Saptapur Mahabihar

01/05/2026

बु.सं. २५७० अाै स्वाँयापुन्हि

14/04/2026

30/08/2025

×××"अम्बपालीया प्रार्थना शिर्षकया "बुद्धं शरण गच्छामी.."×××
म्येया प्रिमियर शाे
सप्तपुर महाविहार सुधार समिति, सप्तपुर ज्ञानमाला भजन खल: या न्ह्यव्बया मिति २०८२ भाद्र १४ गते शनिवा: दिं. अाशाराम शाक्यया लेखन व दिं. नानीबाबु शाक्यया लय दुगु बाैद्ध ज्ञानमाला भजनया विश्वज्याेति सिनेम्याक्स (QFX) य छगु ज्याझ्वः याना प्रिमियर शाे सम्पन्न जुल। अखिल नेपाल भिक्षु महासंघया अध्यक्ष फ्राखु विशाल धम्मशाेभन महास्थविर भन्तेया प्रमुख अातिथ्य जुगु ज्याझ्वःलय गुरूवर संगीतकार दिं. नानीबाबु शाक्यया फाेटाेय स्वाँया गुच्छा देछागु जुल । सप्तपुर महाविहार सुधार समितिया अध्यक्ष भाजु राजेन्द्र शाक्यया सभापतित्वय जुगु ज्याझ्वस सप्तपुर ज्ञानमाला भजन खलःया संयाेजक नवीन शाक्य लगायत सकल भजन खलः सदस्यपिन्सं निपु भजन हाला लसकुस यागु जुल । सप्तपुर महाविहार सुधार समितिया उपाध्यक्ष सुरेन्द्रराज शाक्यं लसकुस न्वचु ब्यु खः । अथे हे संगितकार दिं. नानीबाबु शाक्य मरणाेपरान्त कदर स्वरूप वयकया तिरीमयजु गंगा शाक्ययात खाडा व मैत्री चिं लल्हाना सम्मान याग जुल नाप नवीन शाक्ययात न भजन म्ये मुख्य सः तगु जुगुलि कदर पत्र व मैत्री चिं लःल्हाना सम्मान यागु जुल । अथे हे भजन म्ये सुटिङ्ग यायगु झ्वलय थी थी कथं ग्वाहाली यापिं सकसित न कदर पत्र व खाडा क्वखायका सम्मान यागु ख: । श्रद्धेय भिक्षु धम्मशाेभन महास्थविर पाखे अाेवाद देशना याना बिज्यागु व म्ये संकिपाया निर्देशक रवि सायमी थःगु मन्तब्य व्यक्त यागु खः थुगु ज्याझ्वस स्वपु बाैद्ध भजन " क्राेध धयागु ...." ", छिन छिनमा याे बदली रहने ...." व "अम्बपालीया प्रार्थना शिर्षकया "बुद्धं शरण गच्छामी ...." या म्येया संकिपा न्ह्यब्वगु जुल । अन्तय भजन खलःया संयाेजक नवीन शाक्यं सकसित धन्यबादज्ञापन याना सभा क्वचायकुगु जुल । कार्यक्रम सुराेज शाक्य सञ्चालन यागु खः ।