Daughters of Mary Immaculate International Sta. Monica Circle

Daughters of Mary Immaculate International Sta. Monica Circle Our Soul magnifies the Lord

13/07/2022

Mayo 04, 2022 | Banal na Misa at Pagsasalin ng Hermandad (Kapistahan)

Ang huling Banal na Misa sa araw ng Kapistahan sa Karangalan ni Santa Monica ay pinangunahan ng ating Kura Paroko, Reberendo Monsignor Manuel B. Villaroman P.C.

Nagkaroon din ng Pagsasalin ng Tungkulin ng Hermano mula sa Hermandad 2022 na Daughters of Mary Immaculate International sa Hermandad 2023 Apostolado ng Panalangin at Mother Butler.



13/07/2022

Mayo 04, 2022 | Misa Konselebrasyon (Kapistahan)

Bilang rurok ng Kapistahan ng ating patronang Santa Monica, pinangunahan ang Misa Pontifical ng Obispo ng Diyosesis ng Malolos, Obispo Dennis C. Villarojo D.D. kasama ang mga paring sakop ng Diyosesis ng Malolos, ang Misa ay dinaluhan ng Hermandad 2022 at mga mananampalataya ng Parokya ng Angat.



13/07/2022

Mayo 04, 2022 | Banal na Misa (Kapistahan)

Ang Ikalawang Banal na Misa sa umaga ng Kapistahan sa Karangalan ni Santa Monica ay pinangunahan ni Reberendo Padre Mario Evangelista.



13/07/2022

Mayo 04, 2022 | Prusisyon (Kapistahan)

Matapos ang Misa ng ika-anim ng umaga noong Mayo 4, nagkaroon ng maikling prusisyon ang imahen ni Santa Monica at San Agustin sa gitna ng Kabayanan, kasama sa Prusisyon ang Hermandad 2022 at mga mananampalataya



13/07/2022

Mayo 04, 2022 | Banal na Misa ( Kapistahan )

Ang unang Banal na Misa sa umaga ng Kapistahan sa Karangalan ni Santa Monica ay pinangunahan ni Reberendo Monsignor Manuel B. Villaroman P.C.



13/07/2022

Mayo 04, 2022 | Rito ng Pagbibihis ng Altar (Kapistahan)

Ang Pagbibihis ng Banal na Altar ay isang simbolikong gawain kung saan ang altar na pinag-aalayan ng Banal na Misa ay inaalisan ng lumang mga tela na ginagamit dito at pinapalitan ng bago at mas malinis.

Ang Pagbibihis ng Altar ay sa Pangunguna ng ating Kura Paroko, Reberendo Monsignor Manuel B. Villaroman P.C. kasama ang Daughters of Mary Immaculate International at mga piling mananampalataya.



13/07/2022

Abril 27, 29, 30 at Mayo 01 | Pagkilala at Pasasalamat

Kaalinsabay ng Pagdiriwang ng Kapistahan ni Santa Monica, taon taon din nating kinikilala ang mga miyembro ng ating parokya na nagbigay ng buhay sa paglilingkod sa Diyos at sa ating Simbahan, kaya naririto ang mga indibidwal na tumanggap ng parangal at pasasalamat sa kanilang serbisyo para sa ating Parokya, mga natatanging Anak ni Santa Monica.



13/07/2022

Mayo 03, 2022 | Maringal na Prusisyon

Ang Ikatlo ng Mayo, o Bisperas ng Kapistahan, ay isa sa mga pinakamasayang gabi bago ang kapistahan. Para sa taong ito, muling nagkaroon ng Prusisyon ng mga Patron at Patrona ng bawat Bisitang pang Sub Pastoral na sakop ng ating Parokya, kasama si San Agustin at Santa Monica na lumibot sa ating Kabayanan.

Nagkaroon din ng Pagpapailaw ng Ruweda at Pagpapaputok ng Kwitis at mga Pailaw bilang Panapos ng Prusisyon alay kay Santa Monica.


13/07/2022

Mayo 03, 2022 | Ikasiyam na Araw ng Nobenaryo: Ang Pamana ni Santa Monica

Ang Ika-siyam na Araw ng Novenario para sa Kapistahan ni Santa Monica ay ginanap noong ika-3 ng Abril na sinundan ng Pagbibihis sa Imahen ni Santa Monica, at natapos sa paglalahad ng mga Kwento ng Pananampalataya at pagpapakita ng maka-Inang pag-ibig sa atin ni Santa Monica.

Nagkaroon muli ng munting Pagkilala sa mga Natatanging Anak ng Parokya ni Santa Monica bilang pagpapasalamat sa kanilang taos-pusong Paglilingkod.

Pinangunahan naman ang Banal na Misa ni Reberendo Padre Andy Rivera Kura Nuestra Señora de Lourdes Parish, Doña Remedios Trinidad, Bulacan.



13/07/2022

Mayo 03, 2022 | La Torre

Ang ikatlong Araw ng Mayo ay isa sa mga inaabangang araw sa panahon ng ating Pistang Bayan.

Ang mga banda at musikero sa ating bayan ay nag-alay ng mga tugtugin sa ating Mahal na Patronang si Santa Monica.

Nagkaroon din ng munting eksibisyon ng mga Dalagang sumasayaw sa saliw ng mga tinutugtog ng bawat banda.



13/07/2022

Mayo 02, 2022 | Ikawalong Araw ng Nobenaryo: Si Santa Monica sa kanyang pagiging Banal

Ang Ika-walong Araw ng Novenario para sa Kapistahan ni Santa Monica ay ginanap noong ika-2 ng Mayo na sinundan ng Pagbibihis sa Imahen ni Santa Monica, at natapos sa paglalahad ng mga Kwento ng Pananampalataya at pagpapakita ng maka-Inang pag-ibig sa atin ni Santa Monica.

Nagkaroon muli ng munting Pagkilala sa mga Natatanging Anak ng Parokya ni Santa Monica bilang pagpapasalamat sa kanilang taos-pusong Paglilingkod.

Pinangunahan naman ang Banal na Misa ni Reberendo Padre Nap Baltazar, Kura Paroko ng Parokya ng Santa Rita de Cascia, Angat, Bulacan



13/07/2022

Mayo 01, 2022 | Dagundungan: Gabi ng Kantahan, Indakan at Kasiyahan.

Noong ika-1 ng Mayo, ang Komisyon ng Kabataan ng Parokya ng Santa Monica, kaisa ang Santa Monica Parish Chamber Singers, ay nagsagawa ng isang palabas na nagpapakita kung gaano kayaman ang ating kulturang Pilipino sa pamamagitan ng pag-sayaw, pag-awit at iba pang pagpapamalas ng talento ng bawat Pilipino.

Kaisa ang Daughters of Mary Immaculate International, ang aming pasasalamat sa ating Kura Paroko, Reberendo Monsignor Manuel B. Villaroman P.C., sa Direktor ng Kabataan, Direktor Hermes Pulgado Jr., sa mga nagturo ng sayaw at pag awit, at sa mga Kabataang nagpamalas ng kanilang talento sa gabing ito para sa ating Mahal na Patronang si Santa Monica.



Address

Poblacion
Angat
3012

Website

Alerts

Be the first to know and let us send you an email when Daughters of Mary Immaculate International Sta. Monica Circle posts news and promotions. Your email address will not be used for any other purpose, and you can unsubscribe at any time.

Shortcuts

Share

Category