝘁 𝗠𝗮𝗯𝘂𝘁𝗶𝗻𝗴 𝗣𝗮𝗴𝗹𝗮𝗹𝗮𝗸𝗯𝗮𝘆, na ginanap sa Parokya ni Sid - San Isidro Labrador Parish, Antipolo City.

Sinimulan ang araw sa pamamagitan ng Banal na Misa ganap na ika-8 ng umaga, na pinangunahan ni Rdo. P. Joey H. Valdez, ang ating Kura Paroko at Bikaryo Foraneo ng Bikaryato ng Mahal na Ina ng Kapayapaan at Mabuting Paglalakbay. Ito naman ay agad sinundan ng MIS Proper ganap na ika-9 ng umaga.

Para sa unang araw ng pagsasanay, tinalakay ang Kabanata 9 ng Directory for Catechesis, na nakatuon sa tema:
“𝗔𝗻𝗴 𝗣𝗮𝗺𝗮𝘆𝗮𝗻𝗮𝗻𝗴 𝗞𝗿𝗶𝘀𝘁𝗶𝘆𝗮𝗻𝗼 𝗯𝗶𝗹𝗮𝗻𝗴 𝗞𝗮𝗯𝗮𝗵𝗮𝗴𝗶 𝘀𝗮 𝗚𝗮𝘄𝗮𝗶𝗻𝗴 𝗞𝗮𝘁𝗲𝗸𝗲𝘁𝗶𝗸𝗮𝗹.”

Nawa’y patuloy na maging matatag at masigasig ang ating mga minamahal na Katekista sa kanilang bokasyon at misyon na ipinagkatiwala sa kanila ng Panginoon—ang magbigay-gabay, magturo, at maging instrumento upang higit na makilala ng mga kabataan ang Diyos at lumalim ang kanilang pananampalataya at pagkakakilanlang Katoliko.

Maraming salamat sa inyong patuloy na paglilingkod at dedikasyon sa ministeryo ng katekesis!