26/08/2025
केही मत राजेन्द्र खरेलको नाममा, केही मत नेपाली काङ्ग्रेसको नाममा, केही मत शिक्षित युवा उमेदवारको नाममा, थोरै मत मासुभात, पेट्रोल र पकेट खर्चको नाममा पाएर दुई-दुईपटक पाँचखाल नगरपालिका प्रमुख बनेका महेश खरेललाई मासुभात, पेट्रोल र पकेट खर्चको पेरिफेरिमा रुमलिने अधिकार पाँचखालले दिएको होइन ।
पाँचखाललाई महेश खरेलले के दिए भन्ने त वस्तुगत अवस्थाको अध्यनले नै प्रष्ट होला तर महेश खरेल भन्ने नाम स्थापित गराउँने काम पाँचखालले गरिदिएको हो; राजेन्द्र खरेललाई मत दिएका काङ्ग्रेसका सबै मतदातालाई पनि महेश खरेलको नाम थाहा थिएन ।
महेश खरेल हालसम्मलाई नगरपालिका प्रमुख हुन्; पाँचखालका अभिभावक हुन् । कसैको वहकावमा लागेर या स्वयम् विवेक गुमाएर आफ्नै नगरका नागरिकमा चरम दमन गर्ने अधिकार खरेलमा छैन र आएका हरेक समस्याको शान्तिपूर्ण निकास खोज्ने जिम्मेवारी पनि स्वयम् खरेलकै हो न कि जाहनिया रुप धारण गर्नु ।
