UCCP Monay Alubijid

Directions

UCCP Monay Alubijid Discerning and Obeying God's Will in these Critical Times

04/10/2026

O Dios ikaw among dalangpanan sa tanang panahon. Sa kalipay ug kasakit dili ka mobiya kanamo.

Karon Octobre 3 , 2026 atong pamalandongan ang mabasa sa:

Isaias 59:1
"Ang kamot sa Ginoo dili mubo nga di siya makaluwas, ug dili usab bungol ang iyang dalunggan nga dili siya makadungog."

Duha ka mga kinaiya sa Dios ang iyang gipadayag sa mga Israelita ug sa tanang katawhan.
1. Ang Dios moluwas ug walay dapit dili maabot sa iyang kamot.
2. Ang Dios makabati ug makadungog sa mga pagdayeg ug dangoyngoy sa iyang katawhan.

Ang Israel nahiagom sa pagkabihag ug gidala sa langyaw nga nasud. Naka agi sila ug mga pag-antus ug kasakit tungod sa ilang mga kasal-anan.

Ang Dios nagsaad nga motabang ug ayohon sila gkan sa mga kasakitan ug gitudloan sila sa ilang angayan nga buhaton.

Gipakita sa atong texto ang mahimo sa Dios alang sa iyang katawhan kay ang Dios moluwas ug malooy ug puno sa grasya ug gugma. Dili niya pasagdan ang iyang katawhan nga magpakitabang ug modangop kaniya sa tinud-anay gayod.

Iyagyag ta ang mga pagdayeg ug mga hangyo ngadto sa Ginoo kay siya maayo.

Amen Amen Amen...

04/10/2026

O Dios dugangi among kadasig paghigugma sa imong pulong.

Karon Octobre 2 , 2026 atong pamalandongan ang mabasa sa:

Buhat 17:11
"Mas bukas ang panghunahuna sa mga tawo didto kay sa mga taga-Tesalonica. Madasigon kaayo silang namati sa Maayong Balita ug nagtuon sila sa Kasulatan matag adlaw aron pagtino kon tinuod ba gayod kining mga butanga."

Si Apostol Pablo misyonero nga kanunay nagpanaw aron sa pagsangyaw sa Maayong Balita. Nakahimo siya ug tulo ka misyonhong pagpanaw ug pagsangyaw sa nagkalain laing mga lugar. Usa sa iyang naadtoan mao ang syudad sa Tesalonica. Datu, ug inila nga syudad sa Macedonia. Daghan siyag nakabig didto. Atong mahinumduman nga duna siyay duha ka sulat sa Tesalonica tungod kay naka experiensia ang mga magtotoo didto ug dagkung mga problema sa mga mini O mga salingkapaw nga mgav' magtutudlo.

Gikan sa Tesalonica miadto sila (kauban si Silas) sa Berea ug nakita nila ang simpling pagpuyo ug pagkinabuhi sa mga taga Berea ug naila sila sa tulo ka butang.

1. Bukas O abli nga panghunahuna.
2. Kadasig sa pagpamati sa Maayong Balita.
3. Sensiro nga pagtoon sa Bibliya pinaagi sa pagtino kon tinood ba gayod ilang nabati.

Mao kini atong gikinahanglan karong panahona. Sama sa taga Berea batunan nato ang kadasig ug kasibot pagtoon sa pulong sa Dios. Makatabang kini sa atong Pagtoo sa Dios

Threefold Amen..

02/10/2026

O Dios tinubdan sa tanan salamat sa panalangin.

Karon Octobre 1 , 2026 atong
Pamalandongan ang mabasa sa:

Filipos 4:19
"Ug ang akong Dios magsangkap sa tanan ninyong gikinahanglan sumala sa naghingapin niyang bahandi diha ni Cristo Jesus."

Ang atong texto maoy usa ka panapos nga sulat ni Apostol Pablo sa taga Pilipos. Puno kini sa Pagpasalamat ug pagdayeg sa mga magtotoo sa Pilipos kay ilang gibuhat iyang gitudlo ug siya mismo nakadawat niini. Kay sa dihang napriso si Pablo ang mga taga Pilipos maoy nagpakaon ug nagbisita kaniya.

Kini nga texto nagpaila sa upat ka importanting kamatuoran. Gipaila ni Pablo nga lahi atong gusto(wants) kay sa atong gikinahanglan (needs). Di nato makab-ot O makuha ang tanan natong gusto samtang nia pa ta sa kalibutan. Mao nga gitudloan ta niya kinsa ang maghatag sa atong mga gikinahanglan.

1. Ang Dios ni Apostol Pablo mao usab atong Dios.
2. Kay ang Dios nagsangkap sa mga gikinahanglan ni Apostol Pablo, magsangkap usab kanato.
3. Duna tay duha ka panginahanglanon. Physical ug Spiritual.
4. Si Hesu-Kristo subra na alang kanato. Siya atong Manluluwas, Magtatabang, Magsasangkap.

Ato kining isilsil sa atong kasingkasing. Naay Dios nga nagbuhat sa tanan. Ug si Hesu-Kristo labing dool kanato ug di ta niya pasagdan.

fivefold Amen.....

02/10/2026

O Dios nga maminaw sa among mga hangyo. Dungga kami O Dios.

Karon Septembre 30 , 2026 pamalandongan nato ang Pulong sa Balaang Kasulatan makita sa:

Salmo 27:4

"Usa lamang ka butang
ang gipangayo ko sa Ginoo:
nga makapuyo ako sa iyang balay sa tibuok kong kinabuhi, aron pagsud-ong sa iyang kaayo, ug sa pagpakisayod mahitungod sa iyang kabubut-on sulod diha sa iyang Templo."

Gitoohan nga sinulat kini ni David. Usa ka magbalantay sa karnero, nagmadaugon batok ni Goliath, gustong patyon ni haring Saul, nahimong hari, nakasala ug panapaw ug pagpatay. Si haring David tawo pareha nato dunay kaluyahon, makasasala.

Dinhi nga bersikulo iyang gipagawas iyang hingpit nga gibati ug kagustohan. Mao kini iyang kinalaloman nga gusto ug pangandoy.
"nga makapuyo sa balay sa Dios".
Ang boot ipasabot niini nga makakauban sa Dios kanunay. Kuyog-dool-tapad sa Dios forever.

Unsa may imong pag-ampo ug pangayoon nga usa ka butang sa Dios?

Alang kang David kon duna may gusto niyang ihatag sa Dios kaniya mao kadtong molungtad hangtud sa kahangturan. Ug mao kana ang presensia sa Dios. Nga makakuyog kuyog ta sa Dios. Maka storia sa Dios ug makapuyo sa iyang giandam nga puloy-anan hangtud sa kahangturan.

Amen ug Amen..

30/09/2026

O Dios tagai kamig kaisog nga modool kanimo. Himoa kaming takus sa imong gugma.

Karon Septembre 29 , 2026 atong pamalandongan ang mabasa sa:

Salmo 34:8
"Sulayi ug makita ninyo
ang kaayo sa Ginoo!

Bulahan ang tawo nga modangop kaniya!"

Mao ni panahon nga si David naglatagaw sa mga kabukiran, mga langob ug mga kabungturan. Daghan ang gustong mopatay kaniya.

Mikalagiw siya sa mga tawong dautan apan wa jud siya miundang ug tawag sa Ginoo. Wa siya mihunong sa Pag-ampo. Wa siya nagpatara nga walay gibuhat...Pwerte niyang pangayo sa tabang sa Dios. Nagpalayo siya sa mga kaaway apan nagpadool siya sa Dios. Usa ka importanting leksyon ilabina kanato karon nga naningkamot nga mahaw-as sa kalisod. Kasinatian kini ni David ug siya nagmadaugon.

Karong panahona, mas gikinahanglan nato ang tabang ug pag-giya sa Ginoo. Gipangandoy nato ang mga saad sa Dios. Ug gilauman nato iyang presensia. Kini maoy awhag ni David "SULAYE UG MAKITA NINYO ANG KAAYO SA GINOO."

Bulahan ang tawo nga mosalig ug magpadool sa Ginoo kay makatilaw sa iyang gugmang way paglubad.

Threefold Amen...

30/09/2026

O Dios sa panahon sa kalisdanan lig-ona kami ug tagai ug kaalam.

Karon Septembre 28 , 2026 atong pamalandongan ang mabasa sa:

Lukas 17:5
"Ang mga Apostoles miingon sa Ginoo, Dugangi ang among Pagtoo."

Ngano kaha nga nagsige silag pangayo ug karon magpadugang sa ilang pagtoo? Unsa man diay ning gitawag ug pagtoo murag banga sudlanan sa tubig kay mahutdan?

Ngano nga alang kang Hesus ang pagtoo nga sama kadako sa liso sa mustasa sakto na. Igo na kaayo. Ang gusto ni Hesus masabtan sa tanan nga nagtoo ug nagsunod kaniya nga si Hesus igo na. Wala ka ng hahanapin pa. Ang pagtoo dili usa ka lagda ug sumbanan, samot na nga dili kini tibod nga sudlanan sa kahibalo.

Gusto ni Hesus nga masabtan sa mga tinun-an nga naa na silay pagtoo. Kon nagtoo ug nagsunod ka ni Hesus igo na kana. Ang kaluwasan gasa sa Dios.

Ang kulang sa kadaghanan kanato mao ang bunga sa pagtoo. Sama sa gugma, pagpasaylo, pagtabang ug pagtuman sa kabubut-on sa Dios. Kay ang pagtoo nga walay buhat patay(Santiago 2:26) Igo na nga naa tay pagtoo kang Hesus ang bunga mosunod ra.

Ang kaluwasan gihatag na busa managbuhat kita .

Amen ug Amen..

28/09/2026

O Dios imong kalipay nga ang imong pulong masangyaw sa tibook kalibutan.

Karon Septembre 26, 2026 atong pamalandongan ang mabasa sa:

2Timoteo 1:11-12
"Gusugo ako sa Dios sa pagsangyaw ug sa pagtudlo sa Maayong Balita ingon nga Apostol 12ug tungod niini nag-antus ako. Apan wala ko kini ikaulaw kay nakaila ako sa akong gisaligan ug sugurado ako nga siya takus nga maka amping sa iyang gipiyal kanako hangtod niadtong adlawa."

Usa kini ka pagtawag nga mosanong sa pagtawag sa Dios ingon nga iyang sumosunod.

Ug ingon nga pinandungan Gipahinumduman ni Pablo si Timoteo nga ang spiritu nga gihatag sa Dios dunay gahum ug kaisog, gugma ug pagpugong sa kaugalingon.(v.7)

Ug bisan kon si Pablo napiriso ug nag-antus giawhag niya si Timoteo nga dili kini ikaulaw ang pagsangyaw sa pulong sa Dios. Hinuon himoon nga panig-ingnan ang matuod nga mga pagtulon-an nga gitudlo ni Pablo ug magpabilin diha sa pagtoo ug gugma nga naato tungod sa atong pagkahiusa kang Kristo Hesus."

Kitang tanan gipiyalan nga magpaambit sa pulong sa Dios hangtud sa iyang pagbalik. Maghigugmaay kita.

Threefold Amen...

26/09/2026

O Dios nga makahimo sa tanang butang. Salamat sa kaluwasan.

Karon Septembre 25 , 2026 atong pamalandongan ang mabasa sa:

Mateo 19:26
"Si Jesus mitutok kanila ug mitubag, "Kini dili mahimo sa tawo; apan mahimo sa Dios ang tanang butang."

Kini nga bersikulo dunay kapareha sa ebanghelio ni Markos (10:27) ug Lukas(18:27). Tungod kay gihisgutan kini sa tulo ka ebanghelio nagpasabot importante kini.

Daghang tema atong makutlo apan mosentro lang kita sa Pagtuki sa Mahimo sa Dios ug di mahimo sa tawo. Kana mao ang atong KALUWASAN.

Gipaklaro ni Hesus nga di ta maluwas tungod sa atong maayong mga buhat. Bisan unsa kadaghan. Di mapalit sa salapi ug bulawan ang kaluwasan. Bisan unsa pa kini kadaku. Imposibly sa tawo ang pag angkon sa kinabuhing way katapusan. Kay bisan unsa nato ka maayo nakasala kita sa buhat, hunahuna, pulong ug mga maayong lihok nga wa nato mahimo. All have sinned and fall short.

Mao nga gihatag kini nga libre diha ug pinaagi kang Hesu-Kristo. Matud pa sa Efeso 2:8-9- Pinaagi sa Pagtoo naluwas kita tungod sa grasya dili kini bunga sa atong paningkamot, Gasa kini sa Dios. Way makapanghambog niini.

Ang gihimo ni Hesu-Kristo igo na nga nagluwas kanato aron ta makatabang sa uban.

Amen ug Amen..

25/09/2026

O Dios ikaw ang nasayod sa tanan. Himoa kaming mainampoon kanunay.

Karon Septembre 24 , 2026 atong pamalandongan ang mabasa sa:

Santiago 5: 16
"Busa pagsugiray kamo sa inyong mga sala ug pag-ampo alang sa usag usa aron kamo mangaayo. Ang Pag-ampo sa tawo nga matarong dakug kahimoan."

Ang atong texto naghisgot sa pag-ampo sa tawong matarong ug ang iyang sanglitanan mao si Elijah sa dihang nag ampo siya nga dili moulan ug tinuod sulod sa tulo ka tuig ug tunga nga wala miulan. Ug sa dihang nag ampo na usab siya nga moulan, miulan dayon kini. Pagkatalagsaon, pagkatulokibon tungod kay sa atong nasinati dili ingon ani ang tubag sa atong mga pag-ampo.

Ngano kaha nga daghan sa atong mga pag-ampo hangtod karon wa pa jud gitubag sa Ginoo. Sama sa kalinaw nga hangtud karon naa gihapoy kagubot. Sama sa pag-ampo nga mawala na unta ang kalisdanan ug hangtud karon daghan pa gihapon ang naglisod.

Tungod kini sa sala ug sa nagkawatakwatak nga mga relasyon tali sa Dios ug sa mga tawo. Busa mag-inampoay kita kanunay.

Kon dunay atong pag-ampo nga wala pa matubag, naa man poy tubag sa Ginoo sa mga wala nato giampo apan atong gikinahanglan. Pasalamatan ta siya.

Lima ka Amen.....

Address

Monay, Lanao
Alubijid
9018

Website

Alerts

Be the first to know and let us send you an email when UCCP Monay Alubijid posts news and promotions. Your email address will not be used for any other purpose, and you can unsubscribe at any time.

Shortcuts

Share

Category