Flores de Mayo - Poblacion 2026

09/12/2025

𝙋𝘼𝙂𝙋𝘼𝙋𝘼𝙎𝘼𝙇𝘼𝙈𝘼𝙏 𝙎𝘼 𝙋𝘼𝙂𝘿𝙄𝙍𝙄𝙒𝘼𝙉𝙂 𝙉𝙂 𝙈𝘼𝙃𝘼𝙇 𝙉𝘼 𝙄𝙉𝙈𝘼𝘾𝙐𝙇𝘼𝘿𝘼 𝘾𝙊𝙉𝘾𝙀𝙋𝘾𝙄𝙊𝙉

Lubos ang aming pasasalamat sa lahat ng naglingkod at nag-sponsor sa pagdiriwang ng Mahal na Inmaculada Concepcion. Ang inyong walang sawang suporta ay nagbigay-daan sa isang maayos, mataimtim, at makabuluhang selebrasyon. Maraming salamat po.💙🙏

09/12/2025

Maraming Salamat po ❤️

08/12/2025

𝕿𝖎𝖌𝖓𝖆𝖓 𝖆𝖓𝖌 𝖒𝖌𝖆 𝖑𝖆𝖗𝖆𝖜𝖆𝖓 𝖒𝖚𝖑𝖆 𝖘𝖆 𝕻𝖆𝖌𝖉𝖎𝖗𝖎𝖜𝖆𝖓𝖌 𝖓𝖌 𝕴𝖓𝖒𝖆𝖈𝖚𝖑𝖆𝖉𝖆 𝕮𝖔𝖓𝖈𝖊𝖕𝖈𝖎𝖔𝖓

Isang araw ng biyaya at pagninilay para sa San Juan Nepomuceno Parish habang ipinagdiriwang ang Kapistahan ng Inmaculada Concepcion. Sa misa at prusisyon, damang-dama ang init ng debosyon at pag-ibig ng bawat mananampalataya kay Maria. Nawa’y manatiling ilaw ng pagkakaisa ang Mahal na Ina sa ating sambayanan.

Maria, ipinaglihing walang kasalanan, Ipanalangin mo kami 💙💐

08/12/2025

08/12/2025

𝕸𝖆𝖑𝖎𝖌𝖆𝖞𝖆𝖓𝖌 𝕶𝖆𝖕𝖎𝖘𝖙𝖆𝖍𝖆𝖓 𝖓𝖌 𝕴𝖓𝖒𝖆𝖈𝖚𝖑𝖆𝖉𝖆 𝕮𝖔𝖓𝖈𝖊𝖕𝖈𝖎𝖔𝖓!

Sa araw na ito, buong galak na ipinagdiriwang ng ating parokya ang kadakilaan ng Mahal na Birheng Maria, na mula sa unang sandali ng kanyang pag-iral ay iningatan ng Diyos mula sa kasalanan. Ang kanyang buhay ay huwaran ng kababaang-loob, pananampalataya, at ganap na pagtitiwala sa kalooban ng Diyos. Nawa’y ang kanyang dalisay na pag-ibig at matatag na pananampalataya ay maging inspirasyon ng ating buong komunidad.

Maria, ipinaglihing walang kasalanan, ipanalangin mo ang aming parokya at ang buong sambayanan. 💙🙏

07/12/2025

IKA-SIYAM NA ARAW NG NOBENA PARA SA KALINIS-LINISANG PAGLILIHI SA MAHAL NA BIRHENG MARIA

Ngayong huling araw ng Novena para sa Kapistahan ng Inmaculada Concepcion, pinangunahan ng Kapisanan ng Flores de Mayo - Poblacion 2026 at Mangas 1, Mangas Kanluran at Esperanza Ilaya ang pagdarasal ng Santo Rosario at ng nobena sa Inmaculada Concepcion, ang Patrona Principal ng Pilipinas.

Pinagnilayan natin ngayong araw ang kadakilaan ni Maria: siya na ipinaglihi na walang kasalanan ang malinaw na huwaran ng kabanalang ating inaasam makamit.

Inang kalinis-linisan, ipanalangin mo kami.

07/12/2025

Inaanyayahan ng Kapisanan ng Flores de Mayo – Poblacion ang buong sambayanan upang makiisa sa Dakilang Kapistahan ng Kalinis-linisang Paglilihi sa Mahal na Birheng Maria (Inmaculada Concepcion) bukas. 💙✨

Ang Misa ay sa ika-6 ng umaga at ika-6 ng gabi. Susundan ito ng prusisyon ng Mahal na Birhen sa ganap na ika-7 ng gabi

Dahil ang Inmaculada Concepcion ang Patrona Principal ng buong Kapuluan ng Pilipinas, tayo ay tinatagubilinang magsimba at makiisa sa mga pagdiriwang. Halina't pagnilayan ang dakilang hiwaga ng kabanalan at kadalisayan ni Maria, ang unang bunga ng pagliligtas ni Kristo at huwaran ng ganap na pagtatalaga sa kalooban ng Diyos.


“O Maria, ipinaglihi na walang bahid-dungis, ipanalangin mo kami na dumudulog sa iyo.”
🙏💙✨

06/12/2025

IKAWALONG ARAW NG NOBENA PARA SA KALINIS-LINISANG PAGLILIHI SA MAHAL NA BIRHENG MARIA

Ngayong huling unang Sabado ng taon at antevisperas ng Kapistahan (6 Disyembre), pinangunahan ng Kapisanan ng Flores de Mayo - Poblacion 2026 ang pagdarasal ng Santo Rosario at ang ika-walong araw ng nobena sa Inmaculada Concepcion, Patrona Principal ng Pilipinas.

Pinagnilayan natin ngayong araw ang isa sa mga sanhi ng maluwalhating pananagumpay ng Iglesya Katolika laban sa kanyang mga kaaway: ang walang-humpay na pagkukupkop ng Dakilang Ina, si Mariang ipinaglihi na di nabahiran ng kasalanang orihinal.

Dahil siya ang salamin ng kalinisan, masasabing walang namintakasi kay Maria na di nagtagumpay sa pakikitunggali sa mga kaaway ng kaluluwa.

Kaya't halina, tayo'y dumulog at pakupkop kay Maria, at ating sambitlain ang ganitong mga pananalitan;

Inang walang-malay sa kahalayan, ipanalangin mo kami
Inang di malapltan ng masama, ipanalangin mo kami.
Inang kalinis-linisan, ipanalangin mo kami.

05/12/2025

IKAPITONG ARAW NG NOBENA PARA SA KALINIS-LINISANG PAGLILIHI SA MAHAL NA BIRHENG MARIA

Ngayong ika-5 ng Disyembre, pinangunahan nina Illuminada Fenol, Chara Angelica Giron, Erlinda Herrera at Francheska Austria ang pagdarasal ng Rosaryo at Nobena sa Inmaculada Concepcion, Patrona Principal ng Pilipinas.

Mula pa noong una, ipinangako ng Diyos ang kaligtasan sa ating mga magulang sa pamamagitan ng isang Babae. Sa kanya magmumula ang Anak na papawi sa dilim ng kasalanan, si Hesus na ating Panginoon.

O kalinis-linisang Birheng Maria, ipanalangin mo kami!

04/12/2025

Tao po! Nangangaroling po! Darating po kami sa inyo, dala ang awit, dasal, at kagalakan ng Pasko! ✨🎄

Ngayong papalapit na kapaskuhan, muling binubuhay ng Flores de Mayo Poblacion ang isang nakagisnang tradisyon ng mga Pilipino, ang pangangaroling o pamamasko, handog ng mga kabataan ng Flores de Mayo - Poblacion 2026 sa atinf mahal na pamayanan.

Sa pamamagitan ng proyektong ito, nais naming ihatid sa bawat tahanan ang kagalakan ni Kristo at ang mapag-arugang pag-ibig ni Maria sa pamamagitan ng awitin at panalangin.

Buong galak po naming dadalawin ang mga Katolikong pamilya sa Poblacion 1–5 sa ika-6 at ika-13 ng Disyembre 2025, simula alas-6 ng gabi.

Asahan ninyo ang masasayang tinig ng kabataan, mga awiting pamasko na puno ng pag-asa, at mga panalanging iaalay para sa kapayapaan at biyaya ng inyong pamilya at tahanan.

Ngayong Pasko, sama-sama po nating salubungin si Kristo sa ating mga tahanan, sa pamamagitan ng awit, ngiti, at taos-pusong pagtanggap. Nawa’y madama ninyo ang kagalakan ni Kristo at ang mapagmahal na yakap ni Mama Mary sa bawat himig na aming iaalay.

🏠🎶 Abangan po ninyo kami sa ika-6 at ika-13 ng Disyembre!

Buksan ang inyong mga pintuan, buksan ang inyong mga puso, at sabay-sabay nating ipagdiwang ang Pasko bilang isang nagkakaisang pamayanan.
💖🎄

04/12/2025

IKA-ANIM NA ARAW NG NOBENA PARA SA KALINIS-LINISANG PAGLILIHI SA MAHAL NA BIRHENG MARIA

Ngayong ika-4 ng Disyembre, pinangunahan ng aming Adviser at ilang opisyales ng Flores de Mayo- ang pagdarasal ng Rosaryo at Nobena sa Inmaculada Concepcion, Patrona Principal ng Pilipinas.

Dahil sa malaking awa ng Diyos sa sangkatauhan, ipinagkaloob niya si Maria na Ina ng kanyang Anak na si Hesus upang maging Ina rin natin. Sa papalapit na kapistahan ng Inmaculada Concepcion, makita nawa natin si Maria hindi lamang bilang reynang sakdal gamda, kundi bilang ina nating handang dumamay.

O kalinis-linisang Birheng Maria, ipanalangin mo kami!

03/12/2025

IKALIMANG ARAW NG NOBENA PARA SA KALINIS-LINISANG PAGLILIHI SA MAHAL NA BIRHENG MARIA

Ngayong ika-3 ng Disyembre, pinangunahan ng FDM - Marahan 1 at FDM - Poblacion ang pagdarasal ng Rosaryo at Nobena sa Inmaculada Concepcion, Patrona Principal ng Pilipinas.

Si Maria, ipinaglihing walang kasalanan, ay halimbawa ng pagtalima sa kalooban ng Ama. Tayong mga deboto ay magkaroon nawa ng pagtulad sa kanyang puso.

O kalinis-linisang Birheng Maria, ipanalangin mo kami!