Apo ni San Jose - Angono

Home
Philippines
Angono
Apo ni San Jose - Angono

Isang malaking pamilyang deboto ni San Jose mula sa Angono na nagsusulong ng mas malalim na debosyon sa ating mahal na patron.

Sa kanyang halimbawa ng katapatan, at kabutihan, kami’y namumuhay na may pusong mapagkumbaba at puspos ng pananalig sa Diyos.

18/05/2026

Ngayong ika-19 ng buwan, sama-sama nating parangalan si San Jose sa pamamagitan ng panalangin at pagninilay. Nawa’y manatili sa ating puso ang kanyang tahimik ngunit matibay na pananampalataya.

18/04/2026

Ngayong ika-19 ng buwan, patuloy nating alalahanin at ialay ang ating panalangin kay San Jose. Nawa’y manatili sa ating puso ang kanyang halimbawa ng tahimik na pananampalataya.

19/03/2026

Mula sa Mga Apo ni San Jose – Angono, taos-puso naming binabati mula sa Angkan ng Garapon na si Jerome Unidad bilang bagong Hermano Mayor ng La Muerte de San Jose!

Nawa’y magsilbi kang inspirasyon sa pagpapalaganap ng buong pusong paglilingkod at malalim na debosyon kay San Jose.

Ite ad Joseph!

18/03/2026

Ngayong Marso 19, ating ipinagdiriwang ang Dakilang Kapistahan ni San Jose, ang huwaran ng pananampalataya, kasipagan, at pagmamahal sa pamilya. Bilang tapat na lingkod ng Diyos at tagapag-alaga ni Hesus at ng Mahal na Birheng Maria, si San Jose ay patuloy na nagsisilbing inspirasyon sa maraming mananampalataya hanggang sa kasalukuyan.

Inaanyayahan ang buong pamayanan na makiisa sa pagdiriwang na ito bilang tanda ng ating debosyon at pasasalamat. Magkakaroon ng Banal na Misa sa ganap na ika-4:00 ng hapon, na susundan ng Banal na Prusisyon sa ika-5:00 ng hapon.

Halina at sama-sama nating ipagdiwang ang kapistahang ito at patuloy na humingi ng gabay at panalangin mula sa ating mahal na patron.

San Jose kami’y kaawaan, sa buhay at kamatayan.

18/02/2026

⚜️ PAGDEDEBOSYON SA PITONG SAKIT AT LIGAYA NI SAN JOSE ⚜️

Ikapitong Buwan: Ang pagkawala at pagkahanap sa Batang Hesus sa templo

PANALANGIN

O Jose, ikaw na nagdamdam ng lubhang sakit ng mawala sa inyong piling ang Batang Hesus, nagpakabalisa sa tatlong araw na paghahanap sa iyong sinisintang anak, tulungan mo nawa kaming huwag mawalan ng pag-asa sa gitna ng dilim at lumbay. Ituro mo nawa sa amin ang liwanag na dulot ng iyong anak-anakang si Jesus nang sa gayo’y matanto namin na ang lahat ng bagay ay may dahilan at naaayon sa kalooban ng Ama. Ikaw rin nawa ang magsilbing daluyan ng liwanag para sa amin, tulad ng iyong asawang si Maria na patuloy na gumagabay sa amin sa pagtahak sa daan patungo kay Jesus.

AMEN. Hesus, Maria at Jose.

Ama namin...
Aba ginoong Maria...
Luwalhati...

San Jose, Ipanalangin Mo kami.

19/01/2026

⚜️ PAGDEDEBOSYON SA PITONG SAKIT AT LIGAYA NI SAN JOSE ⚜️

Ikaanim na Buwan: Ang pagbabalik sa Nazaret

PANALANGIN

O San Jose, ikaw na Malaki ang naiambag sa kaligatasan ng tanan, na kung hindi dahil sa iyong pagsunod ay mapapahamak ang Batang Hesus. Turuan mo nawa kami upang kami ay buong pusong makasunod sa kalooban ng Diyos. Ipanalangin mo kami sa Ama upang nang sa gayon ay ang kalooban Niya ang masunod at hindi ang sa amin at gaya mo rin ay matupad namin ang tadhanang nasusulat para sa amin. Tulad ng iyong pag-iingat sa iyong Banal na Mag-anak, kami nawa’y iyong patuloy din na ingatan. O Jose, aming kagalingan, saklolo at tanggulan.

AMEN. Hesus, Maria at Jose.

Ama namin...
Aba ginoong Maria...
Luwalhati...

San Jose, Ipanalangin Mo kami.

18/12/2025

⚜️ PAGDEDEBOSYON SA PITONG SAKIT AT LIGAYA NI SAN JOSE ⚜️

Ikalimang Buwan: Ang Pagtakas Patungo Egipto

O San Jose, gawin mo kaming tulad mo na handang sumunod sa mga salita ng Diyos Ama kahit hindi namin lubos na nauunawaan ang mga nangyayari. Tulungan mo kaming magtiwala sa Kanya at makinig sa Kanyang mga salita. Sa katahimikan ng aming mga puso, ang Diyos nawa ay mangusap upang malaman namin ang Kanyang loobin tulad ng pakikinig mo sa anghel. Patuloy nawa kaming gabayan at iadya sa lahat ng kapahamakan tulad ng Kanyang pagbibigay babala sa iyo, O Jose. Tulad ng iyong pag-iingat sa Banal mong Mag-anak, ingatan din nawa Kami kasama ang aming mga pamilya. Bigyan nawa ang bawat isa sa amin ng katahimikan sa aming mga puso upang aming maunawaan ang lahat na niloloob ng Ama. Ang lahat ng ito ay aming itinataas sa Diyos, sa pamamagitan mo kasama ni Maria, ang iyong esposa at aming ina at ni Jesus, ang aming dakilang manunubos. Amen. Hesus, Maria at Jose

Ama namin...
Aba ginoong Maria...
Luwalhati...

San Jose, Ipanalangin Mo kami.

19/11/2025

⚜️ PAGDEDEBOSYON SA PITONG SAKIT AT LIGAYA NI SAN JOSE ⚜️

Ikaapat na Buwan: Ang Paghahain sa Templo sa Batang Hesus

O, Pinagpalang Jose, ikaw ay nagdalang sakit ng iyong matanto na ang Batang Hesus ay magbabata ng hirap sa hinaharap at ikaw din nama’y nakaramdam ng pagkatuwa dahil sa ikaliligtas ng tanan mula sa kasalanan. turuan mo nawa ako na maging tulad mo, natahimik at buong kababaang loob na sumusunod s autos ng Diyos. H’wag mo nawang ipahintulot na ang kalooban ko ang masunod, gabayan mo nawa ako sa pagtahak ko sa daang laan sa akin ng Diyos, upang katulad mo rin ay makamtan ang kaginhawaang nakalaan sa akin sa langit. Amen. Hesus, Maria at Jose.

Ama namin...
Aba ginoong Maria...
Luwalhati...

San Jose, Ipanalangin Mo kami.

18/10/2025

⚜️ PAGDEDEBOSYON SA PITONG SAKIT AT LIGAYA NI SAN JOSE ⚜️

Ikatlong Buwan: Ang Pagtutuli sa Sanggol na Hesukristo

PANALANGIN

O, San Jose, lubhang magiting at maawain, sa iyong katatagan bilang amang tagapangalaga ni Hesus ay mas natanto namin ang iyong pagiging isang mabuting huwaran. Kami ngayon ay lumalapit sa iyo, na sa santuwaryo ng iyong makaamang puso ay akayin mo kami patungo kay Hesus. Makatagpo nawa kami ng kagalakan sa gitna ng maraming pasanin namin sa aming buhay. Katulad din nawa ng tuwang naramdaman mo sa pagkasaksi ng pagtagas ng banal na dugo mula sa katawan ng Panginoon, ay makasumpong din kami ng kaligayahan. Mapagtanto nawa namin na lahat ay nasa plano ng Panginoong Diyos Ama , at ang pagtitiwala sa Kanya ang makapagpapanatag sa aming mga puso. Ang panalanging ito ay aming itinataas sa Diyos Ama, sa pamamagitan mo, maarugaing San Jose, ni Maria na amin ding Ina, at ni Hesukristong Panginoon namin.

AMEN. Hesus, Maria at Jose.

Ama namin...
Aba ginoong Maria...
Luwalhati...

San Jose, Ipanalangin Mo kami.

08/05/2025

Habemus Papam! We have a Pope!

The Cardinals gathered in the Vatican’s Sistine Chapel have elected Cardinal Robert Francis Prevost as the 267th Pope, who took the name Pope Leo XIV.

Address

4th Street Carebi Subdivision, Brangay Santo Niño
Angono
1930

Telephone

+639350118947

Website

https://www.facebook.com/ApoNiSanJoseAngono

Alerts

Be the first to know and let us send you an email when Apo ni San Jose - Angono posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Angono?