Capilla de San Isidro Labrador- Brgy. Maitim 1st, Amadeo, Cavite

02/09/2026

07/08/2026

𝐎𝐑𝐀𝐓𝐈𝐎 𝐈𝐌𝐏𝐄𝐑𝐀𝐓𝐀 𝐏𝐀𝐑𝐀 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐊𝐀𝐋𝐀𝐌𝐈𝐃𝐀𝐃

O Maluwalhating San Isidro Labrador, tapat na manggagawa sa bukid at katiwala ng lupain ng Diyos, kami ay mapagkumbabang lumalapit sa iyo ngayon sa oras ng matinding kalamidad. Nauunawaan mo ang ritmo ng kalikasan at ang kahinaan ng ani sa harap ng mga elemento ng panahon. Habang lumalakas ang hangin at ang tubig ay nagbabanta sa aming lupain, kami ay nananawagan sa iyong makapangyarihang pamamagitan sa harap ng Aming Makapangyarihang Diyos. Lingapin mo ang aming mga pamayanan, aming mga tahanan, at ang mga lupain na nagbibigay-buhay sa amin. Patnubayan mo ang aming mga magbubukid at mangingisda mula sa kapahamakan, at ingatan ang bunga ng kanilang mga pagpapagal. Ipanalangin mo na ang mapanirang hangin ay tumigil, at ang malalakas na ulan ay magdulot ng buhay, hindi ng pagkawasak. Patnubayan mo kami, sa pamamagitan ng iyong halimbawa ng kababaang-loob at malalim na pananampalataya, upang lubos kaming magtiwala sa kalooban ng Diyos kahit sa gitna ng unos. Ipamalas mo nawa muli ang milagro ng iyong makaamang proteksyon lalo na sa mga oras na ito. Amen.

O mahal naming patron San Isidro Labrador, Ipanalangin mo kami🙏🏻

06/08/2026

𝐔𝐍𝐀𝐍𝐆 𝐇𝐔𝐖𝐄𝐁𝐄𝐒 𝐍𝐀 𝐏𝐀𝐌𝐈𝐌𝐈𝐍𝐓𝐔𝐇𝐎 𝐒𝐀 𝐊𝐀𝐑𝐀𝐍𝐆𝐀𝐋𝐀𝐍 𝐍𝐈 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑🌾

𝐏𝐀𝐍𝐀𝐋𝐀𝐍𝐆𝐈𝐍

O San Isidro Labrador, patron ng aming sambayanan, ugali mong simulan ang bawat araw na kaloob ng Diyos sa pakikiisa sa Banal na Misa. Ikinatutuwa mong makinig sa Salita ng Diyos at tanggapin ang Katawan ni Kristo. Malalim ang iyong paniniwala na dapat itambal ang gawain at paghahanap-buhay sa pananalangin at pagsamba sa Diyos.

Hinihiling namin na kami'y ipagkamit mo ng mga biyayang ito...

(Banggitin ang kahilingan.)

Nais naming makatahak, tulad mo, sa landas ni Hesukristo na tapat mong pinaglingkuran sa araw-araw ng iyong buhay. Purihin ang Diyos sa piling ng Kanyang mga banal.

Mahal na Patrong San Isidro Labrador, ipanalangin mo kami sa Diyos. Amen

22/07/2026

𝐌𝐚𝐬𝐝𝐚𝐧: Nakahanda nang muli ang Maluwalhating Patron ng ating Nayon para sa gaganaping prusisyon sa Dakilang Kapistahan ni Santa Maria Magdalena

12/07/2026

𝐏𝐀𝐆𝐒𝐈𝐒𝐈𝐘𝐀𝐌 𝐒𝐀 𝐊𝐀𝐑𝐀𝐍𝐆𝐀𝐋𝐀𝐍 𝐍𝐈 𝐒𝐀𝐍𝐓𝐀 𝐌𝐀𝐑𝐈𝐀 𝐌𝐀𝐆𝐀𝐋𝐄𝐍𝐀🩷

Bukas, ika-13 ng Hulyo, ay ang Unang Araw ng Pagsisiyam sa Karangalan ni Santa Maria Magdalena sa ating kapilya.

Inaanyayahan po ang buong Sambayanan na makiisa sa ating pagdiriwang bilang paghahanda sa Dakilang Kapistahan ng ating Patrona.

𝐓𝐀𝐋𝐀𝐓𝐀𝐊𝐃𝐀𝐀𝐍:

𝐏𝐚𝐠𝐝𝐚𝐫𝐚𝐬𝐚𝐥 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐢𝐨- 4:30 ng hapon
𝐍𝐨𝐛𝐞𝐧𝐚- 5:30 ng hapon

𝐈𝐬𝐤𝐞𝐝𝐲𝐮𝐥 𝐧𝐠 𝐦𝐠𝐚 𝐦𝐚𝐦𝐮𝐦𝐮𝐧𝐨 𝐬𝐚 𝐛𝐚𝐰𝐚𝐭 𝐚𝐫𝐚𝐰:
Unang Araw- Purok Ilaya
Ikalawang Araw- Purok Kanluran
Ikatlong Araw- Purok Centro
Ikaapat na Araw- Purok Gubat
Ikalimang Araw- Purok Loob
Ikaanim na Araw- Kapisanang Flores de Maria
Ikapitong Araw- Kristong Hari
Ikawalong Araw- Kapatiran kay Santa Maria Magdalena
Ikasiyam na Araw- Sambayanang Kristyano ng Maitim

𝑺𝒂𝒏𝒕𝒂 𝑴𝒂𝒓𝒊𝒂 𝑴𝒂𝒈𝒅𝒂𝒍𝒆𝒏𝒂, 𝑰𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊!

05/07/2026

𝐕𝐈𝐒𝐈𝐓𝐀 𝐌𝐀𝐑𝐈𝐀 𝟐𝟎𝟐𝟔

Ang Pagdalaw ng Pilgrim Image ng Mahal na Birhen ng Medalya Milagrosa mula sa The Miraculous Medal Apostolate - Philippines.

Maraming Salamat Mahal na Birhen ng Medalya Milagrosa sa inyong Pagdalaw sa Nayon ng Maitim.

03/07/2026

𝗩𝗜𝗦𝗜𝗧𝗔 𝗠𝗔𝗥𝗜𝗔 𝗦𝗔 𝗔𝗠𝗔𝗗𝗘𝗢

The Image of Our Lady of the Miraculous Medal will visit the Saint Mary Magdalene Parish, Amadeo, Cavite, from July 5-8, 2026.

𝘖 𝘔𝘢𝘳𝘺 𝘤𝘰𝘯𝘤𝘦𝘪𝘷𝘦𝘥 𝘸𝘪𝘵𝘩𝘰𝘶𝘵 𝘴𝘪𝘯, 𝘱𝘳𝘢𝘺 𝘧𝘰𝘳 𝘶𝘴 𝘸𝘩𝘰 𝘩𝘢𝘷𝘦 𝘳𝘦𝘤𝘰𝘶𝘳𝘴𝘦 𝘵𝘰 𝘺𝘰𝘶!

23/06/2026

𝟎𝟔/𝟐𝟒/𝟐𝟔

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐊𝐀𝐏𝐀𝐍𝐆𝐀𝐍𝐀𝐊𝐀𝐍 𝐍𝐈 𝐒𝐀𝐍 𝐉𝐔𝐀𝐍 𝐁𝐀𝐔𝐓𝐈𝐒𝐓𝐀🐚

PANALANGIN KAY SAN JUAN BAUTISTA

O San Juan Bautista, aming mahal at itinatanging ikalawang patron, sa pasimula ay sumaiyo na ang kamay ng Panginoon. Niloob ng Ama na mag dalang-awa siya sa iyong mga magulang, na sa kanilang katandaan, ikaw ay maisilang. Tungkulin mo ay nahayag nang manguna ka sa sanyang Anak na si Hesus. Sa patnubay ng Espiritu, naging matatag ka. Narinig ang tinig mong sumisigaw sa ilang at ikaw ang nag sabing, "Ihanda ang daraanan ng Panginoon, ituwid ang kanyang landas- ng makita ng lahat ng tao ang pagliligtas ng Diyos."

Tanggapin mo ang aming hiling na kami ay maipanalangin sa Diyos na punong-puno ng Awa at Pag-ibig. Na sa bawat sandali ng aming buhay, sa pagkakasakit, lungkot at kabiguan pati na rin sa mga panahon ng kasaganahan, kasiyahan at tagumpay, maging sa anu mang aming hinahangad sa buhay, kami ay laging mapasa-kamay ng Diyos na nag kamit ng aming mga minimithing Pananampalataya, Pag-asa at Pag-ibig.

Ipanalangin mo kami at tanglawan San Juan Bautista, nang aming matunghayan ang kadakilaan at pagliligtas ng Diyos sa amin. Amen.

Viva San Juan Bautista de Maitim!! Viva!!

𝐌𝐀𝐒𝐃𝐀𝐍: Tampok ang orihinal at antigong imahe ni San Juan Bautista. Ang Ikalawang Patron ng Nayon ng Maitim na noo'y kasa-kasama na ng ating Mahal na Patrong si San Isidro Labrador at ng Mahal na Birhen ng Flores na nakaluklok sa munting bisita o kapilya na gawa pa sa pawid. Ito ang kaisa-isa at natatanging matandang imahe ni San Juan Baustista sa ilalim ng Parokya ni Santa Maria Magdalena sa Bayan ng Amadeo, Cavite.

18/06/2026

𝐑𝐨𝐬𝐚𝐫𝐢𝐨 𝐂𝐚𝐧𝐭𝐚𝐝𝐚 𝐬𝐚 𝐁𝐚𝐜𝐥𝐚𝐫𝐚𝐧

Ang Delegasyon ng Bayan ng Amadeo sa Pambansang Dambana ng Mahal na Ina ng Laging Saklolo kasama ang ilan sa mga Patron at Patrona ng bawat baryong nasasakupan nito

06/ 18/ 26