18/04/2026
Maayong Adlaw!
Sa ngalan sa mga opisyales sa Berhin sa Fatima – Upper Jugno Chapel, kami mapasalamaton kaayo sa tanan nga naghatag sa ilang panahon, kusog, ug tabang aron mapauswag ang atong kapilya.
Sukad sa pagsugod sa atong Donation Campaign niadtong Enero 2023, dako na gyud ang atong nahimo pinaagi sa panaghiusa ug pagtinabangay sa matag usa. Bisan pa niini, aduna pa gihapon kita’y mga kinahanglanon aron mapadayon ug mahuman ang pagpaayo sa atong kapilya.
Mapasalamaton kita sa Ginoo tungod kay sa kanunay adunay mga maayong kasingkasing nga naghatag ug nagsuporta sa atong proyekto. Ania ang atong update sa donation campaign ug mga nagasto:
Kwarta nga nadawat (as of April 10, 2026): 168, 279.06
In-kind donations nga nadawat: 20 sacks of cement and 1 box blind revit
Mga materyales nga napalit: 82,816.25
Labor cost: 84,000.00
Bayranan sa construction materials: 32,360.00
Sa pagkakaron, nagpadayon gihapon ang atong Donation Campaign. Malipayon kaming modawat sa inyong donasyon, ilabi na ang mga construction materials nga makatabang sa pagpadayon sa proyekto.
Daghang kaayong salamat sa inyong padayon nga suporta ug tabang. Hinaut nga ang Dios magapanalangin kanatong tanan.
