Akl Fiji Methodist Circuit Women Group

26/07/2023

26/07/2023

Ni sa yadra vinaka na i tokani marama. Sa veikidavaki tiko yani ena yaca talei i Jisu Karisito na noda i Vakabula. Tukutuku me vakaraitaki yani na Rally Cokovata ni Soqosoqo ni Marama ena Tabacakacaka ko Viti e Okaladi, Tabacakacaka Okaladi e Loma, Tabacakacaka Waikato-Waiariki ena vakayacori tiko ena Vakarauwai ga oqo 29/7/23 ena valenilotu e Meadowlands Fiji Methodist Church, tekivu ena 1.30pm. E sa na tovolei me na live yani ena page oqo. Mo ni qai vakarorogo tiko mai kina. Ni kalougata tiko. Vinaka vakalevu.

29/06/2022

12/06/2022

Ni sa yadra vinaka na i tokani marama ena noda loma ni Tabacakacaka. Noda sota sa toka oqori na kena i vakamacala. Nuitaki ni da yaco yani kina vakalewelevu. Kalougata tiko na veiqaravi ena loma ni macawa. Vinaka vakalevu.

13/04/2022

Ni sa bula vinaka na i tokani marama. Nuitaki ni ko ni bulabula vinaka tiko vakatalega kina na nomuni vuvale. Eda sa vakavinavinaka ni da sa tekivu lotu tale e vale ni lotu ena macawa sa oti, ia, nuitaki ni da na qaqarauni ka tataqomaki tikoga ena veivanua eda lakova ni se wavoki tikoga oqo na mate sa veidewavi tiko.
Sa roro tiko mai na noda Siga Tabu ena 8ni Me, veikeda e na loma ni Tabacakacaka sa veisoliyaki oti yani na porokaramu e vakarautaka mai na turaga Talatala Qase ni Wasewase ko Viti kei Rotuma e Niu Siladi (Rev Alipate Livani), sa biu vata toka mai na Vunau, Drama kei na Sere. Era sa dui taura na nodra i tavi ena valenilotu e Meadowlands, nuitaki veikemudou mai na valenilotu e Pukekohe kei Peceliema (Kaitaia), sa na veisoliyaki talega yani.
Sa vakanuinui vinaka tu yani ena noda vakavakarau tiko ena vica na macawa sa tu mai liu qo, ka sa gadrevi tikoga na noda veimasulaki ena vuku ni veika eda lako curuma tiko qo vakakina na noda sa vakanamata yani ena noda Siga Tabu.
Me qai noda vata tiko na loloma levu mai vua na noda Kalou ko Jiova.
Loloma bibi kei na masu.
Vinaka vakalevu
Jokapeti Qalia Vuinakodu (Vunivola ni Tabacakacaka)

15/12/2021

Ni sa bula vinaka. E gadrevi me vakaraitaki yani ni sa na cegu tiko na Talanoa Session ena yakavi ni kua, ena qai vakuri yani ena yabaki mai oqo. Vakavinavinaka vakalevu ena nomuni dau vakarorogo ka veitokoni tiko mai ena vata ni veivosaki oqo. Me qai noda vata na marau ni Siga Ni Sucu kei na Tawase ni Yabaki. Ni kalougata tiko. Vinaka vakalevu.