Reformed Churches of PNG

Call Directions Website

Reformed Churches of PNG The Reformed Churches of PNG are a federation of churches in NCD, Central, and Morobe province. Our relationship with God has been broken because of our sins.

These churches have roots in the Protestant Reformation in the 16th century and are linked to Reformed Churches all around the world. The word ‘reformed’ points to the fact that these churches always seek to go back to the truth revealed in God’s Word in all areas of life and faith. God's Word teaches us that we are sinners who have turned away from God. We are not able to save ourselves or restore our relationship with God by our own works. But God, in His grace has sent us His only Son, Jesus Christ to pay for our sins, live a perfect life for us, and by His Holy Spirit bring us back into a right relationship with Him. Come and join us every Sunday as we g*ther together to worship the God who saves!

Tok bilong God em i bikpela samting long laip bilong yu, o nog*t?"…Na wanpela bainat i g*t tupela sap na i sap tru, em i...
19/10/2026

Tok bilong God em i bikpela samting long laip bilong yu, o nog*t?

"…Na wanpela bainat i g*t tupela sap na i sap tru, em i kam ausait long maus bilong en." –
Kamapim Tok Hait 1:16

Jisas inapim olgeta tok profet long Olpela Kontrak i tokaut long em. Tasol olgeta samting i kamap i narakain olgeta long olgeta tingting long olgeta manmeri.

Ol Israel i wetim wanpela man bilong pait, olsem em bai i kam olsem king na bagarapim olgeta birua bilong em. Ol Israel i ting olsem em bai i kirapim bikpela pait i holi na givim bel isi i go bek long Israel, na Israel bai i stap gut tru.

Tasol wanem samting tru i kamap long ol dispela tok profet long dispela king bilong winim pait?

Jisas em i King pinis. I g*t wanpela man i bin lukim em olsem King. Na dispela man em i Jon.
Jon i stap long ailan ol i kolim Patmos. Na dispela King em i lukim, em i g*t bainat. Yes, em i
g*t bainat. Tasol em i no putim bainat long hankais bilong em, olsem ol arapela man bilong
pait i save putim. Nog*t. Bainat bilong em i kam ausait long maus bilong en!

Olgeta manmeri bai i kirap nogut long dispela. Gutnius bilong kingdom i narakain samting olgeta: Laion em i kamap olsem pikinini sipsip. Jas i kam wantaim marimari. Man bilong bungim kaikai i kam olsem man bilong tromoi pikinini wit. Na bainat bilong king i kam ausait long maus bilong en.

Dispela bainat i olsem Tok bilong em. Na dispela Tok bilong em bai i pait. Krais i bin givim strongpela tok long ol lain i kisim Tok bilong em pinis, olsem sapos ol i no harim Tok bilong em na bihainim dispela Tok, orait ol bai i no g*t hop long las de, dispela de bilong bikpela kot bilong God. Na God em i mekim wankain tok long ol manmeri bilong kantri bilong yumi tude
Tok bilong God em i no samting nating. I no samting bilong yumi i ken kisim o tromoi long
laik bilong yumi yet. Nog*t. Tok bilong God i g*t pawa bilong opim na pasim dua bilong kingdom bilong heven. Dispela bainat i olsem Tok, tasol dispela Tok em i olsem bainat tu!

Yumi save mekim gutpela pasin, tasol yumi no mekim dispela bilong kisim sampela samting. Nog*t. Bai yumi inap long kisim...
17/09/2026

Yumi save mekim gutpela pasin, tasol yumi no mekim dispela bilong kisim sampela samting.

Nog*t.

Bai yumi inap long kisim wanem samting long pasin bilong yumi?

God i no g*t dinau long yumi.

Nog*t!

Yumi yet i g*t bikpela dinau long God!

Na tu, ol dispela gutpela pasin yumi mekim, God yet i save strongim yumi long mekim.

Yumi save mekim ol gutpela wok, long wanem, God i save wok insait long bel bilong yupela.

Em yet i kirapim laik bilong yupela long mekim ol pasin em i laikim, na em i givim yupela strong bilong mekim ol dispela pasin (Filipai 2:13).

Yumi mas tingim dispela tok i stap long Luk 17:10:

Olsem na yupela tu, sapos yupela i mekim pinis olgeta samting olsem God i tokim yupela, orait yupela i mas tok, “Mipela i no gutpela wokboi. Samting mipela i mekim, em i wok tasol bilong mipela”.

I tru olsem God i save amamas long ol gutpela wok bilong yumi.

God bai givim pe long olgeta manmeri inap long pasin ol i bin mekim, tasol dispela em i samting bilong marimari.

Tru, yumi save mekim gutpela wok.

Tasol gutpela wok bilong yumi i no inap long sevim yumi.

Nog*t.

Olgeta samting yumi mekim sin i bagarapim pinis na pe bilong sin em i dai tasol.

Na sapos yumi inap long mekim wanpela gutpela wok na sin i no stap long en, God bai tingim ol arapela sin yumi mekim pinis, na dispela gutpela wok bai i stap olsem samting nating.

Sapos yumi lukluk long wok bilong yumi yet long kisim bek yumi, bilip bilong yumi bai i no inap sanap strong na bai yumi wari long salvesen bilong yumi.

Mobeta yumi lukluk long pen na dai bilong Krais tasol na olgeta gutpela wok Em yet i mekim bilong kisim bek yumi.

Yumi kamap NUPELA NA HOLI na mekim ol gutpela wok olsem wanem?Yumi bilip olsem, long rot bilong trupela bilip tasol, yum...
03/09/2026

Yumi kamap NUPELA NA HOLI na mekim ol gutpela wok olsem wanem?

Yumi bilip olsem, long rot bilong trupela bilip tasol, yumi kamap nupela.

Dispela bilip i no kam long yumi yet.

Nog*t, em i save kam taim yumi harim na ritim Tok bilong God, na Holi Spirit i mekim wok insait long bel bilong yumi.

Yumi kisim nupela laip, na kamap fri long kalabus bilong sin.

Olsem na, i no tru olsem ol manmeri i bilip olsem God i kolim ol stretpela long bilip tasol, ol i no save mekim gutpela pasin na stap holi.

Nog*t tru.

Sapos man i no holim dispela bilip, em i no laikim God tru, na em i save mekim gutpela pasin bilong apim nem bilong em yet tasol o bikos em i pret tasol long belhat bilong God.

Taim Holi Spirit i kirapim bilip long bel bilong yumi, bai yumi bihainim God, na dispela bilip i save kirapim yumi long laikim tru ol arapela tu (Galesia 5:6).

Trupela bilip i save kirapim yumi long mekim ol gutpela pasin God i tokim yumi long mekim long Tok bilong En.

Taim dispela bilip em i as bilong gutpela pasin bilong yumi, God i save amamas long dispela pasin, long wanem, em i kamap long marimari bilong Em yet.

Tasol dispela i no min olsem ol dispela gutpela wok bilong yumi i ken helpim yumi long kamap stretpela long ai bilong God.

Nog*t tru.

God i save kolim yumi stretpela taim yumi bilip long Krais tasol, taim yumi no bin mekim wanpela gutpela samting yet.

Gutpela pikinini diwai i save kamap long gutpela diwai tasol.

Olsem tasol, ol gutpela wok bilong yumi i save kamap bikos Jisas i mekim yumi kamap stretpela pinis.

Yu g*t bel isi taim yu tingim holi bilong God?Bilong wanem?Yumi bilip olsem as bilong trupela amamas na bel isi bilong y...
20/08/2026

Yu g*t bel isi taim yu tingim holi bilong God?

Bilong wanem?

Yumi bilip olsem as bilong trupela amamas na bel isi bilong yumi em i wok bilong Jisas Krais long tekewe olgeta sin bilong yumi.

Blut bilong Jisas i inap long karamapim olgeta sin bilong yumi, olsem na, yumi no ken pret long kam klostu long God.

Yumi mas stap bel isi, long wanem, yumi stap fri long pawa bilong sin na dai.

Yumi no ken pret na guria olsem namba wan tumbuna bilong yumi, Adam, taim em bin hait long God na karamapim skin wantaim lip bilong diwai fik.

Tru tumas, sapos yumi laik sanap long ai bilong God long strong bilong yumi o long strong bilong narapela man o meri, holi bilong God bai kukim yumi olgeta.

Olsem na, olgeta i mas mekim wankain tok olsem Devit: Yu no ken skelim mi, wokman bilong yu, long kot bilong yu.

Long wanem, i no g*t wanpela man i no g*t asua na i stap stret long ai bilong yu (Buk Song 143:2).

Yu ting olsem yu stap klin long ai bilong God?Tingim waitpela hatpela glori na holi bilong em. Yu inap long sanap long a...
06/08/2026

Yu ting olsem yu stap klin long ai bilong God?

Tingim waitpela hatpela glori na holi bilong em. Yu inap long sanap long ai bilong em?

Olsem wanem?

Yumi bilip olsem as bilong trupela amamas na bel isi bilong yumi em i wok bilong Jisas Krais long tekewe olgeta sin bilong yumi.

Long dispela rot tasol yumi kamap stretpela manmeri long ai bilong God, olsem Devit na Pol i skulim yumi.

Ol i toktok long amamas bilong man husat God i lusim pinis sin bilong em (Rom 4:6; Buk Song 32:1).

Aposel Pol i tok moa olsem: long wok Krais Jisas i mekim bilong baim bek yumi, God i save kolim yumi stretpela manmeri (Rom 3:24).

Olsem na, yumi mas tingim gut na holim strong dispela olgeta taim.

Yumi mas litimapim nem bilong God, daunim yumi yet long ai bilong Em, na tok tru long ol samting nogut bilong yumi.

Yumi no ken toktok long strong o gutpela samting bilong yumi yet.

Yumi lukluk long stretpela pasin bilong Jisas Krais i dai pinis long diwai kros.

Taim yumi bilip tru long Em, yumi kisim stretpela pasin bilong Em.

Wanpela man i go tromoi pikinini wit long gaden. – Matyu 13:3Taim Jisas i autim dispela tok piksa long ol, i g*t planti ...
29/07/2026

Wanpela man i go tromoi pikinini wit long gaden. – Matyu 13:3

Taim Jisas i autim dispela tok piksa long ol, i g*t planti manmeri i no save tru long as bilong
dispela tok piksa. Ol lain i g*t “yau long harim” na ol lain “God i larim ol i save pinis long as
bilong tok hait bilong kingdom bilong heven,” ol dispela lain tasol i save gut long as tru
bilong dispela tok piksa bilong Jisas. Bilong wanem ol arapela lain i no klia gut long dispela
tok piksa?
Ol dispela manmeri i wet i stap long lukim taim kingdom bilong heven bai i kam. Jon bilong
Baptais i bin tok olsem, kingdom bilong heven i kam klostu pinis. Em i tok olsem, man
bilong holim savol long han bilong en, bilong rausim olgeta pipia i stap long wit bai kam na
em bai i bungim wit long haus wit bilong en. Tasol pipia em bai i kukim long paia i no save
dai.
Jisas i stori long wankain kingdom. Tasol Jisas i no stori long dispela man bilong holim savol
bilong rausim olgeta pipia. Nog*t, em i stori long man i tromoi pikinini wit long gaden.
Dispela man i mekim olsem, na bihain em i wet i stap. Em i save olsem planti ol pikinini wit
bai lus. I g*t planti ol ston i stap yet long gaden. Planti ol rop i g*t nil i stap tu na sampela
pisin i wok long karim sampela i go. Tasol sampela pikinini wit bai karim kaikai. Long taim
bilong bungim ol wit i mau, sampela gutpela kaikai bai i stap.
Na dispela em i wankain olsem dispela rot kingdom bilong God i save bihainim long kam.
Em i rot God i yusim bilong kisim bek ol manmeri bilong em. Em i no salim paia i kam long
heven yet, na em i no salim i kam man bilong holim savol bilong rausim olgeta pipia i stap
long wit yet. Nog*t, em i salim man i tromoi pikinini wit long gaden. Na sapos yu i g*t yau,
yu bai i harim. Sapos God i larim yu i save pinis long as bilong tok hait bilong kingdom
bilong heven, yu bai save olsem bikpela wok bilong kingdom bilong God i kam long han
bilong man i tromoi pikinini wit long gaden.
Yumi no bin lukim ol bikpela samting tru long nau. King i bin kam pinis long dispela graun –
tasol em i kam olsem wanpela wokboi. I luk olsem i no g*t senis i kamap long dispela graun.
Tasol ol lain i save pinis long as bilong tok hait bilong kingdom, ol i wet i stap na ol i prea
strong tru bikos, “wanpela man i go tromoi pikinini wit long gaden….”

Taim yupela i no opim maus yet long askim Papa bilong yupela long wanpela samting, em i save pinis long olgeta samting y...
29/07/2026

Taim yupela i no opim maus yet long askim Papa bilong yupela long wanpela samting, em i save pinis long olgeta samting yupela i sot long en. – Matyu 6:8

Yumi mas tokim God long wanem samting yumi sot long en. Tasol, taim yumi opim maus bilong yumi yet long askim Papa bilong yumi long wanpela samting, em i save pinis long olgeta samting yumi sot long en. Em i hatwok stret long yumi yet i save gut tru long wanem samting yumi nidim.

Yumi no inap save gut tru long wanem samting yumi nidim. Planti taim yumi bai ting olsem yumi nidim sampela samting, tasol yumi no nidim tru tru. Sampela taim wanpela man i ting olsem em i nidim wanpela nupela meri, tasol nog*t, em i mas lainim pasin long stap gut wantaim meri bilong em tasol. Planti taim tingting bilong yumi bai paul bikos yumi g*t ol hevi, wari, sori, i go i go.

Tasol yumi ken kisim bikpela bel isi bikos yumi save olsem Bikpela yet i klia gut tru long olgeta samting yumi nidim. Taim wanpela s*kman, bun bilong em i dai olgeta, i kam long Jisas, yumi bai ting olsem Bikman bilong em bai stretim namba wan hevi bilong em pastaim - “Em i g*t s*k. Oraitim em, Jisas!” Tasol Jisas i tokim em, “Mi lusim pinis sin bilong yu.” Krais em i save long dispela namba wan samting dispela man i nidim!

Planti taim, taim yumi tokim God long olgeta samting yumi laikim, ating em bai ting olsem ol dispela samting i no nid tru bilong yumi. Olsem na Jisas, taim em i skulim yumi long gutpela pasin bilong beten, i tokim yumi long prea olsem, nem bilong God i ken i stap holi na kingdom bilong God i mas i kam pastaim. Em i save olsem dispela samting i olsem namba wan samting yumi olgeta i nidim.

Na yumi mas askim yumi yet – yumi klia long ol dispela nid bilong yumi? Yumi no ken autim dispela tok nating taim yumi prea, bikos namba wan samting yumi nidim, nid tru tru bilong yumi, em i God!

Yu bin harim tok olsem yumi mas mekim sampela samting bilong kisim salvesen?Long save tru long dispela bikpela tok hait ...
23/07/2026

Yu bin harim tok olsem yumi mas mekim sampela samting bilong kisim salvesen?

Long save tru long dispela bikpela tok hait God i bin soim yumi, Holi Spirit i mas kirapim trupela bilip long bel bilong yumi.

Long dispela bilip, yumi holimpas Jisas Krais na kisim Em wanpela tasol.

Yumi mas save olsem olgeta samting bilong salvesen bilong yumi i kam long Jisas Krais tasol.

Ol man husat i tok olsem yumi mas mekim sampela samting tu bilong kisim dispela salvesen, ol i paul olgeta.

Taim ol i tok olsem, i putim ples klia tingting bilong ol olsem Jisas wanpela tasol i no inap long givim salvesen long yumi; i olsem Krais em i hap Sevia tasol.

Olsem na, yumi tok stret olsem Pol i tok long Rom 3:28: Yumi kamap stretpela long ai bilong God long rot bilong bilip tasol.

Dispela tok bilong Pol i no min olsem bilip yet bai mekim yumi kamap stretpela. Nog*t.

Em min olsem: long bilip, yumi kisim stretpela pasin bilong Krais; Em i givim olgeta gutpela na stretpela pasin bilong En long yumi.

Olsem na, Jisas Krais Em i stretpela pasin bilong yumi, na long rot bilong bilip, yumi kisim Εm wantaim olgeta gutpela presen bilong Em.

Taim yumi kisim ol dispela presen bilong Krais, yumi kamap fri tru long sin bilong yumi.

Taim yumi harim dispela stori bilong Marta na Maria yumi no ken ting olsem pasin bilong sindaun nating na malolo em i wi...
15/07/2026

Taim yumi harim dispela stori bilong Marta na Maria yumi no ken ting olsem pasin bilong sindaun nating na malolo em i winim pasin bilong mekim wok. 1 Tesalonaika i stori long wanpela sios we ol i save sindaun tasol na stori long taim Krais bai i kam bek. Pol i tokim ol long kirap na wok. God i no amamas long pasin bilong les long wok.

Tasol wok inap kilim man i dai - taim wok bilong yu i bikpela tumas long laip bilong yu, na yu no g*t taim long harim tok bilong Jisas. Namba wan samting yumi nidim i olsem: yumi mas save gut tru long Jisas. Yumi nidim dispela long stap laip. Na yumi inap save long Krais taim yumi harim tok bilong em.

Sampela bai tok olsem, “Mi save long Jisas.” Na em i gutpela. Tasol yu no inap save long Krais sapos yu no harim tok bilong em. Olsem na yumi mas ritim tok bilong em na harim Spirit bilong em, na dispela em i namba wan samting yumi nidim long laip bilong yumi.

Masta tru bilong yumi em i save long wanem samting yumi nidim. Em i save olsem yumi nidim kaikai, yumi nidim mani. Em i save olsem yumi g*t planti wok yumi mas mekim.

Tasol Krais i tokim yumi wankain olsem em i tokim Marta: “Yu wok long tingting planti na yu wari long planti samting. Yu mas tingting long wanpela samting tasol…em i gutpela samting tru.” Em i namba wan samting yumi nidim.

Yumi mas tingting gut na klia gut long wanem samting yumi nidim tru tru. Yumi nidim Jisas! Sapos yumi save gut long Jisas na bilipim tok bilong em, laip bilong yumi bai stap orait.

--
Marta, Marta, yu wok long tingting planti na yu wari long planti samting. Yu mas tingting long wanpela samting tasol. Dispela samting Maria i laik kisim, em i gutpela samting tru, olsem na yumi no ken pasim em long kisim dispela gutpela samting. – Luk 10:41,42

Ol profet long Olpela Kontrak i stori long dispela kingdom bai i kam olsem wanpela graun i g*t planti gris na kaikai i s...
10/07/2026

Ol profet long Olpela Kontrak i stori long dispela kingdom bai i kam olsem wanpela graun i g*t planti gris na kaikai i stap long en. Sampela bai tok olsem dispela em i tok piksa long ol gutpela samting, olsem ol samting bilong amamas na bel isi.

God i makim Jisas bilong stap King long dispela kingdom i stap nau na long dispela kingdom bai i kam yet. Taim em i mekim ol bikpela wok bilong em long graun, Jisas i soim klia ol samting bilong kingdom bilong em.

Na ol i karim wanpela s*kman, bun bilong en i dai olgeta, long Jisas. Na Jisas i tok, “Pikinini, bel bilong yu i ken i stap isi. Mi lusim pinis ol sin bilong yu.” Na bilong soim olsem em i g*t olgeta pawa bilong lusim sin, Jisas i oraitim s*k bilong dispela man, na em i kirap na wokabaut.

Long kingdom bilong God olgeta hevi i mas go pinis. Krais i kam long mekim dispela olgeta graun i kamap nupela. Em i g*t pawa bilong mekim olsem, long wanem, em i g*t pawa bilong lusim sin. Olgeta samting yumi yet i mekim long stretim sampela hevi long dispela graun, em bai i helpim liklik tasol. Em gutpela long yumi i stretim ol samting nogut long dispela graun, bilong oraitim s*k, bilong stretim ol haus i bruk. Tasol yumi no inap long stretim ol bel i bruk na bagarap.

Krais i stretim as bilong ol hevi. Na as bilong ol hevi na s*k em i dispela sin i stap long bel bilong man. Krais i givim yumi wanpela nupela bel na nupela hop wantaim. Tasol em i no pinisim wok bilong em olsem. Nog*t. Em bai i givim nupela heven na nupela graun long yumi tu.

Sapos em i lusim ol rong bilong yumi long tude, tumora bai yumi lukim ol lek nogut man i kirap, na ples drai nating bai pulap long ol naispela plaua tru!

--
Pikinini, bel bilong yu i ken i stap isi. Mi lusim pinis ol sin bilong yu… Yu kirap na kisim bet bilong yu, na yu go long haus bilong yu. – Matyu 9:2,6

Address

Covenant Reformed Church Of Papua New Guinea, NPF Graun, 9-Mile
Port Moresby

Telephone

+67576012480

Website

Alerts

Be the first to know and let us send you an email when Reformed Churches of PNG posts news and promotions. Your email address will not be used for any other purpose, and you can unsubscribe at any time.

Shortcuts

Share

Category