Altar Server of Sta. Lucia de Siracusa - Capilla de Sta. Lucia de Siracusa

14/03/2026

Mula sa ating paglalakbay, tayo ay narito na sa San Nicolas de Tolentino Shrine. Gaya ni San Nicolas na naging instrumento ng himala sa pamamagitan ng pinagpalang tinapay, nawa'y maging instrumento rin tayo ng pagmamahal at kawanggawa ngayong Kuwaresma.

San Nicolas de Tolentino, Ipanalangin mo kami!
Sta. Lucia, Ipanalangin mo kami!

14/03/2026

Kasalukuyan po tayong nasa Mater Dolorosa Parish para sa ating Lenten Pilgrimage. Sa dambanang ito, ating isinusuko ang ating mga sariling pighati at hapis, kaisa ng puso ng ating Mahal na Ina na laging nakatingin sa kanyang Anak sa Krus.

Mater Dolorosa, Ipanalangin mo kami!
Sta. Lucia De Siracusa, Ipanalangin mo kami!

14/03/2026

14/03/2026

Mula sa ating mga naunang pinuntahan, narito na tayo ngayon sa St. Michael the Archangel Parish. Humihingi tayo ng biyaya na maging kasing-tapang ni San Miguel sa pagtatanggol sa ating pananampalataya ngayong panahon ng Kuwaresma.

Isang mapagpalang pagbisita sa ating lahat!

San Miguel Arkanghel, Ipanalangin mo kami!
Sta. Lucia De Siracusa, Ipanalangin mo kami!

14/03/2026

Mula sa kapatagan patungo sa kabundukan, Monasterio de Tarlac. Ang pag-akyat na ito ay simbolo ng ating pagnanais na mas mapalapit pa sa ating Panginoon ngayong panahon ng Kuwaresma.

Isang banal na karanasan ang makaharap ang Relikya ng Banal na Krus.

Santa Cruz, Ipanalangin mo kami!
Sta. Lucia, Ipanalangin mo kami!

14/03/2026

Isang mapagpalang pagbisita rito sa Diocesan Shrine of Our Lady of Mercy! Ang bawat isa sa ating delegasyon ay baon ang pasasalamat at mga kahilingan ng ating pamayanan sa Bisita ni Sta. Lucia.

Gabayan mo po kami sa aming susunod na patutunguhan, O Maria!

Ina ng Awa, Ipanalangin mo kami!
Sta. Lucia, Ipanalangin mo kami!

13/03/2026

Kasalukuyan na po tayong narito sa Dambana ni San Francisco de Asis sa San Manuel, Tarlac City. Sa gitna ng ating paglalakbay ngayong Kuwaresma, baon natin ang mga panalangin ng bawat deboto ng Bisita ni Sta. Lucia.

O San Francisco, turuan mo kaming maging instrumento ng kapayapaan ng Panginoon.

San Francisco ng Asisi, Ipanalangin mo kami!
Sta. Lucia de Siracusa, Ipanalangin mo kami!

13/03/2026

Ipinapaalam po ng Bisita ni Sta. Lucia na WALA PO TAYONG BANAL NA MISA ngayong darating na Sabado, Marso 14, 2026.

Ito ay upang bigyang-daan ang ating Taunang Pamparokyang Lenten Pilgrimage.

08/03/2026

𝐀𝐍𝐆 𝐒𝐀𝐊𝐑𝐀𝐌𝐄𝐍𝐓𝐎 𝐍𝐆 𝐊𝐔𝐌𝐏𝐈𝐒𝐀𝐋

Ang Sakramento ng Kumpisal ay ang pag-amin ng isang tao sa kantang mga kasalanan sa isang pari upang makatanggap ng kapatawaran mula sa Diyos. Nililinis nito ang ating kalooban, pinapalalim ang relasyon sa Diyos at tinutulungan tayo upang magsimulang muli. Mahalaga ang pangungumpisal tuwing panahon ng Kuwaresma dahil ito ay panahon ng pagsisisi, pagninilay, at paghahanda para sa muling pagkabuhay ni Hesus.

𝗣𝗮𝗻𝗮𝗵𝗼𝗻 𝗻𝗴 𝗣𝗮𝗴𝘀𝗶𝘀𝗶𝘀𝗶. Ito paanyaya na kilalanin ang ating mga pagkukulang at magbalik-loob sa Diyos.

𝗣𝗮𝗴𝗹𝗶𝗹𝗶𝗻𝗶𝘀 𝗻𝗴 𝗣𝘂𝘀𝗼. Sa pangungumpisal, humihingi tayo ng tawad at tinatanggap ang kapatawaran. Para itong paglilinis ng puso bago sumapit ang Mahal na Araw.

𝗣𝗮𝗴𝗽𝗮𝗽𝗮𝗹𝗮𝗹𝗶𝗺 𝗻𝗴 𝗥𝗲𝗹𝗮𝘀𝘆𝗼𝗻 𝘀𝗮 𝗗𝗶𝘆𝗼𝘀. Ito ay hakbang para mas mapalapit tayo sa Diyos at mas mapalalim ang pananampalataya.

Huwag nating palampasin ang pagkakataong ito ngayong Kuwaresma. Sama-sama tayong magbalik-loob, maranasan ang kapayapaan at pagmamahal ng Diyos. Ang iskedyul ng kumpisal sa ating parokya ay tuwing Biyernes sa panahon ng Kuwaresma. Ang Kumpisalang Bayan naman ay gaganapin sa Mahal na Araw.

𝐀𝐍𝐆 𝐒𝐀𝐊𝐑𝐀𝐌𝐄𝐍𝐓𝐎 𝐍𝐆 𝐊𝐔𝐌𝐏𝐈𝐒𝐀𝐋

Ang Sakramento ng Kumpisal ay ang pag-amin ng isang tao sa kantang mga kasalanan sa isang pari upang makatanggap ng kapatawaran mula sa Diyos. Nililinis nito ang ating kalooban, pinapalalim ang relasyon sa Diyos at tinutulungan tayo upang magsimulang muli. Mahalaga ang pangungumpisal tuwing panahon ng Kuwaresma dahil ito ay panahon ng pagsisisi, pagninilay, at paghahanda para sa muling pagkabuhay ni Hesus.

𝗣𝗮𝗻𝗮𝗵𝗼𝗻 𝗻𝗴 𝗣𝗮𝗴𝘀𝗶𝘀𝗶𝘀𝗶. Ito paanyaya na kilalanin ang ating mga pagkukulang at magbalik-loob sa Diyos.

𝗣𝗮𝗴𝗹𝗶𝗹𝗶𝗻𝗶𝘀 𝗻𝗴 𝗣𝘂𝘀𝗼. Sa pangungumpisal, humihingi tayo ng tawad at tinatanggap ang kapatawaran. Para itong paglilinis ng puso bago sumapit ang Mahal na Araw.

𝗣𝗮𝗴𝗽𝗮𝗽𝗮𝗹𝗮𝗹𝗶𝗺 𝗻𝗴 𝗥𝗲𝗹𝗮𝘀𝘆𝗼𝗻 𝘀𝗮 𝗗𝗶𝘆𝗼𝘀. Ito ay hakbang para mas mapalapit tayo sa Diyos at mas mapalalim ang pananampalataya.

Huwag nating palampasin ang pagkakataong ito ngayong Kuwaresma. Sama-sama tayong magbalik-loob, maranasan ang kapayapaan at pagmamahal ng Diyos. Ang iskedyul ng kumpisal sa ating parokya ay tuwing Biyernes sa panahon ng Kuwaresma. Ang Kumpisalang Bayan naman ay gaganapin sa Mahal na Araw.

01/03/2026

Pebrero 21, 2026 | Isinagawa ang paghuhubog sa mga bagong kasapi ng Samahan ng mga Tagapaglingkod sa Dambana. Dito ay tinalakay ang mga paraan ng tamang pagkilos at pag-uugali sa Paglilingkod at iba pang mga mahahalagang bagay na hahasa sa kanilang kaalaman.

Ang pamunuan ng Samahan ng Mga Lingkod ng Dambana ng ating Parokya ay buong loob na nagpapasalamat sa mga magulang at mga tagapag-alaga ng mga Lingkod na ito sa kanilang walang sawang pagsuporta at pagbibigay ng pahintulot sa kanila na dumalo sa ganitong uri ng pagtitipon.

14/02/2026

Pebrero 14, 2026 | Isinagawa ang paghuhubog sa mga bagong kasapi ng Samahan ng mga Tagapaglingkod sa Dambana. Dito ay tinalakay ang mga bahagi ng Banal na Misa, mga mahahalagang kagamitan, kasuotan, mga aklat at iba pang mga mahahalagang bagay na hahasa sa kanilang kaalaman.

Ang pamunuan ng Samahan ng Mga Lingkod ng Dambana ng ating Parokya ay buong loob na nagpapasalamat sa mga magulang at mga tagapag-alaga ng mga Lingkod na ito sa kanilang walang sawang pagsuporta at pagbibigay ng pahintulot sa kanila na dumalo sa ganitong uri ng pagtitipon.

08/02/2026

Ika-lima na Linggo sa Karaniwang Panahon | Febrero 8, 2026

Tagapagdiwang: RDO. P. Joshua C. Panganiban
KuraParoko

Oras ng Misa: 6:30 ng gabi