St. Mary's Orthodox Christian Youth Movement, Ghala, Muscat

07/06/2026

🌱 ലോക പരിസ്ഥിതി ദിനം 2026 🌱

പരിസ്ഥിതി ദിനത്തോടനുബന്ധിച്ച് സെന്റ് മേരീസ് ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ നേതൃത്വത്തിൽ ദേവാലയ അങ്കണത്തിൽ വൃക്ഷത്തൈകൾ നട്ടു. പ്രസ്ഥാന പ്രസിഡന്റും ഇടവക വികാരിയുമായ ബഹു. ബിജോയ് അലക്സാണ്ടർ ഉദ്ഘാടനം നിർവഹിച്ചു.

പരിസ്ഥിതി സംരക്ഷണത്തിന്റെ പ്രാധാന്യം ഓർമ്മിപ്പിക്കുന്ന സന്ദേശത്തോടൊപ്പം പരിസ്ഥിതി ദിന പ്രതിജ്ഞയും ചൊല്ലുകയുണ്ടായി. ഈ പരിപാടിയിൽ ഭദ്രാസന കൗൺസിൽ അംഗങ്ങൾ, മലങ്കര അസോസിയേഷൻ അംഗങ്ങൾ, ഇടവക എക്സിക്യൂട്ടീവ്സ്, യുവജന പ്രസ്ഥാനം ഭാരവാഹികൾ, പ്രസ്ഥാന അംഗങ്ങൾ, ഇടവക ജനങ്ങൾ എന്നിവർ പങ്കെടുത്തു.

🌿 “ഒരു വൃക്ഷം നട്ടുപിടിപ്പിക്കാം, ഒരു നല്ല നാളേക്കായി കൈകോർക്കാം.”

23/05/2026

പ്രിയരേ,
21.05.2026 പെന്തെക്കോസ്തി ദിനത്തോടനുബന്ധിച്ചുള്ള കാത്തിരിപ്പ് ദിനങ്ങൾ മുൻനിർത്തി ഗാലാ സെന്റ് മേരീസ് ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ നേതൃത്വത്തിൽ കാത്തിരിപ്പ് ധ്യാനം നടത്തി. ബഹു. പ്രസ്ഥാന പ്രസിഡന്റും, ഇടവക വികാരിയുമായ Rev. Fr. Bejoy Alexander അച്ഛൻ അധ്യക്ഷത വഹിച്ചു. SMOCYM അംഗങ്ങൾ ഗാനം ആലപിച്ച ഈ ആത്മീയ സംഗമത്തിൽ ക്ലാസ്സ് നയിച്ചത് Ruwi St. James CSI Church ഇടവക വികാരി Rev. Joseph Thomas ആയിരുന്നു.
പ്രസ്ഥാനത്തിന്റെ സ്നേഹാദരവ് നൽകുകയും, വന്നു ചേർന്ന എല്ലാർക്കും പ്രസ്ഥാനത്തിന് വേണ്ടി യൂണിറ്റ് ട്രഷറർ അനു അലക്സാണ്ടർ നന്ദി അറിയിക്കുകയും ചെയ്തു.

12/05/2026

02/05/2026

പ്രിയരേ,
പ്രസ്ഥാനത്തിന്റെ സജീവ അംഗം ശ്രീ ജോബിൻ ജോർജ് ഒമാനിലെ സേവനം അവസാനിപ്പിച്ച് നാട്ടിലേക്ക് മടങ്ങുകയാണ് ഇന്നലെ 01/05/2026 വിശുദ്ധ കുർബാനയ്ക്കുശേഷം പ്രസ്ഥാനത്തിന്റെ പേരിലുള്ള സ്നേഹോപഹാരം നൽകി.

പ്രസ്ഥാനത്തിന്റെ പേരിലുള്ള നന്ദിയും സ്നേഹവും അറിയിച്ചു. മുന്നോട്ടുള്ള ജീവിതം എത്രയും ധന്യമായി തീരട്ടെ എന്ന് ആശംസിക്കുകയും പ്രാർത്ഥിക്കുകയും ചെയ്യുന്നു.

12/04/2026

അഹമ്മദാബാദ് ഭദ്രാസനത്തിന്റെ നേതൃത്വത്തിൽ ഈ വർഷം യുവജന പ്രസ്ഥാനം “വായനാ വർഷം” ആയി ആചരിക്കുകയാണ് . അതിന്റെ ഭാഗമായി, പ്രസ്ഥാനത്തിന്റെ ലൈബ്രറിയിൽ നിന്നുള്ള ആദ്യ പുസ്തകം ബഹുമാനപ്പെട്ട ഭദ്രാസന യുവജനപ്രസ്ഥാന വൈസ് പ്രസിഡന്റ്‌ ഫിലിപ്പോസ് റമ്പാചൻ പ്രസ്ഥാനത്തിന്റെ അംഗമായ ശ്രീ സുധീപ് സി. കുര്യന് നൽകി വായനാ വർഷാചരണത്തിന് ഔപചാരികമായ തുടക്കം കുറിച്ചു.

“നമുക്ക് വായിച്ചു വളരാം.”

10/04/2026

2026-27 വർഷത്തെ യുവജന പ്രസ്ഥാനത്തിൻ്റെ ആദ്യ യോഗം 09/04/2026 വ്യാഴാഴ്ച സന്ധ്യ നമസ്കാരത്തിന് ശേഷം നടന്നു.ഇടവക വികാരിയും പ്രസ്ഥാന പ്രസിഡന്റുമായ ബഹു.ബിജോയ് അലക്സാണ്ടർ അച്ചൻ അധ്യക്ഷൻ ആയ യോഗത്തിൽ ബഹു ഫിലിപ്പോസ് റമ്പാച്ചൻ പ്രസംഗിക്കുകയും, പുതിയ ഭരണസമിതി ചുമതലയേൽക്കുകയും ചെയ്തു. 40 പേർ പങ്കെടുത്ത യോഗം പ്രാർത്ഥനയോടുകൂടി അവസാനിച്ചു.

05/04/2026

ഈസ്റ്റർ ദിനത്തോടനുബന്ധിച്ച് യുവജനപ്രസ്ഥാനത്തിന്റെ നേതൃത്വത്തിൽ ഈസ്റ്റർ എഗ്ഗുകളും, ഉയർപ്പിന്റെ സന്ദേശം ഉൾക്കൊള്ളുന്ന ബുക്ക് മാർക്കുകളും വിതരണം ചെയ്തു.
​നമ്മുടെ യൂണിറ്റ് പ്രസിഡന്റ് ബഹു. ഫാ. ബിജോയ് അലക്സാണ്ടർ, ഭദ്രാസന യുവജന പ്രസ്ഥാനം വൈസ് പ്രസിഡന്റ് റവ. ഫിലിപ്പോസ് റമ്പാച്ചന് ആദ്യ കിറ്റ് നൽകിക്കൊണ്ട് വിതരണോദ്ഘാടനം നിർവഹിച്ചു.
​ചടങ്ങിൽ ഇടവക ട്രസ്റ്റി ശ്രീ. ഷിനു പാപ്പച്ചൻ, സെക്രട്ടറി ശ്രീ. ബിനോ തോമസ് ചാക്കോ, യുവജനപ്രസ്ഥാനം ഭാരവാഹികൾ എന്നിവർ പങ്കെടുത്തു. തുടർന്ന് പ്രത്യേക കൗണ്ടർ വഴി എല്ലാ വിശ്വാസികൾക്കും വിതരണം ചെയ്തു.
​ഏവർക്കും ഹൃദയം നിറഞ്ഞ ഈസ്റ്റർ ആശംസകൾ! ✨.

04/04/2026

Easter wishes by Rev.Fr.Jain C Mathew,Vice President ,OCYM

04/04/2026

ക്രൂശിതനായ ക്രിസ്തുവിന്റെ സ്മരണകൾ ഉണർത്തുന്ന ദുഃഖവെള്ളി രാത്രിയിൽ, പ്രസ്ഥാനത്തിന്റെ നേതൃത്വത്തിൽ ഭക്തിനിർഭരമായ ജാഗരണ പ്രാർത്ഥന നടന്നു. സങ്കീർത്തന പുസ്തകത്തിലെ 150 അധ്യായങ്ങളും പ്രവർത്തകരും കുടുംബങ്ങളും ചേർന്ന് പാരായണം ചെയ്തു. രാത്രിയുടെ നിശബ്ദതയിൽ നടന്ന ഈ പ്രാർത്ഥനാ സംഗമം പങ്കെടുത്തവർക്കെല്ലാം ഒരു വേറിട്ട ആത്മീയ അനുഭവമായി മാറി.