Kainos New Zealand

02/06/2026

STAAN JOU NAAM IN DIE BOEK VAN DIE LEWE?

Kainos Familie Kerk Christchurch
Afrikaanse Kerk in Christchurch

Hierdie Sondag nooi ons jou na ’n kragtige en hoopvolle boodskap oor lewe, genade en die sekerheid wat ons in Jesus kan hê.

Maak nie saak waar jy vandaan kom, wat jou storie is, of hoe lank dit is sedert jy laas in die kerk was nie — jy is welkom.

Kom soos jy is. Bring jou gesin saam.

Sondag, 7 Junie 2026 @ 10:00
156 Greenpark Road, Lincoln

Ons het ook Sondagskool

Daar is hoop. Daar is genade. Daar is plek vir jou.

28/05/2026

Hierdie Sondag nooi ons jou uit na ’n boodskap uit Markus 2:1–12:

Wanneer ander jou dra

Daar is tye in die lewe wat ’n mens nie meer self kan loop nie.
Tye van moegheid, swaarkry, seer, twyfel en geestelike uitputting.

Maar die goeie nuus is:
jy hoef dit nie alleen te dra nie.

Kom hoor hoe Jesus mense ontmoet wat deur ander na Hom toe gebring word — en hoe Hy vandag nog sien, dra en vrymaak.

🌱 Jaartema: Bevryding
👧 Sondagskool tydens die erediens
🗓 Sondag 31 Mei
🕙 10:00

Kom soos jy is.

24/05/2026

24/05/2026

KOM, LAAT ONS BOU – DEEL 3
Nehemia

Bevryding is nie net dat God jou uit iets uithaal nie.
Bevryding is ook dat Hy jou leer hoe om te leef sodat wat Hy herstel het, beskerm kan bly.

In hierdie boodskap kyk ons na Nehemia en hoe:

bevryding beskerm moet word
ons met die een hand bou en met die ander hand waak
elkeen ’n deel van die muur en ’n verantwoordelikheid by die poorte het

Die altaar bring ons terug na God.
Maar die mure beskerm wat God by die altaar begin doen het.

Miskien is die vraag vandag nie net:
Het God al in jou lewe begin werk?
Maar ook:
Waar moet jy nou begin bou?
Watter poort moet toe?
Watter muur moet op?

Kyk gerus na die boodskap en deel dit met iemand wat dit nodig het.

Kom, laat ons bou — want wat God herstel het, moet beskerm bly.

21/05/2026

KOM, LAAT ONS BOU!
Hierdie Sondag kyk ons na Nehemia en hoe God nie net herstel bring nie, maar ook leer hoe om te bou, te beskerm en te waak.

Baie keer bid ons vir bevryding, maar God roep ons ook om mure te bou en poorte te bewaak, sodat wat Hy in ons begin doen het, beskerm kan bly.

Ons bou en beskerm.
Ons bou en waak.
Elkeen het ’n deel.

✨ Ons het ook Sondagskool
Kinders is kosbaar — ons leer, groei en bou saam.

Jy is baie welkom om saam met ons te kom aanbid.